اذا قالك زوجك شو هالكشخه!!!

[شوكولا777]

الوحده يوم تكون لابسه وكاشخه تسحر العيون.

طبعا وزوجك لما يشوفك راح يبطل عينه ويقول شو هالكشخه!!!

شو ياترى بيكون ردت فعل الزوجه ؟؟؟؟
ابتسامه :blush-anim-cl: ام خجل :in_love: ام غمازه :msn-wink:

ام أخواتي في المنتدى عندهم حركات جديده

 

[الامواج]

ابتسامه وع شوية خجل وكلمة ( عيونك الاحلى ) والافضل انها تقول شكرا ..

 

[شوكولا777]

لا مايصير 10 يقرءون وحده ترد
معقوله ماكان لك ردت فعل بعد
مدح الزوج !!!

 

[قلب ذاكر]

اقوله عيونك الحلوه تسلم لي

 

[أترجة]

شوكولا تعليقات كثيرة يبالها ردود عندي
لأني ما أعرف أرد أبداً
التطور الوحيد عندي كلمة تسلم
يا ريت البنات يفيدونا
وهذي بعض العبارات اللي يبالها رد
مثل إذا قالك زوجك ... فديتك ... شو الرد المناسب
والله حرمتي حلوة ... أو محلوة اليوم ...أو يا بعد عمري
أو فديت أم العيال ...
والله كلمات كثيرة أعجز عندها وما أعرف أرد
وزوجي بالمقابل يقعد يناظر ينتظر الرد .. لكن لا حياة لمن تنادي
ومرات أحصل لي تعليق يخرب علي الفرحة بالكلمة
ننتظر الخبيرات
دمتي بود عزيزتي شوكولا

 

[البسمة العذبة]

شوكلا 777

المفروض ماتبين له انك مو واثقه مثلا او فرحانه بمدحه بقوه مثلا تقولين
صحيح ؟؟؟؟؟؟ اعجبك ؟؟؟؟

طبعا غلط
قولي له بابتسامه ثقه او دلع شكرا ,, تسلم لي يابعد عمري ,,
عيونك الاحلى ,, من ذوقك وهكذا

عاد فيه بنات كلامهم عسل ننتظر منهم كلمات اكثر

 

[شوكولا777]

طبعا هذي فرصه انك تاخذين مدحه بكل دلال..وتتفننين بحركات الدلع..يكفي حركاتك تعبر .

..
وين أختنا دلع وغنج اتفيدنا...

 

[أحاسيس أنثى]

اقوله ( عيونك الحلوه ) مع غمزه :msn-wink:

 

[سلة فواكه]

راح ابتسم واقول شكرا
مع انه ما يقولها لو شنو لبست

 

[**angel eyes**]

قولوا ماشاء الله ولاحول ولاقوة الا بالله

لما يقولي شو هالكشخة ؟ طبعا حسب المزاج مرات أرد عليه بدلع فديتني والله كلي ذوق من تحت لفوق!!
أو أرد عليه بمرح أعيونك الأكشخ!!
عيونك الحلوة:cupidarrow:
ومرات ابتسم له واروح عنده وابوسه على اعيونه واقوله تستاهل فديتها لانها ذوق..:blush-anim-cl:
فديتج =فديييييييت اللي يتفداني ياربي
أو فدييييييت روحك
يرد علي فديييييت أمن يابتج
محلوة اليوم = اعيونك الحلوة
والله حرمتيه حلوة =الله يحلي ايامك
أو وحدة عندها ريل مثلك كيف ماتحلو!!
أترجة انا كنت قبل لاتزوج
لما يسويلي شي حلو أو يكون كاشخ ..
اقوله ياربيييييي جم بعيش وأحبه..
تخبل به هالجملة:in_love:
هااااااااااادية ومايخصني وزوجي دوم يحرجني بكلامه الحلو عسى الله لايغير علينا ومرات كنت استحي ارد ومرات ماعرف شقول .. فتم مايقولي مثل أول طبعا انقهرت وعرفت ان الخلل مني لأن الجزاء من جنس العمل عقب عودت عمري دوم أقوله كلام حلو وهو يرد علي بأحلا منه ..

 

[umm_reem]

بكل دلع .....اقول....ثااااااااااانكس....
المشكله ريلي اذا حب يمدح يقول....اقري على عمرج؟؟؟؟

 

[ريمانوفا]

هو:ريمانوفا ...شهالكشخه اليوم ......:1eye:
انا:بس اليوم ..........(مع شوية ابتسامه وحمرة خدود.>>>امثل الاحراج والدلع.....زعل اطفال موكبار...)
انا كل يوم اكشخ ........:msn-wink:.....يوووه بيبي اشوف عيونك .....وهات ياحكيمة عيون؟؟؟...اخيرا نظرك صار 6 على 6الحمدلله والمياة البيضاء في طريقها للزوال ...ههههههههههه...:blush-anim-cl:.شفت شكثر المشاغل ماخذتك عني......
يعني واااااااااااااااااثقه..:icon30: من نفسي​

 

[umm_reem]

لما يقولي شو هالكشخة ؟ طبعا حسب المزاج مرات أرد عليه بدلع فديتني والله كلي ذوق من تحت لفوق!!
أو أرد عليه بمرح أعيونك الأكشخ!!
عيونك الحلوة:cupidarrow:
ومرات ابتسم له واروح عنده وابوسه على اعيونه واقوله تستاهل فديتها لانها ذوق..
يعني حركات حسب المزاج:blush-anim-cl:
لما يقولي فديتج = فديييييييت اللي يتفداني
أو فدييييييت روحك
يرد علي فديييييت أم يابتج
محلوة اليوم = اعيونك الحلوة
والله حرمتيه حلوة = الله يحلي ايامك
أو وحدة عندها ريل مثلك كيف ماتحلو!!
أترجة انا كنت قبل لاتزوج هااااااااااادية ومايخصني وزوجي دوم يحرجني بكلامه الحلو عسى الله لايغير علينا ومرات كنت استحي ارد ومرات ماعرف شقول .. عقب عودت عمري دوم أقوله كلام حلو وهو يرد علي بأحلا منه ..

ماشالله تبارك الرحمن...واللا اقولج....
على قولة ريلي....
اقري على عمرج..لوول:smoke1:

 

[**angel eyes**]

هذا اللي عنديه للحين .. ياريت اللي عندها زيادة ماتبخل علينا

 

[**angel eyes**]

أم ريم نفس الشي يقولي ريلي ومرات هو ابروحها يقرأ علي:in_love:
قولوا ماشاء الله تبارك الرحمن

 

[شوكولا777]

أشكر الأخت الدرر المكنون على الرد الحلو..بس أحس كلمة شكرا فيها جمود إذا ما صاحبها نوع من الدلع..
ولا شو رايكم؟؟؟؟؟؟؟

 

[فراشة القمر]

انا من يمدح شكلي
على طول يحمر وجهي مع ابتسامة خفيفة
واقول اليه احد قال لك غير كذا؟!! انا من زمان حلوة>>>باسلوب ثقة

وبعض الاحيان مايعلق بس يطالع >> خخ يخاف اتدلع عليه
لكن انا ماطوفها
امسك مراية كاني بعدل شعري او بس اطالع واقعد اقول
ياااربي ايش هالجمااال يابخت الي اخدني
ههههه وماشوف الا امير الرومانسية (زوجي ) شاق الحلق ببتسامة كبيرة وهو مؤيد

 

[ريمان2008]

اذا زوجي مدحني ارد عليه بكل ثقه ودلع انا عارفه اني حلوه
او اقوله يسلملي الذوق وهو اكثر الاحيان ما يعبر بالكلام
بالنظرات وخلاص حتى لو ما مدحني اناعارفه نفسي أجننننننننننننننن ,واثقه في نفسها مره الأخت
مشكوره على الموضوع اللذيذ

 

[إمرأه غير]

أقول له
من عمري
يرد كل الحريم كذا ؟
أرد لا !!! بس أنا
ملاحظه / كلمة كشخه تعني (مخنث)!!!! يعني معناها مو زين ياليت نبطلها.

 

[بيالة شاي]

مجرد ابتسااامه ونظره تكفي ...واحيانا ..((فدييتك)) بس

اما اني اقعد اقول ((ومن قال غير كذا ))..((انا طول عمري حلوه))...((هذا كله لانك مشغول عني )) ..((ادري)) ..
احسها ردود تسد النفس ...يعني هو واعليه عليه متسانس ويمدح ماينلامون اذا صاروا بخلا في المدح ...من شي يسمعونه منا

مجرد رأي