وسام الحزن
New member
- إنضم
- 2008/07/19
- المشاركات
- 262
السلام عليكم ورحمة الله وبركاته
بصراحه فيه مشكلة صارت بيني وبين زوجي باخر ايام رمضان واحسها للحين براسي عاد المشكلة انتهت بيومها بس انا للحين اهوجس فيها من القهر اللي جاني ذاك اليوم............
انا كنت مشغوله بنفسي عشان مابقى شي على العيد وزوجي كان جوعان قال وين الاكل قلت تونا على السحور وطلع يجيب له عشاء من المطعم وقالي تعشي اول ماخلصت تعشيت معاه وبعد ماخلصت نزلت اصلح السحور لما خلصت على الساعه اربع رقيت انا وسحوري حصلته نايم صحيته مارضى يصحى قلت قم تسحر قال مابي (وتطلع شياطيني انا كلش ولا اني اطبخ ولاياكل انهبل ) قلت وشلون ماتبي قم ياخي سحور ترى قال قلتلك مابي ووخري بنام لاتزعجيني واستلج عليه وشلون ماتبي الحين اتعب واطبخ وطول الوقت تحت ويوم زان قلت مابي طيب ليش تخلين اصلح دامك ماتبي قال والعشا اللي اكلناه وشو ذا قلت انا بعد ماخلصت متعشيه قلت لك بنزل اصلح السحور ليش ماقلت لا مابي قال انقلعي انتي والنعمه اللي معك وضفي وجهك ان ارفعت صوتي وقمت اهاوش (اول مره اسوي كذا)المهم ويقوم يلعن ويشتم فيني عاد هو شمالي غربي مافيه كلمة بالكون وصخه الا وقاله استغفر الله المهم واقوم واضف سحوري وانزل واسبع المواعين وارقى وادخل الغرفه وارقى على السرير بنسدح قال لاتنامين على السرير نامي بالارض قلت وشو انا انام بالارض لا والله ماانام قال اقولك قومي قلت لا وليش كل هذا قال لماتعرفين وشلون تحترمين رجلك تعالي نامي عندي المهم قلت طيب انا عارفه اني غلطت ورفعت صوتي عليك اسفه وسكت قال طيب قومي نامي بالارض قلت لا واصريت على رايي المهم قال اجل قومي ضفي قشك بوديك لاهلك قلت لا ماني رايحه المهم هو عصب علي وبتل يهاوش وانا ارد انا عارفة المفروض ماارد بس مدري وش اللي خلان استقوي كذ1 قال قومي يالله بوديك قلت لا وش اقول لاهلي قال علميهم وش سويتي قلت طيب انا اعتذرت منك قال انا بزر عندك اسفه وخلاص المهم قال امشي بوديك انا ماابيييييك انا ماابييييك يوم قالها احس الارض موشايلتني قلت خلاص بروح بس ان رحت والله ماارجع قال وشو تهدديين لاترجعين قلت تراي علمتك قال قومي قلت عباتي بالغساله اصبر لين تنشف وانا صادقه قال تستهبلين قلت رح شف قام نزل وجابها المهم قلت طيب اصبر لين يوم العيد على الاقل قدام اهلك واهلي ونوم ماني نايمه جمبك وعقب العيد ودني ولاعاد تجي تاخذني وان بغيت بتطلقني طلق تراه عادي عندي قال انتي قد هالكلام قلت اجل اقعد عند واحد مايبيني مابي افرض نفسي عليك انت قلتها خلاص قال انا ماقلت ماابيك انا قلت ماابيك تنامين عندي (شوفو اللف والدوران) وبنتي تسمع كل الهواش ذا طبعا بنتي عمرها خمس شهور ماتدري ياقلبي واخر شي قامت تصييييح من اصواتنا انا حضنتها ونزلت من السرير وسويت لها رضعه وجلست بالارض ارضعها المهم سكت انا قال يعني وش نهاية الموضوع قلت تبيني انام بالارض نمت تبيني انام برا نمت تبي توديني لاهلي ودني ماعاد يفرق عندي شي قال تبي تروحين لاهلك قلت اذا ماتبيني ودني سكت وبعدين حس ان الموضوع انقلب عليه قام يفتح مواضيع ثانيه عن الدين وانك مانتي راعية دين تخيلوا يقولي ذا الكلام انا من غير شعور رديت عليه قلت لاتتكلم بالدين هذا شي بيني وبين ربي ولاتحط بذمتك شي قال انتي ماتقوميني للصلاة وربي اقومه بس احيانا امل لانه مايقوم واتركه قلت اللي حريص على الصلاة يركب المنبه ويقوم انا ابري ذمتي وانت بكيفك المهم انا عقب كل هالهواااش ذا جلست اصييييييييييح قال خلاص قومي غسلي ونامي قلت مابي انام بكيفي مو تقولي نامي بالارض خلاص ماعليك مني متى مانمت قال خلاص قومي غسلي وتعالي نامي بالسرير قلت مابي قال قومي يالله طيب عشان بنتك نامي جمبها وقمت وغسلت ونمت بالسرير طبعا مانمت جمبه حطيت البنت بيننا وعقب ماصحينا قاعد يسولف ويضحك ولا كانه صاير شي انا ماعطيته وجه بالحييل بس عقب سكت عنه
وش رايكم بتصرفه ..... وش اسوي معاه ......... تصرفاته ترفع الضغط ولايهمه احد لا ابو ولا ام ولاحتى اهلي
