ادخلو بسرعه الله يخليكم

[ام مزاج صعب]

بطرح لكم مشكلتي واتمنى منكم يااخوات ان ماتتجاهلوني وتحلون مشكلتي لان انشاء الله لكم اجر لانها تعتبر تفريج كربه
مشكلتي هي ان زوجي راعي سفريات كل شهر لازم يسافر للبحرين يجلس يوم على حسب والحين مسافر لسوريا واذا زعلت ماحسب لزعلي حساب او يتضاهر انه مايدري عن زعلي واذاواجهته قال عادي وش فيها وهو راعي مكالمات تفاجات قبل سفرته بصور حريم شبه عاريات ورسائل غراميه ويوم واجهته قال صديقي يرسل من جوالي المصيبه انه يرسل صوره مع بنتي وهي الحرمه مرسله معولدها عطوني الحل الله يخليكم

 

[نمله فوشيه]

لاحول ولاقوة الا بالله الحين اللي اختشو ماتوووو واللهي

الرجل يرسل لبنت حرام صورته وليته لحاله لا مايكفيه لازم مع بزورته

والبنت مثل



ياربي متى نخلص من شي اسمه خيانه والله ماعرف وش اقول بس الرجال ماينفع معهم الا يتزوجو كل وحده يحبها عشان لو خانها

تعرف ترد عليه مو احنا ناخذهم ومانرد وش وراهم ووش قدامهم

والله جد ياليت يكون فيه مراقبه عالجوالات
من تبع الهيئه عشان من تصيد 2 مع بعض

تزوجهم

مافي غير الحل..!!!​

 

[ام مزاج صعب]

مشكوره على المرور غير الزواج وش الحل وكيف استقبله بعد سفره

 

[زوجه مؤدبه]

زوجك لازم رجال يوقفونه عند حده مو عاملك اي حساب هدديه بالفضيحه وان عندك نسخ لرسايله وصور يمكن يخاف .

 

[آنهيآر]

المشكله الاكبر من كذا ..!
يسوي فيها يبغى بنت تدلعه وتتجرأ معه مثل الافلام الاباحيييه ..!
وهو ولايفكر يتجرأ مع زوجته او يعطيها جزء بسيط من اللي يشوفه هو ..! او يسويه ..
من جد أنانيه في الزوج استغرب منها ومع ذلك يخون ..!
الزوجه مو جمآآد علشان هو يروح يدور ويلقى وهي تصبر عليه ..
الا خوفها من الله وقوة ايمانها .. تمنعها وتحصنها عن هالرذائل ..!
​

 

[ام مزاج صعب]

شكرا على مرورك يازوجه مؤدبه
الاهل دايم يقلون الخيانه شي عادي لان الرجال عيبهم في جيوبهم لو يتزوج ويطلق عادي اهم شي مايسكر ولا ياكل حبوب وحنا مساكين

 

[ام مزاج صعب]

شكرا على مرورك يانهيار كلامك في محله

 

[مؤاسم الدهر]

يَآَرَب أَلْهِمْنِي الْصَّبْر .. قَبْل أَن أُفْقَد صُوَآبِي ..! //

//

 

[اشراقه جديده]

خليك رسميه اذا جا وعلى طول سوي له فوحوصات وخوفيه من الامراض وشوفي احد من اهلك يكلمه مو حاله هذاي انتبهي وبعد هدديه بصور حتى يخااااااااف الله يعينك
موفقه وطمننيا عليك

 

[ام مزاج صعب]

مشكوره على مرورك حبيبتي والله يجزاك خير

 

[مـــلاكـ]

الله يكون بعونك صدقيني الرجال مالهم الا رجل يوقفه عند حده والا حنا يالحريم والله لوتتكلمين من اليوم لين بكرا يصير شين وقوة عين والمشكله البعض منا ماتقدر تعلم احد من اخوانها او ابوها لأنها مسكينه تخاف بالعواقب عزيزتي اذا انتي تقدرين تفهمين احد من اخوانك للموضوع بحيث اهو عنده صبر ويقدر يحل المشكله ولايكون متسرع وش تنتظرين؟؟؟
صدقيني لو انتي كلمتيه بيسكتك بكلمتين وبس هذولا الرجال خاينين العشره ولا يفكرون بالعواقب بعدين اعرفلك واحد زي كذا وطير زوجته بهالأشياء واشد منك بعد المسكينه وسبحان الله دارت الدنيا وانمرض وعالج وسبحان الله مرضه سببله عاهه فمكان فجسمه ربك يمهل ولايهمل والبنت صبرت صبر مايصبره احد وانتي لااااااااااااااااااتسكتين لاااااااااااااااتسكتين هذي كرامتك ياقلبي والله يسخرلي ويسخرلك يارب والله هالرجل بيموتونا ع ايديهم حسبي الله ونعم الوكيل

 

[ام جبل]

الله ينصرك ويقويك وينور دربك

 

[أجمل أحساس 22]

والله خافي على نفسك من الامراااض
خوفيه بالامراض الخبيثة الله يصبرك ويردها لك

 

[اتعبني هواك]

لهدرجه وصلت انه يرسل صوره ومع بنتك وتشوفين صور موزينه وساكته ليش وش حادك حبيبتي وين كرامتك .... وخير ان شالله كل شهر يروح للبحرين البحرين وش فيها الاالخراب الله لابيلانا رايح يستانس يعني ومعروف كل ممنوع مرغوب حبيبتي اذا نقل فيك المرض بعدين وش تستفيدين تندمين على حضك اسمحيلي انتي معطيته وجه بزياده عن اللزوم والمفروض توقفينه عند حده بعدين اذا راح للبحرين يعني يحضر محاضرات يسكر وحده رايحه وحده جايه كلمي احد من اهلك او اهله الدعوه فوضه خلي احد يوقفه عند حده يعني انتي مومكفيته يدور برى اذا كنتي محتفضه بالصور وريها احد اخوانك او اخوانه قولي صبرت عليه بما فيه الكفايه اذا جابلي مرض من بنات الحرام ماراح ينفعني خافي على نفسك وعلى بنتك واسمحيلي اذا قسيت عليك لكن زوجك تمادى عليك لانك ماوقفتي بوجه من اول مره شفتي عليه هالبلاوي والله يكون بعونك

 

[سحر البرآءة]

سؤاااااااااااااال!!!! اذا انتي عاااارفة انه يرووح البحرين وسوريا عشااان الدعاااااارة وبناات الحراام ويمااارس عاادي الوضع عنده والاطم من ذلك يدرري انك كاااشفته يعني مو حاااسب لك ذرررة حسااااب .. انتي اش مسكتك ومصبرررررررك؟؟؟؟؟؟؟؟؟؟!!!!!!!!! منتظررررره ينقل لك مررض يعني؟! هذااا وقفي رجاااااااااال من اهلك واهله قداامه قسم بالله ان الطلاااق ارحم من اني اصبر على خيانته وانتظر في اي لحظة اتعدي من امراضه والله الطلاق ارحم حتى لو كان فيه اطفال ان الام ارحم واحررص واكثر اهتماااام على اطفالها من الاب المشغووول بخياناته ورذيلته
حسسسسسسسسسسسسبي الله ونعم الوكيل عليه والله يقووويك ويصبرك وويرزقك الرشد في امرك ياااارب​

 

[ياقلبي ترك الحس]

خوفيه من الخيانه وذكريه ان الله موجود ويشوفه لحظه بلحظه وان اللي يخون يخونوا فيه وذكريه بالامراض التي تنتقل من الحرام والله يهديه

 

[روز حسوني]

والله يااختي الخوف مو من الخيانه الخوف لاسمح الله من انه ينقلك امراض والعياذ بالله اول مايرجع وقفيله اعمامك او خوالك ياحبيبتي لانه شافك ساكته عليه قام زاد حده ولا زم توضعيله حد

 

[عذبهـ !]

السلام عليكم ورحمة الله

أخي الغاليهـ ..

أولا ..وكلي أمرك الى الله فهو وألجي لهـ وأدعيهـ أن يحفظ لكـ زوجكـ ..ويصبركـ على مابتليتي بهـ

ثانيا ..أنظري لنفسكـ أنت ..بما قصرتي ..؟؟!

مالذي جعلهـ ينظر الى غيرك..؟؟!!

الأمر ليس بخدمتهـ فقط.. أو تنفيذ أوامرهـ ..

الأمر أكثر من ذلك..

الأولى في بداية الأمر أن لاتواجيهـ بما علمتي بهـ ..ولكنكـ فعلت..وماكان كان

فالمهمـ الآن أن تتخذي موقف ..

هل تستمري معهـ ..؟ بما هو عليهـ وتطلبي المعونهـ من الله وتسألي لهـ الهدايهـ وتغيري ماينقص فيك..ووجده لدى غيركـ

أو ..أن تطلبي انفصال مؤقت توهميهـ أنك تريدين الطلاق .. إلى أن يتركـ مايفعلهـ

ولاتخشي شيء فالله لن يضيع أحد ..

ولاتغلطي أبدا وتخبري أهلهـ أو أهلك بما فعل ..فربنا أمر بالستر مهما يكن

وإن هددتيهـ ستكون نهايه حياتكـ معهـ ..فإن كنت تريدين النهايهـ

ابتعدي بهدوء ..دون أضرار ..لن يقبل الاهانهـ فهو مهما فعل رجل ..ولهـ كبريائهـ

ولكن فقط أوهميهـ أنك ستقولين لأهلك أو أههـ فيظل يخشى من الفضيحهـ

أختي الغاليهـ ..لست خبيره في هذه الأمور ولكن رأيت أستنجادك ..فوددت المساعده لاأكثر

وألمني من قالت أفضحيهـ ..وأفعلي ..وأفعلي..

حبيبتي ..مغريات الحياة كثيره .. والرجال إلا من رحم الله قلوبهم ضعيفه وشهواتهم تطغى عليهم

فإن لم يجدوا مايرووه خارجا .. فسيكون التعويض هناك..لامحالهـ

ثم أنني أستغرب من هي في هذا المنتدى وترى ماتكتبه وماتقصه علينا

غاليتنا الاستاذهـ ..ناعمهـ

ثم تشتكي كما أشتكيتي ؟؟

خطواتها في مثل حالتك انت ومن هم مثلك..

أولا ..حسني عاقتك مع الله

ثانيا .. حسني علاقتك مع ذاتك وكوني على ثقه بها ..أحبيها أكثر ..أهتمي بها أكثر ..أحترميها وقدريها أكثر

ثم أفرضي ذلك على الأخرين

ثالثا ..وأخير ..كلما تعلمتي فنون العلاقة الزوجيه ..أساسيتها ..كل ماهو جديد فيها ..

سيهتم بكـ زوجكـ ..ولن يرى غيركـ ..مرغما على ذلك .. : )

حفظكـ الله أختي الغاليه ..وأرجو أن تدعي لي بتفريج كربتي

 

[عذبهـ !]

عفوااا .. : )

أطلت عليك..ولكني لاحظت شيئا عندما خرجت من الموضوع

وهو .معرفكـ ""أم مزاج صعب ""

ولما هذا المزاج صعب ..أختي حاولي ترويض مزاجكـ ..

فربما هذا ماجعلهـ يهرب منكـ ..ألرجل بطبعهـ الملل ..وليس له باااال طويل لتعديل أو لارضاء ذلك المزاج الصعب ..

رفقا بحالك..حبيبتي

 

[نمله فوشيه]

المشكله الاكبر من كذا ..!

يسوي فيها يبغى بنت تدلعه وتتجرأ معه مثل الافلام الاباحيييه ..!
وهو ولايفكر يتجرأ مع زوجته او يعطيها جزء بسيط من اللي يشوفه هو ..! او يسويه ..
من جد أنانيه في الزوج استغرب منها ومع ذلك يخون ..!
الزوجه مو جمآآد علشان هو يروح يدور ويلقى وهي تصبر عليه ..
الا خوفها من الله وقوة ايمانها .. تمنعها وتحصنها عن هالرذائل ..!​

صادقه والله ومو مسالة ايمان بس يعني من حقها الوحده عيش بس لان عارفين كيف يعاملون الحرمه فمجتمعاتنا ونظرتهم لها​