"اذا أم زوجك طلقتك شو تسوين"

[همس الضياع]

هلاوغلا والله.:32:..
ادري الموضوع غريب شوي...بس سمعوا هالقصة... بعدين احكموا :33:..

من البداية.. بسم الله..
ابي كل من تدخل الموضوووع أمانه ترد وتعطي رايها على هلاسئلة لاني اعتقد ان الكل محتاج مثل هالمواضيع اللي مافي مواضيع كثيرة تتعلق بهلموضوع مع انه وايد مهم ومحد تطرق له بعرض وطووول...:19:
مايطول عليكم...
اذا ام الزوج احست ان ولدها بيوح من عندها لاتستغربي انها بتحاول ترجعه لحضنها ولو كان على حساب زوجته وحياتها وغالبا ما يبدا التدخل بفرض رايها بقوة.. والزعل لو ما صار اللي تبيه والتنكيد على زوجة الابن وانها لازم تنصاع لها لانها الكبيرة في البيت...
باختصار هذا اللي صار معاي ...
ام زوجي مهما تسوي ماراح تغيرني بظل احبها:7:...
زوجي غافلني وراح اخذ اغراض الشقة كلها على ذوقها المطبخ والجلسات ... وكانت تبي اللون بعد بس انا كنت معارضة وبقوووة..فما صار ولكن كل شئ ثاني على ذوقها وانا اكررره الالوان الغامقة موووت وهي ما اختارات الا الغامق..حتى زوجي ما عجبه مع ان راح معاها من ورا ظهري:10:يستاهل خخخخ.

الحين انا تزاعلت وزوجي هو لازم يذمني عندها.. اتقول اذا حبج احبج واذا كرهج اكرهج:30: ولازم اتعرف اذا انا جيت الشقة واحنا متزاعلين واذا طبخنا وشو اكلنا وتزززعل وهني الزبدة تزززعل لانه قال انه بيطلقني وما يبيني ويوم ثاني انا معاه اتقولي هذا جذاب وما منه امااان واتهاوشه قدامي:31: لين ايقولي انتي السبب ليش انا جبتج مادري:8:...
الحين انا اللي بتطلق وهي اللي تزعل وتصاااارخ عليه وما تكلمه مددة:33:...
بصراحه احسسسها تغااار مني موووت لانه الكبير ودوووم معاها..
انا أبي رضاها لكن كلشئ بحدود..
ومن يقول زوجي شئ عني خبرتني شرط انه مو حلو وتنقله كلامي.
المطلوب:10:
س: من مرت بنفس موقفي؟؟
س/ شو برايكم لازم اعمل!!
س:شلون اخلي لنا خصوصية؟؟
وخصوصا في موضوع الانجاب اتقول لنا يالله لايكون ما فيكم عيال:8:هالموضوع مآذني لدرجة اني صدقته..

 

[همس الضياع]

نسيت اذكر انها الحين متزاعلة مع زوجي لانه قال بيطلقني وما طلق فهي ما تكلمه وزعلانه منه... وهو زعلان مني لانها زعلانه منه..واول ما عرفت اني جيت الشقة سالته وقال لها اني مو معاه فجاتني جري تدور علي عشان تفضحه"" احسها ضرتي "" وتهاوشه...

 

[الزوجه الاولى]

حبيبتي ادعي ربك وقولي حسبنا الله ونعمه الوكيل والله ايسر امرج ويسخر لج زوجج

 

[فراولة.]

الله يعينك خديها على قد عقلها سايريها بالكلام طنشى مرة استهبلى مرة سوى نفسك مش سامعة ولا تظهرين امامها ضعيفة بس زوجك دوره سلبى لازم تفهميه الوضع وانها بتقول كذا وتعمل كذا بس مو كل مرة تقوليله علشان مايحس انك ضدها وتبي مشاكل يعنى مرة قولى ومرتين او ثلاثة لا وفهميه انها عايزة تفرق بينكم وايه رايه واهم حاجة التطنييييييييييييييش انا بعمل كده

 

[NicE-GirL]

زوجك حسيته نونو ما يشوف الحياة الا بمنظار امه


وبس الله يكون بعونك

 

[ice creeem]

ادعي دايما اللهم انا نجعلك في نحورهم ونعوذ بك من شرورهم

 

[وحيده في دنياي]

زوجك حسيته نونو ما يشوف الحياة الا بمنظار امه


وبس الله يكون بعونك

ــــــــــــــــــــ

 

[مبتليه بنفسها]

شووفي اذا هي تذمج عنده انتي كله مدحيها عنده عسب تكبرين فعينه ويعرف الحقيقه لانج اذا صارحتيه مابيصدقج لانه هذيج امه وانتي مرته وبيقول المره بدالها عشر بس الام وحده ,,
انتي كله مدحيها عنده ويوم بسيرين لها قوليلها الله يرزقني بولد يحب امه كثر ماولدج يحبج الله يخليكم لبعض يعني حاولي تتسايسين وياها ,,

 

[الوردوالياسمن]

الله المستعان

 

[سـمـاء]

طيب اذا الحين هي زعلانه عليه عشان بيطلقك
يعني تحبك
واللي تسويه يعني هي ام مهما كان
تبي مصلحه ولدها
حتى لو كان بتدخل بحياته
هي تشوف ان هذي مصلحته

موفقة

وتذكري ان هذي امه مهما سوت بتضل امه
كل شي تقوله سم وان شاءالله

 

[يابعدي ياأنا]

up OO~~

 

[فقاعات]

محلوله ما عندك اطفال ...

خذي زوجك من يده وحطي اللهايه :13:في فمه وارميه بحضن امه..:11:

ترى ولد امه من سابع المستحيلات انه يتعدل ....:18:


واحمدي ربك ما عندك اطفال ربي يعوضك عنه خير...رجال مو ولد الماما...

 

[شيهانة حرب]

الله يعينك ويفرج كربتك اختي

 

[روح بريئة]

سايرها عطيها قد عقلها

وامدحيها قدام رجلك مررة امدحيهااا

 

[نبض التحدي]

الله يعينك ويييسر لك امورك

 

[popse]

يا عيونى هى ست كبيرة وبدها تحس انها مدلله عند ابنها يعنى كل ما تسمعك كلمة ما تعجبك انسيها انتى ما بتعرفى قد ايش ثوابك عند رب العالمين بحكيلك قصة عنا بالعيلة
زوج خالتى لعشرين سنه يضارب هو وزوجته لدرجة انو يقول عنها معلمة الشيطان تخيلو ويوم مرضت امه وخالتى شالتها صاريحبها ويعزها ويدللها
اعتبريها متل الطفلة وراعيها ولو شفتى شى زعلك انسى ترا هى وزوجك كلميه عنها كل خير وقليله هى ست كبيرة متل امى والله بتكسى الاتنين
عسى ربى يسخرلك زوجك بالخير
ويهدى جوزى يارب

 

[همس الضياع]

حبيبتي ادعي ربك وقولي حسبنا الله ونعمه الوكيل والله ايسر امرج ويسخر لج زوجج

مشكورة حبيبتي زوجة اولى على ردج،،

الله يعينك خديها على قد عقلها سايريها بالكلام طنشى مرة استهبلى مرة سوى نفسك مش سامعة ولا تظهرين امامها ضعيفة بس زوجك دوره سلبى لازم تفهميه الوضع وانها بتقول كذا وتعمل كذا بس مو كل مرة تقوليله علشان مايحس انك ضدها وتبي مشاكل يعنى مرة قولى ومرتين او ثلاثة لا وفهميه انها عايزة تفرق بينكم وايه رايه واهم حاجة التطنييييييييييييييش انا بعمل كده


اهلين فراولة والله انا استهبلت كثثيرررر واعتقد ان هذا السبب الي زاد من ندخلاتها في حياتنا كثير اني مو مهتمة ومستهبلة وممشية الموضوع... اخاااف اواصل على هالمنوال الين اخسر نفسي واسوي كل شي اللي يريحها ويتعبني ..هي حتي النومة اتقول لاي احد يتصل وانا جنيها اااي هي توها قاعدة من النوم ونازلة لي ):
دعواتج لي بس // الله يهديها ويفرجها علي وزوجي معاها ودايم ايقول امي ماعندها الا انا لاتفكري ابتعد عنها،، وانا ما ابي الا حقي في ان بيتي يكون بذوقي وارتاح فيه//

زوجك حسيته نونو ما يشوف الحياة الا بمنظار امه

نايس قيرل شكله جي بس اذا هو يبي شئ يصر عليه ويمشي رايه حتى على امه مو اغلب الاحيان لكن اذا اصر،،يصير اللي يبيه،، وانا دايم يقولي انتي للحين صغيرة ماتعلمتي من الدنيا،، بجد قهر دعواتك لي بس،،

ادعي دايما اللهم انا نجعلك في نحورهم ونعوذ بك من شرورهم
ادعي دايما اللهم انا نجعلك في نحورهم ونعوذ بك من شرورهم
ادعي دايما اللهم انا نجعلك في نحورهم ونعوذ بك من شرورهم
مشكورة ايشكريم على ردج وانشاء الله
وحيدة في دنياي ثانكي فور يور ربلي

مبتليه في نفسها*اكثر من جذي*ان ان مدحي يخلي زوجي ياخذ رايها بكل شئ يعني ان بشهادتي فيها فليش ما اطبق كلامها حرفيا ): يمكن هذا من اخطائي مو حسناتي): ):

الورد والياسمين مشكورة على مرورج حياتيــ،،

سماء حبيبتي هي زعلانه مو على جي لا بل على العكس كأنه تعتبر كلامه وعد لها وهو ما نفذ وعدهــ لها،،، فتقوله قدامي انت مو ما تباها يالله طلقها شو تبا فيها مو هي مو زينه على كلامك.. وانا بعد اقول انكم نا بتدومون اطلقوا احسن،،، شكلي باخذ بنصيحتها آخررررتي تعبت من هالهم...
عالعموم مشكورة اختي على ردج واايد

 

[راحةالقلوب2]

الله المستعان

 

[همس الضياع]

يابعدي انا شكرا على الرد*ليتني مثلك في الاسم ههههه*
خيتو فقاعات والله اني افكر في هالشي ليل نهار لكككن احبببه ومن يدري يمكن حتى لو تركته اندم لاني ما حاولت ابني حياتي بيدي واحاول على الاقل... وزوجي انسان طيب على كل عيوبة ما ابي اخسرة ابي بس وسطيه في هلامور انا احب امه بس ابيها تخفف تدخلاتها شوي وبس... ابي اعيش بدون قلق...وبس ما ابي ابعدها عنه ولا اخرب صورتها ولا شئ بس اخلي لنا خصوصيه..

شيهانه حرب مشكورة حبيبتي على الدعوة الحلوة..
نعومةكووول حاولت وايد في هالشئ وضربت له امثله على اخوانه بس الطبع غلب التطبع... الله يفرج عنا وعن المسلمين...
روح بريئة /سايرتها وايد ولجي زوجي يعتقد اني غلط وهي صح لاني اسايرها عشان يمشي المركب يعني لو رحنا سوق وقالت لي هاي حلو اقول لها اي وايد انيق وذوق**لها مو لي**يعني على ذوقها... فزوجي يقول ذوق امي يعجبج لجي اخذنا علي ذوقها...اقوله هذا ستايها وانا ستايلي غير..عباله انا ضدها...
نبض التحدي شكرا على دعواتك حبيبتي ولك مثلها يارب..

popse حبيبتي انا بحبها كثيررر والله واعاملها متل امي بس بدي شوي شخصية مابدي حدا بيزن على راسي انتي متى بدك تجيبيولادك وليكون ما فيكن عيال ): بزعل ونفسيتي بتصير زفت بدي عيش دون نكد واحد يدقق علي شو اكلت بدي بشوية خصوصية بس حبيبتي..
وانا كاتبه الموضوع عشان اللي عندها نصيحة اومعلومة عن هالموضوع تفيدني الله يوفقكم ويصلح حالكن مع ازواجكم ياااحق...

 

[الأصيله]

حسبي الله ونعم الوكيل انا تسببت لي ام زوجي وطلقتني حسبي الله عليها وعلى بناتها اللهم ارني فيهم عجائب قدرتك فإنهم لايعجزونك
الله يعينك ويصبرك ادعي لها بالهدايه والله يشغلها عنك بنفسها

لاتنسين تدعي لي بالتوفيق