بالعكس الموضوع روووعة وفي غاية الاهمية
وأنا حبدأ ..بالنسبة لولادتي الاولى كانت كلها اخطاء
الاول..بديت امشي من الثامن وكنت امشي ساعتين يعني ارهقت نفسي بدون فايدة المفروض المشي من التاسع ونص ساعه بس واللي بعد النص ساعه مجرد اجهاد لنفسك ماله اي فايدة
الخطا الثاني ..شربت زيت خروع بدري من بداية التاسع وبدون ماتقولي الدكتورة شربت قارورة كاملة ..والنتيجة الله يكرمكم اسهال شديد وفقدان العناصر الغذائية اللي كانت بجسمي
الخطا الثالث..رحت بدري وكان الرحم مفتوح 1 ونص بس وخيروني بين التنويم والخروج واخترت التنويم وطبعا اتعذبت من الكشف وجهاز التخطيط اللي على طول على بطني والجوع اللي هلكني
الصراخ باستمرااااااااااااار من اول مابدا الطلق ..انا دايم اقول ان شاء الله مااصارخ بس من الالم الوحدة غصب عنها عالاقل لمن توصل 7 سم وتبدأ تصارخ شي معقول بس انا حضرتي من البداية كنت اصارخ وكل شوية تجي السستر تخاصمني
نتيجة هالاخطاء كلها ....لمن جات اللحظة الحاسمة لحظة الولادة مااقدرت ادفع ..لدرجة انه اغمي علي من شدة التعب لاني جاية للمستشفى بدري من 7 المغرب وماولدت الا قريب 1 الظهر ..وماحسيت بخروج الجنين ..طبعا كنت فاقدة الوعي تماما من الاجهاد ..فاضطروا يخرجونه بالشفط ..والحمد لله على كل حال
ادري طولت عليكم بس بجد حبيت انكم تستفيدون من اخطائي عشان ماتسوونها
وشكرا جزيلا لصاحبة الموضوع
