احكيها لابنتك (شعر دارين)

[راجيه الرضا]

لكل الاطفال اللي عندهم نفس المشكلة ......

حدوتة النهاردة .....( شعر دارين )

تأليف و كتابة : شيماء عبدالعال .

كان ياما كان .....كان في زمان .....بنوتة جميلة ....اسمها دارين .???...كانت دارين دايما زعلانه و حزينة ...??،،لان شعرها ناشف و خشن و مش ناعم و جميل زي بقية اصحابها في المدرسة ....???..

و كمان اصحابها كانوا بيضايقوها و يفضلوا يتريقوا عليها و علي شعرها ......???..و خصوصا نور زميلتها اللي كانت دايما تقولها ..،،.انا شعري ناعم و جميل ..،???،،،لكن انتي شعرك وحش اوووي انتي بتسرحيه ازاي دة ......و تقعد تضحك عليها ...???

رجعت دارين من المدرسة في يوم و هي حزينة جدا و بتعيط و قالت لمامتها ....???..انا مش عايزة اروح المدرسة تاني .....اتخضت مامتها من كلامها و سألتها عن السبب .....???

..ردت دارين و هي بتعيط ..،،،???هو انا ليه يا ماما شعري ناشف و خشن و علي طول هايش ...??? ليه دايما انتي اللي بتسرحيلي شعري و انا مش بعرف اسرح لنفسي .....???

اشمعني اصحابي كلهم في المدرسة شعرهم ناعم و جميل و انا لا ....???،.و لما مامتها فهمت ان اصحابها في المدرسة بيضايقوها و بيتريقوا علي شعرها .....???

طلبت مامتها منها انها تهدي و تبطل عياط..........??? و قالتلها : بصي يا دارين ....ربنا هو اللي خلقنا مش احنا اللي بنخلق نفسنا .....???و ربنا كمان رزقنا بنعم كتير لازم نحمده و نشكره عليها .،،،???

.و لازم كمان تكوني واثقة في نفسك و في شكلك انك جميلة حتي بشعرك الناشف الهايش ...???..و متقارنيش نفسك باصحابك و تقولي اشمعني هما .....???

و علي فكرة انا ممكن اجيبلك مشط اسنانه واسعه تعرفي تسرحي بيه لنفسك .........???و ممكن نفكر مع بعض و نعمل كل يوم تسريحات مختلفة في شعرك و انتي رايحة المدرسة الصبح ...???.

وهجيبلك كمان توك كتيير جديدة و ملونة و جميلة .....ايه رايك .....وافقت دارين علي كلام مامتها .???....لكنها برضة كانت لسه زعلانة .

و في يوم من الايام ........???باباها طلب منهم انه يجوا معاه يزورا بنت زميله في الشغل لانها مريضه...... و عندها مرض وحش اوووي اسمه السرطان ...???

و لما راحت دارين مع باباها و مامتها .......???و شافت بنت صاحب باباها .استغربت لما شافت البنت معندهاش شعر ......???و استغربت اكتر لما لاقت البنت عمالة تضحك و تهزر معاهم و مش زعلانه .???..سألت مامتها بصوت واطي جدا .....

مامتها فهمتها ان العلاج اللي بياخدوه اللي عندهم المرض الوحش دة اللي اسمه السرطان ...???.ساعات ممكن يوقع الشعر .
.،.زعلت دارين جدا علشان البنت و فضلت تدعيلها ان ربنا يشفيها و يرجع شعرها تاني يطلع و تبقي جميلة .????..

و لما روحت دارين بيتها و دخلت اوضتها ..،??،بصت لنفسها في مرايتها ....???.و قالت لنفسها ..،انا كنت غلطانة لما زعلت اني شعري ناشف و خشن و هايش ....???.انا من النهاردة هقول دايما الحمد لله علي كل النعم اللي بيديهالنا ربنا ....???

و كمان هعمل زي ما مامتي قالتلي و ان شاء الله هيبقي شكلي جميل و مش ههتم بكلام نور او اصحابي اللي بيضايقوني .....انا جميلة بشعري و بشكلي كدة .....???

و توتة توتة خلصت الحدوتة

#صفحة_حواديت_قبل_النوم_للكاتبة_شيماء_عبدالعال