اخت زوجي تناديني باسم طليقته

ل

لي قلب طيب

New member
إنضم
2013/01/14
المشاركات
3
السلام عليكم
الموضوع مبين من عنوانه.. تعبت من اخته صرت اخاف منها و من حركاتها
احسها تبي غصب اتذكر زوجي في طليقته ..
زوجي ضعيف الشخصية جدام اهله ما يقدر يقولهم شي..
تخيلو 6 سنوات احنا متزوجين للحين اخته تناديني باسم طليقته جدامه و اهو مايقدر يقول شي
بنات لو كنتو مكاني شتردون عليها
شاسوي عشان احافظ بيتي من هالساحرة..
 
عارفه ايش تسوين توقفينها عند حدها وتكوني واضحه طبعا مو قدام المحروس قوليلها يعني كل هذه الفتره مو قادره تذكري اسمي ايش تبغى توصلي راح المكر واضح والله خير الماكرين
او تسوين زيها تناديها بس مرره مو حلو وقدام حريم يعني تقولين لها يا أنتي يأ انتي او يالهبله اسمعي .. يعني خليكي قويه اشويه ترى والله بعض الحريم يبغالهم معامله شرسه
 
وقفيها باسلوب المزح وقدام زوجك
يعني مثلا قوليلها ها ناديتيني هههههه شكلك نسيتي اسمي
انتبهي من الزهايمر يا حلوه
يعني شيء زي كدا بس باسلوب انكم بتضحكو وانك بتمزحي
حتى لو عصبت او شيء من دا القبيل مثلي قدام زوجك انك متفاجأة وانه قصدك بس المزح
لانك تحبي تمزحي مع الناس الي تحبيهم دا الشيء دخليه في راس زوجك
ودائما وقفيها عن طريق المزح والضحك وبيني قدام الكل انك حزينه انها بتفهم مزحك بعصبيه
ومع الوقت حتبطل ان شاء الله ^^
 
انا عارفه إنه الموقف يزعل لكن ابدا لا توضحين لأي شخص نقاط ضعفك او الامور اللي تزعلك عشان لا يستغلها يوم ضدك انا اشوف إنك ماتردين عليها اذا نادتك بغير اسمك واذا علقت قولي لها ما سمعت اسمي بالنسبه لزوجك لو يبي يرجع طليقته كان رجعها من كثر ماتكرر اسمها لا تتزاعلين مع زوجك بسبب هذا الموضوع ولا معاها عشان لا تلفتين انتباهه للي تبي توصل له
 
ياويلي حسبي الله ونعم الوكيل

وربي احس بقشعريره بجسمي معقوله في ناس كذا

صراحه مدري ايش الحل ؟؟

الله يحفظك من كيد النساء
 
حسبي الله عليها طنشيها لو نادتك بغير اسمك
ولاكانك تسمعي الين ماتتعدل ولاتبيني لها انك تضايقتي عادي جدا خليكي
الله ينصرك عليها
 
وه ايش هذااا ...

الله يرد كيدها في نحرها

في فنون للرد .. تعلميها عشان نفسك مو عشان احد
 
الأخت اللي ذكرت سالفة الزهايمر ...حلللوه ليش ؟؟لأنك بتدخلين لها من نفس الباب باب التغابي والهزل ...مع إن من المتوقع تكون أذكا منك وتقول والله ماغابت عن بالي وتصير تمدح فيها !!!!!
أفضل الوضوح ....ودايما عند مبدأ حطي زوجك في الصوره ...لا تقولين ضعيف هالضعيف إذا شاف بعينه بينقلب أقوى منه مافيه سوي ليله حلوه أو جلسه كوني فيها بأحلا حالتك مع زوجك سولفي بكل حب ولا تطرين أي شي خارجي أو داخلي غير علاقتكم إنتو الأثنين زوجك حبيبك وبس ليله حلوه ورائعه مافيها نكد ولما تقربون تخلصون وتكونين إنتي ملكة هذي اللحظات أشيري بشوية تأثر بأن فلانه على طول تذكر فلانه دايما قدامي قولي إذا كنت أنت يازوجي نسيتها معقوله الاخت تبي توجعني كل مره بذكرها ؟؟!!!!وخلي هذي آخر كلماتك خليه هو يكتشف بنفسه وراح تشوفي رد فعله ولوسكت مره راح يقلب الدنيا ثاني مره ولو من وراك وراح تعرفين هالشي لماتبطل تسويها ..
 
صااااادقه اختي شوق و الم / و الشباب يحبون الاسلوب الحلو و الطريقه اللبقه ربي يصلح الحال و حاولي تكونين هاديه
 
غلطتك انو مو اول سكتيلها كان وقفتيهاعند حدها خوات الزوج ماينعطون وجه اسأليني انا زهقت منهم وانا عايشه بنفس البيت تركتهم وما اطلع من قسمي. جد أدا أعطيتهم وجه ياكلونك
 
هههههههههههه حلوة سالفه الزهايمر !
صدق اذا نادتك بأسم طليقته اضحكي هههههههه والتفتي لزوجك وقولي بسم الله على اختك شكل عندها زهايمر !! <~ يعني حتى لاتتكلمين معها او تردين عليها ..
بس من جانب اخر ما انصحك تدخلي زوجك بالمشكله لان اغلب الازواج صعبه يهاوش اخته عشان زوجته وخصوصا يشوفون انه مزح نساء " لو كان مزح ثقيل"
فيشوف انك مكبره عقلك عنها وماخذة الموضوع بأستخفاف ومعطيه اخته على قد عقلها , بس الحلو بالموضوع انها مبينه انها ماتحبك خلاص تجنبيها قد ماتقدري
 
صدقينى لوالتمست نقاط ضعفك ستتعبين معها تجاهليها لتحرقيها ماشى يكيد اكثر من التجاهل ربى يكفيك شرها
 
اشكركم بنات على هالردود الجميلة ريحتو نفسيتي 6سى ربي يريحكم دنيا و اخرة
ان شاءالله ربي يقدرني و اوقفها عند حدها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل