ارجوكم ادخلو وافيدوني

[ام جوهر]

انا عندي طفل عمره سنتين 9 شهور وربي نحيف موت كنه طفل صغير رضيع
وبعد شقي لا ياكل لا زبادي لا يشرب حليب ولا شيي الغداء 3 لقمات وبلغصب بعد
وربي ياكل الي تعبت موت تعبت تكفون اترجاكم الي عنده خلفيه يفيدني
كيف اكله مشكلته عنيد لو انظرب مراح ياكل لو دلعناه ماياكل تعبت منه
وربي اكلمكم ودمعتي على خدتي وغير انااس والحريم ياربي ياحرام اشفيه نحيف مره
ليش متاكليه ماصرت اروح عند الحريم وربي تعبانه نفسين غير ابوه بس يهاوشني

يقولي انتي مهمله اطفل وماتهتمي فيه ويظربه على الاكل عشان ياكل ومايرضى ياكل شي
اعطيته فتامينات مانفع لانو ماياكل اصلا ابغى شي مفيد له وطريقه صحيحه ابغى شي مشهي له
ياكل على طول ابغى وصفات وجبات للاطفال مفيده ابغى تفيدوني شهر ونروح الديره وربي بياكلوني هم بعد اابو ابوه واهلي بيجلسو يعيبو فيني
ولي ماعنده خلفيه اتمنى بس و اترجاكم ادعولي ولولدي ان ربي يفتح شهيته وياكل
وربي وربي لما اشوفه ابكي عليه علما انو مو مريض الحمد الله ولا يشكو من شي
تكفون يابنات يامهات تجاربكم والله يوفقكم ويسعدكم ويفك كل كربة مسلم يارب

​

 

[مشاعل666]

حبيبتي ولدي مثله تماما ورحت فيه لدكتور الأطفال

وقاللي اللوز عنده كبيره مرة ومضايقته في البلع ودايم تلتهب

وان شاء الله بعد 6 شهور بشيلها

روحي بولدك لطبيب اطفال عشان يطمنك

 

[ام جوهر]

تسلمي قلبي فديتك
وربي فرجت عليه قسم متضايقه
موت ولا يجيني نوم ولا راحه
الله يوفقك يارب ويخليلك اولادك يارب
بس مايمنع اسمع ارئى من الجميع
تكفون لا تخلوني

 

[ام جوهر]

وينكم حبايبي

 

[ام جوهر]

بس يامشاعل ولدي الحمد الله بفضل رب ماتلتهب الوز عنده
مدري شو المشكله
اعطوني طريقه وفتامين او فاتح شهي مجرب
وربي ورب الكعبه مانساهاا من دعى كل ماشفت ولادي
حالته زينه دخلت عليكم ساعدوني

 

[هوآها شرقي]

الله يعافيلك ولدك يارب

طيب روحي حق استشاري اطفال يسوي له تحاليل ويصرف لك الدوا المناسب لحالة ولدك

بنتي عمرها سنتين واربع شهور ووزنها 9كيلو وعرضتها ع طبيب اطفال وغير حليبها واسمه نوفلاك وصرف له فيتامين واسمه ريافيتا والحمد لله وربي ان صحتها تحسنت وصارت تاكل افضل من اول

والله يخلي لك ولدك ويعافيه

 

[ام جوهر]

تسلمي هواهاا شرقي
على المرور والفاائده والله يخليلك بنتك يارب
باذن الله اروح بس وربي تعبت منهم
يقولو مافيه شي
وربك كريم غلاتي

 

[نيلوفر عبق]

اختي لايضيق صدرك كثير نساء يشتكون من السالفه هذه
اهم شي يكون وزنه صحي وحولي تعطيه الاشياء اللي يشتهيها
والحريم على قولتك كل ماشافو ولدك يعلقون اساسا الحريم مايخلون احد بحاله
نحيف ولا سمين لاتضيقين صدرك​

 

[عطر الكون @]

هذا شي طبيعي لا صار سليم ومعافى قولي الحمد لله انا بنتي نحيفه مرررررره وكل من شافها يعطيها اصغر من عمرها ووديتها لدكتور قال هذا طبيعي يمكن طفلك بنية جسمه ضعيفه وراثه اذا في احد منكم كذا وبالنسبه للشقاوه المفروض مانقول شقي لأن هذا المصطلح ينقال للكفار ولكن نقول حرك او حركته كثيره
وترى الجيل هذا ماشاء الله حركتهم بزياده وانتي حاولي مايرضع قبل الأكل علشان ماتنسد نفسه
والله يخليه لك ياااارب ويعافيه

 

[يارب اغفر لي]

طيب غيري حليبه
واهم شي يكون بصحه وعافيه ربي يصلحه لك ويهديه ويجعله قرة عي لك ولابوه

 

[نووووفه]

جارتنا من اهل الجنوب تقول الولد اذا كان يطيح كثير يجي له مرض اسمه القفا يسبب قلة النوم وضعف الشهيه
وتعالجه هيه بنفسها تدهن راس الولد ورقبته بزيت زتون وتسوي مساج للرقبه ما اعرف اوصف لك بس ياليت بنات الجنوب يفيدونك انا عمري ما سمعت به الا منها
المساج 3ايام في الصبح بزيت الزيتون جربي ما رح يصير شي
الله يشفيه لك ويسلمه

 

[غيمت غلا]

انا ولدي كذا شهيته ضعيفه والحليب دايم يرجعه عاد وديته عند دكتور شعبي..ههههه شايب قالي ما ينفع مع ولدك الا الكي وكوى ولد بقشه صغيره مره 5 فصدره وبعده الحمدلله لرجع طبيعي
بس ولدك يمكن بدى يستطعم الاكل ولدي الحين عمره سنه ما ياكل كثير وديته دكتوره قالتلي بد يستطعم الاكل عادي عني الولد صار بي ياكل على ذوقه