احساس ماينداس واخواتي الفاضلات اود ان تتحفوفني بحكمتكم ومشورتكم

[رياض الخير]

احببت ان تشاركوني احبتي في حل مشكلتي :21:
في البدايه انا زوجه ثانيه زوجي بنهاية الاربعين وانا بالعشرين من عمري عانيت من المشاكل منذ بداية زواجي لاني لم افهم نمط زوجي لكثرة معاتبتي له ولسماعي نصائح زوجته الاولى
بدى بالنفور مني والابتعاد عني كان يضعني عند اهلي كل اجازه ومع بداية الدوامات ياخذتي وهذا سبب احراجا لي مع اهلي لاننا بنفس المنطقه حنون معي لا يحب الالتصاق يكره ضعفي ودموعي يحب اللف والدوران لايصرح باللي بقلبه كثير السفر
اذا كان راضي عني يتصل ويسال واذا زعل مني او من غيري يسحب علي ونفسيته تتغير ويتغير اسلوبه 180 درجه رغم ان ليس لي دخل بزعله اصدقائه المقربين معدودين يحب مساعدة الاخرين ولو على حساب نفسه كريم
يوعد كثير ولا يوفي نادرا مايهدي الهدايا يجرح كثيرا بكلامه ويشك حتى ذكرى زواجنا قال وقتها انها اكره ليله بحياته زعلت وقتها وحزمت حقيبتي واول ماوصل للبيت قلت وديني بيت اهلي فارق ماتنجبر روح على روح وقتها خاف وحلف انو مو هو اللي ارسل ولا يدري ومايبي يدخل خلافات مع اهلي وتصافينا ليلتها وتفاهمنا مشكلتي بالبدايه ضعف شخصيتي وخوفي من الطﻻق انني اصدق بسرعه وعلى نياتي زوجته الاولى تتصل فيني وتقول انو اتزوج مسيار وتحلف ويوم واجهته بكﻻمها قال ابتعدي عنها ولاتكلمينها ولم يصرح بشئ غير ذلك ولكنني عندت واستمريت معها اخذ اخبار زوجته المسيار واوصافها وزوجي اصبح لابنام عندي وتاتيني رسائل استفزازيه من جواله وزوحته الاولى تؤكد انه كان نايم عند زوجته المسيار واعصب واصير اتصل فيه ولايرد واذا قابلته ابدى بالشكوى انت ظالمني ماتروح الا لها وتارك جوالك عندها وهي ترسل صغرت عقلي كثيرا وقتها واخواتي نصحوني بالابتعاد عن زوجته الاولى وان اخرج نفسي من داءرة زوجته المسيار وان لاوجود لها وهذي حركات ضراير ومع الوقت بدات ابتعد عنها وبدت حياتي بالاستقرار ولله الحمد
وزوجي اعترف انو كان متزوج وطلقها ولا توجد على ذمته الا اثنتين فقط وحلف لي
لكن كل ماتغير علي او انشغل صرت اقوله انك اكيد متزوج ومشغول عني خليك عندي لاتروح وابكي وبدى ينفر مني ويقول مافي فايده مهما حلفت لك ماتصدقين فكري مثل ماتبين ولا تزعجيني
حاولت جاهده ان اقتنع وبديت اتغير قللت اتصالاتي اذا جاء استقبلته واذا سحب بامان الله
حملت بعدها ولله الحمد لكنه تغير اصبح يقلل الجنس ويقول اخاف ان يتعرض الجنين للخطر اصبح لاينام بالبيت نهائيا
واذا سالته يقول بالاستراحه انام اعطيته الثقه رغم شكي
وبالاشهر الوسطى قال لي من اللحين بوديك لاهلك تولدين عندهم وبمرك عليك كل يوم لاني اخاف عليك اذا ماصرت موجود قلت انت موجود طيب نام عندي وتطمن علينا قال بعد الولاده انام عندك الاحين لا وبعدها تعب زوجي من الام ضهره ومن الضغط والزموه بالراحه التامه وعدم صعود الدرج وصار اللي يبيه قال لاهلي انو تعبان ويبيني عندهم واهلي وافقو وانا الان عندهم كان يمر بالبدايه ومهتم لكن الان لااتصال ولا رسائل واذا اتصلت مايرد
مطنشني على الاخر ويرسل اذا اتصلت وش تبين مايرد علي
لا اعلم ماسبب تغيره المفاجئ
اوود منكي اختي احساس ماينداس واخواتي الفاضلات المشوره والحكمه
ماذا افعل مع تطنيشه
وهل هو اختبار منه مع العلم انه اذا زعل من احد يبتعد وينفرد بنفسه لكن انا وضعي غير حامل واحتاح له اكثر من اهلي
وهل ينفع اسلوب الثقل معه ،؟ ام اذا ثقلت عليه يسحب ويثقل زياده
حائرة في امري وراغبة بمشورتكم بالتفصيل :5:

 

[مشاعر حزينه ..]

بقولك شي حطيه ببالك ترا اغلب الحياه الزوجيه فيها مشاكل وفيه ناس مشاكلهم اكثر منك واغلب الرجال طبعهم كذا وانتي زوجك فيه سيئات وفيه حسنات انتي فكري بس بايجابياته وانسي سلبياته وكثير بنات عانن من مشكلهن الزوجيه وبعدين انحلت هالمشاكل بالعقل والهدووء وانصحك بالاسغفار بنيه تحسين حياتك مع زوجك ترا الاسغفار يفتح الاقفال المغلقه وكثري من الدعاء بتسخير زوجك لك وربي يوفقك ويسعدك تقبلي مروري ..

 

[أحب حبك]

خيتو شو فصيلة دم زوجك؟وبإذن الله راح نجاوبك بس اقول لك انت اغلب السبب في مشكلتك

 

[رياض الخير]

ادري مني الغلط ومن ضعف سخصيتي لكنني اعمل جاهده لكي احسنها وذلك بنصائحكن وارشادكن
فصيلة دمه o+

 

[نور1406]

اتمنى اني ما أظلم زوجته الاولى بس أشك كثييير في تصرفاتها يعني احسها تلعب من تحت لتحت وانتي عطيتيها الفرصه وسمحتي لها تتدخل

 

[Smoalthat2244]

حبيبتي انتي دخلتي هالمعركه وتحملي نتايجها لماخطبك كان عندك علم ان عنده زوجه وانتي الثانيه وزوجته لماشافته تزوج صغيره شيء طبيعي تكافح لان وجودك بالنسبه لها خطر كل امراه تكره ان زوجها يشاركها فيه غيرها فهي بتتدخل وتحوس الين يطلقك وهذا شيء طبيعي لان بنظرها انتي دخيله عليها انتي اخطاتي بالبدايه لماتزوجتي شخص كبير مره بالنسبه لك وبما ان الفاس طاح بالراس انتي واضح انك صغيره وعلى نياتك ومعروف الزواج من معدد يحتاج لمراه شخصيتها قويه لانها بتواجه امور بتقهر بتالم والان بما انك حسيتي ان زوجك نفر منك عالجي وضعك يمكن زوجته صارت تدلعه وتدلل فيه الرجال اذا وحده اشغلت فكره بيركض وراها واذا غثته تبي دلع طنشها انتي راعي انه في الاربعين عقله كبير ورغبته بالتعدد كنفسيا ومن ناحيه علم النفس فهو يبحث عن وحده تحسسه انه صغير وشباب بدلع وغنج خذيها قاعده فاقد الشيء لا يعطيه وهو فاقد الدلع والكلام الحلو والرجل لاصار بالاربعين بنظره طلبات الزوجه ازعاج فهو يبي يشبب نفسه يتزوج لاجل يقنع اللي حوله انه شباب ومرغوب انتي حسسيه انه مرغوب دلعيه وتدلعي كون انك اصغر منه بكثير فهذا في صالحك تدلعي عيشي مراهقتك قدامه لاتتصلين وترسلين خليه اذا فقد اتصالك ورسايلك بيجيك بعض الرجال يتفاخرون ان الحرمه تتصل كل شوي هالامر يرضي غروره ولما يكتب وش تبين يسوي نفسه يعني اني البنت ميته عليه اثقلي واذا جاء اكشخي والبسي وعيشي جوك هو في الاربعين جيله يختلف عن جيلك يعني بينك وبينه جيلين شوفي ابحثي عن طرق التعامل مع الاربعيني لان لهم تفكير يخالف تفكيرنا وغير هذا هو في مراهقه الاربعين وفيها الرجل يتشبب بكثره الزواج هي مثل حاله الياس عند الحريم فهو محتاج للحب اكثر منك محتاج للحنان اكثر منك فهو الان يروح للي تهتم فيه وتشبعه اهتمام مو تزعجه وتغثه بالطلبات بامكانك تطلبين اللي تبين بالدلع تفنني لاتامرينه هالسن يكره الاوامر عقليتهم كالطفل سايسيه كلي بعقله حلاوه حسسيه انه جنتل حسسيه انه صغير هالسن مايمشي الا بل الواقه لوقيه خليه يعيش جوه هو بحاله ياس يبي يشبب نفسه فمالقى حل غير التعدد لوبتطلبين منه حنان وحب واهتمام بيرميك مطلقه لانه ماتزوج الا لانه فاقد هالشي والمكالمات والرسايل ماتجي من كبير سن لو انه شباب بال20ممكن يعطيك وجه اما زوجك فاقد اكثر منك لان الاربعين بالنسبه له سن ياس فيبي يعيش مراهقه بيت حريم لاجل يحس انه مرغوب

 

[رياض الخير]

لوحة خواطر فنان كﻻمك اراحني وافادني كثيرا
جزاك الباري خيرا ووفقك ...

 

[أحب حبك]

كنت حاسه ان زوجك فصيلته او يعني شمالي كل شي فيه يدل كذا وما شاء الله عليك كل شي يكره الشمالي سويتيه له طفرتيه وخنقتيه
لكن ما عليه تقدري تصلحي من الخطأ
ومبين ان انت على نياتك وقدرت زوجته الاولى تتحكم فيك وتخرجك من حبه وملعبه
الحين خيتو شو تسوووين؟؟؟
لا تتصلي فيه ولا ترسلي له انشغلي عنه واذااتصل لا تشليه خليه يتصل مرتين وفي الثالثه شليه وقولي له بكلدلع اوووه حبيبي سوري ما انتبهت للفون كنت كثير مشغوله وراح يقولك شو شاغلك قولي له كثير مشغوله اشغال راح يلح قولي له سر يموتون الشماليين في الغموض والاسرار وطبعا كلميه بدلع ابدا لا تنكدي وتتنازعي صوتك لا يعلى الاتصال خليه كله ضحك وفرفشه ودلع وانت اللي تسكريه يعني اوك حبيبي لازم اخليك امي تناديني او مرره مشغوله اروح اخلص الاكل اي شي طلعي اي شي الاتصال ما يكون طويل بالقطاره عشان يشتاق لصوتك وضحكك ودلعك
واذا جاء يزورك خليك كاشخه وردي عليه ع قد سؤاله ما تثرثري كثير سويت كذا ورحت كذا لا خليك ذكيه يسألك كيف كان يومك الحمدلله استمتعت كثير وخلصت كثير اشغال وسويت لجسمي تقشير ولشعري رحت الصالون وكذا وكذا يعني كثري من ذكر اهتماك بنفسك واهتمي بجسمك وكل حاجه لان الشمالي يحب اللي تهتم في نفسها ومشغوله في نفسها وتطور نفسها من جميع الجوانب اقري كثير النت ليان واقري عن الشمالي

ودائما امدحي نفسك جنبه يعني مثلا فلانه قالت ان ذوقي ابداع ودائما تطلبني انسقلها ثيابها وامي تقول عني كذا اليو صار كذا يعني مدح لك لكن ما بجلسه وحده بين فترات والايحاءات استخدميه انا عارفه انك مشتاق لي ومشتاق رائحتي ولمساتي انا عارفه ان البيت من دومي وحش انا عارفه انك تحبني كثير
الدلع والرقه والغنج والكشخه والصوت الهادي والشقاوة تجذب الشمالي مع الثقه بالنفس واللي تريديه اطلبيه الرجل ما يعرف انت شو مفسك فيه وشو تفكري مثلا بكل دلع حياتو اليوم انت عازمني في المطعهم الفلاني اذا قال تمام افرحي وروحي احضنيه وبوسات واشكريه ع اي شيي وامدحيه وخصوصا رجولته
يعني لما يتصل قولي له ااه مشتاقه حضنك احس لما تحضني بالراحه والامان رجولتك تطمني وتحسسني معاك بانوثتي ومن هذا الكلام وامدحي اي شي فيه حلو
وعوديه ع الحضن والبوسه بدلع امووووه لما يوصل وقبل يروح ولما تكوني ببيتك قبل يروح العمل ومن يرجع وققبل يروح مع دعوات حلوه

هذا اللي الحين حاضر معي واي شي تحتاجيه امري وتدللي خيتو موفقه

 

[رياض الخير]

احب حبك
لبى قلبك صدقتي بكلامك من الاول خليتها هي التي تمشي حياتي بكيفها لكن انقطعت عنها نهائيا وارتحت كثيرا مع زوجي ولله الحمد
لكن الان بالرغم من اني غيرت رقمي وجدت مكالمه من زوجته المسيار على حسب قول زوجته الاولى لاتها كانت تزعجني وحفظت رقمها وزوجي يقول انها انقطع عنها وطلقها وواجهته امس وقلت رقمي مايعرفه احد غيرك انت وزوجتك الاولى ليش زوحتك المسيار تتصل فيني ومنو عطاها رقمي
وجلس يحلف ان ليس له عﻻقه فيها ولا يدري عنها وانه كل ماجاني عند اهلي رفعت ضغطه وازعله بس والله غصب عني حاسه اني بدوامه ابي ارتاح معه لكن يطلع شي يعكر جوي وجوه
ابي اعرف الصدق وهل الشمالي يكذب ويكون ضعيف شخصيه امام المراه المتسلطه.؟
واذا تكرر الازعاج من الرقم هل اتصل بزوجي واخبره ام احقر الاتصال واطنشه؟؟؟؟
لاني قلت له مابي اتعداك للمره الاخيره انت عزيز وغالي وتقدر تتصرف ذي رابع مرا تغير رقمي عشان الازعاج وانت عارف المصدر لكن لو تكرر الاتصال وانت ماتصرفت يكون وقتها عداني العيب ولا تلومني باللي اسسويه
قال طنشي ولا كانك شفتي شي وانا بتصرف ...

 

[أحب حبك]

خيتو سواء تزوج مسيار او لا وانت شو عليك
اهم شي حياتك
بسببها وبسبب الرقم اصبحزوجك لا يطيقك ابدا وخليتيه يندم انه تزوجك
انت تزوجك بالعلن وامام الناس وهذا وحده دليل حبه وميله لك فاليش تخرب جل شي جميل
انت تزوجت رجل وعارفه ان هو متزوج فبلاها الغيره اهم ما عليك حقوقك وسعادتك وراحتك
فكري بعقلك خيتو وشوفي كيف انت الحين خليتيه يكره حتى الاتصال بالرغم انك مفروض الحين تكوني عايشه الرفاهيه والحب والسعادة
وبعدين اقولك الشمالي يالله يالله يقدر ع حرمتين وثالثه؟؟؟
يمكن ترك الزوجه المسيار وتزوجك انت وابدل المسيار بزوجه تسعده وتحتويه امام الناس والعلن وهذا بحد ذاته نصر لك
وبعدين يمكن زوجته الاولى او احد اولاده او احد من اهل زوجته الاولى هو اللي يراسلك ورايد يزعجك متفقين يعني
عطي الرقم طاف ولو يتصل من اليوم لين باكر خبري زوجكوانت حزينه وقولي له الرقم ازعجني وخليه يبدل الرقم ولو 100 مره هو اللي يتعب ما انت انت وش وراك
خليه يحس وخليه هو يتصرف
وعلاقتك بزوجته الاولى اقطعيها ابدا خلي زوجك يبدل رقمك وقولي له رقمي هذا ما ابغاك تعطيه فلانه اي زوجته
وخلاص انت لك حياتك ابنيها بروحك وخلي عنك المنازع والنكد استخدمي الحيله والضحك والرقه
ومن اليةم ابدي صفحه جديده صلحي اخطائك وتعلمي من حياتك وخطواتك

 

[رياض الخير]

احب حبك
صدقتي اصبحت شغلي الشاغل ومحور اهتمامي وهذا الذي تريده بان ازعج زوجي لكي يلتفت لها وينفر مني
لك جزيل الشكر ياعزيزتي كلماتك اعطتني حافزا قويا لاحرمك الله الاجر وكتبه بموازين حسناتك ومن الان ساطبق نصيحتك ....

 

[أحب حبك]

امين جميعا خيتو
وانا وكل خواتي بإذن الله معاك
واي شي اطلبيه
وحاولي تفكري بعقلك وتوزنين الامور زين
وكل ما تقربتي لله اكثر كل ما كانت حيلتك اصفى وانقى والحمدلله
غيري تفكيرك وغيري نفسك

 

[meforever]

انسي زوجته الأولى نهائيا ولا تذكريها أمامه. وعيشي حياتك. وابتعدي عن المنغصات. انا احس ان الزوجة الأولى هي وراء المكالمات والإزعاج. فانت زوجة ثانية وصغيرة وأخذت منها زوجها كما ترى هي. فهي لن تكف عن ملاحقتك وايذاءك يجب ان تكوني ذكية وقوية وإلا فسوف يتركك زوجك. انت تزوجتي به وانت تعرفين انه متزوج يعني يجب عليك ان تصبري ولا تشكي ابدا


كان الله في عونك

 

[أحب حبك]

انا جالسه افكر في امرك خيتو اذا زوجك شمالي اكديلي شو فصيلة دمه شان اتاكد
اذا هو شمالي الدموع والترجي ما راح تساعدك راح يزيد تكبره لان الشمالي يكره الدموع والتذلل يكره هذا الضعف ويعرف انه راح يزيد من معاملته لك لانه تلذذ بالنتيجه
اكديلي اذا او فصيلة دمه خيتو فهناك حل ثاني وخطه ثانيه بإذن الله

 

[رياض الخير]

المشكله اني اشعر انه ضعيف شخصيه امامها يضغط علي كثيرا لكي اتصل بها واتواصل معها اجاريه قليلا وبعدها اتظاهر بالانشغال وفهم بعد ذلك رغبتي بالابتعاد عنها وعدم التواصل معها
كثيرا مايكذب يحب اللف والدوران عنده كبرياء الدنيا اذا زعل يحب ينطوي على حاله وقت الزعل
الى هذه اللحظه تاتيني اتصالات من جواله كالعاده ليس هو المتصل لكني قررت عدم الاهتمام ولن اقول له شي عنها لكي ارتاح ويرتاح لاني اعلم بعدالة الرب فالحسد يبدا بصاحبه فيقتله ..
نعم عزيزتي فصيلة دمه o+..

 

[أحب حبك]

اسفه خيتو اخر رد بالغلط المفروض لموضوع ثاني

المهم خيتو اتمنى اسمعمنك اخبار حلوه
انت الحين لا تتصلي عليه ولا ترسلي له واثقلي معاه وبيني انشغالك
ولا تذكري زوجته ولا اولاده
ولازم ايضعف مع زوجته الاولى لان عشرة عمر ومعاهم اولاد وقدرت في هذي الفترة تبين ان قرار زواجه خطأ واذا استمريتي انت ع نفس الوضع ما تستغربي اذا صار طلاق
انت غيري نفسك وطبقي كلاي اللي فوق وخبرينا بالنتائج وراح نكون معاك بإذن الله

 

[رياض الخير]

احب حبك نصيحتك لي واااخواتي البقيه ارجووكم لاتبخلو علي بالنصبحه

الحمد الله ولدت بنوووته :7:
لكن زوجي يريد تسميتها باسم زوجته الاولى وسلبني فرحتي بها
عارضت على ذلك بشده وهو عاند على اسمها
وقال انتي تكرهيها ولا تحبينها قلت له معارضتي على اسمها لايدخل بمشاعري لكننها اول فرحتي لاتحرمني من اختيار الاسم عاند وعاندت معه واخذ اوراق البﻻغ وذهب كلمت ابي لكي يتفاهم معه وقال لابوي بسميها اسم وحده غاليه علي ومن هالكﻻم ابوي قال له الاسم معناه مو زين عرفا وعند الناس هالاسم عيب لانه صفه مذمومه
قال يصير خير ومن بعدها قفل جواله لااتصل ولا شي
الناس تسال عن اسمها وللحين اصرف مرا اقول محتارين بالاسم ومرا بنسوي قرعه وننتظر جدتها تطلع من المستشفى وتختار
وللحين مارد خبر علينا
ليته تعب فيها او هو يزورني او تعب معي وقت حملي لكن اهلي قايمين بكل شيء
زوجته اتبلت علي هي وبناتها يوم زاروني وقالو لزوجي بعد ماراحو من عندي زوجتك ماتبينا نسلم على اختنا ومخبيتها عنا وشايفه نفسها علينا ويشهد الله علي اني خليتهم يسلمون عليها وحطيتها بحضنهم واستانسوا عليها
ماعرف ليش كذبو عليه وتبلو علي ومن يومها حلف ان بنتي تتسمى على زوجته وتغير لااتصل وﻻ سال ولا رد علي شنو اسم البنت
تكفووووون دلوني شنو اسوووي وكيف اتعامل معه واقنعه اهلي حيل معصببن وانا نفستي بعد الوﻻده الله اعلم فيها
كيف اوقف زوجته عند حدها وزوجي شلون اقنعه ..؟؟

 

[أحب حبك]

الله يكون بعونك
والحمدلله على السلامة والله يقومك بالسلامة يارب

ارسلي له رساله وقولي

يا مساء الخير يابو فلان
لقد كنت زوجا محبا ولقد عشت معك في بداية حياتي ايام لذيذه حمدت رب انني تذوقت جمالية رجولتك وانسانيتك
لقد كنت لي نعم الرجل ونعم الزوج ونعم المحب
كريم وعادل ..ألخ اي صفه حبيتيها فيه
ولكن الايام غيرتنا وغيرت صفاتنا
الحمدلله على كل حال
اعلم انني لن ارضى ان تسمي ابنتي التي تعبت عليها انا واهلي في حملي ان تسميها على اسم ايا كان من اهلك ولن اتقبل هذا ابدا. انا لي الحق في ان اختار اسم ابنتي . لقد تغيرت كثيرا ولم تصبح ذاك الرجل الذي امنته على سعادتي وراحتي. انا اقول لك اذا كنت مصر ان تسميها على اسم زوجتك خذ ابنتك واجعل زوجتك تربيها واطلق سراحي. انا ملكه واذا لم تستطيع ان تعامل الملكات بمولوكية رجل فلا استطيع ان أكمل حياتي معك. ولازلنا في بداية المشوار والحمدلله فانا اتخلى لك على كل شي والحمدلله لازلت صغيره وجميله والكل يتمناني ولن اخسر شيئا ابدا .فأنا محتاجه رجل يعدل محب يعاملني بحنان وسعاده...
ان كنت ياسيدي تستطيع ان تعامل ملكتك فلانه(أنت) كملكه فانا مستعده ان اشاركك حياتي وان كنت لا فأنا غاليه بعيون الكثيرين ولن ارضى بالمذله...
القرار معك وبيدك تبني او تهدم
مع تحيات الملكه المصون فلانه ام كذا

سمي الاسم اللي يعجبك


استخيري بالدعاء واذا ارتحتي ارسليها له وخبرينا شو يصير


ولا تسمحي له ان يهينك اكثر من كذا اي مهانه هذي يسمي ابنتك على اسمها ولم يزورك ولم يتعب معك لي هذي الدرجه شايفك ضعيفه لهذي الدرجه يريد يثبت لزوجته انه يحبها ويفضلها عليك لا تسمحي له ابدا ولا ترضين ابدا ان يهينك اكثر وانت اللي الحين مفروض تتغيري يكفيك اهانه منهم

وبعدين لما يرد ارسلي له اللي جاني من زوجتك وبناتك ما شوي والله حقي راح اخذه من رب العالمين عاجلا غير اجلا والدنيا تدور خاف ع بناتك من دعوة المظلوم
واي شي تبغاه تفاهم مع ابوي وغلقي فونك واذا اتصل او رسل لما تفتحيه لا تكلميه ابدا ابدا واذا جاك لا تطلعين له كم يوم خليك كذا طنشيه ولو قلبك يموت ويريد يسمع صوته ويعرف شو يقول انت تغلي اكثر واكثر واثقلي خيتو

 

[أحب حبك]

اسمحيلي خيتو والله كثير انقهرت ليش تضعفين له انا قلت لك طنشيه ولا تمشين وراه
واذا هن كيدهن كبير خلي كيدك اكبر
كل اللي داخل معاك لما زوجته جات تزوك قولي له يروح يسألهم كيف انك عاملتهم
والله هذي مهانه كبيره منه كيف يراضي زوجته وانت يهينك اذا كان ماقد ان هو يريحك بلاه من زوج انت ملكه وافضل من انه يعاملك كذا ليش تهينين نفسك بالركض وراه وخوفك منه ومن زعله بالطقاق لا تعطيه وجهه وخليك غاليه راح يغليك
وشغلي عقلك وكيدك

 

[رياض الخير]

جزاك الله خير
والله العظيم ماتوقعت ردة فعله تكون بهذي الطريقه
للحين مصدومه من تفكيره وتعامله وتغيره المفاجى
ساتوكل على االله وارسل له الرساله
لكن خوفي الكبير ان يجعل زوجته تقراها وهي قوية شخصيه ومتسلطه وتاثر عليه
لانه اوقات مايعرف يقرا من ضعف النظر واوقات يقرا <>