اختي مريضه ولم تخبر زوجها .... كيف انصحها

[احلى بطه]

السلام عليكم ورحمة الله وبركاته

من فتره اختي صارحتني بموضوع مأثر ع حياته الزوجيه

واااااااااااايد:tears: لدرجة انها مسويتلها مشاكل كثيره مع زوجها

انا حاولت اقنعها بس هي رافضه اتخبر مشكلتها حق زوجها

خايفه لان المشكله اللي عندها فالرحم ومحتاجه عمليه اتمنى

انكم اتساعدوني كيف اخليها تقتنع بكلامي واتصارح زوجها

بالموضوع هي عنيده واااااااااايد وراسها يابس :busted_red::busted_red::busted_red::busted_red:

 

[lost women]

مافي الا انك تحاولي تقنعيها بموضوع متكامل من صور وكلام اطباء موثوقين وان صحتها راح تتدهور ان ما عالجت نفسها واصلا الزوج مايحب الزوجة المريضة والنت راح يساعدك سوي بحث وبتلقي الاجابة الشافية

 

[أساور]

حاولي تقنعيها بأن تخبر زوجها عن طريق المسج ...بس تقوله بالأول انها تحبه حيل وتبي تتعالج عشانه و انها تحتاجله بهالفتره وودها انه ما يتغير عليها ...

اللحين دورج وياها :-

قوليلها ما يصير تخبي ع زوجها و تمثل و تقص عليه لأنه هذا موضوع كبير و كل ما عجلت فيه يكون لصالحها وانه ريلها ما يستاهل انها تخبي هالشي ...ع الأقل تخبره و بعدين يقررون اثنينتهم شو يبون ...

قوليلها ان ربها عند حسن ظن عبده فيه ....

خليها تدعي لربها دايما ...واذا ريها عرف متأخر أو بالصدفه راح تكورن ردة فعله عكسيه بدال ايجابيه و انه راح يتهمها بالانانيه ...

الله يشفيها و يسخرهم لبعض

 

[غربة]

اختي قولي لها ان مو من حقها انها تخفي عنه هالشي

فهميها انها انحط نفسها بدالة يعني لو كان هواللي اخفى عنها مرض عضوي اياثر على حياتهم

شو راح ايكون موقفها وشعورها

نبهيها انها اذا ما كانت هي اتقول له

وفي يوم راح يدري من اي مصدر وبيكون مصيرها الطلاق

لان الموضوع مو لعب

 

[مؤاسم الدهر]

الله يشافيها ويعافيها

 

[*زين الوصوفي*]

الله يشفيهاا

 

[ام لوليتا]

الله يعينك ويشفيها

 

[نفسي عزيزه]

الله يشفي اختك ويعافيها

لكن الاهم اللي لازم تقولينه لها ان الحياة ما تمشي بالغش والكتمان خصوصا مع الزوجين لان الموضوع يمكن يتازم بعدين والصراحه مطلوبه
ممكن المشكله في بدايتها تنحل لكن بعدين لا .. ويمكن هو اذا عرف انها عارفه بدري ومخبيه عنه يكون له ردة فعل ..

الله يعينك ويشفي اختك .. آمين

لك ارق التحايا