اختالف لون................ شي غريب عجيب

[ملكة العبير]

اهلين وسهلين بكل اميرات وملكات بلقيس

ارجوكم لا تخيبوا ضني فيكم

انا بختصر حكيت بنت خالتي عن موقع بلقيس

وعن الدكتورات الي فيه واني واثقه

باالموقع وكل وحده تكتب فيه

قالتلي انا عندي سؤال محيرني وابي اعرف

ليه اولدنا لما نولدهم تكون بشرتهم بيضاء

بعد ثلاث سنوات اوسنتين تميل بشرتهم

الى الا سمراااااااااااااااااااااااااار

هل هاذ سواء استخدام للكريمات

اوالصابونات اوبسب الماء اوالجوا

علمنا انا حنا في السعوديه

ماهو السبب ؟؟؟؟؟؟؟؟؟؟


بليز يادكتوارت اواستاذات

اوصاحبت خبره تجاوبون

علي بقرب فرصه

الله يوفق الي ترد علي

ويسخر له زوجه ايذ كانت متزوجه

وايذا ماكانت متزوجه يرزقه الرجل

الصااااااااااااالح الي يحبه حب مجنون

بليزززززززززز طالبتكم ماتردوني

 

[Ad^LaDy]

مادري انا مب دكتورة

بس اكيد بسبب الوراثه والجو...والاحظ اليهال اللي كانوا مايطلعون من بيوتهم افتح من اللي عندهم حديقه او دايم يطلعون برى

 

[عيون المدينه]

من جد هو يرجع للوراثه وطبيعه الجو

 

[ملكة العبير]

مشكورين يعطيكم الف عافيه

على ردودكم الرائعه

لكن ياليت الي عنده

معلومه يفيدنا اكثر

بليزصبايا

 

[نور البدر]

أنا مب دكتورة .. بس من خلال تجربة عشتها بجاوب .. وإنشالله أكون قدرت أفيدج ..

حبيبتي بطبيعة الجو عندنا .. والشمس الحارقة .. وعيالنا يتعرضون للشمس بحكم البيوت المفتوحة مب الشقق أكيد بيسمرون ..

واحد من عيالي من كان عمره 6 شهور إلى أن صار عمره 3 سنوات كنا في بريطانيا .. وانتو تعرفون الجو هناك كيف .. ماشالله عليه .. كان أبيـــــــــــــــــــــــــــــض.. شرات الانجليز.. وكنا يوم نرد البلاد يتمصخرون عليه .. يقولون عنه ولد الانجليز .. بس يوم استقرينا هنيه .. كل شي رد لطبيعته هههههههههههههههههه

يعني أعتقد انها من الشمس .. ما ادري شو راي الدكتورات .. او اللي عندها سبب غير ياليت تفيدنا


وتحياتي

 

[هني مون]

وانا رائي من رايكم لان جو الخليج غيير حارق والشمس قويه وتسمر البشره

 

[مرت ريلها]

انشاءالله اصير دكتوره ... بس بصراحه انا بعد كنت استغرب من تغير لون البشره و الشعر بعد انا بنتي كان شعرها اصفر وكل ما تكبر يغمق اللون وبعدين عرفت ان الشغله هذي ترجع للجينات الوراثيه و سلامة عمرج