ادعى لك اذا رديتى

[زاهده من الدنيا]

اخواتى انا زوجى شمالى شرقى ومتزوج جنوبيه والله ياخواتى دائما يجينى ملابسه مبقعه بالروج واحسه

يمدح فى الوضع ومستانس انو عنده حرمتين بس البارح قال لى كلمه يقول والله مصيبه انو الواحد يتزوج واحده غبيه خاصه اذا كان ذكى

ماادرى انا شرقيه بس ودى اعرف كيف اجيبه تكفون يابنات بس ودى اعرف كل اللى يتمناه من المراه

 

[تلميذة ناعمه]

لا أعرف من يقصد بقوله غبية!!!!
ولكن بصراحه عن موضوع الشصيات ماعندي علم..
ولكن ارجو الله ان يوفق بيكما ويرزقك خيره ويرزقه خيرك ويحفظه لك..
تقبلي مروري

 

[احلام الغلا]

ياقلبي استفيدي هنا من المواضيع

في مواضيع جدا رووووعه

واقرئي مقالات ناعمه الهاشمي

استفيدي ونمي مهاراتك .....

 

[حرم سوووسووو]

لا تستسلمي وتسكتي اذا قلك غبيه خلي ثقتك في نفسك عاليه جدا ولا تبينين له انه راضيه يقولك غبيه

 

[انثى رقيقة]

مسألة بقع الروج دي حركات حريم نفهمها كويس هي بس بترسل لك رسايل انهم مبسوطين فلايهمك منهم شئ , عادي شئ جديد ولازم له بهجة بس مع الايام حتزول البهجة وتبقى تبعاتها من مسؤلية ووجع الراس , تذكري اول لما كنت عروس كان سعيد وطاير من الفرح ويسمعك احلى كلام وانت اول فرحته , هي لو واثقة من حبه لها ما كانت تفكر في هذه الحركات ولا كانت تنشغل بك من الاساس , بس هي تحاول تستفزك علشان تحرق دمك وتخلليك تتهاوشي معه فيمل منك ويروح لها بس انت حطي اعصابك في ثلاجة وكل ما يكلمك عنها قوليله عادي كل جديد له بهجة وطبيعي تقل مع الايام حتى يصبح شئ عادي وحاولي دائما سمعيه هذا الكلام كأنك تبرمجيه وفعلا حيحس بكلامك مع الايام بسبب الاشارات السلبيه اللي شحنتي بها مخه , وخلليك تقيله لاتشعريه بحزنك وخوفك لان الشرقي زكي وسريع الملاحظه واذا انت شرقيه خلليكي مثله , اما من ناحية انه شمالي فكما تعرفين الشماليين يحبون الجرأة في الامور الجنسية حاولي اتعلمي حركات جديدة انت حببيه فيها لا تسأليه ايش يعجبك خلليكي زكيه ولماحة انت تقدري تقنعيه باي شئ باسلوبك وباشاراتك اللي ترسليها لمخه , وحاولي اعرفي نمطك بالظبط يا اما شمالية شرقية او جنوبية شرقية وحاولي اظهري مزاياك امامه في الكلام اقصد مزايا نمطك لما تتاكدي منه , ويارب يبرد قلبك وتكوني في نظره احلى الحريم .

 

[أحاسيس منسيه]

ياحبيبتي مايبي لها أنماط او شخصيات
كل رجل يحب المرأه تغنجه وتدلعه وتهتم فيه بحيث تكون له الام والاخت والطفله والصديقه كل صفه في مقامها ووقتها...
وأكيد يحب زوجته تنفخه وترفع قدره دايم ((وانت مافي مثلك ياسيد الرقاله))
وأكيد كل رجل يحب المبادره في الجنس من فتره لفتره ..
وأكيد يحب المرأه الحاره بالفراش اللي تبين رغبتها بالجنس....
وكذلك الرومانسيه مافي رجل مايحبها ولكن بنسب تختلف من رجل لآخر...
وأكيد يحب المرأه اللي تسعى للتغيير في الشكل والوضعيات واللبس...
كوني متجدده في ثياب البيت يوم بنطلون ويوم فستان قصير ويوم تنوره بجميع الاطوال القصير للفخذ والطويل بفتحات...
وطبعا اهتمي بالميك أب واعمليه مثل مايحب واذا مو عارفه جربي مثلا مره كثري الكحل ومره خفيف وردي مثلا وشوفي نظراته كيف....وأتوقع بتعرفين...وكذلك الشعر يكون دايم مرتب ومسرح...
يعني تخيلي لو عنده عشيقه مثلا(والعياذ بالله) كيف راح تعامله !!!!!!!!!!!!!!!!!!
وطبعا لكل قاعده شواذ وانتي من خبرتك بزوجك أكيد تعرفين ايش يحب...

وانتي حبيبتي شوفي الصفات اللي فيك ومو فيها وتعجبه وتمسكي فيها ...وشوفي الصفات اللي فيها ونميها عندك..

والله ييسر لك ياعمري,.,.,.ويصلحه لك,,,ويعمي عيونه عن غيرك...ويجعلك حوريه في عينه.....

 

[زهورالبر]

زاهده من الدنيا خليك زاهده

 

[أحلى مدام]

الله يجملك بعين زوجك ويجعلك اجمل من الحور العين في نظره

 

[شموخي هوعزوتي]

الله يسخره لك ماعليك الرجال مايجون الا بالحيله ساحليه بالاغرأت والدلع والكلام الحلووووو وراح تشوفين واهم شئ الدعاء بان تملكين قلبه ويسخره لك والاستغفااااار له مفعول قوي والله يالف بينكم ........

 

[شموخي هوعزوتي]

غاليتي نسيت اهم حاجه انه مايجيب طاري زوجته نهائيا انا زوجه ثانيه واكيد تسوي كذا عشان كذا ابيك تسوين زيها اذا جاب طاريها قولي ياعمري خلنا من كل الناس اليوم انا لك وانت لي وزيدي وحطي وامدحيه وتغزلي فيه وتشوفين مع الايام مراح يجيب واريه مجربه تكفون ادعولي ان ربي يرزقني انا وبنات المسلمين بولد صالح سليم معافى يكون سند وعون لنا بالدنيا.......

 

[أحاسيس وطنية]

اهم شي خلي صلتك بالله قوية



هو سندك ومفرج همومك

اجعلي لسانك رطبا بذكر الله

واكثري من الاستغفااااااااااااااااار

بالاضافة الى وصايا الاخوات الله يجزاهم خير

الله يسهل امرك وكل مسلمة

 

[ضوء شمس]

خلي صلة بربج
ربي يحفظج لج زوجج يالغاليه ربي يبعد عنكم بنات الحرام
احسني الظن بالله الله معاج ترين كل شي خير
دعواتج بان الله يجمع شملي وشمل ولدي بزوجي