ادخلوا... وخبروني شو اسوي لاني صدق ما اطيق نفسي

[طفلة الورد1]

مشكلتي مع زوجي.. هو في حد مسبب مشاكل غيرهم:sadwalk:

بس صدق ما اعرف كيف اتصرف.. ياليت تخبروني .. ولكم الاجر

المشكلة ان زوجي مبتعد عني جسديا.. حتى النوم ينام في غرفه ثانية يتحجج بالاولاد عندي بنتين صغار وانه عنده دوام.. المهم عاذرتنه قلت اخلية يرتاح

المهم انه ابد ما يجيني ولا يكلف خاطره ابد يقرب صوبي.. ولما اجلس بكرسي.. يجلس في الكرسي اللي ابعد عنه.. ولما اجلس مرات مكانه.. على اساس يجلس بجني يبتعد عني

الصراحه نفسيتي انهارت.. حتى النوم.. من حاجتي له انا اللي اتحرش فيه.. كأني انا الريال وهو الحرمة.. مع العلم اني اتحرش فيه بس في الشهر مرتين.. ويوم ما اقترب منه ابد ما يفكر يجيني.. صرت ما احس اني انثى.. وكنت بعد ما انام معاه احس بالذل والحقاره.. حاولت ابتعد ما قدرت

لا تقولوا يكلم غيري.. ابد ما احسه يكلم حد.. لان اللي يكلم حد احس انه لازم ينكشف
ولا تقوالوا اتعدلي... لاني تعبت تعبت تعبت ... خبروني شو اسوي

 

[sosoo]

هلا حبيبتي طفلة الورد
انا ما اعرف كيف احكم لانك كاتبة بختصار جدا .......؟؟ هو من قبل يتصرف هذا التصرف او من فتره قريبة
بس في شي مهم جدا حاولي تخلين العيال ينامون في غرفة ثانية وخصصيي غرفتك له اهو وحدة حتى يرتاح فيها تكون لكم وحدكم من دون اغرض العيال و السراير الي تكون مالية الغرفة فالزوج ما يرتاح جذية ...
خليهم في غرفة بجانب غرفتك وتطلين عليهم كل ساعة ....حتى ما يكون عنده عذر
والله يوفقج

 

[طفلة الورد1]

اشكرك اختي سوسو على ردك.. الله يجزيك الخير

بس المشكلة.. ان عيالي صغار سنتين وتسع شهور.. ما اقدر اخليهم بروحهم.. المشكلة مش مشكلة الغرفه.. لاني اروح مرات عنده في غرفته.. المشكلة بعده عني وعدم رغبته فيني باااااااااااااااااااااااااااارد

المشكلة انه ما يحبني..انا ولا شي في حياتة.. حتى غريزته كبشر معدوووووووومه ... ما ادري شو اقول.. بس الله يصبرني

 

[pink*paradise]

اهو يبات برة البيت؟
يقعد في دوامة ساعات طويلة؟
هل يشتكي من ضعف جنسي؟
اذا كانت الاجوبة لا.
اذا ابتدي بنفسج:
غيري استايلج؟ انا ما اقول تعدلي اقوول غيري استايلج؟
يمكن مل من كشختج المعتادة
روحي الصالون وسوي كل شي كانك عروس جديدة
غيري ستايل قمصان نومج
اخذي شي ولا مرة لبستيه
ولا تنسين الرائحة مهمة عند الرجل..... عطري جسمج بعطر مختلف نوع ولا مرة استخدمتيه
روحي السوق اشتري كفر يديد... دروي لون وخامة (مغرية) +شموع+عطورات للغرفة والفرش ..عطورات مثل الافندر-باشن فروت-سدن وود..
نومي عيالج مبجر(شربيهم دوا كحة) اي شي تصرفي
وتكونين قبلها رايحة الصالون .....صابغة شعرج ولا تقصينة خليه طويل للاغراء طايح ناعم تدلعي فيه
وفرشي الكفر اليديد حق غرفة ريلج وعطريها وحطي الشموع وكل شي
وبالصالة زهبيلة العشا وعشية وتدلعي وتمشي بالصالة (نبي حركات اغراء)
ملاحظة:ممنوع البوس والتحرش حقريه
لما يخلص عشاه قوليله تصبح على خير وبوسيه على خد واحد وروحي دارج اللي فيها عيالج
خليه يفكر ويقول شفيها هذي.. جنينه شوي
ولما تروحين دارج لا تنامين على طويل
شبي الليتات وسوي اي شي شبكي انترنت او كلمي احد من صديقاتج
حسسيه انه مو مهم
وخنشوف شلون بيتصرف؟
اذا ياج وحاول يتحرش ثقلي اوكي مو على طول شسمة...
ولعيه وبعدين كيفج
والله يهديه لج

 

[افرجها يا كريم]

هل يعاني من مشكلة جنسية

او ممكن يكون عنده ضغط بالعمل عشان كذا يجي تعبان
انا فتره كان زوجي ما يجيني الا ....

لكن بصراحه كان يقول ان الشغل هاد جسمه

عموما الله يعينج و يصبرج

ااختي عليك بالدعاء

لا اخفيك انا كنت دايما ادعو

اللهم حببه في يا رب لا تجعله يقدر يعيش بدوووني

يارب اجعلني احب اليه من كل شيء حتى من نفسه الا منك و من دينك و نبيك محمد صلى الله عليه وسلم






و الله يتقبل من الجميع

 

[ميرو]

سمعت وحده تسأل دكتوره في التلفزيون نفس حالتك وقالت لها اكيدعنده مشكله جنسيه حاولي تصارحينه بدون ماتجرحينه وحسسيه انك خايفه عليه وانك تبغين سعادته وخففي من التلزق فيه على شان ماينفر منك

 

[السجايا]

hختي الغالية بعض الحريم الله يهدين يشكن من ريالهن بس مايشوفن عمارهن هن الريال يبى الحرمة اللى تهتم بشكلها وريحتها الطيبة والكلام العذب والجو الهادي بعيد عن العيال مع احترامي لج عيالج هب عذر تقدرين ترقدينهم من وقت وتخلينهم في حجرتهم والله بيحفظهم وعقبها تفرغي لنفسج وريلج حاولي تشوفين وين التقصير انا اعرف وحده ريلها كان يتشكى من ريحة ثمها الله يعزكم وصارحها لأن مافاد معاها التلميح انا مااقو انج مقصرة بس ارجعي نفسج واذا شفتي انه ماله عذر صارحيه بالكلام الحلو والطيب خذيله ورد وبطاقة واكتبي عن شوقج له حتى لو تروحون تباتون في فندق وخلي العيال يومين عند امج او خواتج حسسيه انه هو الطفل المحتاج لحنانج والله يوفقج .
.

 

[زهرة البوادي2006]

اختي هل زوجك من قبل عنده هذه المشكلة ام بعد ولادتك ؟؟؟؟؟؟

 

[طفلة الورد1]

اشكرك اختي pink paradise على ردك لي.. وبجاوب على اسئلتك.. هو ما يبات بره البيت .. بس يستانس اذا رحت بيت اهلي.. ييلس في الدوام .. لين العصر.. يعني دوامة الرسمي

ما ادري اذا يعاني من ضعف جنسي.. بس شكله فيه ضعف لانه مرات لما اتحرش فيه ما يقدر يسوي ويتعذر لي يقولي ماله رغبة.. وانا اذا سويت بس عشانج..... يخافني انحرف الريال

انما عن نصايحج.. فوايد حلوه ..بس مش لزوجي.. لانا من يوم اتزوجنا وهو ما يحبني اللبس ملابس اللي يلبسوها الحريم عند ازواجهم ودايما يعلق علي مع ان جسمي كان متناسق وحلو .. وقالي ما اريدج تلبسين هذه الملابس .. انا احتقر الحرمة اللي تلبس جذي.. احب الحرمة المحترمة

وكنت اشتري عطورات ماركات وكريمات للجسم من البودي شوب ويقولي شوه هالريحه شو هالعطور مب حلوه.. لا تحطينه مره ثانية ...عمره ما مدح شي فيني كله يحقرني يحقرني
حتى احط مرات مخمرية لشعري ومرات دهن عود... يقولي شو هالريحه ويضحك علي.. اما عن المكياج فلما اروح الصالون اتعدل.. ييلس يضحك ويضحك .. يقول شو هذا صدق الحريم ***********


اختي زوجة رجل اشكرك على ردك .. وعلى دعائك الحلو وان شالله استفيد

اختي ميرو .. يمكن عنده ضعف... لكن انا وايد مخففه وما اضغط عليه.. بس اخاف يتعود يهجرني للابد


اختي السجايا.. صراحه كنت اهتم .. بس الحين ما صرت اهتم .. لانه كله يحقرني اهتميت او لا.. بس الليله اللي اخطط اكون معاه .. اكيد لازم اهتم بكل شي

اختي زهرة البوادي.. اعرف شو تقصدين المنطقه ضيقه او لا:shutup: بس هو يعاني من قبل... وكانت بعد الولادة الصراحه مش ضيقه بس قمت اسوي تمارين كيجل .. وتعرفين انه ما يتم بينا شي فأكيد تضيق من نفسها

الصراحه تصدقون ارتحت لما اسولف وياكم.. صح المشكلة بعدها ما انحلت ..بس خخفتوا عني شوي

 

[الطايشه]

مادري والله بس اعتقد والله اعلم ان زوجك شاذ لاني اعرف وحدة كان زوجها ماينام معاها لا مرة في الشهر وكانت اتحاول اتقرب منه بس مايعطيها وجه المهم مرة شافت رفيجه يبوسه شفايف وهو مدخله المجلس ولين خلاص رفيجه منه اجي زوجته المهم هي تتطلقت بس انتي مادري عن حالتج استشيري حد فاهم في طبايع الرجاجيل بس اعتقد دام انه كان يجيج من قبل انه طبيعي بس يمكن نفسيته تعبانه من موضوع شاغل بالله لان الرجال يبعد عن زوجته اذا باله مشغول انتي حالولي اتفرفشينه اشوي وصارحيه الصراحه اقصر طريج والله يردة لج ردا جميلا يارب ويسعدج معاة

 

[ملكة النور]

حبيبتي انتي لا تطاوعيه يوم يقولك لبسك وريحتك مو عاجبته
البسي علشان نفسك وخليك واثقه من روحك

مو تهملين نفسك طول الشهر وما تهتمين الا وقتها

ترا بعض الرجال ينتقدون بس بالحقيقه هالشغلات تعجبهم

تعطري والبسي وما عليك منه واذا تكلم قولي له انا عاجبتني مو لازم تعجبك

ولا تخليه يهز ثقتك بنفسك


والله يعينك

 

[طفلة الورد1]

انا صدق ثقتي بنفسي صارت مهزوزه.. لا منحطه بعدمن كثر الانتقادات

عكس قبل الزواج كنت طموحه وهاديه .. الحين احس اني صرت في الستين

 

[ام غادة]

حسبي الله و نعم الوكيل

ممكن تجربين تكلمينه عن هواياته مثلا اهو شو يحب ؟
القنص - السيارات -

جربي


لكن باسلوب انثوي

او ممكن هو يكون سامع شي عنج او انتي سويتي شي و زعلان منج وايد ؟؟


احس ان الدكتورة ناعمة و الاستاذة موزة هم اللي يقدرون يحلون مشكلاتنا و يحلون مشكلتج

ان شاء الله - الفرج قريب و ما ضاقت الا بتفرج ان شاء الله

 

[ام شوق]

ادعي له بالهدايه , والله يهدي سركم يارب

ان الله مع الصابرين

الصبر مفتاح الفرج عليج بثلث الليل بالصلاة والدعاء وقرأة القرآن والاستغفار

الاستغفار فيه الفرج والاستغفار دروازة التوفيق


والله يفرج عليج كربتج يارب

الا بذكر الله تطمئن القلوب

مرات الانسان يبتلي من تقصيره بذكر الله وبعد المؤمن مبتلي


وفقك الله واصلح لك زوجك

 

[وميض البرق 10]

حبيبتي ربي معك لكن البنات محد قصر كل كلامهم درر ما شاء الله
بس تبيه يتغير و يجري خلفك

كوني غامضه أيوة غامضه الرجل يتعود يشوف زوجته مثل كل يوم ليس هنالك جديد ولا يفرق معه الملابس المختلفه
الرجل ينظر الي عقل و جسد وتصرفات المرأة ولا يثير أهتمامه كثيرا العوامل الخارجيه

عندما تكوني غامضه هو سوف يعيد حساباته معك
يسال نفسه ليش متغيره
ليش ما عادة تهتم فيني ليش متجاهلتني
ليش ما ترسل مسجات أو اتصالات
ليش ليش يعني حاولي تهملينه وما تعطينه وجه كله 3أيام وأن كثر أسبوع
وبعدها بيسالك وأنتي لاتجاوبي وقولي عادي ما فيه شي
خليه يفكر فيج ليل ونهار
هو الحين مرتاح من نحيتج لذالك لا يعطيج أهتمام
بس تصرفاته تدل علي وجود أمراة سمحيلي بس وهذا عن تجربه كانت نفس تصرفاته سبحان الله

كل الرجال لما تكون معهم عشيقه او حته ممارسه العادة السريه علي النت او تلفاز يقولون عندنا ضعف

حته الزوجة ما تشك ولا تطالب بحقها

ولكن
ليس الضعف لان الضعف له علاج ومنتشر في كل مكان يعني ما معقوله ما يروح يعالج نفسه لان الجنس يعني الرجوله عند الرجل
وفي حال أنه يعالج أذا راح يبي يجرب مفعول الدواء صح
لاتزعلين الرجال صنديق مقفله
بعض الرجال لا يقدر ان يتحكم في مشاعره لذلك يكره الزوجه لانها هي السبب في بعده عن عشيقته
والرجل عندما يعشق ويخون يكره أن تلمسه زوجته وأن أجبرته الزوجه علي المعاشره يكون جامد كقالب الثلج ولا يهتم فيها هل .................


لذلك كوني غامضه وكتاب مغلق حته كلمات الحب التي تمطرينها عليه لاتقوليها غيري عاداتك كلها معه دعيه
يشوفج مراة مختلفه عن قبل
يعني تغير الذات أمر ضروري حته يتغير هو


أمشي عكس التيار وهو راح يمشي معك

وهذا الكلام عن تجربه
وسمحيلي أن أدخلت الشك في قلبك ولكن حته نشرب الدواء لابد أن نكون مرضا ثم نشفي بأذن الله

 

[ضياء القمر]

الله يعينك ويهدي زوجك ان شاء الله

 

[طفلة الورد1]

خواتي ام غادة, ام شوق , عندي امل يتغير, FADAK , مشكورات على ردودكن والله يجزيكن الخير على نصايحكن..:a200:

 

[ام رواضي]

الله يعينج