ارجوكم يا استشاريات ساااعدوني موضوعي مهم للغايه

[عالية المعالي]

بسم الله الرحمن الرحيم ​

السلام عليكم ورحمة الله وبركاته ​

أبدأ هذا الموضوع والذي هو في واقع الامر يخص انسانه عزيزه عليه جدا وسأتكلم به كأن الموضوع يخصني ولكنه في الواقع يخصها هي ​

في البدايه ارجوكم اريد حل لهذي السالفه لانه بالفعل موضوع حرام ينتهي وبإذن الله تعالى على ايدكم بيكتمل وبيكون لكم الفضل الكثير بعد الله سبحانه وتعالى ​

بدأ الموضوع (ن) إنسان مطلق قبل 3 سنوات وبعد هالفتره تعرف على ناس دلوه على (س) وسبحان الله تمت الخطبه على خير ومشى الموضوع وصارو الاثنين يكلمون بعض وبدأت بينهم قصة حب كبيره وطالت فترة الخطوبه لأكثر من سنتين وبعد هالفتره صار الشخص (م) اللي عرف (ن) على (س) يحاول الاتصال بها بحجة انه يبا يقولها معلومات تخص (ن) وطبعا كثرة الاتصالات فيما بينهم بدون معرفة (ن) للموضوع وفي حقيقة الامر (س) ماكانت تتجاوب معاه وكانت ترد على مكالماته لمجرد انه سوا فيها خير وعرفها على حبيبها اللي صار كل شي في حياتها وهي كل شي في حياته ​

مع الوقت صارت اتصالات (م) كثيره وبشكل يومي ل (س) ودام هالموضوع اكثر من سنه يعني بعد مرور 3 سنوات على العلاقة والاطاله بموضوع الخطبه اكتشف (ن) ان رقم حبيبته في موبايل (م) صديقة الوحيد ،، حاول مواجهتها ولكنها انكرت وبررت له بأنها بس كانت تاخذ معلومات عنه من ربيعه لكنه وللاسف ما صدقها وبعد هذا انهى الموضوع برغم من انه يحبها حب جنون الا انه قالها كل شي ارضاه الا الخيانه وبالفعل تم الانفصال لمدة 5 شهور وبعد هالفتره رجعت (س) وكلمت حبيبها وقالت له انا ندمانه وصدقني ما راح اعيدها وابي اغير من نفسي علشانك واللي صار نزوة شيطان ....... ورجعت العلاقة ولكن طبعا الثقه من (ن) معدومه نهائيا في (س) واستمرت علاقتهم 7 شهور وبعدها فاجئها بخبر انه بيتزوج .....وهنا عاد كانت الصدمه
(س) بيتزوج !!!!!!!!!!!!!!! وانسانه غيري !!!!!!!!!!!!!!!!!!!!!!​

كانت بتموت ؟؟؟؟؟ والله صدق بتموت ........... ومن مطوع لمطوع ورجعت لربها ودعت وصلت وتغيرت بالفعل 180 درجه تحطمت صارت انسانه ثانيه وحاولت تنسى (ن) حبيب عمرها وافترقوا لمدة 9 شهووور ​

وبعد هالفتره وبعد ما فقدت الامل فيه بأنه خلاص تزوج سمعت من وحده انه بعده يحبها وسبحان الله ما توفق بموضوع الزواج وقررت وبعد الاستخاره انها ترجعله ... ورجعت بالفعل .... وبدت قصة الحب تعيد نفسها وقاله انه بعده يحبها ويغليها لكن للاسف ما في ثقه هذي هي كل مشكلتي معاج ابي احس بالثقه بس مب قادر ​

ادري خواتي الغلط على (س) والحق كله ل (ن) لكن الحين شو الحل علشان ترجع الثقة شو المفورض ربيعتي تسوي علشان ترجع لخطيبها الثقة ​

ارجوكم ابي حل الله يخليكم ​

انتظر ردكم ​

 

[مناكير وردي]

والله اللي المفروض يصير انهم يودعون بعض على خير
علاقه الزواج بينهم ماتصلح ابد ابد ابد
قوليلها لو تبي راحة البال وعدم الإهانه تشيل فكرة الزواج من بالها بالمرررررره
اساسا فترة خطوبة دامت سنتين بدون ارتباط شرعي وفيها مكالمات وحب هذي ما منها فايده
تتركه وتحتسب هالشي لوجه الله لو هي فعلا تابت
وهو يدور وحده يتزوجها بنت ناس ويحبها وتصونه وتنسيه كل شي
حتى لو اقنعها انه نسي وصار واثق فيها قوليلها لاتاخذه لان الذاكر بتردله بعد الزواج ويتحول الحب لعداوة
الله يصبرها

 

[عالية المعالي]

والله اللي المفروض يصير انهم يودعون بعض على خير
علاقه الزواج بينهم ماتصلح ابد ابد ابد
قوليلها لو تبي راحة البال وعدم الإهانه تشيل فكرة الزواج من بالها بالمرررررره
اساسا فترة خطوبة دامت سنتين بدون ارتباط شرعي وفيها مكالمات وحب هذي ما منها فايده
تتركه وتحتسب هالشي لوجه الله لو هي فعلا تابت
وهو يدور وحده يتزوجها بنت ناس ويحبها وتصونه وتنسيه كل شي
حتى لو اقنعها انه نسي وصار واثق فيها قوليلها لاتاخذه لان الذاكر بتردله بعد الزواج ويتحول الحب لعداوة
الله يصبرها

مشكوره يااختي الغااليه على الرد

لكن في اغلب الاحيان الانسان يلف ويدور ويمر بتجارب وفي اخر المطاف يرجع لصوابه
هو يحس انها تكمله وهي تحس كذالك وربج يكتب اللي فيه الخير والصالح
ومازلت انتظر رد الاستشاريات

تسلمين غلاااي ما قصرتي

 

[العفر]

وين الاهل؟؟؟؟؟؟؟؟؟؟؟؟؟؟؟؟المفروض الاهل يحددون ها العلاقه, استوت الخطبه وعجبوا بعض, خلاص لازم الامور تاخد مجراها الصحيح