اخواتي الحبوبات بليييز علموني كيف اعتني بنفسي ؟!

[سندي بيل]

السلام عليكم ورحمة الله ​

حبيباتي البلقيسيات كيف حالكم كلكم ؟
ان شاء الله تكون بأحسن احوالكم يا رب:20:​

ابغى منكم لو سمحتو خدمة وحدة بس و معليش استحملوني ما عندي غيركم
ابغاكم تعلموتي كيف اعتني بنفسي انا في المرحلة الجامعية دحين و عندي مشاكل كثير في الاعتناء بنفسي كل اللي اعملو هو اني استحم بشكل طبيعي اغسل شعري بالشامبو مرتين و اشطف جسمي بالصابون مع ليفة بودي شوب (القفازات ) و بعدين احط لوشن وبس ومرات يكون استحمامي بشكل يومي و مرات كم مرة بالأسبوع .​

أما مشاكلي هي انو شعري معدووووووم خشن جاف و متقصف و يتساقط كمان و بشرة جسمي جاااافة و مسمرة و وجهيي كمان مسمر و باهت و مافيه نضارة و عندي حب شباب و اثاره و بثور مع اني اغسله يومياً بصابون و مسامات وجهي كبيرة و واضحة و رقبتي فيها سمار مرة يقهر مو راضي يروح في مرة تقلت عليها بالليفة وفضل معايا سواد الجروح و زاد و كمان اشتكي من سواد الركب و الأكواع و مفاصل يديني واصابع رجولي مرة مسمرة و في اسمرار في اماكن تانيية من جسمي ,و عندي حبوب ولا مو حبوب اثرها بس في ظهري و اكتافي و ذراعيني وبس ...:icon1366::icon1366:​

يعني الحمد لله يبغالي صيانة جبارة عشان اتغير و اسير بيضة او يسير لوني موحد ويسير شعري ناعم و كثيف و مايطيح يعني شعر صحي و تسيير بشرة و جهي صافية و فاتحة و نضرة يا سلاااام و يديني و رجليا ناعمين و بيضين اكيد لمن ادخل الجنة ولا في منامي و انا نايمة والا انتو اش رايكم يا بلقيسيات هدا الشي ممكن ؟؟:33:​

اذا كان ممكن ارجوكم ساعدوني و علموني و انا حكون طالبة مجتهدة و حدعيلكم في ظهر الغيب دعوات حلوة لكل ابلة فيكم :35:​

مشكوريين حبايبي اللي تحملتو على نفسكم و قرأتو موضوع الله يسعدكم و يوفقكم و يهنيكم يا رب . احبكم كلكم :3:​

 

[monh]

ماني بعيدة عنك

ان شاء الله البنات يفيدونا

 

[سندي بيل]

ان شاء الله
و نسير نعمل جدول يومي و ننتظم عليه .

 

[كلمة وداع]

شووووو حتعملو جدول من غيرى
انا معاكم فيه وان شالله نكون طالبات مجتهدات
والبنات يقدرو يفدوناا

 

[سفيرة المشاعر]

اسمعي ياقلبي نبدا اول حاجه في شعرك عندي خلطه مررره حلو للشعر وهي الخلطه تغذي اول شي روحي للعطار اطلوبي منه يعطيك 5 زيوت من المعصره نفسه اول زيت الخروع والثوم واللوز والجرجير والنارجين خلاص واخلطها مع بعض بمقدار واحد اللي هو في فنجال قهوه طيب وحطيها على شعرك لمدة 5 ساعات دحين احنا خلصنا من الشعر نروح للجسم
في خلطه مره حلوه اللي هي تجيبي من الصيدليه فيتامين سي فوار وكريم جلسوليد الاحمر ونص كاسه عصير ليمون وزيت اللوز الحلو للبشره اخلطي الزيت مع الكريم في علبه وحطها على جنب وروحي حطي قرصين من الفوار علي عصير الليمون الين مايفوك وحطها علي الكريم حتي يصير معك زي الكريم وحطها هي والزيت حق الشعر مع بعض بعد 5 ساعات اتروشي طبعا ايش رااااح ادخلي معك الحمام ليفه صابونة البابايا وصابونه الكركم وعلى فكره لما تحطي الزيت عللى شعرك غطيها في كيس اي كيس وافركي في الليفه والبابايا وبعد البابايا صابونه الكركم وخلاص انتها
بس ابغ دعواتك بتيسر الزوج لي يارب

 

[بنت اوبوي]

الله يرزقك ياسفيره المشااعر بالزوج الصالح
انا كان احتاج الخلطات هذي

 

[سندي بيل]

الله يحييكم يا بنات
مشكوريين عل المرور
وان شاء الله كلنا نستفيد

و الله يوفقك يا سفيرة المشاعر
و يرزقك الزوج الصالح اللي يسعدك و يرضيكي
مشكووووورة على الخلطات الحلوة
جاري التطبيق ان شاء الله من بكرا​

 

[سـموي بذآتـي]

ابشري يآآآقلبي عندي كل اللي تبغين


من عنوني


رح اكتب ...>>>


يتبع

 

[سـموي بذآتـي]

شوفي أول شيء يبغآلك تسوين تقشير محترم لجسمك ووجهك واقدآمك وكفوفك ...


عشآن التقشيرمهم لآزم الخلآيآ الميته تروح قبل لآتبدين في خلطآت ...

وبعد التقشير ابدأي...>>>

يوميآ غسلي جسمك بآلخلطه الصآبونيه طبعآ في خلطآت صآبونيه كثير بس انآ بكتبلك اللي انآ استخدمهآ:
وهذي مكونآتهآ......>>>

صآبونة كركم
صآبونة غآر
صآبونة البآبآيآ
مآء ورد علبة كآمله
ربع م ك كركم جسم
2-3 م ك جلسرين
م وسط نشآء(تحطينه ع الخلطه بعد مآتشيلينهآ من ع النآر)
6 كبسولآت فيتآمين إي الزيتيه(طبعآ تفيكن الكبسوله وتكبين الزيت اللي فيهآ ع الخلطه بعد مآتطفين النآر من عليهآ)


الطريقة:
يبشر الصآبون ويضآف ع جميع المكونآت في قدر ع النآر ويخلط مع بعض حتى ينسجم الخليط مع بعض ثم تطفأ النآر ويوضع النشآء والكبسولآت وإذآ برد الخليط تضعينه في علبة زجآجيه للحفظ..وعند كل استحمآم نظفي جسمك بآلخلطه ...



ونصيحه شخصيه مني>>بعد الترويش ادهني جسمك بمرطب يرطب جيدآ ..لأن الخلطه بسبب انوآع الصآبون رح تنشف جسمك..

وكل يوم رطبي جسمك ..انآ عندي مرطب خلطت مجموعة كريمآت سوآ(زبدة الكآكآو من فآزلين الزبدة مو اللوشن+وجلسرين سآيل+وجلسوليد+وكريم الكولآجين من فآزلين) ادهن فيهم وربي ترطيب خيآلي..

شوفي اشتري اسكينول بآلليمون ..وادهني وجهك ورقبتك وابآطك منه كل يوم مره ...
يجنن رح يفتح بشرتك ويصفيهآ..


سوي حمآم بخآر كل اسبوع مره رح ينظف بشرتك ويصفيهآ ويشيل الخلآيآ الميته ويحرق الدهون...

قبل لآتنآمين ادهني جسمك بمجموعة الزيوت هذي(زيت زيتون+زيت الخروع+زيت اللوز الحلو+زيت السمسم) ومع الوقت رح تفتح جسمك وتوحد اللون وترطب وتلمعه لك...


وسوي بدكير لرجولك فآلبيت كل اسبوع مره ويوميآ ادهني اقدآمك بفآزلين والبسي شرآب ..ووقت النوم ادهنيهآ بجلسوليد وليمون والبسي شرآب..ونفي الشيء كفوفك..


طبعآ انصحك تشربين مويه كثير ...

شوفي بآلنسبه لشعرك في موضوع انآ نزلته قبل شوي في قسم العنآيه بآلشعر وربي خلطتي هذي رح تجيب معك مفعول خطييير ..بإذن الله


شوفي هنآ قلتلك بإختصآر بس بإمكآنك تسأليني عن اي شيء وانآ حآآآضره الحمدلله بإذن الله امتلك معلومآت مفيده في العنآيه الشخصيه ...


انتظر رأيك...​

 

[سفيرة المشاعر]

سمو بذاتي يعطيك العافية ياعمري وربي كلااااام من ذهب صادقه ايش مكونات خلطة الشعر حقتك

 

[سندي بيل]

اختي سمو بذاتي اشكرك من كل قلبي
ما شاء الله عليكي كفيت و وفيت مرة شكراً
الله يوفقك حبيبتي و يحقق امانيكي

و عندي سؤال :
عن التقشيير ينفع يكون ليمون و سكر للوجه
و باقي الجسم ليمون و زيت زيتون و ملح ؟​

 

[مدام حنو]

الله يعينك اختى ع الحال
بس كل مشكله ولهاحل
انتى حاولى دايما تدخلى قسم البشره
وتستفيدى من خبرات البنات
ومن افكارهم ماشاءالله عليهم
بيفيدوافهالاموووور كثير
وطبقى منها اللى يعجبك قلبى
طمنينا عليكى

 

[AUDI]

شدي حيلك وسوي زي مااقالو لك الاخوات ........

 

[أنثاه]

عيوب بشرتي مثل عيوب بشرتج ​

​

لكني بديت أهتم بنفسي والحمدلله تحسنت كثير​

​

​

​

بالنسبة للخطوات اللي أتبعها:​

​

1- حمام مغربي مرة كل أسبوع << الحين بقوم أسويه P:​

​

إذا حابة أعطيج طريقته أنا حاضرة ^_^​

​

2- ترطيب مسسسستمررررررر لأن بشرتي جافة​

​

أرطب وجهي ورقبتي وجسمي كله​

​

أنصحج وبشدة بمجموعة كريمات فيتامين E من بودي شوب​

​

أنا لو يقولون لي كنسلي كل كريماتج وخلطاتج وخلج على هذي بس ما راح أمانع​

​

جد جد روعه​

​

وفيه من ضمنها كريم لليدين أخليه بشنطتي دايماً وإذا توضيت بالجامعة أرجع أرطب يدي فيه​

​

أيضاً كريم اليدين وكريم زبدة الكاكاو من فازلين .. جداً روعه​

​

3- زيت اللوز مرطب حلووو وايد​

​

يقولون إنه يساهم في توحيد لون البشرة​

​

أنا أستخدمه بين فترة وفترة .. وبعد كل حمام مغربي​

​

4- كريم الدكوين​

​

حلو وايد للتصبغات ..​

​

مثل الأكواع والركب والمفاصل ويمكن يفيد رقبتج بعد​

​

أنا وصفته لي طبيبة جلدية .. أنصحج تستشيرين طبيبه أو الصيدلاني قبل استخدامه​

​

لاحظت نتائج مبهرة في الأكواع ومفاصل اليد .. ​

​

وكانت في يدي آثار حرق من الحناء والكيماويات اللي يحطونها فيها .. وراحت ولله الحمد​

​

بس حسسج عينج تستخدمينه وتطلعين تحت الشمس​

​

ترى تصير النتيجة عكسية واحنا مش ناقصين ×_×​

​

احنا واجهة بيتنا زجاجية وتدخل شمس طول النهار .. فـ مستحيل أحطه قبل المغرب​

​

5- صنفرة الجسم كل يومين أو 3 أيام​

​

باستخدام أي كريم صنفرة يناسبج​

​

يمدحون اللي ينباع في بودي شوب​

​

أنا أستخدم منتجات Soap and Glory << مب متأكده من السبلنغ P:​

​

مادري إذا موجودة بالسعودية ولا لأ​

​

6- الاهتمام اليومي ببشرة الوجه​

​

تنظيف البشرة الصبح والمساء​

​

تونيك فيتامين E >> مصل فيتامين E >> كريم فيتامين E (كله من بودي شوب)​

​

وقبل ما انام أحط كريم ريناسول للحبوب وأغسله الصبح .. وايد استفدت منه​

​

​

​

​

​

​

​

الحين نجي للشعر وخلطاته​

​

1- البيض​

​

من أكثر الأشياء اللي فادتني ولاحظت مفعولها بعد غسل الشعر مباشرة​

​

صحيح ان الريحة تضايق .. بس مايبقى لها أثر بعد الغسل​

​

اخلطي : بيضة + ملعقتين عسل طبيعي + ملعقة خل + شوية ليمون + ملعقتين مايونير​

​

وخليهم على شعرج لمدة ساعتين واغسليه​

​

2- الزيوت​

​

خلطتي كالتالي :​

​

كوب أو أقل بشويه من : زيت زيتون - زيت خروع - زيت ثوم - زيت جرجير - زيت حبة البركة - زيت نارجيل​

​

وأنقع فيه : فنجال نوى تمر مطحون (آخذه جاهز اللي ينعمل قهوه) + فنجال هيل + ​

​

فنجال محلب مطحون + فنجال فلفل أسود + شرايح زنجبيل​

​

الهدف منها تغذية الشعر وتطويله وتشجير المساحات الصحراوية​

​

​

​

طبعاً الجدول مرن​

​

تقدرين تاخذين منه اللي تبينه أو المتوفر عندج وتلغين الباقي أو تأجلينه​

بعض الأشياء مثل البيض ومجموعة فيتامين E والحمام المغربي تظهر نتائجها فورياً
وبعض الأشياء تحتاج لشوية وقت واستمرار


تراني كنت ألللق
بس ادمرتني الجامعة مثلج
الله يعين ويوفقنا وياج


هذا اللي عندي بدون اختصار ^_______^
وحاضرة لأي استفسار .. وإذا ما انتبهت عندج الخاص .. لحد يستحي منا P:​

 

[سندي بيل]

مدام حنو شكرا لتعاطفك مع حالي
و ان شاء الله ابشرك بالنتايج.

 

[سندي بيل]

مشكووورة Audi عالمرور و أكيد حشد حيلي معاهم دعواتكك .

 

[سندي بيل]

أختي أنثاه ما شاء الله عليكيي أفدتيني كثير
الله يحفظك و يوفقك دنيا و اخرة
ولي عودة ان شاء الله اسألك عن كم حاجة
مرسي كتير

 

[سندي بيل]

الله يزوجكم يا اميرات بلقيس و يسعدكم يا ملكات بلقيس
أحبكم في الله

 

[سندي بيل]

لا لا شكلي بسحب الدعوة توي شفت عدد المشاهدات و المشاركات
288 مشاهدة و17 رد بس مع مجموع ردودي أنا لااا زعلتوني مكن