اخوي يبغا يتزوج وحده عن طريق المسن

[موتيارا]

السلام عليكم
كيفكم ياملكات والله لكم وحشه من زمان عنكم
بدخل في الموضوع
زي مانتو شايفين من الموضوع فهمتواالسالفه
يقول انها غير عن البنات اللعابه لاني اختبرتها كثير على مدى سنتين وتقوله على كل شي في حياتهاحتى انه طلب يشوفها او يشوف صورتها لكن رافضه ويقول انه سحب عليها شهر او شهرين وحاولت ترجع له بشتى الطرق
فيستشيرني في هذا وقلت له ماعندك سالفه تراها لعابه ولا تصير خروف
لكن مصر يبغا يتزوجها
اطلب نصيحتكم وش اقول له .... ... ذبحني ​

 

[روحي واو]

شوفي يآقلبي اذا كانت البنت مؤدبه معه بالحكي واخلاقها حلوه فهو أعرف بـ هالشي

وشباب اليوم يعرف البنت الكويسه والبنت البطآاله

واهو مستحيل يصمم يتزوجهآ الا وهو واثق انه كويسه ..

وانتوا شوفوا اهلها مين وأستفسروا عنهم شوووي

وصدقيني مو يعني انها دشت المسن انها مو كويسه ..

انتي اسأليه عنهآ اكثر وحاولي تتعرفي عليهآآآ وا1ا لقيتي انو فيه اتفاق بينهم بالزواج

فعلاقتهم مو لعب انما هي علاقيه جديه .. والعلاقات الجديه دأئمآ صآدقه ..

 

[إحسآإس طفله]

حبيبتي مو أي بنت تكلم وآحد تكون لعآبه
إذآ هو وآثق فيهآ ويحبهآ لآتمنعونه إنه يرتبط فيهآ
من حقه يختآر شريكة حيآته آللي حبهآ وقلبه تعلق فيهآ
ممكن تتعرفي عليهآ أكثر عن طريق أخوك .
وتسألو عنهم وعن أهلهآ
آلله يكتب له آللي فيه آلخير .​

 

[موسي فراوله]

كلام البناااات صح وحرااااااااااام وقذف انو الناس يشككون بأخلاق البنات لمجرد انها

كلمته وربي حرام ذنبها عظيم

على فكره أخويه تزوج كذا وحبيناها مررررره وأخلاقها جدآ عاليه ومتربيه

ويثق اخويه فيها جدآ والله يديم عليهم الصحه والستر

ماللمتاحبين استر واشرف من الزواج​

 

[دلوعة مملكتنا]

طيب يمكن ما تطلع حلوة والا فيها عاهة

ما اوومن بهالزيجات

 

[خلود بكر]

كلام البنات صحيح صح اوقات الانسان يغلط لكن مو معنى ان الشخص هذا مو زين اذا الانسان يغلط فله رب يسامح ويغفر وان رب العباد غفر فخلاص انتهى الموضوع لاتقولي الشخص هذا مو زين ممكن يسوي اشياء ثانيه فيها خير وشوفي البنت بس لاتحرجيها بلكلام بس تعرفي عليها وتكلمي معاها كأنك اول مره تعرفيها وشوفيها يمكن البنت طيبه وحبوبه واكيد اخوك ادرى بلامور هذي والله يوفقهم يارب وانتي عاد لااوصيك استري عليها يعني لاتقولي لاي شخص حتى الوالده

 

[محتاره وياه]

يظمن اذا تزوجها ما تكلم احد غيره
وغير شذيه راح يعايره وتعاهره بمجرد مشكله اصغيره

يبعدون عن بعضهم بعض ابرك لهم
​

 

[الامل باالله]

مدري غريب أخوووكي
واحد من اخواني الله يهديه كذا يحب وحده باالمسسن

وواضح انها تحبه هي من جد مره

واقول له اخوي وانصحه يافلاااان هذا شي حرااام
تبي نخطبها لك خطبناهااا
يقول تخييل اخذ وحده متعرف عليها من النت
مجنون اناااا اللي خانت ربها واهلها رااح تخووني
ولارااح اثق فيهاااا ابدآآآآآآآآآ
مدري احس مو زين كذاااا
والله يكتب له مافيه خير يااارب

 

[غلا روحي ليول]

عااادي
انا ولد خالي تزوج وحده عن طريق النت خوش بنت تهبل ومعاملتهاا حييييييييل حلوه معانا ومعا العايله كلهاا وربي يستر عليهم وجابو عيييال واهي من مكان واهي من مكاان ياسبحان الله نصيبه ونصيبهاا وال من قال لانهم كل واحد من جهه

 

[الملاك 2010]

ألله المستعان

 

[لحظه ممكنه]

اطلبي منه يستخير الله فيها ووامممم دام يحبون بعض وعلاقتهم جديه ومبنيه على صدق وثقه واحترام

صدقيني زواجهم ناجح باذن الله

وربي يقدم الخير يارب للجميع

معـ تحيتي​

 

[هوى الشمال]

يمكن ماتعجبه البنت شكليا’
وبعدين ممكن مايثق فيها بعدين ويتطلقون لأسباب تافهه
لأن أغلب الشباب يكونون في مرحلة المراهقه افكارهم غيييير وإذا عدوا هالمرحله تغيرت الأفكار وصار يراجع نفسه ويصير يشك فيها وإنها تخونه .......
ثاني شيء مو شرط تكون البنت سيئة أخلاق ممكن تكون أخلاقها كويسه بس وقعت في هالخطأ
وبعدين تقدرون تعرفون أخلاقها من ناحية السؤال عنهم,,,
لكن أهم شيء تخلين أخوك يفكر في هالأمور من كل النواحي ويستخير ويتقدم ولكن لازم إنه مايستمر في هالطريق ياأما زواج أو خلاص لايكلمها لأن هالأمور حرام وتجر للمعاصي والشيطان ينبسط من هالأمور وماتدرين وش يصير بعدين ,,لازم تنصحينه
ودمتي بحفظ الرحمن...​

 

[سـهام الجفا]

خله يستخير الله
وعن رأي الشخصي ماااااااااااااااااااااااايد زواج المسن الله يكتب اللي فيه الخير لهم

 

[ام رنومه]

الله يكتب الا فيه الخير
سبحان الله وبحمده سبحان الله العظيم

 

[جونار]

يإختي غريب زواج النت والمجتمع يستنكره بقوه
انا صديقتي تعرفت عليه وحده في المدرسه وخطبتها لاخوها وعوائلهم تختلف
تزوجوا ومبسوطين بس الناس الى يومك هذا يسألون ومستنكرين
كيف تزوجت من واحد بعيد وعن طريق اخته؟!؟!؟!؟!؟!؟
فما بالك بمسن!

 

[كل كلمه]

لاتحكمي على البنت انها ماهي كويسه

يمكن تطلع احسن من اللى انتم راح تختاروها له.,

ووممكن انتم في بالكم وحده وتكون هي متعرفه على احد من قبل


الله يتمم لهم على خير ولاتصيري عقبة لطريق اخوكي نصيحه,,

 

[زحمة جروح]

عادي خليهم دام ماشين صح الله يوفقهم يستخير اهم شي

 

[اتعبني هواك]

ياعمري خليه ياخذها بكره تزوجونه وحده ثانيه ومايشوف فيها شي يعجبه
لان قلبه مع هالبنت أسألوا عن أهلها وعن اخلاقهم وإذا شفتوا شي عليهم خلوهم
أماإذا ناس أجواد خلاص والبنت من أمها وأبوها إذا اهلها ناس طيبين فهي على ماتربت ..ياقلبي والله أعرف ناس ولدهم يموووووت فوحده ماخذه قلبه وعقله ويبيها وأهله رفضوا وزوجوه وحده ثانيه بحكم ان إيش بلا تحبها بلاخرابيط وتزوج وحده لاشافها ولاشي لان أهلها من النوع اللي يرفضون شي اسمه الشوفه الشرعيه
وتوكل على الله وخذها اول سنه ماتحمل وكان يبي يطلقها يقول موحلوه ولاابيها
بس امه وابوه وقفوا فوجهه بحكم ان بين الاهل معارف قويه وهذا أهو كمل 9سنوات ومعه أطفال بس ماحبها ورجع يكلم اللي يحبها أول قلبه معها ولانساها وظلموا بنت الناس المسكينه زوجه بس بالاسم لكن قلبه مومعها مع حبيبته الاوله..لاتغلطون هالغلطه وتظلمون بنت الناس ..

 

[الجوف حلوه]

الله يهديهم ويصلحهم......الامور هاذي العلاقات عن طرق المسن او غيره من العلاقات الثانيه احس انها مايمشي حالها اذا بالدنيا مشي حالها بالاخره مراح يسلمون لانو راح يسألون عن هاذا امام رب العباد فكيف راح يكون موقفهم &&&خلي ثقتك بالله قويه والتوفيق بيد الله خليك من كلام الشباب والبنات الله يستر بنات وشباب الحلال باللحلال ،،والله ولي التوفيق.(سبحان الله وبحمده سبحان الله العظيم)

 

[سآرآ]

ربي يكتب اللي فيه الخيره ان شاءالله يارب