اذا كنت مو متقبله ابو الشباب أيش اسوي؟؟؟؟؟

[ش25]

مساء الخير صباح الخير
أو أحسن السلام عليكم ورحمة الله وبركاته
غالياتي عضوات منتدىمملكة بلقيس أشكركن من كل قلبي وأدعو لكن جميعا بالتوفيق على مواضيعكم المميزه والجميله واللتي أستفدت منها كثيرا

لدي مشكله واريد منكن المواساه والنصح والتخفيف عني لانكم ما شاء الله خبره وتحبون تساعدون بعض ومتكاتفين و لاني امر بظروف صعبه قليلا
أنا بنت عمري 25 سنه متملكه على ولد عمي من أسبوع بس وزواجنا بعد عشرة ايام بالضبط
المشكله ياجماعة الخير اني احس أني مو متقبلته ابد هو مو شين ولا فيه عيب ظاهر وحن مانكلم بعض بس ماأحس أني أحبه أوأني بأقدر اعطيه وماني متقبله أنه راح يصير بينا علاقه أو أنام معه ...سوري بس علشان هذا هو الأساس أنا فعلا ماعندي رغبه اتزين له أو أكشخ أحيانا احس نفسيتي زفت وكارهته وأحس أني كنت غبيه وسخيفه لمن سمحتلهم يزوجوني ياه

واحيانا احس السبب أني ماعندي ثقه كبيره في نفسي بصراحه
انا حلوه وجميله بس السنتين اللي فاتت الللي هي فترة الخطوبه أحس تدهورت شكليا وجسديا
وزني زاد جدا وشعري المشهور بجماله تدهور
وبشرتي الرايقه بدت تتعفس وأحس أني منهاره وماعندي أي رغبه أهتم وأعدل في نفسي ما أدري ياربي أسال نفسي معقوله أنت بتتزوجين بعد عشره ايام أنت صاحيه
أطالع في المرايه اشوف وحده كارهه نفسها وزوجها والعالم
يا حبيباتي ساعدوني هل أنا ماخذه الوضوع جدأكثر من اللازم
هل هذا الشعورعادي
وشكرا

 

[أمـيره]

انتي الوحيده القادره تحلين مشكلتك

أسئلي نفسك شنو اللي منفرني منه بالضبط

شكله والا مستواه والا عشانك ماكلمتيه وتعرفتي عليه والا والا

لين تعرفين شنو اللي مضايقك على اساسه قرري ياتكملين معاه او تتركينه

موفقه

 

[همسني الشوق]

لا با العكس تنتظرك ايام جميله باذن الله ادعي ربك با الايام الجايه انوه يصب المحبهااا بقلوبكم انتي وخطيبك
وسوي تمرين هذا ان شاء الله يفيدك قولى النفسك هذااا هوحبيبي زوجي وكرري الكلمه الحلوه هذي كم مره وحولي تعيشينهااا بخيلك
الله يوفقك وبنات المسلمين اجمعين

 

[أحلى خوخه]

حبيبتي أتوقع هذا شي عادي وطبيعي انتي داشه على حياة جديده ومع انسان حتى لو هو ولد عمج يعتبر غريب عنج.....
وهذا زواج مولعبه بالبدايه بتخافين وتتعبين وتكرهين هالشخص وبعدين مع الأيام بتأقلمين وبتحبينه وماراح تقدرين تبتعدين عنه....
والله يوفقج

 

[محبة مكة]

هادا وسواس تعوذي
الشيطان ما يبغاك تتزوجي
هو اساس خراب البيوت
وانتي ادعي انك تكوني اجمل وحدة في عينه

 

[أحاسيس الغرام]

غاليتي ..
...
المشكلة منك إنتي مو منه ..
مو معقول باقي ع زواجك 10 أيام ..
وانتي لساتك ع هالحالة ..
إنتي فكري إنه راح يكون شريك لك ..
إنسان في حياتك يعطيكي حبه وتعطيه حبك ..
يهتم فيكي وتهتمي فيه ..
يغمرك بحنانه .. ومشاعره .. وإنتي نفس الشي ..
\\
يلا حبيبتي قومي شدي حيلك ..
هذي الحلة يمكن لأنك ماكنتي تتخيلي إنك تتزوجي ..
بنات كثير أعرفهم صارت لهم مثل هالحالة ..
والحمد لله عدت ع خير وشوفيهم مبسوطين وماعندهم خلاف ..
...
يلا قومي واهتمي في نفسك تقدري في هالعشرة أيام ..
تغيري من نفسيتك بشكل كامل وجذري ..
...
الله يوفقك يااااارب ..
ويساعدك وييسر لك زواجك ..
\\
تحيــــــــآآآتي ..​

 

[لولو 20002]

غاليتي

اذا استمريتي في هذا التفكير السلبي فستفشل حياااتك 00 لا مجاال لديك للاختيار او التغيير فالفااس وقع بالرااس ولابد ان تتعلمين ان توحي لنفسك بحبه وان تهتمي له 0 حتى تبدا حياتكم مثل الاخرياات جميله
اما لو ظللتي على تفكيرك السوداوي نحوه فستسوء حيااتك بيدك لانه سوووف يلاحظ مجاملتك له ويشعر بانك لا تريدينه وهذا الشعوور يسبب للزوج اهاانه ويتغير طبعه حتى وان كاان حنون وستعيشين جحيم صنعته بيدك

الحب سياتي بعد الزواج وهذا الحب هو الدائم لانه ياتي بتدرج ويكون قوي ويختلف عن الحب الذي تريدينه من اول نظره فاغلب هذا الحب ينقلب كره 0

استمتعي بهذه الايااام فانتي وحدك من يصنع السعاااده في داخلك وارمي تلك المشاااعر التي ليس منها فائده سوى تعاستك وتعاسه بيتك ولاتنسي ان اغلب المتزوجاات مثلك ولكن الذكيه من تداركت الامر وعاشت لتبني بيتا سعيدا

واااسفه على الاه طاااااال​

 

[ندى3]

هذا شعور طبيعي لانك خايفه من الزواج اتكلي على الله وتفائلي خير وزوجك اللي تحسين انك ماتحبينه بكرى مع العشره تموتين عليه بس اهم شي شكلك اهتمي فيه عشان ماينصدم فيك خليه يشوفك باحلى صوره

 

[مزايا انسانه]

قلب المؤمن دليله
اسعدك الله ​

 

[أم ميسوـوـو]

آستخيري حبيبتي وربي كااتبلك الخيره فيييين ..}

 

[وحيده في دنياي]

اسألي نفسك ؟؟
وش الشي اللي مخليك ماتبغينه ؟؟
وحاولي تحلين المشكله

 

[القلب الخاشع]

وبشر الصابرين
مع الوقت راح تتئقلمين

 

[جرح الشوق]

عليك بالاستخاره والدعااااااء والله يسعدك يا قلبي