السلام عليكم يا احلى تجمع وموقع بالكون..
بأمانه استفدت كثير من الموقع في حياتي مع زوجي واهل زوجي .. الله يخلي كل القائمات والعضوات في هالمنتدى الرائع.. عشان كذا حبيت اطرح مشكله وياارب القى لها حل وتساعدوني.. :35:
بأمانه استفدت كثير من الموقع في حياتي مع زوجي واهل زوجي .. الله يخلي كل القائمات والعضوات في هالمنتدى الرائع.. عشان كذا حبيت اطرح مشكله وياارب القى لها حل وتساعدوني.. :35:
اسمحولي بكتب المشكله ع طول.. لاني ادخل النت من الدوام..
المشكله ياطويلات العمر. اختي الله يهديها ويبعد عنها بنات الحرام.. ماشيه في طريق خطأ.. يا ناس من يوم بعدها في صف الاعدادي اختي الكبيرة اكتشفت ان عندها جوال وجات خبرتني ورحت واجهتها قالت ما عندها وحلفت وتصيح بس اختي الكبيرة شافته بعينها (للعلم اختي الكبيرة متزوجه وبيتها جنب بيت اهلي يعني كل يوم تزورهم.. يااابختها!!).. حاولت اكلمها بكل هدوء وافهمها ان الشي هذا غلط واحسن تنتبه لدراستها.. والقهر انها كثير متفوقة من الصف الاول الابتدائي وهي الاولى ع صفها لحد الاول ثانوني جابت الاولى ع المدرسه ما شاء الله عليها وكنت كثير اشجعها.. بس للأسف من دخلت ثاني ثانوي تغيرت 360 درجه الله يهدي صديقاتها و رفيقاتها اللي بالمدرسه دلوها ع الطريق الشين وكل شي فيها تدهور حتى صحتها.. المهم اكمل السالفة بعد عناء اعترفت ان عندها الجوال وعطتني إياه وخليتها تكسر الشريحه قدامي ووعدتني انها بتتعدل بس للأسف كانت تستغفلنا كلنا.. اكتشفنا انها ع علاقة مع شاب من سنها تقريبا او اكبر بسنه والقهر انه من الاهل!! واحد من اخواني كشفها ان عندها جوال للمرة الثانية وسمعها تكلمه اخذ الجوال وكسره وشرشحها لين قالت بس . وطبعا راح للشاب وهدده وصارت هوشه كبيره... وكلمتها للمرة الثانية وحاولت اكون قريبه منها ودائما ع اتصال معاها واسولف معاها واسألها عن المدرسه وعن كل شي ولا عمري بخلت عليها بشي وكنت دايما اتذكر عيد ميلادها واجيبلها هديه ( للعلم عندي اخت اضغر منها .. بس هاذي غير الحمد لله) وطبعا نفس الكلام ونفس الوعود ونفس البكاء والنواح فكل مرة.. والقهر فيه مره كنت عند اهلي وهي ما كانت موجوده حصلت ف غرفتها مذكرة جاني فضول افتحها وياااريتني ما فتحتها.. لقيت بلاوي تسويها وتسجلها يوم بيوم.. وكم مره حاولت تنتحر... والله حاولت اقوي الوازع الديني عندها بس ما شي فايده.. وازيدكم من الشعر بيت للمرة الثالثة لقيت جوال غيره عندها والله انهرت وبكيت من خاطري.. ابدا ما تتعلم بالهداوه ما نفع معها بالضرب ما نفع معها.. ياااربي ويش السواة.. بتقولقون وين امي عنها .. الله يحفظ الوالده ع نياتها وعبالها مثل اللي قبلها من بناتها هاديات لا شغلهن هالخرابيط ولا غيره نحن ساكنين في قريه وانتوا ادرى البيوت جنب بعضها يعني بنات خوالي وخالاتي جنبنا يروحن ويجن بإستمرار بالله عليكم كيف نمنعهن يدخلن عندنا البيت..!!؟؟ ..هالبنت طالعه طلعة شر.. القهر حتى وهي ممنوعه من الطلعه ما اعرف شو تسوي وكيف تطلع ومن وين يجنها الجوالات..!!
اخواني تعبوا منها والله واحد من اخواني حصل صورتها مع شاب وكان يروح فيها من الصدمه رجع ضربها ضرب لين بغت تموت.. وكلما يشوفها يقول بقتلها او ادفنها حيه.. ما فاد معاها شي.. الحين هي جابت نسبه في الثانوية وقبلوها في كليه واخوي حالف اذا راحت الكلية البيت ما يدخله ومتبري منها لين يوم الدين.. حاولت اهدي الوضع وافهمه ان كل حد يغلط .. (بس بأمانه في نفسي متخوفه منها تطلع من البيت وتروح الكليه اخاف تجيبلنا شي من المصايب) .. والقهر ما تحاول ترجع الثقة ابدا ابدا وتحسن صورتها عندنا ونوثق فيها...!! والحين ويش الحل يا بنات..؟؟
هي تتصل علي تصييح تبيني اقنع اخوي بخصوص الكلية واخوي حالف ما تروحها.. والله خايفة تسوي بروحها شي وتنتحر لانها حاولت اكثر من مرة تسويها.. خوفي ع امي لا يتقطع قلبها ع بنتها اذا انتحرت والله صحتها ما تتحمل.. (والدي متوفي الله يرحمه ويدخله فسيح جناته.. آمين)
حبيت اوضح لكم انا متزوجه بعيد عن منطقة اهلي ما اروح إلا كل اسبوعين او ثلاث ليوم واحد وارجع بيتي.
الله يبعد عنكم كل مكروه ويجزاكن كل خير .. شورن علي ويش الحل؟ 
