معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
اختلاف الطباع في فتره الخطبه
الطباع المتنافرة
من الأمور الى مهم ناخد بالنا منها جدا فى فترة الخطوبة هو الاختلافات الشديدة فى الطباع الشخصية
وتحديدا الطباع المتطرفة من الجهتين
يعنى الى عكس بعض أوى
لان دى من الحاجات الى ممكن تعمل مشاكل كتير بعد الزواج
على سبيل المثال :
واحد اجتماعى أوى و عنده دوائر متعددة من الاصحاب و الاقارب و المعارف و اصدقاء الفيسبوك
و التانى شديد الانطواء و مايعرفش حد و دايما قاعد لوحده و متحفظ أوى فى العلاقات و يمكن ليه صديق واحد او اتنين بالعدد أو ملوش حد
واحد منظم و دقيق و كل حاجة بيحسبها بالورقة و القلم و يعمل لها خطة و نظام و التانى عشوائى جدا و مفيش فى مخه اى نظام
واحد عقلانى و عملى جدا و معندوش اى اهتمام بالمشاعر و العواطف وكل كلامه عن الاعمال و الانجازات و التانى رومانسى و حالم جدا و كل كلامه عن المشاعر و الأحاسيس
واحد واقعى أوى و التانى خيالى أوى
واحد منضبط و ملتزم أوى دينيا و أخلاقيا و التانى مفيش فى ذهنه موضوع التدين دا اساسا
واحد طموح أوى و كل تفكيره فى المستقبل و التانى معندوش أى طموح و كل تفكيره فى الماضى و الحاضر
واحد فرفوش و بيضحك و ينكت و يهزر طول النهار و التانى نكدى و دائم الشكوى و سريع التأثر بالدراما
واحد ضميره حى أوى و حساس بالأخطاء و التانى معندوش أى ضمير
ساعات كتير للأسف بننجذب بشكل لا واعى تماما للمختلف لسبب ما
يمكن احساسك انه مختلف و الأقطاب المختلفة تتجاذب
يمكن احساسك انه هيكمل النقص الى عندك
يمكن احساسك بالتحدى و المغامرة فى إنك هتحاول توصل له و تنقذه من الى هو فيه و تغيره
الله أعلى و أعلم
بس دايما الاختلاف الى احنا بنكون معجبين بيه و يمكن منبهرين كمان فى فترة الخطوبة هو الى بيعمل مشاكل كتيرة بعد كدة
انا هنا بتكلم تحديدا عن السمات المتنافرة اوى
لكن لو الشخصيات معتدلة وغير متطرفة فى الصفة و بينهم نوع من التقارب أو على الاقل التفهم و محدش فيهم عاوز يغيّر الآخر و لا بينتقده و بيحترم طبعه فمفيش مشكلة
خد بالك من الصفات المتنافرة و أسأل نفسك بصراحة هل هقدر استحملها و الا هحاول أغيرها
و محاولات التغيير فى الطباع الشخصية تكاد تكون مستحيلة
و لو حد فيهم قدر يسيطر على التانى و يغيرله طبعه بيبقى ضغط نفسى رهيب على التانى و ممكن يجيب له مشكلات نفسية مع الوقت
منقول عن د.دعاء راجح
من الأمور الى مهم ناخد بالنا منها جدا فى فترة الخطوبة هو الاختلافات الشديدة فى الطباع الشخصية
وتحديدا الطباع المتطرفة من الجهتين
يعنى الى عكس بعض أوى
لان دى من الحاجات الى ممكن تعمل مشاكل كتير بعد الزواج
على سبيل المثال :
واحد اجتماعى أوى و عنده دوائر متعددة من الاصحاب و الاقارب و المعارف و اصدقاء الفيسبوك
و التانى شديد الانطواء و مايعرفش حد و دايما قاعد لوحده و متحفظ أوى فى العلاقات و يمكن ليه صديق واحد او اتنين بالعدد أو ملوش حد
واحد منظم و دقيق و كل حاجة بيحسبها بالورقة و القلم و يعمل لها خطة و نظام و التانى عشوائى جدا و مفيش فى مخه اى نظام
واحد عقلانى و عملى جدا و معندوش اى اهتمام بالمشاعر و العواطف وكل كلامه عن الاعمال و الانجازات و التانى رومانسى و حالم جدا و كل كلامه عن المشاعر و الأحاسيس
واحد واقعى أوى و التانى خيالى أوى
واحد منضبط و ملتزم أوى دينيا و أخلاقيا و التانى مفيش فى ذهنه موضوع التدين دا اساسا
واحد طموح أوى و كل تفكيره فى المستقبل و التانى معندوش أى طموح و كل تفكيره فى الماضى و الحاضر
واحد فرفوش و بيضحك و ينكت و يهزر طول النهار و التانى نكدى و دائم الشكوى و سريع التأثر بالدراما
واحد ضميره حى أوى و حساس بالأخطاء و التانى معندوش أى ضمير
ساعات كتير للأسف بننجذب بشكل لا واعى تماما للمختلف لسبب ما
يمكن احساسك انه مختلف و الأقطاب المختلفة تتجاذب
يمكن احساسك انه هيكمل النقص الى عندك
يمكن احساسك بالتحدى و المغامرة فى إنك هتحاول توصل له و تنقذه من الى هو فيه و تغيره
الله أعلى و أعلم
بس دايما الاختلاف الى احنا بنكون معجبين بيه و يمكن منبهرين كمان فى فترة الخطوبة هو الى بيعمل مشاكل كتيرة بعد كدة
انا هنا بتكلم تحديدا عن السمات المتنافرة اوى
لكن لو الشخصيات معتدلة وغير متطرفة فى الصفة و بينهم نوع من التقارب أو على الاقل التفهم و محدش فيهم عاوز يغيّر الآخر و لا بينتقده و بيحترم طبعه فمفيش مشكلة
خد بالك من الصفات المتنافرة و أسأل نفسك بصراحة هل هقدر استحملها و الا هحاول أغيرها
و محاولات التغيير فى الطباع الشخصية تكاد تكون مستحيلة
و لو حد فيهم قدر يسيطر على التانى و يغيرله طبعه بيبقى ضغط نفسى رهيب على التانى و ممكن يجيب له مشكلات نفسية مع الوقت
منقول عن د.دعاء راجح
اسم الموضوع : اختلاف الطباع في فتره الخطبه
|
المصدر : الزوج والزواج