السلام عليكم
حبيت احكيلكم قصتى لانى انا نفسى مش مصدقة ان فى بشر بالطريقة دى
انا فتاة من ذوى الإحتياجات الخاصة الحركية الحمد لله عندى كل شىء عربية بشتغل وعلى درجة علمية عالية محبوبة جدا من اصحابى معتمدة على نفسى اعتماد كلى بضبخ وانضف واغسل وما بعتمدش على حد
زى اى بنت نفسى اتجوز وابقى ام
اتعرفت علية من حوالى 3 سنين من ذوى الإحتياجات لكن حالتة اشد من حالتى مستواة الإجتماعى اقل بكتير والمفاجأة أنة ما بيشتغلش لكن كان طيب وحنين ومظلوم من المجتمع كمان كان متدين وقلت انة الوحيد اللى هيحس بيا لان ظروفة من ظروفى
قعدت احفزة بكل ما املك لحد ما جاب عربية استلف فلوسها من اخواتة وكان حابب يشتغل فى مجال معين وانا كنت بشجعة كان بيحبنى او كان بتهيألى كدة اتقابلنا عدد مرات قليل جدا لانة كان بيخاف عليا امى كمان كانت عارفة من اول يوم لانى مابحبش اعمل اى حاجة فى الضلمة
لحد بعد سنة وربع اشتغل فى المجال اللى هو عايزة بعدها بشهرين ابتدى يتغير مبقاش هو ما بقاش يقوللى كلام حلو زى اى واحد بيحب واحدة ولا ملهوف على اننا نتخضب زى زمان
صبرت وقلت ممكن يكون من الشغل
بعدها قاللى اننا لازم نسيب بعض لأن مرتبة صغير وعلية ديون بقيت فلوس العربية
تعبت ساعتها وضغطى على وقلتلة لا طبعا احنا قربنا على تحقيق حلمنا وربنا هيفتحها عليك وقعدت ادعيلة فى كل صلاة ان ربنا يفتحلة كنوزة
فى رمضان اللى فات فتحت الايميل بتاعة لقيتة ميل بعتة لبنت البنت دى كانت جاية تدريب عندهم فى الشركة وانة بيحبها وبيموت فيها وكلام كدة
اتصدمت ومسحت رقمة وكلمتة
وقلتلة مش هينفع نكمل لأنى شوفت وانت خاين
عيط وقالى مينفعش ودى نزوة وسامحينى
وفضلت كدة سنة كمان ربنا فتحها علية ومسك كذا مركز فى اكتر من شركة وبقى عندة مشروعة الخاص كمان
والدين قرب يخلص
قالى عايز اتقدم لباباكى قولتلة ماشى
بابا اداة معاد بعد اسبوعين
فى الاسبوعين دول هو بعد اوى اوى
مبقاش يكلمنى كل يوم
قلت يمكن خايف
واتقابلوا
وبابا جة موافق علية موافقة مبدأية
فبمكلمة بقولة مبروك قالى على اية انا لما شوفت باباكى اضايقت اكتر
استغربت
وفضلت علاقتنا متوترة جدا تلات ايام
لحد ما قالى احنا مش هينفع نتجوز علشان ظروفنا ومش هنستريح مع بعض
قلتلة مش شايف ان الكلام دة جاى متأخر ؟
وبعدين انا مافيش حاجة تعوقينى عن الجواز انا بعمل كل حاجة بنفسى وبشتغل وبدرس وبطبخ وكل حاجة كل حاجة
قاللى احنا لو جبنا طفل وسخن بليل مين هيشيلة وينزل بية؟
قلتلة ربنا موجود يبقى يدبرها وبعدين ممكن ما يسخنش
قاللى لا بردة ما ينفعش
اتصدمت وكنت حاسة ان دة من ضعفة
استعنت بالإسغفار والدعاء كنت بستغفر كتير فوق ال5000 مرة
كانت مناقشة الماجيستير بتاعتى بعد 19 يوم
هو مكانش عارف
كتبتها على الفيس بوك واتصلت بأمة واخوة قلتلهم
ومع ان اهداء الماجيستير كان لية
هو لا اتصل يومها ولا قالى مبروك
فى حاجة نورت جوايا ان فى حاجة غلط
ابتديت اكتب قصص قصيرة اعبر فيها عن مشاعرى فى موقع هو من مرتادية
بس تحت اسم راجل
لقيتة قرأ قصصى وعجبتة وباعتلى انة عايز يستشيرنى
قلت فرصة وربنا جبهالى وعمرى ما هضيعها
كلمنى عن طفولتة وشبابة وان هو تعبان
واعد يبررللى مستواة الدراسى المتوسط يإعاقتة وانة كان بيتعب فى المواصلات وكدة
قعد يحكيلى عن حياتة حوالى ساعة إلا ربع علشان اتعاطف معاة
وبعدين حكالى عن مقابلتنا وان لقى ان شكلى "وحش" وانة عمرة ما حبنى وانة حب واحدة معاة فى الشغل ورفضتة
وانة كان رايح يقابل والدى وكان فى ضميرة انة يقول كلام وحش علشان والدى اللى يرفضة علشان يطلع قدامى مظلوم ومتبقاش جت منة ..!
وانة اتقدم لواحدة تانية بعد مقابلة بابا باسبوع ورفضتة بردة
وان البنت اللى شكلها وحش ممتازة ومش بنت عادية وقعد يشكر فيا ربع ساعة بس هو خايف من ان اعاقتنا تتعبنا
وانة عرف انى هناقش الماجيستير ومعملش حاجة ولا بارك
وانة عرف قيمتى لما تعب ومحدش سال علي حتى البنتين اللى اتقدملهم ولا اخواتة ولا اى حدة عكس لما كان بيتعب وانا معاة كنت بسأل علية كل شوية
وبكدة عرفت الحقيقة.....
المهم هو حاول يتصل بيا يومها وانا قفلت معاة وخلال المكاملة كان بيكدب فى كل حاجة انة مكانش عارف معاد الماجيستير وانة كان خايف وقلقان
بعد كدة انا سبتها على ربنا لقيت واحدة معاة فى المكتب اون لاين على الماسنجر
سلمت عليها
وقعدت تقوللى ما تزعليش والجواز قسمة ونصيب
قلتلها ما ازعلش من اية
قالتلى احنا عرفنا ان باباكى رفض
قلتلها بابايا انا رفض
وكلمتها فى التليفون فوجئت انة قالهم ان بابايا رفض
وانة قايلهم عنى انى تخينة
واعاقتى صعبة
وانى انتحرت علشانة قبل كدة...!
قلتلها انا مش هرد بالكلام
انا هخليكى تشوفينى بكرة وانتى احكمى
وفعلا شوفتها
البنت ذهلت
لانى لا تخينة
ولا وحشة بالعكس جميلة
ولا اعاقتى صعبة بالعكس هو اعاقتة اقوى
وبتحرك بحرية
واتصلت باخوة هو اصلا كان ليا معا كلام بحك انهم فى البيت كانوا عارفين اننا هنتجوز
ومصدقش وقاللى كان فى البيت علطول بيقول عليكى جميلة جدا
وانة هيتجوزك يا مش هيتجوز حد تانى
وان باباكى قبلة كويس جدا واعد يشكر فية كتير
قلتلة انا مدانة ليكبتفسير احنا نتقابل بكرة انا وانت والبنت اللى بتشتغل معاة فى المكتب
والبنت اللى اتقدملها
وبكدة كل الاطراف عرفوا فين الحقيقة
هو لما عرف قعد زعق شويا
وبعت لكل واحدة من البنتين ايميل جامد وفية كلام قاسى
وبعدين اعتذر للبنت اللى معاة فى الشغل
انا لحد دلوقتى مش مصدقة ان فى بشر ممكن يعمل كدة
وزعلانة منة اوى
حياتى العملية متأثرتش بالموضوع دة انا راسمة لحياتى طريق بكملة
اكن لما ببقى لوحدى طوفان من المشاعر بيبقى جوايا
اية كمية الكدب والخداع دى
وانا مقدمتلوش غير الخير
وقفت جنبة فى عز اصعب اوقات حياتة
معرفش هو عمل كدة لية
مش فاهمة
ولا جواة اية
كان بيحبنى ولا لا كان واخدنى مجرد سلمة
لحد ما يحقق طموحاتة
وزعلانة من نفسى لانى مش قادرة اسامحة
لا وبطلب بقصاص ربنا
واحد قعد يتكلم عليا فى شغلة سنتين بكل وحش
وانا بقدملة كل خير
ويجى يصب فى ودانى احلى الكلام
كل يوم كان بيدعى ان يومة يبقى قبل يومى
طيب ازاى
وارجع اسال نفسى
انا مسبتش فى حياتة ولا علامة
ما انا لو سبت كان افتقدنى وكلمنى على الاقل دة ممكن يرجعلى جزء من كرامتى
حاسة ان مشاعرى تايهة
ومكسورة
حبيت احكيلكم قصتى لانى انا نفسى مش مصدقة ان فى بشر بالطريقة دى
انا فتاة من ذوى الإحتياجات الخاصة الحركية الحمد لله عندى كل شىء عربية بشتغل وعلى درجة علمية عالية محبوبة جدا من اصحابى معتمدة على نفسى اعتماد كلى بضبخ وانضف واغسل وما بعتمدش على حد
زى اى بنت نفسى اتجوز وابقى ام
اتعرفت علية من حوالى 3 سنين من ذوى الإحتياجات لكن حالتة اشد من حالتى مستواة الإجتماعى اقل بكتير والمفاجأة أنة ما بيشتغلش لكن كان طيب وحنين ومظلوم من المجتمع كمان كان متدين وقلت انة الوحيد اللى هيحس بيا لان ظروفة من ظروفى
قعدت احفزة بكل ما املك لحد ما جاب عربية استلف فلوسها من اخواتة وكان حابب يشتغل فى مجال معين وانا كنت بشجعة كان بيحبنى او كان بتهيألى كدة اتقابلنا عدد مرات قليل جدا لانة كان بيخاف عليا امى كمان كانت عارفة من اول يوم لانى مابحبش اعمل اى حاجة فى الضلمة
لحد بعد سنة وربع اشتغل فى المجال اللى هو عايزة بعدها بشهرين ابتدى يتغير مبقاش هو ما بقاش يقوللى كلام حلو زى اى واحد بيحب واحدة ولا ملهوف على اننا نتخضب زى زمان
صبرت وقلت ممكن يكون من الشغل
بعدها قاللى اننا لازم نسيب بعض لأن مرتبة صغير وعلية ديون بقيت فلوس العربية
تعبت ساعتها وضغطى على وقلتلة لا طبعا احنا قربنا على تحقيق حلمنا وربنا هيفتحها عليك وقعدت ادعيلة فى كل صلاة ان ربنا يفتحلة كنوزة
فى رمضان اللى فات فتحت الايميل بتاعة لقيتة ميل بعتة لبنت البنت دى كانت جاية تدريب عندهم فى الشركة وانة بيحبها وبيموت فيها وكلام كدة
اتصدمت ومسحت رقمة وكلمتة
وقلتلة مش هينفع نكمل لأنى شوفت وانت خاين
عيط وقالى مينفعش ودى نزوة وسامحينى
وفضلت كدة سنة كمان ربنا فتحها علية ومسك كذا مركز فى اكتر من شركة وبقى عندة مشروعة الخاص كمان
والدين قرب يخلص
قالى عايز اتقدم لباباكى قولتلة ماشى
بابا اداة معاد بعد اسبوعين
فى الاسبوعين دول هو بعد اوى اوى
مبقاش يكلمنى كل يوم
قلت يمكن خايف
واتقابلوا
وبابا جة موافق علية موافقة مبدأية
فبمكلمة بقولة مبروك قالى على اية انا لما شوفت باباكى اضايقت اكتر
استغربت
وفضلت علاقتنا متوترة جدا تلات ايام
لحد ما قالى احنا مش هينفع نتجوز علشان ظروفنا ومش هنستريح مع بعض
قلتلة مش شايف ان الكلام دة جاى متأخر ؟
وبعدين انا مافيش حاجة تعوقينى عن الجواز انا بعمل كل حاجة بنفسى وبشتغل وبدرس وبطبخ وكل حاجة كل حاجة
قاللى احنا لو جبنا طفل وسخن بليل مين هيشيلة وينزل بية؟
قلتلة ربنا موجود يبقى يدبرها وبعدين ممكن ما يسخنش
قاللى لا بردة ما ينفعش
اتصدمت وكنت حاسة ان دة من ضعفة
استعنت بالإسغفار والدعاء كنت بستغفر كتير فوق ال5000 مرة
كانت مناقشة الماجيستير بتاعتى بعد 19 يوم
هو مكانش عارف
كتبتها على الفيس بوك واتصلت بأمة واخوة قلتلهم
ومع ان اهداء الماجيستير كان لية
هو لا اتصل يومها ولا قالى مبروك
فى حاجة نورت جوايا ان فى حاجة غلط
ابتديت اكتب قصص قصيرة اعبر فيها عن مشاعرى فى موقع هو من مرتادية
بس تحت اسم راجل
لقيتة قرأ قصصى وعجبتة وباعتلى انة عايز يستشيرنى
قلت فرصة وربنا جبهالى وعمرى ما هضيعها
كلمنى عن طفولتة وشبابة وان هو تعبان
واعد يبررللى مستواة الدراسى المتوسط يإعاقتة وانة كان بيتعب فى المواصلات وكدة
قعد يحكيلى عن حياتة حوالى ساعة إلا ربع علشان اتعاطف معاة
وبعدين حكالى عن مقابلتنا وان لقى ان شكلى "وحش" وانة عمرة ما حبنى وانة حب واحدة معاة فى الشغل ورفضتة
وانة كان رايح يقابل والدى وكان فى ضميرة انة يقول كلام وحش علشان والدى اللى يرفضة علشان يطلع قدامى مظلوم ومتبقاش جت منة ..!
وانة اتقدم لواحدة تانية بعد مقابلة بابا باسبوع ورفضتة بردة
وان البنت اللى شكلها وحش ممتازة ومش بنت عادية وقعد يشكر فيا ربع ساعة بس هو خايف من ان اعاقتنا تتعبنا
وانة عرف انى هناقش الماجيستير ومعملش حاجة ولا بارك
وانة عرف قيمتى لما تعب ومحدش سال علي حتى البنتين اللى اتقدملهم ولا اخواتة ولا اى حدة عكس لما كان بيتعب وانا معاة كنت بسأل علية كل شوية
وبكدة عرفت الحقيقة.....
المهم هو حاول يتصل بيا يومها وانا قفلت معاة وخلال المكاملة كان بيكدب فى كل حاجة انة مكانش عارف معاد الماجيستير وانة كان خايف وقلقان
بعد كدة انا سبتها على ربنا لقيت واحدة معاة فى المكتب اون لاين على الماسنجر
سلمت عليها
وقعدت تقوللى ما تزعليش والجواز قسمة ونصيب
قلتلها ما ازعلش من اية
قالتلى احنا عرفنا ان باباكى رفض
قلتلها بابايا انا رفض
وكلمتها فى التليفون فوجئت انة قالهم ان بابايا رفض
وانة قايلهم عنى انى تخينة
واعاقتى صعبة
وانى انتحرت علشانة قبل كدة...!
قلتلها انا مش هرد بالكلام
انا هخليكى تشوفينى بكرة وانتى احكمى
وفعلا شوفتها
البنت ذهلت
لانى لا تخينة
ولا وحشة بالعكس جميلة
ولا اعاقتى صعبة بالعكس هو اعاقتة اقوى
وبتحرك بحرية
واتصلت باخوة هو اصلا كان ليا معا كلام بحك انهم فى البيت كانوا عارفين اننا هنتجوز
ومصدقش وقاللى كان فى البيت علطول بيقول عليكى جميلة جدا
وانة هيتجوزك يا مش هيتجوز حد تانى
وان باباكى قبلة كويس جدا واعد يشكر فية كتير
قلتلة انا مدانة ليكبتفسير احنا نتقابل بكرة انا وانت والبنت اللى بتشتغل معاة فى المكتب
والبنت اللى اتقدملها
وبكدة كل الاطراف عرفوا فين الحقيقة
هو لما عرف قعد زعق شويا
وبعت لكل واحدة من البنتين ايميل جامد وفية كلام قاسى
وبعدين اعتذر للبنت اللى معاة فى الشغل
انا لحد دلوقتى مش مصدقة ان فى بشر ممكن يعمل كدة
وزعلانة منة اوى
حياتى العملية متأثرتش بالموضوع دة انا راسمة لحياتى طريق بكملة
اكن لما ببقى لوحدى طوفان من المشاعر بيبقى جوايا
اية كمية الكدب والخداع دى
وانا مقدمتلوش غير الخير
وقفت جنبة فى عز اصعب اوقات حياتة
معرفش هو عمل كدة لية
مش فاهمة
ولا جواة اية
كان بيحبنى ولا لا كان واخدنى مجرد سلمة
لحد ما يحقق طموحاتة
وزعلانة من نفسى لانى مش قادرة اسامحة
لا وبطلب بقصاص ربنا
واحد قعد يتكلم عليا فى شغلة سنتين بكل وحش
وانا بقدملة كل خير
ويجى يصب فى ودانى احلى الكلام
كل يوم كان بيدعى ان يومة يبقى قبل يومى
طيب ازاى
وارجع اسال نفسى
انا مسبتش فى حياتة ولا علامة
ما انا لو سبت كان افتقدنى وكلمنى على الاقل دة ممكن يرجعلى جزء من كرامتى
حاسة ان مشاعرى تايهة
ومكسورة
