ادعووولي

[وسام الحزن]

خواتي انا دايم اكتبلكم عن مشاكلي انا وزوجي الشمالي الغربي........ ادري مليتواا واللي فيكم كافيكم بس اللي صار امس قهرني حيل وانا مابي منكم حل ابي منكم دعوه حلوة مع اني كنت ناوية اوقف عن كتابة مشاكلي هنا واخلي شكواي لربي هو اعلم بحالي........​

زوجي سيارته خربانه وسلمها زميله واخذ سيارة زميله وسافرنا لاهلنا بديرة ثانيه المهم دفع عليها 2000ريال وزميله قاله انها خلاص زانت ويوم رجعنا اكتشف انها مازانت المهم زوجي عصب وانقهر منه ليش يكذب عليه وجايني معصب وزعلان حاولت اهديه بس مايبيي اجلس عنده دخل الغرفه وقالي روحي للصاله انا تركته ومن بكرا نفس الحكايه معصب بس يسولف شوي المهم راح يودي السيارة ورجع وهو معصب وقال بهذلتني السيارة خسرت عليها ومازانت وقام يلعن ويشتم بزميله لانه كذب عليه وبعدين قال وانتي جايه تزودي همي هم ماهمك الا نفسك ابي ثياب وابي اشري قلت انا طلبت منك شي قال ايه ابلشتينا بالعيد عشان ملابس قلت انا مااطلب الا من عيد لعيد قال لاتناظرين للناس تراه موب نافعينك كل اهلنا فوق مستوانا ولاتفكرين اني اعطيك بالعيد ريال واحد وانا سكت وماقلت شي.......​

بنات وش رايكم بكلامه وربي بعيد الفطر بالطقاق عطاني 200 وبعيد الاضحى بهواش عطاني 200 بس حق لبس من دون اكسسوار وجزمه وكماليات وانا رضيت وسكت ويوم العيد يهاوش وعقب يقول من تزوجت وانا ماتعيدت زي اول ....​

المهم انا عقب هواشه سكت ومارديت عليه ولابكلمه وخليته طلع ورجع وانا مااكلمه وعقب قال وش بك ليش ساكته قلت مابي شي قال اطلع برا انقهر ادخل البيت انقهر اكثر وش قصتك انتي قلت لاصرت متضايق من السيارة لاتجي وتحط حرتك بي انا وش ذنبي انا طلبت منك شي قلتلك اشتر لي شي قال لا ..بس قبل تطلبين قلت اول انت هاوشتني وعدت المواضيع اللي راحت الف مرره ومع ذلك للحين تعيد وتزيد فيهم سكت وانا تركته ​

بس يابنات موب شي يقهر مايبي يعطيني مصروف وسكت حتى بالاعياد مايبيني اشتري لي شي افرح فيه زي الناس ​

وانا الحين حامل وبالسابع وودي اشتري حاجاتي حقات النفاس والبيبي هو بيشتري للبيبي بس انا مو شاريلي ولاشي هو ماقال بس انا عارفه انه اي شي لي انا مايبي يشتري
واللي يقهر انا يشتري افلام بالميه والميتين ويشحن اللعبه اللي يلعبها بالنت ب150 وياويلي لو تكلمت وقلت شي​

احس اني مقهورة ودوم ادعي ربي انه يرزقني بالوظيفه عشان اصرف على نفسي من تعبي
بنات تكفون ادعولي بالوظيفه وان ربي يهون علي ولادتي الله يجزاكم الجنه​

 

[شيخه بنت شيخ]

الله يرزقك كل اللي تتمنينه
وادعي دايم في السجود
واخر ساعه من نهار الجمعه
والله يكتب لك اللي فيه الخير

 

[وسام الحزن]

مشكوورة حبيبتي

 

[جراده شياكه]

الله يسخره لك يارب

 

[سنتوريا]

الله يسخره لك ...ويجعلكم قرة عين لبعضكم يارب

 

[وسام الحزن]

مشكوورة

 

[سماهر88]

الله يهديه ويسخره لك يارب
حبيبتي يمكن عنده ديون ويحاول يوفر عشان يسدد ويرتاح
اصبري عليه ولك الأجر
ولاتكوني انتي والزمن عليه خليك الصدر الحنون اذا تضايق يرتمي على صدرك
الله يكون بعونك ويصبرك

 

[وسام الحزن]

حبيبتي اول شي مشكوورة ثاني شي عنده ديوون وانا مراعية ظروفه وربي ماقد طلبت منه شي فوق طاقته بس هو لاعصب فتح مواضيع سابقه وزود علي بالهواش وهو عادي يلعب بفلوسه ولاطلبت قال ماعندي بالله موب شي يقهر