اربع ايام وبيرجع

[dre@m]

سلام عليكم اخواتي .....
زوجي مسافر وبيرجع بعد اربع ايام بس انا مومرتاحه في الفتره الاخيره دخل الشك الى قلبي مع العلم انه مايقصر فيه ابدا سفريات دايما ويعاملني احسن معامله وهو قليل السفر لوحده بس المشكله في المكان هوه مسافر الى المغرب وانا خايفه من الجو هناك او رفقاء السوء هل اصبر ويمر الموضوع على خير او اناقشه المشكله انه يكلمني مره وحده فقط ويقول ليش ماتكلميني ولما اتصل مايرد انا اقول مايرد لان معه احد ولما يكلمني يكون المكان هادي ويقول انا مشغول بكلمك مره ثانيه انصحوني شسوي

 

[Luv]

لا تشكين يالغالية اذا ما عندج اي دليل .. ترا من كلامج ايبين انه بس وسواس وهو ما قصر معاج في شي.. اذا ما تكلمينه طرشيله مسجات.. وادعي الله انه يحفظه ويحفظه في سمعه وبصره وانه ما يطالع البنات هناك.. وانشاء الله يكون خير..

 

[القلب المهموم]

الله يعينيج بس بصراحه انا اخاف من السفرات وخصوصا بره ادعيله انه يحصن فرجه من الحرام ويجنبه الفواحش ماظهر منها ومابطن ويهدي سركم امين

 

[معاناة دمعه]

لاتخلين للشيطان مدخل اتقي الله وتعوذي من شر شياطين الانس والجن
وكلما زاد الوسواس والشك زيدي في الاستغفار والذكر
اللهم لاتجعل الدنيا اكبر همنا ولامبلغ علمنا

 

[الملكه نور]

الله يهبطك انشالله

 

[عيون الكون22]

مساء الخير ....
حبيت اقولك اذا رجع حاولي انك تغيري حال غرفتك والبسي لبس يحبه
خلي يحس ان شاف تغيير منك حاول تحسسينه انه كل شي بحياتك
واتمنى لك التوفيق الدائـــــــــــــــــــم

 

[ناشب بشعري علتس]

يا اختي الحبيبه .. لا تخلين للشيطان مدخل بينتس وبين زوجتس

الله يتمم عليكم ... انتي تشهدين له بانه مايقصر معكم وان سفرياته لحاله قليله

تعوذي من ابليس وانا اختس ورتبي نفستس وبيتس ...واستقبلي رجلتس

والله يوفقكم .. ويديم عليكم السعاده

 

[الحالمة دائما]

الله يسعدكم ياعضوات المنتدى والله لما قرأت مشكلة الأخت قلت الله يعينها بيخربون لها بيتها بكلامهم بعض الأخوات لكن ماشاء الله عليكم ياعسولات ريحتوها بكلامكم - الله يهديلكم أزواجكم يارب ويخلي بيوتكم أسعد بيوت يارب