اختي وولادتها البكرية قيصرية

[مدام فلمبان]

السلام عليكم ورحمة الله وبركاته
اخباركم بنات بلقيس ان شالله بخييير
حبيباتي مشكلتنا في البيت هي اختي الله يقومها بالسلامه
طبعا اول ولادة لها ودخلت التاسع وخلصت منه وماجاتها اي الام ولاده
راحت للطبيبه اليوم وقالتها ان الحوض عندها ضيق والولادة الطبيعيه في خطر عالبيبي
وقررولها قيصيريه
المشكله في نفسيتها هي جدا خايفه وجدا متوتره وفي حيره لان الدكتوره قالتلها لكي الحريه
بس طبعا كلنا مأيدينها على القيصريه
حبيباتي ابغى رايكم في الموضوع اولا
ثانيا ابغى منكم انكم تفيدوني عن القيصريه اكثر
او بالاحرى ابغى كلام مطمن عن القيصريه اقوله لها عشان ارفع مكن معنوياتها شوي واريحها
واهم شي دعوااتكم لهااا
وسلامتكم​

 

[um_rqawy]

انا وااالده قيصري ... قوووليها تقول لهم يعطوونها بنج كاامل مو نصفي علشاان ماتخااف ووو

 

[وحيده في دنياي]

امس الثلاثاء اختي ولدت قيصري
وتوقف عندهاالقلب لكن ربك سترر

 

[وتين قلبي]

خوفتيني ياوحيدة في دنياي الحمدلله ع سلامتها ايش السبب في توقف القلب

 

[وحيده في دنياي]

خوفتيني ياوحيدة في دنياي الحمدلله ع سلامتها ايش السبب في توقف القلب

هي منتفخه من الحمل كثير وصار معها زلال مرتفع وضغط حمل مرتفع وسكر حمل مو منتظم

ودخلت التاسع وخلصت 3 اسابيع
ودايم لما تروح يرجعونها لين تعب في بطنها
وهي بعدتعبت
وصار لها كيذا

 

[مجنونةM]

اولا الله يقومها بالسلامه ويخارجها على خير
سواء طبيعي او قيصري
الخير فيما اختار الله
اذا الدكتوره تشوف القيصري افضل لها ولجنينها
تتوكل على ربي وتولد قيصري لأن الدكتوره ادرى منها
والله ييسر لها يارب

 

[الجواااان]

الله يكتب لها مافيه الخير يااارب

 

[حبك بعثر الدنيا]

الله يسهل عليها واتقوم بالسلامة
ربي يطمنكم عليها
والقيصرية صارت عملية سهلة والكل تقريبا مجربها
خل تمشي وتشرب اعشاب اتحمي الطلق وتشرب دارسين مغلي وان شاالله ربي يرزقها الولادة الطبيعية
ويرزقني وياها انة الحمدلله ماجربت القيصرية ولا ودي اجربها اخاف من التخدير ...

 

[أميــرة الــورد]

انا ولدت قيصري بس بعد ماتعذبت بالطلق يوم كامل وفي النهايه ولدوني قيصري .. دام قررو لها قيصري خلها تريح نفسها من الام الطلق وزيها زي اي عمليه ..

 

[تائهه لامكان له]

خليها تكثر من الاستغفار واجمعي من النت ادعيت الولاده وخليه تقراهن وباذن الله ربك بيسيرها لها ويكتب لها الي فيه خير​

 

[نبراس الدعوة]

الله يقومها بسلامه

 

[ياقوتيه]

ربي يعافيها ويقومها بالسلامه يارب ومبروك ما جاها خوفتينا لما قلتي توقف القلب بس الحمدلله ان ربي ستر ربي يعديلها هالفتتره على خير يارب

 

[سلامي26]

أنا أختي طافت التاسع بأسبوع ومن أول مادخلت التاسع وهم يقولولها مستحيل تولدين طبيعي
بس هي ماستعجلت صبرت واتحملت والحمدلله آخر شي ولدت طبيعي

 

[جنون بيبي]

الله ييسر لها ..

واذا الدكتوره قايله لها قيصري الافضل تسوي قيصري امي الحوض عندها ضيق وكل ولادتها قيصري معروف انو اذا الحوض ضيق خطر عليها وعالبيبي ويمكن تبدأ الولاده طبيعي بعدين يسون لها قيصري فالافضل تمشي على شور الدكتوره والله يقومها بالسلامه

 

[أم مهرة1]

حبيبتي الله يسر عليها انا مربية من اسبوعين قيصري لان الراس تم فوق المهم حاولو انتو تستشيرون مستشفى ثاني لان ربيعتي قالت لي عن مرت اخوها انه قالو لها قيصري يوم راحت مستشفى ثاني ربت طبيعي ولله الحمد ما احتاجت قيصري

 

[بنت وايل]

أختي الغاليه أن ولادتين لي قيصريه والحمد لله الأمور كلها ممتازه
والحين حامل للمرأة الثالثه وبعد قيصريه ,,
بالعكس أحس القيصريه احسن بوااايد من الطبيعي خصوصا اذا هي خوافه مثلي خخخخخ وخليها يعطونها بنج كامل احسن اذا كانت خايفه وااايد بس أغلب المستشفيات الحين يعطون بنج نصفي احسن للأم والبيبي وعشان تستانس وتشوف البيبي اول ما يوصل وتاخذه بحضنها
عادي صارت القيصريه أسهل من الولادات الطبيعية ,, والخيرة في ما اختاره الله