هواها شرقي
New member
- إنضم
- 2008/06/11
- المشاركات
- 712
بسم الله الرحمن الرحيم
اخواتي الحبيبات سأطرح لكم موضوعي هذا من تجربتي الشخصيه ومن بعض ما كنت اسمعه من بعض الزوجات.. .قد تتفق بعضكم في الرأي معي وقد تخالفني البعض.. وهذا يعتمد على حسب شخصيات الازواج وانماطهم.. ولكن اشعر بأن نسبة كبيره تتفق معي.لماذا نحن نأخذ فكرة بأن الزوج هو شخص صعب المنال شخص جميع صفات القسوه والعناد والجبروت تطغى عليه ولاامل في مسايرته .انا اعرف ان كل زوج له سلبيات وايجابيات ولكن كيف نجعل سلبياتهم تتقلص امام ايجابياتهم.
الرجل كالطفل ..نعم ان احسنت في معاملته وعرفت نقاط ضعفه واستغليت تلك النقاط لصالحك صدقيني ستجعلينه لايرى غيرك وستبقين انت هي حياته ومستقبله وعمره .وكل شئ جميل بالنسبة له مرتبطا بك انت .
انا لن اطيل عليكم فأنا لست مختصه بتلك الامور ولا ذات خبره كافيه ولكن سأطرح عليكم بعض المواقف التي مررت بها او سمعتها من غيري احسست فيها كم الرجل مهما كانت هيمنته وجبروته ولكن بكلمة واحده او حركة بسيطه ستجعلينه وديعا وحنونا وعطوفا..سأسطر القليل من كثير ما عشته وسمعته اوشاهدته.
1- طلبت من زوجي ان يوصلني الي السوق طبعا في البدايه وافق فذهبنا مشوار ورى مشوار في النهايه بدأبالتأفف والتضجر والعتاب جعلته يتكلم ويتكلم وهو في منتهى العصبيه طبعا كنا في السيارة. وعندما انتهى اخذت بيده وامسكت به بقوه وبمنتهى الحنيه وقلت له معليش انا اسفه اعرف اني تعبتك ونسيت نفسي وانت طول اليوم متحملني والله ما قصرت معاي خلاص ودني البيت (لايفوتكم كان وراي مشوار بعد ايش اسوي كان عندي عرس ) تعرفون ايش قال لا لا انا موقصدي شي يالله وين تبغي تروحين انت امري بس اذا ما اتعبلك اتعب لمين .
2-لمن اطلب منه فلوس علشان اروح السوق كالعاده يسمعني لازم كلمتين بعدين يقول كم تبغين اقله بضحك ما تجود به يداك .يروح يعطيني مبلغ والله ما يكفي عشان اشتري فيه شي .يروح يقلي ها يكفي اقله صراحه احرجتني و اعرف اني كلفت عليك. يروح يقول انت تنحرجين ويضحك ويقول يالله وهذي زياده مني بعد .يعني دايما لمن يعطيني فلوس ما اجادله وابينله انه شوي اصلا هو يعرف ان كل شي صاير نااااار بس يبغى يشوف ردت فعلي
3- لمن يتأخر عليكي لا تتصلي فيه ارسليله رساله فيها كلمات حب ووله صدقوني عالطوووول يجي البيت.
4- لمن تجي الداريه عندي ويجتمع هو واصحابه اقله انا اليوم احس شوي بتعب ماراح اتكلف في التقديم(طبعا انا اعرف ان هذي الداريه تكفيهم شاهي وقهوه وتمر يعني لازم اعرف نوعية الداريه ) واروح اتفننله في التقديم واسوي طبخات لذيذه يجيني وهو مبسووووط ويقول انت اليوم مو تعبانه وقلتي ماراح تسوين شي اقله ما حبيت اني افشلك هم كل يوم عندنا.. وااااي شوفي شلون راح يشكرك ويطلب منك انك ترتاحي بعد تعب اليوم .يأختي طبقي معاه الايه( ان كيدهن عظيم) .
5-لمن تصير مشكله بينكم ويجي اخر الليل بتنامون قولي شلون انام وانت زعلان علي والله عيني ماراح تغفى .وشوفي ايش يسوي.
عزيزاتي مواقف كثيره وكثيره اذا احسنت فيها التصرف راح تكسبين زوجك .وهذا يتوقف على مدى شطارتك وطريقة معاملتك.انا على يقين بان هناك الكثيرات ممن سوف تعارضني في الرأي ولكنني قلت في البدايه يعتمد ذلك على حسب شخصية الرجل. على الرغم من انني اجزم بان النسبة الاكثر من الازواج تفيد معاهم الحركات هذي.. واروح وارجع واقول ان الزوج مثل الطفل يبغى يدلع ويدلل.. ويشعر بالحنان والعطف بكلمه بحركه بهمسه .. اخيرا اتمنى للجميع التوفيق والسعاده في حياتهم الزوجيه .وان يسخر لهم ازواجهم.
اذا عجبكم الموضوع ادعوا ان ربي يشفيلي ابني.. يااااارب اشفيلي نظر عيني ..
التعديل الأخير:
