اختي وزوجها ... ندااااااء لكل البلقيسيات الخبيرات... مهم جدا

[سرااااااااااب]

مرحبا يا بلقيسيات ..

راح ابدأ بالسالفة ....

اختي متزوجة وعندها اربع عيال ... دايم مشاكل هي وزوجها ... على اتفه الاسباب .. وهي تحبه بجنووون .. وهو دايم يقول انه يحبها .. لكنه يثير غيرتها بالكلام عن النساء وجمالهم تقول ولا كأنه شايفني .. هي والله عندها اربع عيال .. وفي مناسبات هذا الصيف انخطبت اكثر من عشر مراات .. محد يصدق انها عندها اربع وعمرها 27 ...

المهم ... تابعت زوجها ولقته مسجل في منتدى شعر وخواطر ... ومطلع له ايميل ثاني وحطه بالتوقيع .. طبعا سوت ايميل جديد .. وطلبت اضافته ..
وارسلها .. مراحب .. بس منو انتي ومن وين جايبة ايميلي ...

اختي تبي تكمل اللعبه بس خايفة تنكشف ... وش ترد عليه ابي اسلوووب .. ابي سياسة حلوة ما تخليه يشك .... ترد عليه وش تقول له ؟؟؟ .. والموضوع تحت المراقبة ,,,

 

[سوارستيفاني]

خليها تتعوذ من الشيطان تبعد عن هالفكرة لان فيه اشياء ان تبدا لنا تسوءنا
كثير رجال يحبون يثيرون غيرة زوجاتهم
وانصحك لا نعينينها على هذة الفكرة و تنسحب بتتسبب على نفسها بمشاكل كثيرة
وفهمت من كلامك انها جميله فيمكن زوجها ما يبغاها تتكبر عليه اشوفها كثير بعايتنا فعادي

 

[أجمل أحساس 22]

تلعن الشيطان وتتركة وغذا مصرة على الفكرة تقول له انها جابت ايميله من المنتدى اللى قالت انها شافته حاطه بالتوقيع
ربي يهدي سرها و

 

[غلولوه]

لاتكمل باالسالفه ليش تتعب نفسيتها دامه يحترمها ولا يعمل شي قدامها ليش خراب البيوت معليش غلط فكرتها لو تعرفت عليه وش راح تستفيد غير مشكله ولا يمكن توصل لطلاق

 

[لون الربيع]

مافي شي لو كملت معاه بس بهدف انها تفهم ايش اللي يجالس يدور عليه
وايش مشكلته يمكن تقدر تشوف النقص اللي فيها وتعوضه....​

 

[سرااااااااااب]

اشكركم على ردودكم ...

هي مصرة تكمل وانا قبلكم قلت لها بلاش .. لكنها مصرة ..

وهو قبل ما كان حاط ايميل في المنتدى .. وتقول مرة غلط وقال لها انه مشارك .. طبعا من فترة طويلة .. يمكن هو يعتقد انها نست الموضوع .. وسوى ايميل وحطه بالتوقيع ... هي مصرة ماتبي تخرب بيتها ولا بتعلمه بس بتشوف وش سالفته ووش يبي بالضبط .. بتأدبه يعني ..

منتظرة ردود بعد ..

 

[يكفي حزن]

نصيحه لوجه الله لاتخلينه تكمل لانها راح تلقى اشياء تضايقها وكل رجال يسوي حركات زوجته ماتدري عنها وانا مجربه سببت لي مشاكل مايعلم فيها الا الله انتي خوفيها لاتقولين يكلم ويضيف من وراك قوليلها لاتراسلينه خاف يزعل ويشك فيك اقنعيه تترك الحركات

 

[سرااااااااااب]

ما اقدر امنعها .. هي كتبت رسالة رد خلاص .. بس انا قلت لها انتظري نستشير ... وهي هدفها تعرف وش يبي .. وتحاول تقرب منه اكثر .. لانه الرجال يفضحون مكنوناتهم عند بنات الماسن لانهم مايعرفونهم ...


ونسيت اقول شي مهم .. هو رد عليها باسلوب مو اسلوبه .. باسلوب شرقاوي بحت .. شنو ومنو انتي .. وهذي مو طريقتنا في الكلام ..

 

[دلع قلبه]

هل تتوقعين انها طريقة سليمه وصحيحه اللجوء لحل المشاكل بالكذب والطرق الملتويه
استوقفتني عبارة قلتيها عن اختك!!

وهي تحبه بجنووون
لكنه يثير غيرتها بالكلام عن النساء وجمالهم تقول ولا كأنه شايفني

لا هو شايفها بس غيرتها تحدث مشاكل والمشاكل تخليه ينفر منها
حبها له المجنون اكيد تترجمه بكثرة اتصالات وملاحقات وطلب مشاعر مستمر وين رايح وين جاي ولازقه فيه طووول الوقت!!
اذا كان كذا فانا اقولك هذا سبب المشاكل اللي بينهم وهروب زوجها منها
الرجل يحب المراة الغامضه اللي ماتكب نفسها عليه
اللي ماتتسول المشاعر ولاتلاحقه!!
موجود تستمتع بوجوده ,,اختفى تنشغل بحياتها الخاصه هوايتها,بيتها,اطفالها,اهلها .......
الرجل ينفر من المراة التي لاهوية لها وكل همها الرجال!!
لما يكون لها كيان وشخصية مستقله بيركض وراها بس مادام
كل همها هو !!!طبيعي بينفر منها
خليها تشوف نمطه وتقرأ في كيف تتعامل مع نوع نمطه وش الاسلوب
الامثل للحياة مع هالنوع من النمط..

 

[*..الحلوة..*]

ليييييييش تجيب وجع الراس لنفسها اذا بدت لازم ابدا نا تتاثر وتحاول بس تعرف هو شي يحب وتحاول تعدل في شخصيتها بدون ما تتاثر وخليها ما تستبعد شي ولا تتحطم

 

[سرااااااااااب]

اعتقد انها مستعدة تتحمل كل التبعات ...

 

[يكفي حزن]

لالالالالالا لاتجرب ولاتشوف اكيد تبي تلقى بلاوي لاتقول ابي استطلع واشوف نصيحه امنعيها اذا تقدرين

 

[" أم جنى "]

لا تتكلم معاه ولا شي

لأنه ممكن يكون ما يكلم بنات ع الماسنجر
وتجي هي تتكلم معاه فتخليه يحب الشي هذا , ويبدأ يتعرف على بنات

" يعني تكون هي اللي تفتح له الباب "

وحتى لو كان عنده شي ..
فالأفضل انها ما تنبش وراه ..

المنتدى هنا مليان نصايح مفيدة تخليها تستعيد علاقتها وبقوة مع زوجها

افضل شي .. تعطيها رابط المنتدى وتخليها تدخل على الدورات وعلى ملفات الاستشارات
تقرأ وتفهم وتسوتوعب
وبعدها راح تبدأ تلاحظ تغيير في نفسها وبالتالي تغيير في حياتها ..

 

[تشكي ابكي]

اذا هي طالبة المشورة خليها تسمع كلام الاخوات

لا تكمل احسن لها وتتجاهل الموضوع

واذا على كلامك مو اسلوبه في المحادثة يمكن مو هو وهي اضافة شخص ثاني

نبهيها لا تجيب المشاكل لنفسها

 

[سرااااااااااب]

سؤال يطرح نفسه ..
اذا هو ما يبي يتعرف ولا يخربط .. ليه كشف ايميله بتوقيعه .. وفي منتدى كله بنات ...
وليه رد عليها ...

هي زوجته اولى انها تعرف .. حتى لو تلعب عليه وتقوله ماهمها .. عجزت افهمها وانا مقتنعة شوي .. لو زوجي اتوقع بتكون نفس الطريقة ...

 

[سرااااااااااب]

هو الظهر فعلا لسا ما اضاف بنات لانه توه الايميل جديد .. بس شكله فكر ..

الاسلوب اللي مو اسلوبه تقول اختي انه يتكلم احيانا بهالاسلوب ويكون يمزح او يلعب معي ومع الاولاد ... يعني هو لا محاله ..

هم بينهم الحين مشكلة ومتزاعلين وبينهم حرب كلاميه فضيعة .. والحين الاثنين على الصامت ... ولما طلع من البيت في نفس الوقت لقت رده عليها ...

 

[سرااااااااااب]

دلع قلبه .. هي فعلا تجاهلته واهتمت بنفسها .وبيتها .. منعها من انها تتوظف .. مايصرف عليها زين رغم انه يستلم اكثر من عشرين الف ... يحقرها دايما وينتقدها حتى لو مو فيها الشي يخليه فيها ...

من كم يوم كانت تعبانة .. سهرت مع بنتها الصغيرة والصباح صحت مع زوجها يروح الدوام وبعده اولادها كل واحد بوقت غير .. والساعة 11 بدأت بالغدا .. وحوسة البيت والبنت الصغيرة .. ورجع زوجها العصر وهي مو مسوية حلا للقهوة .. يا لهووييي وش هالمصيبة وانهال عليها بابشع الكلمات .. وطنشته وقالت انها كانت تعبانه وتركته .. وبعدها بساعة دار نقاش بسيط وضربها ... خير وش يبي ...وفي تفاصيل توجع القلب لكن فضلت ما اكتبها ... اختي تقول حبي له ارميه باقرب سلة مهملات .. لكن تعامله الواطي لازم اربيه عليه .. يا افهمه ونعيش صح .. او اصغره قدام نفسه ويتركني ما ابيه ...
ادري انها تكابر لكنها مجرووحة منه مررة ...

 

[سرااااااااااب]

انا اقنعتها تنتظر شوي مو لازم ترد الحين .. كم يوم .. وراح تدخل على الموقع وتقرأ ردودكم بنفسها




واشكركم من كل قلبي .. فعلا .. رب اخ لك لم تلده امك ...

 

[عنقود عنب]

زوج يضرب ...يحقر ... بخيل ...غير متفهم

هذا مستحيل راح تفهمة من خلال رسائل على المنتدى

والله ما راح ينوبها الا حرقة القلب

قال الله تعالى ((لا تسالوا عن اشياء ان تبدوا لكم تسؤكم))

ما راح تلاقي من هذه الرسائل الا التعب والنـــــــــــــــــــــــــــــــــــــــــــدم

ان هي اكتشفت اشياء تضايقها راح تندم

وان هو كشفها و قلب الطاولة عليها راح تندم

يعني في كل الاحوال راح تندم

خليها تلاقي حلول في مشاكلم بطريقة سليمة افضل من هذه الطريقة

 

[دمعه مشتاق]

نصيحتي انك تقوليلها ممكن يكشفها وبعدها يشك فيها
يعني خوفيها والله راح تنصدم لاتغلط تندم كثييييييييييييييييييييييييييييييييييييييير
الله يهدي بالها وبالك