اخبروني كيف اتصرف ..

[مجنونتك آنـآ]

السلام عليكم ..

راح اتكلم بمشكلتي ع طول وباختصار ..
تزوجت قبل 3 سنوات وكانت فتره خطوبتي صغيره حوالي 4 شهور ..

المهم ..
ببدايه زواجنا كان زوجي يذهب لغرفه اخيه " ساكنه ببيت عيالي وكان هو ينام معه بالغرفه قبل الزواج " قبل وصول اخيه من شغله وقبل ان يصل يجي الشقه ..
لم اعر الى الموضوع اي اهتمام مع انه شي يضايقني .. بدايه زواجنا ويتركني بالساعه بوحدي .. تغاضيت عن الموضوع ..
وفي نفس الفتره وجدت عنده بالجوال مقاطع جنسيه وقتها زعلت عليه ووعدني انه ماراح يشوف مثل ذي الاشياء .. انا صدقته لانه وعدني ..

بعدها بسنه انجبت ابنتي ولم انقضت فتره النفاس رجعت الى البيت ولكن زوجي لم يكن متشوق لرجوعي بالرغم كان كل يوم يسالني متى راح تجي ولم رجعت وجدت الشقه مزينه .. ولكني لاحظت تصرف غريب من زوجي ..
وهو كل ما المس جواله يعصب او يسحبه من يدي وكانه يخفي شيئا ما .. وكل شوي يوصله مسج .. مره طلع من الشقه وترك الجوال لم فتحته لقيت كول مي من رقم واتصالات ع الرقم ..
وضعت الجوال مكانه .. وهو بعد شوي لم رجع ع الشقه ع طول ع الجوال يشيك وطلع بعدها ..
وفي الليل ماجاني نوم فاخذت جواله واني اعلم بانه لايحق لي ذلك وياليتني مااخذته ..
لقد وجدت صوره لوحده فلبينيه وهي صاحبه الرقم .. فصحيته من النوم وهواش واخذ الجوال ومسح الصوره وقال لي خلاص ارتحتي احين .. ولكنني لم اجبه وبقيت دموعي ع خدي
حاول تهدئتي ولكن بدون فائده ..

طويت ع السالفه ..

ولكن منذ فتره وزوجي يرجع من الشغل ويروح المجلس ويقول صاحبي معي او اخوي وياي ..
ولم اقول له اسوي شاي او قهوه يقول لا مايحتاج هو شوي وبيروح ..
ولكن لا اسمع اي صوت لا بشر ولا تلفزيون .. ولا اجد نعال غير نعال زوجي عند الباب ..

كلمته بخصوص ذا الموضوع ..
ولكن كلامه ماتغير ..
قلت له لاتفكر فيي فكر ببنتك ..
وقلت له صدقني مهما كان الشي ماراح اتضايق او ازعل منك بس اني ابي الصراحه ..
سكت عني ولارد علي ونام ..

وقبل كم يوم وانا انظف المجلس وجدت كرت للقنوات المشفره موجود بالرسيفر ..
مع العلم بان زوجي لايشاهد مباريات او اخبار ..
ارجعت الكرت مكانه ولم اخبره بشي ..

وانا الان لا ادري كيف اتصرف معه ..
اخاف اكلمه بالموضوع واخسره .. واخاف اسكت واني اللي اخسر ..

وهذا غير كروت الشحن ولم اساله يقول لي ةلد خالي او صاحبي قال لي اشتري له ..
يعني كل شي ويجيب له حجه وعذر ..
وهذا غير المسجات اللي بجواله الثاني والاتصالات ويقول انه يحب يتمسخر ع الشباب ..
وجواله الثاني دوم بالسياره ومايركبه الشقه واذا ركبه يقفله ..

فاتمنى ان اجد عنكم الحل ..
فانا في حيره شديده .. ما ابي اكيش بنكد وهم .. ابي حياتي تكون سعيده ..

فساعدوني جزاكم الله جنه الفردوس ..
​

 

[رازيا]

http://www.youtube.com/watch?v=Z1TOca89FoM

 

[انسانه متفائله]

الله يفرج همك