اختي وزوجها......مالحل؟؟

[آحاســ انثى ـيس]

السلام عليكم ورحمة الله وبركاته

اخواتي الكريمات الحكيمات.....

انا اليوم بطرح لكم مشكله تعبت اختي وعجزت تحلها.....

وقلنا نشاوركم عسى الله يسخر لنا حل فيها ان شاء الله

بالمختصر المفييييييييييييييييييد

زوج اختي ماينام معاها في غرفة النوم مع العلم انهم متزوجين لهم مايقارب العشر سنوات....وعندهم اطفال الحمد لله....

حاولت معاه بالكلمه الحلوه والدلع ومن دا الكلام ولا جاب نتيجه يرجع يوم يومين وبعدين يرجع لديوانيته....اتحجج بالتلفزيون واقترحت اختي تجيبه لغرفة النوم وعارض .....سوت نقاشات حاميه معاه وكلمته ولا نفع!!!!!!

تخيلو ....يجي يقضي حقه واحيان ينام بالغرفه واحيان لا ياخذ حقه الشرعي ويروح ينام بالديوانيه....الين بدأ الوضع ملاحظ من جميع من في البيت ومن ضمنهم المستخدمه....


ايش الحل؟؟؟!!!!!

 

[@أحلى من ألحلى@]

بسيطه تروح تنام معه بالديوانيه مدام انه معند خليها تجرب ​

 

[خارج السرب]

ايه تروووح تناااام عنده
تقول انااا خاايفه وابي انااام عندك
بعدين لو مو عشااانها
عشان اطفالها اكيد بيجي يوووم ويحسون ان هالشي مو طبيعي
بعدين ترى الاطفااال يتأثرون لو شافوا ابوهم وامهم مو متوافقين لو حتى بشي بسيييط
وحتى المستخدمه
ماتحسب فيه شي بينهم وتستغل هالشي
خليه تاخذ بطانيتها ووسادتها وتسحب ابوها نوومه في الديوانيه ولا عندها فااحد ههههههه

الله يهدي زوجها ويسخره لهاااا

 

[حلم احلامي]

خليها تغيرمكان غرفة النوم وتغير كل شي اثاثها ومفرش السرير ....
امكن الغرفه فيها شي او نفسيا مايرتاح فيها

 

[دلوعة عمرو]

تروح تنام معاه ...

 

[زهور البستان]

هداء الله زوجها وجمعها مع زوجها

اي مكان ينام فيه زوجها تنام معه ان شاء الله في الصاله

 

[آحاســ انثى ـيس]

اشكركم ع المرور .....

بس والله هي جربت تروح عنده بس مااستمرت اكثر من ثلاث ايام......وانتو عارفين كيف تكون الديوانيه ماارتاحت وحاولت اني اشجعها قالت ماارتاحت فنومتها....

اما اختي اللي تقول انهم يغيرو غرفت النوم.....اختي قبل كم يوم انهارت من الوضع واتكلمت مع زوجها وكالعاده لا جديد.....

وقررت انها تهجر الغرفه هي كمان.....وصارت تنام عند بناتها فغرفتهم.من اسبوع تقريبا...مع اني انا كونت ضد ذا القرار لما استشارتني....

غرفة النوم مهجوره من اسبوووووووووووع.....علما بأن اختي معذوره حالين...

والله مدري الموضوع حيرني مره؟؟؟؟

 

[ارنوبة زوجي]

الله يعين بس اهم شئ ينام عندها بالبيت انا زوجي ينام برئ من شاف مصيبة غيره هانت عليه مصيبته

 

[دمعتي خانتني]

ممكن لون أو شكل الغرفه مايريحه يعني تغيرها
والصراحه أحياناًكذا طبعهم
مو دليل يحب الجلوس لوحده
بسبب موضوع يفكر فيه
الله يكون بعونها الصراحه
شكلها موضه عندهم
الله يفرج همها وكل مهموم
كوني بخير..
​

 

[المتغيرة للأفضل]

كلام البنات سليم جدا تنام معه بغرفته لحد ماهو يقلها تعالي ننام بغرفة النوم هذا احسن قبل ان يتعود ينام لوحده

 

[زوجي دنياي]

طيب هو يجلس لحاله شيسوي

 

[غاليه ياناعمه]

اذ لقت حل تعلمني ؟
كل الطرق جربتها شي نفع مؤقت وشي مانفع ابد
مالنا الا الدعاء والاستغفار

 

[آحاســ انثى ـيس]

يقعد ايش يسوي العلم عند الله اختي ذبحها التفكير واذا سألته يقول انا اتفرج ع التلفزيون لحد مايجيني نوم وانام.....

وعلى فكره ترى حالها من فتره مو شغلة اسبوع والا اسبوعين ممكن سنه هذا اذا مو اكثر من كدا ...بس هي انفجرت دا الاسبوع وهجرت الغرفه هي كمان....انكسفت من اطفالها ماشاء الله يفهمو والمستخدمه وكأن الموضوع ع المكشوف

مع العلم انها احيان تلاقي له اثر انها عاملها مع نفسه{سامحوني ع الجرأه}.معلومه اختي اكدت انها لازم تكون موجوده بالاستشاره....واجهته ويقول انها مقصره....

 

[familynest]

خليها تحط تلفزيون بغرفة النوم

 

[الى اين؟؟]

والله مشكلتك نفس مشكلتنا تخيلي

والله الشغالات عيونهم 10 على 10 وينتبهون له

 

[مس كات]

حبيبتي خلي اختك تشتشير دكتووووووووووووور نفسااني او اجتماااعي

يحل مشكلتها

 

[موعود ياقلبي]

الله يعينها ويفرج همها يارب

 

[أم عيالي]

طيب اذا ناقشته وش يقول ,وش القنوات اللي يشوفها,واتوقع الحل انها تنام معه عشان ان كان قصده يسوي شي يمل ويرجع للغرفة والشغالة لاتمون في نفس الدور اللي هو ينام فيه

 

[محبة مكة]

الدعاء
ثانيا كان عودته على ريحتها
او انها دائا قبل ما ينام تعمل مساج
كان علقته بها

 

[خجـل]

والله انا اعرف زي كذا حالات
يمكن بدوي ومااايحب رجة البزران
يقعد ويرتاااااح
انتي هونيها عليها يمكن هو طبعه كذا وابو طبيع ....
بس خليها تفكر بالايجابيات اللي فيه وتنسسسى هي بعد
ترى نص الرجال يعجبهم الحاح الزوجه تعال عندي وووو
وفيه نصهم عناااااد
وفيه نصهم طبيعه
هي خليها تشتري راحتها
وماعليها تسوووي قدامه انها مبسوووووطه وعااادي جداً
ولاتكلمه بهالموضوع لو شهرين خليه يجني ثماااار فعلته
والله يصلحه ويهديه
ولاتنسى دعاء الليل وان الله يسخره لها
بالتوفيق