اذا كان عظم الحوض مفتوح

[أبله سارونه]

السلام عليكم ورحمه الله وبركاته

انا حبيت افتح لكم هالموضوع لانه يخصني انا من حملت وانا مشيتي مو طبيعيه كأني بطريق
وتوقعت السبه الحمل لكن بعد ماولدت ماتغيرت مشيتي ولمن جبت اللي تدلك قالت ان عظم الحوض مفتوح فحبيت اسالكم اذا اكو وحده تساعدني وتقولي شنو علاج هالمشكله هل تدليك هل اكو احد يفيدني بس قالت لي لازم طول الاربعين ما ارتز واقعد كل منسدحه بس طبعا بحكم اني والده وعندي بنت قبل فماكو سدحه كل قاعده ربي يعين
انتظر ردودكم شسوي هل في حل ولا لا​

 

[نــ ووو ف]

والله يا ابله ساروونه ما عندي خلفيه بهالموضوع
لاكن اتوقع انه من الحمل والولاده يعني عاااااااااااااادي وطبيعي ان شاء الله
ويبيلك شوية وقت على ما كل شي يرجع لمكانه

 

[أبله سارونه]

ياهلا وغلا حبيبتي نوف شخبارج

ما ادري والله بس صديقتي تقول انتي قبل ما تحملين مشيتج مو عدله وانا ودي ارجعه ماعندكم فكره لو ممكن يرجع بالتدليك ؟ او اسوي مشد وحزام صوب الحوض مو البطن عادي او لا

 

[بيبي الحنونة]

الله يعينك يا أبلة ساونا
بس انا كان عندي الحوض مفتوح والحمد لله بعد 3 أشهر اتعدل

كنت أجيب واحدة ممرضة تعمل لي علاج طبيعي والحمد لله من بعد مشيئة ربنا اتعدلت الأوضاع

لو اتي من جدة ممكن ارسلك الرقم وتكلمها

والله يتمم عليكي الصحة والعافية يارب

 

[ابداعات مبدعة]

السلام عليكم

اللي أعرفه ان عظام الحامل تتفكك شوي عشان الولادة.. وبعد الولادة تحتاج تدليك.. ما أقصد المساج لا..
قصدي ان اتيي الداية تجمع العظام بإنها تضغط عليها...
أنا بعد ولادتي كان هالشي مأثر على ظهري ودايما يعورني
يتني الداية وبمساعدة الوالدة رقدتني ويلست هي على جنب والوالدة على الجنب الثاني.. يعني متقابلين وأنا يالسة بالنص.. أتمنى الصورة تكون واضحة.. وبعدين حطت ريولها(القدم) على الحوض من الجنب والوالدة نفس الشي بس من الجنب الثاني وضغطو على عظم الحوض بالأقدام عشان العظام ترجع مكانها..وبالفعل اختفى ألم الظهر تماما...
جربي الطريقة بمساعدة الوالدة أو خواتج يمكن تفيد لمشيتج
والله ييسر لج