احس الدنيا مابها امان ..

**سارونا**

**سارونا**

New member
إنضم
2010/07/26
المشاركات
105
السلام عليكم ..


بنات انا مقهوره والله اكتب لكم وبحلقي غصة الم وبعيني الف دمعه ....

ابقولكم قصتي تكفون ساعدوني واسوني قولو اي شي اي شي ... بس ارتااااااح

انا متزوجه لي ستة شهور والحمدالله عايشه حياتي بكل سعاده وانبساط وحب .. مع انه في مشاكل بس مو كبيره مره... كان زوجي مرره طيب وحبوب ... كان زوجي منتظر اني ابشرره بحملي على احر من الجمر كان يقول لي مدري وش ابسوي اذا بشرتيني راح انهبل راح اتجنن .. راح اجيبلك احسن هديه ..

ومرت الايام وحملت وبشرته كانت ردة فعله جدااااا عاديه ويقولي انتي صادقه الف مره قلت له والله اني حامل ورحنا تاكدنا من الحمل وصرت حامل ... وصار يهتم فيني ويقول ماتشيلين شي ولا تشتغلين بس ترتاحين ماتسوين شي ابدا ...

وانا ارتحت ومر اسبوع يوم من الايام كانو اهلي مسافرين وكان هو بيطلع مع اصدقاؤه من المغرب الى الساعه وحده بالليل ... انا رفضت قلتله طيب خل الطلعه بعد العشاء ورفض وقال
لازم اروح بعد المغرب قلت له طيب ودني لم اخوي قال مااقدر وتناقشنا وبعدين زعلت وطلع من البيت ..

ارسل لي كان بتروحين تجهزي عشان اوديك .. ومارديت عليه واتصل اربع مرات ومارديت عليه

ارسل لي قال اجل انا رايح وماني جاي الا الساعه وحده ... وبعدين جلست ابكي بحرقه وقهر والله بكيييت وبكيييت لين صار معي نزيف .. يوم زاد النزيف والام بطني ارسلت له تعال ودني المستشفى وعلمته بحالتي
.. رد علي بكل بروووووود خلاص روحي تطهري شكله نزل اللي ببطنك انا ماني جاي لاني بعيد ... دقيت عليه وجلست ابكي اقوله انا تعبانه ماني عارفه شسوي رد علي انا بعيد ماني جاي ...دقيت على امه جت مع اخوه وودوني المستشفى وقالو اني اجهضت يعني سقطت يعني طاح اللي ببطني ..

بنات قولو لي وش اسوي اجلس عنده انا صرت اخاف منه ومن اسلوبه وقساوته وتطنيشه
مع انه قام فيني وخدمني ويقول اللي تبيني اسويه بعد مارجع .... بعد رجعته تناقشنا كثير وهو مو معترف انه غلطان ...

مشكلتي اني احبه وماودي اخرب حياتي ... بس انا خايفه من المستقبل اخاف تصير معي مواقف زي كذا واشد ومايصير عندي ولايوقف معي ..

والله العظيم اني ماني عارفه وش اسوي معه وكيف اتعامل معه ... قولولي انا غلطانه ولا لاء .. حتى انا خبرته اني نفسيتي تعبانه من الحمل ولازم تراعيني لكن مقفل مخه ..
 
يالغلا استخرتي يوم زواجك اذا نعم لا تشلين هم المستقبل ربي اعلم به

والله يجيريك في مصيبك ويعوضك بااحسن منه هذا الطفل لا تنتدمين عليه قولي قدر الله وما شاء فعل

وكلي امرك لله وادعي الله ان يهدي زوجك ويعلق بحب الله ورسوله
 
وكلي امرك لربك وهاذي اشياء ماتستاهل لان زوجك ارسلك وانتي رفضتي كان يوم ارسل تجهزتي ورحتي وبعدين تفاهمتي بهدوء والله يسخركم لبعض الدنيا ماتستاهل البكاء الا لله في الصلاه والخشوع
 
ماعليش ممكن أكون قاسية عليك أنت حساسة بزيادة زوجك ما غلط أبدا وما قصر بس أنت شكلك عنيدة ودلوعة وأنت اللي سببت لنفسك هذا الشيء كان صبرتي أو رديتي عليه ورحتى معاه نصيحة مني لك خفي شوي ترى الزوج يمل وما عاد يلتفت لك
أمسكي عليك زوجك ماراح تلاقي أحسن منه
 
انا مع الاخت احلى سمايل
بكل كلمه قالتها
وموفقه يالغلا
 
انا لو منك سويت مثلك وما ادري هذي حساسيه زايده مثل ماقالوا ولا لا :(

الله يسخركم لبعض يااااارب
 
زوجك دلعك يومين و تعودتي على الدلع
وشكلها جتك صدمه يوم طنشك وما مشى كلامك
الحياه فيها اشياء اكبرو اصعب ما ينفع يا قلبي تصيرين كذا
لازم تكبرين عقلك واللي صار مو خطأ زوجك ولا خطاك هذا قدر و مكتوب
انسي اللي فات وحاولي تكونين ذكيه
 
انتي الغلطانه وزوجك ماقصر ..وعاقبتي نفسك ومارديتي على اتصالاته..
وهو طيب معاك ويراعي نفسيتك..
الموضوع بسيط ولا تكبريه
والله يعوضك ويرزقك الذريه الصالحه..
خففي حساسيتك الزائده..واتعلمي الصبر مو عند اي مشكله بسيطه انهرتي وقلبتيها غم وحزن..
موفقه.
 
شكرا كثير لكم يااخواتي الغاليات .. على تفاعلكم معي

والله اثلجتم صدري وازحتم عني هم كبير..

يعني انا صرت الغلطانه .. وطيب هو ماغلط يوم انا تعبانه واكلمه ويقولي ماني جاي انابعيد

روحي تطهري الولد نزل ... انا والله خايفه من بعدين خايفه يصير لي مواقف اصعب من هذي ومايوقف جنبي
 
و الله يا روحى زوجك مش غلطان لوحده يعنى هو اتصل و ارسل رسالة عارفة انا حتى لو زعلانة مع جوزى و اتصل برد و كمان على طول يعنى هو لما اتصلتى و ما ردش زعلتى مع انك عملت نفس التصرف قبلها و هو كان ممكن يكون فى اى حاجة طارئة بيتصل عشان نصيحة ياقلبى ابعدى الشيطان عن حياتك يعنى انت كده هتخليه يكون فكرة ان الزعل مبرر ان حد فيكم يتصل و التانى يذله و ميردش عموما كلها خبرات بتحدد علاقاتنا بالطرف الاخر فبلاش يا عمرى توصلى خبرات سلبية لزوجك الله يصلح لك الحال و يعوضك عن البيبى ويهدى زوجك شكله طيب بس تصرفك خلا رد فعله دفاعى وربنا يوفقك وتقبلى ودى .
 
سخااااااااااااافه 00منك انتي وانتي دبور يزن علي خرااب عشه خذيها مني نصيحه الحياة بطولها وعرضها مشاااااكل وتوك ماجاك من الدنيا شي مالك الا 6شهور توك وش تحسبين الزواج ان الزوج يكون خادم لك ولا تبينه يطلع ويدخل بامر منك لا لا لا مافيه رجال كذا ولا تحلمين بس عشانه دلعك شوي تبينه تحت جناحك لا توك معروف دلع اول سنه من الزواج بعدين قولي للدلع بيباي فكري بعد 5 سنوات مثلا تبينه نفس اول سنه مستحييييييل انتي شكلك متاثره بمسلسل تركي من الدلع اللي فيك اجهظتي لابالله منتي صاحيه نصيحه احترميه ويحترمك واذا اتصل ردي وذا رجع عن قرار عشانك اقبلي فيه اذا قالك ابوديك البسي وروحي لان كثر الدلع بيطلع ويخليك وانتي اللي بتنقهرين ولا بيدري عنك شفتي وش صار لك من عنادك نصيحه كثر الزعل يولد الجفا خذيها مني نصيحه ولاتكثرين دلع عليه لانه مهوب(مهند)تراه خليجي او بالاحري سعودي
 
عزيزتي انتي الغلطانه هو لما رفض اول مره صح ما معاه حق طالما انه طالع يطلعك لكن انتي قلبتي الموضوع كله عليك مااستجاب لك لا تكبرين الموضوع اتوقعي مو كل مره تتطلبين شي بيوافق زوجك حتى لو كنتي على حق احيانا وهو لما حاول يصلح غلطته طنشتيه فإنتي تتحملين ردة فعلك لأنه دق مره ومرتين واربع يعني سوا اللي عليه فكان شي طبيعي لأنك قهرتيه بتطنيشك إنه يرد لك نفس الرد ويطنشك لما طلبتيه ترى اسلوب التطنيش وقت الزعل بالتحديد اسلوب التجاهل مرره غلط ويقلب الموضوع فوق تحت لصالح الطرف الثاني
 
روحي بيتك وزوجك طيب وماقصر معاك والله يهديك ويسخره لك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل