بادئ الموضوع تاريخ البدء
  • المشاهدات 1,493
  • الردود 10

كلي عشق

New member
إنضم
4 نوفمبر 2007
المشاركات
17
مستوى التفاعل
0
النقاط
0
العمر
35
السلام عليكم ورحمة الله وبركاته

الرد الثاني بالمنتدي الرائع صحيح انه تسجيلي من وقت وردودي قليلة بس هذا طبعي أحب أشاهد لاغير ولاني حياتي الحمدلله للحين بالبداية
بس ألي جابني الحين هو أختي المشكلة لاختي الغالية علي قلبي

تعريف صغير لأختي

عمرها 25 خطبوها كثير بس النصيب ماجاها ألا هي بعمر 25 تزوجت واحد من ابناء قبيلتنا وهومطلق من ابنة خالته المطلقه من أحد ابنائهم يعني يعتبر اول امرأة تدخل حياته مطلقة
بالأول كانت تصرفت اختي معه علي فطرتها وسجيتها الطيبة كانت تقول له كل شي يخطر في بالها كلام حب أمنية وطموح حتي وصلت طيبتها ألي أعتبرها تجاوزت الغباء لتساله عن مطلقته بصورة غير مباشرة ولكنها واضحه

خبربتني وهي ندمانه ومقره بخطاها هواشتها وأنا أعرف أني مهما سويت بتنسي هي من طبع تنسي الخطأ وتعيش يومها بأنهااأحلا من بكره


زوجها من نظرتي له أنه يعيش صدمة طلاق أمه من أبوه وزاج أبوه من خالته اخت امه لدرجة أنه بعض المرات يمنعها من الجلوس معهم وأذا صعد فوق وشافه تتابع تلفزيون ويقول لها ليه مب جالسه مع هلي
لايصحبها لجمعتهم ألا بهد شد ونقاش طويل حتي أهله معاملتهم لها رسمية وأذا أجتمعوا أو حصل مناسبة لايخبرونها أبد ولاتعرف ألا من الاطفال


مرت الايام وحاله تغير صارت تتنازل أكثر قال لها ماافي مصروف قالت خلاص أخذ من أمي هواشها وقال لا لاتجبين طاري تأخذين من هلك ردت عليه بس أنتي ماتطعيني وانا منين أصرف وهو ماهمه عصب وراح
تقول تميت أحاسب نفسي دقيت عليه واعتذرت وبعد ايام أكتشفته انه معاشة يعيش عايلة وهو حتي أرباعه مايعطيهاا تمت تبكي عندي وتقول وهذا انا بروحي كيف لو جانا ولد قلت لها لاتخبرينه أنك دريتي وسكت وهي ودها تسأله ليه

واذا عطاها مصروف من اليمين خذاه من اليسار وتسكت وتزيد تروح تشتري اشياء للبيت تقول صح يهاوشني وكلام يدل علي رفضة بس فعله يبين أنه راضي بأني أصرف

مثل ماقلتكم أختي صريحه معه بكل شي أي شي تبيه تقوله واي شي بخاطرهاا تقوله ظنت أنها بتكسبه بهل الطريقة طريقة المصارحة وابدأ الحب والود والطلب الصريح والعكس صار

صار يتركها في بيتنا بالاسابيع ويقفل التلفون بوجهاا لو قالت له ليه سويت كذا أو حتي جادلته وهي أبدا تتصل عليه وتطرش مسجات عليه تقووله ليه تسووي كذا خلنا نتكلم نتفاهم هي مؤمنة بمبدا الحوار والتفاهم
تم يتركهاا ولا يسأل عنها أبدا حتي أذا كانت عليها الدورة يجبها لنا وتصرفه هذا جرح أختي وخلهاا تتبخط تقول مب عارفه أتصلت عليه مثل عادتها وصارحته كما تعودت قالت له كيف تبين أتصرف معك وليه سويت كذا تم الأخ علي حاله أذا جته أبتعد واذا تركته قرب وتم يلومها بأنها مقصره عليه ويزعل بعد


انا عارفه خطئ اختي وأنهاا بتصرفاتها خلته يتصرف معهاا بس الي ابيه منكم نصيحة لو وحده لها كيف تتصرف معه الحديث معها الأن تصرفاته لها تدل علي نبذه لهاا وأنه مب مهتم ابدا واختي ضايقة تقول تعبت كنت صريحة معه أبتعد عني وأذا حاسبته وقلت له يابن الناس أذا انت ضايق مني قول او خلنا نجلس ونتحاور بكل شي

هو شخص مزاجي علي قولتها اليوم يتغزل ويطلب رضاها واسبوع يقول لها الي مثلك تحمد ربهااا

هي الحين في بيت أبوي ولاكلمته بعد ماقفل التلفون بوجهاا لها يومين

تبي تعرف وين أرااضيها وكيف تتصرف وأيش تتعلم حاولت معها بس تعبت أحس باوقات بالعجز تصرف زوجها يدل علي طفل مزاجي وأناني وأختي طفلة تعيش حلم أنه المصارحة سلاح الصدق والتوفيق بالحياة



بالاخير أسمحوولي ماعرفت أوجز الكلام بسطور قليلة بس حبيت أوضح هذا الاشياء ألي فوووق

نصيحتكم لهاا ياا خواتي ومنكم نستفيد


اختكم
كلي عشق
 
إنضم
22 مارس 2008
المشاركات
1,337
مستوى التفاعل
0
النقاط
0
الإقامة
في قلبي بلقيسس
اهلين اختي لها ويسخره ويحنن قلبه عليها
اختك لازم تتطنشه ولا تدق عليه ابدا خليه هو الي يدق
الجال يحب الحرمه القويه موالي تركض وراه
 

أحلى فراشه

New member
إنضم
19 فبراير 2008
المشاركات
516
مستوى التفاعل
0
النقاط
0
اظن التطنيش معاه هو احسن حل لانه يدري انها بتركض وراه وبتحب رجولها

اذا بظل كذا راح يدوسها خل احد من الكبار يكلمه ويعرف هو شيبي بالضبط اذا هي مو مقصره بشي مو من حقه مايعطيها مصروف ويزعل من غير سبب ومايبي يتكلم بعد هذا مو اسلوب ناس عاقله

والله يعين اختك ويصبرها على مابلاها ويسخره لها

تحياتي
 
إنضم
22 مايو 2007
المشاركات
87
مستوى التفاعل
0
النقاط
0
الإقامة
بعيون دودي ورودي
الصرحه التعامل معه صعب يعني هي مبين عليها شاريته وهو بايعها
هي المفروض تحمد ربها انها عالبر وما جابت عيال
لازم ترسل له احد كبير وحكيم يفهمه انها كانت بنت اصل وتعاملت معه زين وبنات الناس مو لعبه
وهي ما عاد تبيه اذا بيظل حاقرها
والله هالرجال شي على بالهم مافيه يوم حساب ولا عقاب
قلت ادب
الله يعينها
 

كلي عشق

New member
إنضم
4 نوفمبر 2007
المشاركات
17
مستوى التفاعل
0
النقاط
0
العمر
35
حبيبة رشيد

شكرا علي مرورك

وانا أقول بعد يفيد التنطيش له بس لو دق عليهاا هل ترد عليه حتي لو أصر وتم يدق تبااعن

للمعلومية زوجها عمره فوق الثلاثين وأعتبر تصرف ألي بعمر فوق الثلاثين يختلف صح ولا أنا غلطانه
 

كلي عشق

New member
إنضم
4 نوفمبر 2007
المشاركات
17
مستوى التفاعل
0
النقاط
0
العمر
35
أحلي فراشة

شكرا لمرورك بس رأيك انه يكلم واحد كبير أتوقع أنه تصرف ألي بكون بعد هالشي بيكون مجرد ترضيه لذاك الكبير وليس منه وبيرجع لتصرفه نفسه بعد فترة يوم يشووف الأوضاع نفسهاااويمكن تتعقد الأمور بعد لانه حساس جدا من ناحية أهله فوق ماتتصورين

التطنيش أيدا علي الفكره أنها تسوي أختي بس أا حاول يتحدث معهااا

ماهو الأسلوب الأفضل لتحدث معه هل البرود وهذا اتوقع بيزيد الموضوع تعقيد ولا المصارحه تنفع معه لانه حاولت معه قبل ومافاد

رأيك ماهو اأسلوب الأفضل لتحدث معه
 

كلي عشق

New member
إنضم
4 نوفمبر 2007
المشاركات
17
مستوى التفاعل
0
النقاط
0
العمر
35
أم دودي وردوي

أنا بعد اشوف كذا أنه التعامل مع صعب وألي يزيد صعوبة أنه أختي عكسه يعني تسعي للتحدث والمصارحة أكثر منه وهو رافض هالشي أو يتحايل بكلام حلو وبعدهاا يقلب الطاولة عليهاا ويحملها كل شي

المشكلة أنه مب عارفة كيف تتحدث معه أذا جته صار عدو وأذا أبتعدت صار يلووم

أم فكرت أنه يدخل كبير فهذي شوي صعبه مصل ماقلت هو حساس حيل من أهله وتعاملة مع أخواني رسمي فووق الحد والخطوة هذي تبي جراة وترووي والطلاق صعب بس هي تبي تعرف هو وش اخرته لأجل تقرر وللحين هو يتحايل كل ماقالت له يافلان حدد تبيني ولا لا يبدأ يتغزل فيهاا يووم ترجع وتبتسم بوجهه يكشر ويبتعد
 

البحر غدار

New member
إنضم
2 يونيو 2008
المشاركات
449
مستوى التفاعل
1
النقاط
0
تطنشه ولاتتصل بيرجع بيلحقها وبيشتاق لها هدول الرجال بس تلحقيهم بيكرهوكى وبس تطنشيهم بيلحقوكى خليها ببيت اهلها كم يوم وخليها تنبسط وتفرفش وتنسى شوى وراح يتصل بعد كم يوم ماحيقدر على فراقها طويلا
 

وداعة

New member
إنضم
25 أغسطس 2007
المشاركات
35
مستوى التفاعل
0
النقاط
0
السلام عليكم ورحمة الله وبركاته :bye1:
اختي اول شي اللي فات مات ... لاعاد تحاسب نفسها عليه ليش سوت وليش قالت:sadwalk: .... لازم تبتدي من اليوم ... نعم اسلوب التطنيش:schmoll: تتبعه بس ان اتصل وألح في الاتصال عليها ان ترد بس باقتضاب يعني انها اتحسسه انها مشغولة ... مثال : الو السلام عليكم وعليكم السلام كيف الحال ان شاالله بخير ... ويبدا الحوار ... ماعليه حبيبي ممكن تكلمني في غير وقت لاني مشغولة الحين شوي مع السلامة توووت توووت توووت :bleh:.... ويوم يرجع يتصل ويسأل شو شاغلنج عني اتقوله ماشي امور خاصة او عائلية المهم ماتعطيه جواب شافي لان هالنوع من الرياييل يحبون المرأة الغامضة اللي يجرون وراها بحثا عن غموضها .:detective2:... ومسألة الصراحة حلوة بس مب مع الزوج يعني تستعمل الصراحة وياكم بس ... اما مع زوجها خلها تكون غامضة شوي ... لازم اتبين له انها مش ميته عليه او انه اهم شي في الكون ... بي ممكن تحسسه بحبها ... مثال :ادا طلع من البيت واتأخر ما تلاحقة باتصالاتها لانها بيبان عليها انها ميته عليه بس يوم يرجع تستقبله بوجه بشوش وتسأله شو كانت القعده واستانست؟:shiny: وبكدا بيحس اناه تحبه ومهتمه فيه ....
ايضا خلها تقوي شخصيتها جدامه:showoff: وتحسسه انها احسن النساء وان الكل ميت عليها:1eye: ... مثال : طلعت عرس ورجعت اتقوله الكل اليوم انبهر بفستاني ومكياجي مع اني مب متمكيجة هاك الزود:cupidarrow: وشفت وحدة تأشر علي ويوم سألت عنها قالو لي يبون يخطبوني لولدهم ...( حتى لو كدب) وتسكت ولا تزيد في الموضوع .... بعد فترة اتسوي نفس الحركة ... بطريقة ثانية ... مثال: تكون رايحة الصالون او بيت اهلها ولمل ترجع اتقوله اتصدق اليوم شفت صديقتي اللي من زماااااااااااااااااااان ماشفتها وقالت لي لايكون اتزوجتي لاني اباج لاخوي ....بس انا رديت عليها وقلت لها انا زوجي ما ابدل به حد .... ماحد مثله ..:santa_1:
خليها تشوف شو نمط زوجها وكيف تتعامل معاه .....
ولا تستسلم ابدا:surrender: لين يرجع لها مثل ماتبغي
لازم اتحسسه انه متزوج انسانه غيييير في كل شي .... يعني لو تركها بيندم بس مب تسير اتقوله بتندم ان تركتني ... استعملي كيدج يا حواء ....:smoke1:....
الحين اترد ان اتصل بس لا تطول في المكالمة بهدوء وبابتسامة تقوله مشغوله شوي .... وخليها تنشغل عنه شوي بنفسها وتهتم بنفسها ..... والله يوفقها للخير ياااارب
 

اميره الحب

New member
إنضم
9 مارس 2007
المشاركات
89
مستوى التفاعل
0
النقاط
0
اذا استمرت اختك على هالمنوال قولي على حياتها السلام ......

ليش ماتدخل المنتدى وتتنور وتدرك ان تصرفاتها سبب نفور زوجها ......

حقوقها لاتتنازل عنها ابدا مهما كان مو بعد تعتذر ...


افضل طريقه معه التطنيش وتعيش حياتها ولاكنه همها لايصير محور حياتها الرجل .....

تجمده وبغموض وخليها تحسسه انها مبسوطه ومشغوله مولكلمها وتصافوا انا تعبت واشتقت لك وحياتي ماتسوى وقلقت عليك لا العكس تماما تلزم الابتسامه والغموض .....

انت شوفي حالك لو تعرفتي على صديقه غامضه كيف تشدك ودك تعرفين لو تفاصيل صغيره مو مثل اللي حياتها مكشوفه

اختك بحاجه لوعي وبيساعدها المنتدى كثييييييييييييييييييييييييييييييييييييييييييييييير ودورات الاستاذه ناعمه
 
إنضم
13 يوليو 2008
المشاركات
20
مستوى التفاعل
0
النقاط
0
حبوبه الرياجيل يحبووووون المراه الغاااااامضه اللي كلها اسرار وكل يوم يعرف شي جديد فيها
وغير كذا اهم شي مايحبون المراه اللي تركض وراهم دامه حطها عند اهلج لاتدق عليه ولا ترد اللي بعد ماتحرق اعصابه وتبين له ان حركاته هاذي حركات الجهال اقصد فيها مو عاجبتهاا وماراح تخليهم يكملون الطريق مع بعض
يعني الاهم انشالله لاردها يجلسون جلسة مصارحه قبل لاتنوي ترده له
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى