ادخلو يا بلقسيات محتاجه لكم

[بيرق امل]

الســــــــلام عليكم ورحمةالله وبركاته


كيف البلقسيات أن شاءالله تمام .. دوم يارب:32:

حبيت اطرح عليكم مشكلتي وياليت تشاركوني بآرائكم وتوجيهاتكم ..

مشكلتي انا متزوجه وبعدتقريبا شهرين راح اكمل ثلاث سنوات ...تصدقون خلال

الثلاث سنوات ماتهنيت غير شهر واحــــــــــــد بســ ...

ست شهـــــــــــــــور قضيتها عند اهلي لاني كنت زعلانه والباقي قضيته بالبكاء والصبر :8:

زوجي شمالي شرقي فيه صفات كثير عاجبتني وصفه وحده مو عاجبتني ابد الي هي

عصبي جــــــــــــــــــداً لما يعصب يجرحني كثير ..

اما انا هاديه مره ورقيقه :20:وما احب المشاكل ولا الصراخ

سبب المشاكل .. في البداية المشاكل كانت الاسباب تافهه جد ايش انوه

يكذبني لما اكون تعبانه والله يابنات اكون ميته من التعب وابكي من شدة ولا يصدقني فا يبدا

بصرخ ويهزئ ..وانا ساكته وكل ذا ليـــــــــــــــــش لاني تعبانه مو قادره اروح معاه لاهله

اما الاسباب الثانيه فكان السبب اهله يعبون راسه علي بظلم حسبي الله ونعم الوكيل

وكنت ابطلق بسبهم صارت مشكله كبيره بيني وبينه من غير ماعرف وش الاثم الي ارتكبته

بس في النهايه اكتشفت ان اهله وراء كل شي ,, المشكله يابنات معاملتي معاهم

ماتتخيلون والله مثل اهلي واحبهم ولا ارضى عليهم وامه معتبرتها امي الثانيه اسلم على

راسها ويدايه ..حتى لما اشوف اشياء تضايقني منهم اسكت ولا اقول حتى لزوجي

ولاعمري تكلمت فيهم عنده ابدا.

بس الحين لما اكتشفت انهم سبب المشاكل احس كرهتم وحسيت اني كنت مغفله بينهم

والمشكله اكتشفت انهم مستقوين ومستهترين فيني وانا ما كنت اشوف ذا كله من الحب

(صدق الحب عمى)

معليش طولت عليكم الحين اهل زوجي شاري فيلا وزوجي ناوي يسكني معاهم ويسلم

الشقه الي ساكنين فيها وانا ما ابي اعيش معاهم خايفه من المشاكل لان ماسلمت منهم

وانا عايشه بروح وشلون اذا كنت معاهم بس مادري وشلون اتكلم مع زوجي وش اقوله

وانا عارفه انه بيزعل ويصرخ وكمان خايفه يقول عاجبك ولا روحي لاهلك لان مافيه شي يربطني فيه (ماعندي اولاد) تكفون وجهوني دلوني ..وكمان ادعولي ان ربي يرزقني مولود
يسر خاطر ..

وشكــــــــــــــــــر لكم

 

[تفــآصيلـ]

يـآ حيـــآتيـ
وربي تكسريــن الخآآطر
= (

أولاً توكلي عاللهـ
وحـــــــــــــــــآولي بكــــــــــــــــــــــــــــــل الطرق المشروعة
أنج لا تتركيــن الشقة
ترى والله السكن ويا العيلة مصيبة
::
:
طبعا لا تخربين بينج وبين زوجج
بس حااوليـ

ونصيحة مجرب..
توضي وصلي ركعتين .. وبتشوفيــن الفرج عن قريـــــــــــــــــــــب
بإذن واحد أحد

ولا تزعلين فديتج.. ترى كل النــــــآس عندها مصايبها
عسى ربي يخفف عنج.. ويهدي زوجج

 

[بيرق امل]

الله يجزاك خير ويجبر بخاطرك

انا عارفه ان السكن بروحي حريه لا احد يحاسبني ولا احاسب احد بس المشكله ان زوجي

مايفهمني ابد ولا يحس فيني وانا بصراحه اخاف اطلق علشان ذا السبب ومهتمه حيل والله ادعي ربي
الله يستجيب مني ومن جميع المسلمين​

 

[روحي واو]

الله يعيـنك خيتوو ..

مااعليش تحملي شوي كلآمي ...!!
مآكان له داعي انك تروي لـ اهلك زعلانه وتطولي 6 شهور

ياقلبي فبل ماتتركي بيتك حاولي تلاقي حلول وخلي طلعتك اخر الحلول ..!!

لانك وبمجرد ماخرجتي .. انتي عارفه راح كل واحد منكم يكره الثاني او يحقد عليه او يزعل وبمجرد انك خرجتي انهدم اساس قوي بعلاقتكم ..

مااعرف شلون اوصل لك المعلومه لكن خطاء فادح اللي تتطلع من بيت زوجها وتتطول مثلك اح تكوني في نظره عاله مو زوجه

لكن الحين موقفك ضعيييييييييف ..

وعارفه انتي ان جانبك مكسور بحكم انو للحين مامعك اطفال ..

لكن مازالت حواء حواااء .. ولو تجلسي بروحك تشوفين الاشياء الحلوه اللي فيك واللي للحين زوجك مااكتشششششفهآ

راح تعرفين انك قادره وانك حووواء كآئده وتقدرين تغيرين حيآتك .. واالي بيساعدك انك تحبينه

وان مشكلته هي بس العصبيه

1_ استخدمي حبك

2_ ثم عالجي عصبيته ورقتـك واحاسيسك الزايده

3_ ثم تفرغي وبسهوله للمسكن وااهله وراح تقدري اذا فعلا كسبتي النقطتين الاولى ..

الله يعينك .. وطمنينا عنك

لكن

 

[الوردوالياسمن]

قولي معليش ابغى اخذ راحتي بلبسي بنومي باكلي صعبه الااذالي شقه بروحي

 

[بيرق امل]

تسلمو خواتي على تفاعلكم معاي
وفعلا ياختي (روحي واو) كلامك صحيح ندمت كثير على ذا الزعله واني طلعت من بيت لاني ابد مارتحت
عند اهلي بالعكس زاد همي كثر واكثر
اختي(الوردوالياسمين)ايوه هو قالي بكون لي شقه كامله متوفر فيه كل شي مطبخ وغرف استقبال
يعني متكامله بس خايفه من تدخلات اهله اكيد بيشرطون على يكون لي يوم بطباخ واكون دايما متواجده
لستقبال ضيوفهم وغيره..
شكرا لكم

 

[روحي واو]

عفوااا اختي .. شلون تااخذون دور بالطبآآآخ ..؟

مو تقوليبن شقه كامله ومطبخك لك وكذاااا يعني متكآمله الشقه .؟

بعدين انا وثنتين من سليفاتي كل وحده لها شقه مع اهل زوجي ورابع شقه لـ اهل زوجي

لكن لي الحريييييييه المطلقه بكل شي وبالعكس احس انو انا مو بشقه ومعي 3 عوائل احس انو انا بفيلا لوحدي

واهل زوجي مراااا كويسين مايتدخلوووون ابداا ابدااا

وانتي اذا صرتي مجبره وماعاد لك حل الا تنقلين وياهم ..

فكوني قويه واثبتي نفسسسسسسك وراح تصير حيآتك في هالشقه حياه جديده بشخصيه جديده

وحطي انت قوانينك لك

اذا قالوا ع قولتك طباخ فيك يوم واهم يوم قولي لااااااااااااا
كل واحد يطبخ بروحه ويعيش بروحه ويأكل بروحه ..

ووووبس انتي خليك قويه بشخصيتــــــــــك مو بهاوش بعقلانيه

 

[بيرق امل]

زوجي مو من نفس عيلتي من عيلة ثانيه فكذا طبع اهله ونظامهم ..نظرتهم لزوجة ولدهم غريبه
لازم تشتغل معاهم يعني انا لما اجيهم بعزايمهم ادخل المطبخ واغسل المواعين
وارتب وامسح بعدين اروح لبيتي من غير محد يقولي شكرا
بس لما عرفتهم على حقيقتهم استخسرت كل شي فيهم ماعد صرت اساعدهم فزعل علي
زوجي وخلني اساعدهم غصب برغم انهم عندهم شغاله وطبعا هو ما يتكلم من فرغ ينفذرغباتهم
مشكوره حبيتي انك متواصله معاي

 

[حياتي ممله]

حبيبتي روحي معاه جربي حياتك هناك وحاولي تكسبين اهله لصفك يمكن هو خرب صورتك عندهم عشان كذا حاقدين عليك وحاولي انك بالفتره اللي تقضينها تكون مجرد تجربه لمعاملته ومعاملتهم حاولي انك ماتحملين لجل لو صارت مشاكل بينكم اما انو يسكنك بروحك او انك تردي بيت اهلك معززه مكرمه ومرتاحه ماعندك اطفال يذلونك عنده
تقبلي مروري

 

[بيرق امل]

مشكوره اختي الله يجزاك خير

 

[بيرق امل]

نسيت اوضح لك شغله ..صحيح كلامك هو الي خرب صورتي كرهم فيني اول ماصارت مشكله بيني وبينه كانت عن الحظات الي اتعب فيهاوما اقدر اروح معاه لاهله يقول لهم ماتبيكم والادهى والامر يقول لاهله تسوي نفسها تعبانه فتصدقين اهله صارو يكذبون بكل شي بس انا تكلمت معاه بذا النقطه سكت وهو متفشل ماعده تبرير بس الحين الحمدالله علاقتنا حلوه وتعدل في بعض الاشياء بس ذي النقطه الي حيرتني شوي( السكن) بس والله ماقصرتو اثلجتو صدري بردودكم جزاكم الله الف خير دعواتكم لي

 

[مليكه المملكه]

الله يكووون في عونك بس انتي الحين حاااول ما تطلعين
واذا مره اصر انك تطلعين اطلع وحاااول تكسبين اهله بصفك
والله يستر عليك ويوفقك ويسعدك
وتقبلي مروري

 

[بيرق امل]

شكلي بسوي كذا
جزاك الله خير على المرور

 

[بيرق امل]

الي كل من شاركتني برائيها
اقول لكم جعله الله بموازين حسناتكم والله يرزقكم من حيث لا تحتسبون آميــــــــــــن
مارااااااااااااااااح انساكم من دعواتي في تهجدي وشاكره لكم