اخت زوجي

  • بادئ الموضوع بادئ الموضوع اعيان
  • تاريخ البدء تاريخ البدء
اعيان

اعيان

Member
إنضم
2008/12/30
المشاركات
115
بصراحه مو عارفه شلون ابدا الحديث بس حديثي واضح من عنوانه وهي مشكلتي مع اخت زوجي بصراحه مو عارفه وش اسوي معها انسانه منافقه وزوجي يموت فيها ومستحيل يرفض الها طلب مو هذي المشكله المشكله انها تساعد اخوها علي لو تصير اي مشكله بيني وبينه يروح على طول يكلمها مع العلم انها اصغر منه وهي ماتقصر بالتحريض والله من جد تعبت منهم هي واخوها،دايم اشوف محادثات بينهم وكله كلام عني واحيان تلمح لي بالكلام من جد وقاحه لكن،عمري ماتكلمت ولا قلت لزوجي انك انت واختك تتكلمو عني وانا مالومها كثر مالوم زوجي اللي يحاول باي طريقه يشوه صورتي عند اهله واخرها موقف اني كنت اطبخ الصباح للغدا فقام قال لاهله هي تطبخ الصباح وكلم،امه وامه كلمتني قلت الها طيب واذا طبخت هل معناها الاكل بايت انا كنت اطبخ عشان لين يجي كل شي جاهز يجي من الدوام والله ويفسخ ملابسه وكل شي جاهز ماتاخر عليه لكن بدو يلمحو بالكلام وحتى لاخوانه قال الهم عن هالسالفه وصار حتى اخوه يلمح لي شفتو لوين وصلت السخافهوصارو كل جمعه يذكرو ويلمحو قدامي طيب وشدخلهم متى طبخت وشنو طبخت مالهم دخل وانا اشوف الوقت بعد مايطلع الدوام ابدا التجهيز انسب لي ليش طيب يتدخلو وهي بالذات اخته تبين له انها ماتطبخ الا وقت الغدا بالظبط وانها سنعه والله حتى التربيه،بناتي صغار توهم ومو عاجبه دايم يلمح ان اخته تعرف تربي وهذا دليل انها تشحنه علي من مكالماتهم لكن رب العالمين يمهل ولا يهمل ودايم يبي بناتي يروحو بيت اهله اكثر من اهلي عشان يتربو بيت اهله طيب اذا مو عاجبك تربيتي ليش تكمل معي احيان،والله من تصرفاتهم ودي اترك حياته وخليه يشبع باهله واخته لكن بناتي مابي اتركهم له
 
حياك أختي ولي وقفة مع حديثك كونك تطبخين وتجهزين فهذا يدل على اهتمامك وعنايتك وحاولي تكررين على مسامعه إنك تمدحينه عند أهلك وتقولين إنه كريم وكتوم وخلوق صدقيني هذه راح تخليه يفكر ويتعدل للأفضل والأمر الثاني امدحي نفسك بقولك الزوجة المتميزة هي اللي تهتم بنظافة بيتها وتخلص شغلها وطبخها من بدري حتى لما يجيء زوجها يلقى البيت نظيف والأكل جاهز وهي أنيقة وهذا هو البيت المريح والحياة اللي يتمناها كل زوج ، طبعا خلي هذا الكلام على مراحل كل مرة تقولين له شيء بما يتناسب مع الموقف وعليك بالدعاء والاستغفار، حبيبتي في عرض حديثك ذكرت أن أخو زوجك من ضمن من ذكر لك هذا إن كان أخو زوجك صغيرا دون البلوغ فلا بأس وإما إن كان أخو زوجك كبيرا فلا يجوز الكشف عليه، وفقك الله لكل خير وطاعة​
 
حبيبتي أنت أحتسبي الأجر عند ربك وداااايم أدعي ربنا هبلنا من أزواجناوذرياتنا قرت أعين وأجعلنا للمتقين إماما....وادعي إن ربي يسخر لك زوجك ويكفيك شر كل من فيه شر وألجأي لربك وبثي له الشكوى والله لن يخيبك لأنه قال عز وجل في الحديث القدسي أنا عند ظن عبدي بي فليظن عبدي بي ماااااااشاااااااء ...وأنت ظني بالله خيييير ...الله يسعدك ويكفيك شر كل من فيه شر والله يسخر لك زوجك يااااارب
 
سبحان الله بعض الحموووله لما تدخل عليهم زوجة ولدهم يرونها بصورة وحش
ويبداون يطلعون فيه عيوب الدنيا حتى لو لم يجدواراحو الفو عليها قصص
اللهم اشغل كل واحد يريد افسادحياة احد بنفسه عن الناس حتى يرتاحو من شره
 
مشكورين على ردوركم صراحه فعلا بعض الحموله لما تدخل زوجة الولد يدورو الزله عليها بينما بناتهم كل شي حلال يسوه بازواجهم الله يشغل كل واحد يحب المشاكل.بنفسه يارب
 
ابعدي عنها وخلي علاقتك كويسه وقويه بحيث انه ماتاثر عليها كلام الناس
 
اتوقع يكون زوجك شمالي شرقي واخته كمان شماليه شرقيه والله اعلم ..............شوفي لما تبداي تجهزي للغداء اجلسي لما يروح زوجك للدوام وبعدين ابدائي جهزي امورك .......وكوني امام زوجك غامضه واذا كنتي بالمطبخ اقفلي المطبخ لاينتبه ماذا تعملين ,,,,,,,,,,,,,,,ولاتنسي هذا الدعاء ((((اللهم من ارادني بسوء او شر او كيد اوحسد او يحرض زوجي علي فاشغله بنفسه ورد كيده بنحره واجعل تدبيره تدميرا عليه اللهم انا نجعلك في بنحورهم ونعوذبك من شرورهم ((()))اللهم من يتكلم بي عند زوجي فاكفئنيه بما شئت واشغله بنفسه عني )))حسبي الله ونعم الوكيل حسبي الله وكفى (((افوض امري لله ان الله بصير بالعباد,,, فوقاه الله سئيات مامكرو وحاق بهم ماكانو به يستهزئون ))))
 
واجهيه لاتكتمين بقلبك
تكلمي معه قولي انت علمت اهلك اني اطبخلك من الصبح
وخلي كلامك معه بهدوء وبنفس الوقت فيه تفشيل له
قولي هذا جزاي اني مهتمه فيك ولا ابي اقصرعليك
خليه يخجل من تصرفه
كلامك معه خليه رساله له ان اي كلام يقوله عنك عندهم
اهله يوصلونها لك..
 
صارحية قولى له اللى بقلبك
وبلغية انك مانتى جاهلة وفاهمه كلام اختك وضحيلة قولى له انا ملنى ساذجة ولايهمك كلام اختك طبعا بيكون نقاش عادى وهادى مو ترفعى صوتك وتزعلى اتكلمى وانتى واثقة بنفسك
وبلغيه انك ناضجة وفاهممة وعارفه كيف تدبري امور بيتك ومالك علاقة باحد كيف يربي ومتى يطبخ انتى حرة في بيتك والله يسهلك امورك
 
بصراحه اشكركم على نصايحكم لي بس بصراحه من جد احس بضيقه من تصرفاتهم بكل شي يبي اكون مثل خواته وبالذات هذي اي شي تسويه يحس انها تفهم ويبي اسوي مثلها لكن بصراحه انا اقوله اكثر من مره انا مو ملزومه باحد انا حره بتصرفاتي مو ملزومه كل شي يسووه خواتك اسوي مثلهم اي مكان يروحو يبي اروح معهم اي شي يسووه سوي مثلهم والله تعبت منه ومن تصرفاته يعشق اهله بشكل جنوني وبالذات اخته هذي مقربه منه طيب يحب اهله ويتقرب منهم بالعكس شي حلو لكن مو يتفقو علي ودايم يبي يشوه صورتي معهم بس الحمد لله دايم ينكشف وقربه من اخته لان اكثر وحده تساعده وتشجعه وهذا اللي يخليه يحبها واكثر من مره لما يحادثها تطلب يحذف المحادثه عشان مااشوفها وهي قدامي مسويه نفسها جدا عادي معي ومن قدامي غير لكن مع اخوها وكلامها عني غير وهذا النفاق اسفه طولت ودخلت باكثر من موضوع لكن بداخلي شي حبيت افضفض

 




مشكورين وماقصرتو بصراحه هالصفه فيه وعجزت اني اغيره تعبت منه دايم اقوله ايشي موعاجبك فيني تقولي مولازم الكل يدري عنه او تستنى الزله لكن مافي فايده
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل