chooclt
New member
- إنضم
- 2010/04/01
- المشاركات
- 710
اخطاء نرتكبها في حق البشره
شوفي الاخطاء الي تسويها وابحثي له عن حل او اتجنبيها:عشان تكون اول طريقه لكي لتحصلي على بشره صافيه؟!
1- اهمال استخدام واقي الشمس (ينتج عنه تصبغات البشره وتحفيز الغدد الدهنيه على زياده افراز الدهون)
2- عدم ترطيب البشره الدهنيه(بمفهوم انها دهنيه وتفرز دهون ما يحتاج ازيدها !) الحل استخدمي مرطب خالي من الدهون. انا كنت ما استخدمو الا نادرا ع حسب المزاج و مــــره غلط لازم تترطب زيها زي البشره الجافه.
3- اهمال ترطيب البشره الجافه (لازم تكون مرطبه طوال الوقت ) حفاظ على سلامتها لانها حساسه جدن ومعرضه للتهيج والتقشر و التصبغات و التجاعيد المبكره.
4- تعريض البشره للابخره الساخنه والحراره( غالبا تتعرض البشره لدي المشكله عند الطبخ (الحل استخدمي واقي وغير كدا حاولي قد ماتقدري تبعدي عن الابخره.
5- تعريض البشره بشكل قريب و لوقت طويل لضوء شاشه الكمبيوتر (لو تلاحظي بعد فتره تلاقي البشره سارت دهنيه و كمان تساعد على ظهور الهالات السوداء).
6- استخدام كريم الوجه لمنطقه حول العين (زي ما احنا عارفين المنطقه حساسه استخدامي لها كريمات خاصه لمنطقه حول العين) ولان كريمات الوجه تركيبتها قويه على بشره حول العين
7- لاتفركي وتدعكي وتنشفي بشره الوجه ومنطقه العين خاصه بقوه (لانك ترقهي البشره وتضريهاواستخدمي طريقه الطبطبه با المنشفه بدون فرك ).
8- عدم اتباع ارشادات الغسول او الكريم بالشكل الصحيح .من اكبر الاخطاء (مثلن مكتوب مره وحده في اليوم واحنا نستخدم مرتين هادا ادا مو تلاته مرات) يمكن اوقات ننبسط من النتيجه لكن ما تدري انها تضر بشرتك على المدى البعيد.
9- اهمال استخدام الغسول او الكريم المخصص لبشره ا لوجه (لسا في ناس تستخدم حقت اليدين الصابونه لغسيل الوجه مــــــــــــــره غلط واانا كنت منهم ايام المراهقه)!
10- اهمال تعلم الاطفال الاهتمام بالبشره اقل شي نعلمهم يستخدمو مرطب للجسم بعد الاستحمام وعند التعرض للشمس استخدام واقي للوجه وفي كريمات اشكال الوان واروائح في الصيدليات للاطفال راح تعجبهم .(أظن سهله مو صعبه حتى للي عمرو 5 سنوات*)
11- اهمال استخدام مقشر البشره (مفيد جدن لتجديد خلايا البشره وازالة الخلايا والجلد الميت والقشور) على الاقل مره اسبوعيا.
12- عاده العبث في الحبوب والبثور ( لانها راح تترك اثر وتصبغات لمده طويلــــــــــــــــــه على البشره) من العادات السيئه الي كنت اسويها بس دحين اتخلصت من الحبوب نفسها الحمدلله..
13- عدم استخدام المستحضر لمده طويله (يعني مثلن تشتري كريم لو لاحظتي انو مافي نتيجه على طول تبطلي وتتركي وتشتري جديد .... وهكذا) يمكن بشرتك اتعودت عليه تستخدمي جديد يمكن يفيد ويمكن يضر و(انا كنت اشتري كريمات غالــــيه واقول ما جبت نتيجه وابطل استخدمها ,استخدميها بشكل منتظم لمده طويله اقل شي الين يخلص صح بعضها ما تلاحظي نتيجه مرضيه بس صدقيني فاد وعالج طبقه بشرتك الداخليه بشكل غير واضح) ولو بتغيري الكريم خاصه لو كان مكتوب عليه تبيض سيبي بشرتك كم يوم بدون الكريم بعدين استخدمي الجديد .
14- استخدام خلطه كريمات غير طبيه او نصح فيها طبيب ! (عواقبها وخيمه ع البشره)
(اعرف خلطه كريمات وتحطي فيه شويه ( كلوركس حق الغسيل!!!!!!!!! ) للتبيض و من جد شوفت ناس فسخت الونهم واتغيرت الوانهم في مده قصـــــــــــــيره وناس ما ناسبتهم وسارت لهم تصبغات يا ربي لا تشقينا كل هادا مو راضين بألوانهم !!!!)
15- استخدام ماركات كريمات مختلفه في وقت واحد خاصه للبشره الجافه لانها جدن حساسه (انا افضل تكون من ماركة وحده )ليش؟ تكون تركيبتها وحده ومتجانسه تفيد بشرتك بشكل اكبر لكن تستخدمي كريم الصباح من شركه وكريم الليل من شركه والسن بلوك من شركه يمكن تتفاعل مع بعض وتطلع لك اشياء مو كويسه او مثلن تحطي كم كريم فوق بعض مو من نفس الماركه . (احس مو كويسه وانا حاول قد ما اقدر تكون كريماتي من شركه وحده بس فين وفين القى مجموعه متكامله وتناسبني .(لســـا ما زلت اعاني من هادي المشكله)
16- امممم كمان لو كنتي حابه تحافظي على نفس لون بشرتك استخدمي الكريم الي يكون عليه تفتيح مو تبيض لكن لو تبغي تبيضي بشرتك شي راجع لك استخدمي تبيض بس غالبا تكون الكريمات الي يكون مكتوب عليها تبيض تضر البشره لانو تحتوي على مواد كيميائيه لتغير تركيبه بشرتك الطبيعيه و تمنحها اللون الابيض من بشرتك ما افضلها ابدن وكريمات التفتيح تكون تركيبتها طبيعه تحافظ ع البشره وتفيدها من فايتامينات و مستحضرات واعشاب طبيعيه وغيرو حتى لو فيها مواد كيميائيه تكون نسبتها قليله.
17- اممممم كمان لو سمعتي عن أي كريم جديد و الناس تمدحتو وصلتو السماء من المدح (انتبهي لهادي النقطه هيا ناسب بشرتها انتي يمكن يناسبك او ما يناسبك او يسبب لك اضرار زياده ) خاصه لو كانت مو مرخصه طبيا الكريمات .
هذا ما يحضرني من اخطاء ادا مو كمان جرائم خخخ انا ارتكبتها وغيري مازال مستمر فيها والحمدلله دحين بشرتي سارت بشره مثاليه ماشاء الله و انسالت كدا مره ايش نوع الكريم الي استخدمو او مين الطبيب الي اراجع عندو؟ لا دكتور ولا ولا خلطات بس عنايه بالبشره وانتظام واستمرار و محافظه ع البشره بكريمات قريبه للطبيعيه و تقريبا لمده 4 شهور متواصله وان شاء الله على طول.
اتـــــــــــــــمنى لكم بشره صافيه خاليه من الشوائب لا تشوبها شائبه خخخخ ^_^
دمتــمـ بود ^_^
