ارجوكم ساعدوني ماذا افعل مع زوجي .........

[سوزي سوزي]

صباح \ مساء الخيرات
كيفكم جميعا .... احب اشكر القائمين على هالموقع المميز ...
ماراح اطول بالحكي راح ادخل بالموضوع ... انا اعاني من كذب زوجي المحترف انا تعبت معه على اني اعرف انه كذاب واقوله بس يجحد ويدخلني بمتاهات مع هذا هو مدرس ويكلم شباب في شي مايرضي الله ولما اقوله شي يقول هم من طلابي يستهبلون واستهبل معهم وانا متاكده 100% انه كذاب لاني شفته مره وهو يكلم كان في وضع محرج بصراحه وغير كذا لما ابي اتفاهم معه على موضوع يقفل الموضوع قبل افتحه مايبينا نتناقش في شي واذا زعلت يقول يالله قولي اللي عندك ولما اتكلم احسه يتمسخر علي بكلامه اي شي اقوله يعلق عليه بتفاهه انا بكمل 5 سنين معه حاولت اغيره بس مافيه فايده وش اسوي .................
مع العلم اني اكرهه بس ما اقدر اعيش بدونه ممكن علشان ولدي واللي بطني ( غلطة عمري ) .......ارجوكم ردو لي ساعدوني وش اسوي معه انا تعبت لدرجه اقول باخذ موعد مع الدكتوره النفسيه بس متاكده انه راح يتمسخر علي ..........
عذرا على الاطاله ....

 

[hghldvm]

الله يعينك ماعندي علم عليك بالاستغفار والدعاااااء

 

[زهور الدار]

اوصيك بالدعاء الدعاء الدعاء ولا تتركي الاستغفار

 

[..اكليل الغار..]

يااختي طنشيه وغيري من نفسك ابتسمي ولا تحققي وخليك ثقيله وامسكي عليه شي وابحثي عن قصة ام بسمه وحتفيدك ربي يسعدك.

 

[لمسة فخامة]

اشغلي نفسك وطلعي مع صديقاتك وبيني له انه مومهم وانه مو كل شي في حياتك وبتشوفي كيف بيتغير معاك

 

[نورس الحب]

يعني لوطي هو مااادري بس لابد من أخذ موقف صارم

 

[ام البوبو]

الله يعافيك ياوخيتي وضحي
وشلون يتكلم معهم بشي مايرضس ربي ؟؟؟؟


ابي افهم لاني عندي ولد واخاف عليه من رفقاء السوء بس ماتوقعت انو في اساتذه بعد سوء
تكفين نوريني
الله ينور عليك دنيا ودين
ويفرججها عليك من واسع ابوابه

 

[الزنبقه السوداء]

انا مافهمت (كان في وضع محرج)هل هو مثل ماقالت الاخت نورس الحب،اذا كان كذا عليك تستشيري ناس كبار لها علم ودرايه .
اما باقي ماكتبتي والله كأنك تكتبي عن زوجي ،نصيحتي اذا تبي تناقشيه:لازم في وقت يكون هادئ وعنده استعداد، واذا مافي استعداد وهذا غالبا حددي لنفسك يوم ،مثلا اتصلي فيه وهو بره قولي ابي اتكلم معاك او قبل مايطلع من البيت، راح يقولك خير ايش عندك ، حتقولي له ابي اتناقش معاك في موضوع حيقولك قولي اللي عندك وخلصيني، (هذا السيناريو اللي يحصل معايا دائما )، بس انتي لا تردي عليه قولي له لما نجلس سوا في الليل نتفاهم ،اذا استجاب لك وجا البيت ادخلي انت وياه في غرفه يكون نورها هادي غير غرفة النوم وافتحي شريط سورة البقره بحيث تسمعوا الصوت واطي وابدأي بالكلام وقولي اللي عندك
لو ماستجاب وقال لك قولي اللي عندك وخلصيني اكثر من مره : تكلمي بكل اللي بخاطرك حتى لو تتكلمي وانت وهو تمشوا غير مستقرين في مكان،قولي كل اللي بخاطرك، ولاتردي على مسخرته ابدا لانها راح تنقلب ضدك وتأكدي وكوني على ثقه انه يسمع كل كلمه ومركز معاك بس مايبين قولي كل شي واطلعي من عنده .
ومره بعد مره حتشوفيه يستجيب بسرعه .
اما الكذب فهذا ليس له حل الا الدعاء لانه طبع ومااعتقدانه راح يتغير لان الكذب ليست من صفات المؤمنين فحاولي تتأقلمي معاه لكن (لايأس مع الحياه) تكلمي معاه على الكذب وجيبي له احاديث عن الرسول بس يكون اسلوبك خوفا عليه وحبا فيه وليس نصيحه . والله يهديه لك ، ويألف بين قلوبكم .

 

[سوزي سوزي]

تسلمو حبايبي على الردود الله يخليكم
اللي ابي اوضحه لكم انه كان في وضع محرج كانه مايكلم ولد كانه يكلم بنت وداخل معها جو بس اللي انا متاكده منه انه يكلم اولاد مش بنات .. هم مش طلابه يتعرف عليهم عن طريق الشات بس لما يقولهم مواصفاته لهم كلها كذب بعدها يصير الاتصال بينهم عن طريق الجوال بس ما اتوقع انه يقابلهم لان المواصفات اللي يقولها لهم تختلف كثير عن مواصفاته بس الله يهديه ويهدي جميع شباب المسلمين ...