اختي في حيره من امر ابنها ارجو مساعدتها

[حواء ثقيف]

السلام عليكم ورحمة الله وبركاته
اخواتي ارجو ان تقرأوا موضوعي بتمعن وذلك للأهميه
اختي عندها بنت عمرها خمس سنوات وولد عمره الحين سته شهور تقريبا
وأول ماجابته كان ولله الحمد طبيعي ومافيه اي شئ بس بعد شهر تقريبا من ولادته حست انه مايركز في النظر وان
العين نفسها تدور وترمش بزياده
ودته لاكثر من طبيب عيون قالوا لها طبيعي ومافي شئ واحتمال يكون عنده ضعف بالجفن وكل ماكبر راح يتحسن اكثر
سووا له اشعه مقطعيه للراس وقالوا طبيعي ولله الحمد ومافي اي شئ عضوي !!!
المشكله انه صار يبكي بكثره لدرجة انه يجرح اذانيه ووجه ...
وهي نفسيتها بالمره تعبانه معد تبغى البيت لا هي ولا زوجها في الاول قلنا يمكن كأبه مابعد الولاده جاتها بس اش دخل زوجها ؟؟
قلنا لها روحي لشيخ يقرأ عليكي وعلى الولد وفعلا راحت لشيخ وقلها انتي وولدك محسودين وبعد القراءه حسينا الحمد لله انها احسن هي والولد يعني بالنسبه للبكا ء فقط
بعدين ناس دلوها على حرمه تعرف في الأشياء هذي وراحت لها واكدت كلام الشيخ وقالت الولد فيه حسد وعين قويه
وان شاء الله راح يتعافى
انا الحين افتكرت انها وهي حامل في 8 شهور طاحت فى فرح لأقاربنا وقلنا يمكن هذا سبب الطيحه وان المكان بسم الله الرحمن الرحيم ماهو طيب واثر على اللي ببطنها
وناس قالوا يمكن عيون الشغالات
وهي شاكه في وحده سألتها وهي حامل قالت ماكشفتي على اللي ببطنك قالت اختي الا !!!
قالت وش قالوا ؟؟
قالت ولد
وتقول من يوم رجعت البيت وهي مره تعبانه وعندها حالة خوف وماتقدر تنام ولا تجلس في البيت لوحدها
وتخاف حتى من المويه اذا بغت تشرب أو تتحمم!!
وجلست على هالحاله الين ولدت...
وياليت انتهت المشكله على كذا الا الوضع مستمر وصار اسوأ من السئ وولدها مقطع قلوبنا ياليت اذا احد يعرف حل للمشكله هذي يدلنا او يعرف احد يعالج الاطفال بالقرأن يدلنا عليه سواء بمكه او جده او الطايف
وجزاكم الله كل خير
معليش طولت عليكم واعذروني لاننا والله في حاله مايعلم فيها الا الله

 

[ذاكرة الجسد]

الله يشفي ولدها ويخليه لها ، اللهم آمين

 

[حواء ثقيف]

جزاكي الله كل خير

 

[sosoooo]

حوا الله يشفيهم يارب بس انا سمعت عن شيخ عندكم في جده الشهراني ممتاااااااز تخيلي انو بعد الله كان السبب في علاج عائله كامله من السحر الله يكتب لكم اللي فيه الخير

 

[أحب بناتي]

ألف سلامه عليها ياحواء .....بس والله ماأعرف

بس خليها كل يوم تقراء البقرة وتشغلها بالبيت كمان والله أنها علاج بإذن الله تعالى

خليها كل يوم تحصن نفسها وولدها ....والله يحفظها من كل مكروه يارب

 

[المحمديه]

الله يشفي ولدها ويخليه لها ، اللهم آمين



​

 

[سنيورتا***]

الله يشفي أختك وولدها يـــــــــــــارب بس ياختي مافيه أحسن من القراءه
على النفس الوحده اذا جت تقراء على نفسها تكون حاسه بمصيبتها واثرها
أقوى عليها بسورة البقره والاذكار والقراءه منها شخصيا وان شاء الله قدامها العافيه

 

[حواء ثقيف]

جزاكم الله كل خير

 

[أم شـهوده]

الله يشفيها وولدها ويرفع عنهم الضر
أختك نفس حالتي بس أنا جلست الى بعد الولادة بشهرين وحسيت شي أنزاح عني
أما البنوته الحمدالله متعافيه بس لو فكرت بحمل أتعب وأحس بخوف وقلق
طولت عليكي بس والله حسيت فيكم بس عليها المداومه على الرقيه وقول الأذكارالصباح والمساء

تحياتي

 

[شمعة الإسلام]

أسأل الله العلي القدير أن يشفي أختك
خليها تقرء على نفسها كل يوم
والحرمه اللي سألتها وهي حامل تاخذ منها وتشربه وتتغسل منه وتعطي ولدها
وأهم شي ترقي نفسها ,,