احد عنده راي سنع

[ام شوووشه]

مرحبا اخواتي عساكم من عواده

بصراحه بسدح سالفتي من فتره والمشاكل بيني وبين زوجي على اسباب تافهه بعد:10:
يعني من دخل رمضان تقريبا والظاهر شياطيننا تروقص عندنا ماتربطت:8::30:
صحيح ننهيها بوقتها ونتراضى بس مانبطي
المهم انا عند هلي توي وارسلت له رساله ابيات
قال خلينا نبعد عن بعض عشان نشتاق موكل شوي متهاوشين يقول تعبت وكرهت نفسي:33:
صراحتن صقعت بكلامه وترى لي خمس شهور وانا متزوجه
رديت عليه ان كل زوجين بينهم خلافات واني نسيت ومافبالي الا انت وانو راح نحاول نتفادى الخلافات من اليوم والخ ..من هالحتسي السنع
بس تسبدي تعورني معقوله طفشته لدرجه:2:

 

[دوم الثانيه]

يمكن تكون الخلافات اللي بينكم لأنكم توكم متزوجين ومب عارفه طبعه وهو بعد مب عارف طبعج بس انتي دوم خليج متساهله ولا تعقدين السالفة وان شاء الله تستانسون بحياتكم**

 

[شموخ وحيدة]

اختي اتوقع انه باقي ماتعود على فكره انه متزوج انه ملتزم بزوجه وبيت ومسئوليه فاقول انك تكوني هاديه وتكبري عقلك وتتعوذي من ابليس الحين انتي عند اهلك خلاص خليه يشتاق لك كتبي له رسايل رمنسيه ومثيره دوري بنت بتلقين واجد يعني شوقيه لك واشتري قميص حلو وروحي بيتك وتوكلي على الله وطولي بالك و الله يسعدك

 

[تشكرات]

سنوات الزواج الأولى هكذا ( أغلبها مشاكل وصراعات ) وهذه ظاهره

صحيّه ( حتى تتجانس أرواحكم وتتآلف قلوبكم ) وكل طرف يعرف

للطرف الآخر وماذا يحب وماذا يكره ......

فأنت صعقتي من ردّة فعل زوجك >>>> وهنا فائده لك لكي تتجنّبي

المشاكل معه لاحقآ ......بمعنى اذا رأيتيه غاضبآ ( ألزمي الصمت

وأحتوي المشكله بشكل سريع ولا تعطي الشيطان فرصه لافساد

حياتك ......

وزوجك اذا رآكي بهذا الحلم وبهذا الود ( حتمآ سوف يهدأ وبذلك تنتهي

المشكله .....وكلّ مرّه هكذا ........حجّمــي المشاكل بينك وبينه

ولا تكبّريها ......وسنه بعد سنه تجدين نفسك فهمتي زوجك وهو

بدوره يتفهمك وبالتالي ( تنشغلوا بأمور أخرى كرعاية أبناءكم والتخطيط

لمستقبلهم .....وغيره وغيره ......

وبس تكبري بالعمر ( وتتذكّري مشاكل الخمس شهور الأولى من

حياتك الزوجيّه ( راح تضحكي على حالك وتقولي ( لبى قلبي كنت

صغيره وأرادد زوجي في الكلام ههههههه .....

ربي يسعدك ويوفقك ..

 

[ام شوووشه]

الله يعافيكم يمكن مثل ماقلتو والله اني انتظر تخلص السنه :8:
المشكله اني عوبا ودمي حار:24:

 

[غريبة في بلادي]

مشطي الشوشة ورتبيها وبتنحل السالفة

الله يسعدك عادي جدا اللي يصير لانكم توكم عرسان وكلمته عادية خلنا نشتاق لبعض

انتي خذيها بخفة دم ولما يكلم لاتردين عليه تدلعي مثل ايام الملكة والا قولي ابوي موجود استحي اكلمك

يعني اقلبي الهرجة لعبة بشتاق لك وبيتجنن والا ارسلي له رسائل شوق فيها جرئة شوي

والله يوفقك وييسر امرك ويسخره لك ويسخرك له

 

[لين ..~]

امممم شوفي انا لي سنه الحين متزوجه الحمد لله .. بالبدايه كانت بيننا مشاگل بيطه لأن كل واحد له طبعه ولاحنا فاهمين بعض بس انا طبعي مااحب اكبر المواضيع وحيل حساااااسه <~ دمعتها بمخباها هع
يعني لما تصير مشكله وتكبر شوي وانصدم برده او بالاحرى بدفاشته لأني مو متعوده على هيك اعطيه نظره واسسسكت واتركه عاد هو يأنبه ضميره ويرقعها ويحس انه غلط يوم نافخ واذا كلش كلش كبرت السالفه هناا خلااااااص ماامسك نفسي اروح الغرفه ابكي عاد هو موته ودمعتي يجي يراضيني ونرجع حبايب <~ مخفه بثواني ترضى
اممممم قبل كم يوم جلسنا نسولف قال تدرين اني احمد ربي عليك قلت ليش قال لما اشوف اخوياي يتشكون من حريمهم ومن كثرة مصاريفهم ومشاكلهم اللي ماتخلص اقول الحمدلله اللي رزقني فيك وكل شي كنت اتمناه حصلته عندك
يقول تفهميني كن نظرتي اذا انا معصب او لا وطيبه وفيك دين ومو مثل بعض الحريم لسانها طويل تلاسن زوجها وتخرب على نفسها وحلوه امممم وشنو بعد <~ تتذگر ... اممم اشياء كثيره والله قالها يعني تقريبا عرفت شنو يحبون الرجال وشنو يكرهون بالحريم
خاصه موضوع الصرف لأن زوجي بادي بمشاريع وعليه قروض وانا حيل اقتصد بكلللل شي مع انه يغصبني اشتري وهيك بس انا قلبي يوجعني لاضغطت ميزانيته وهذا اللي حببه فيني <| تحس انها جابت قصة حياتها هع
ادري طولت ي قلبي بس بغيت اقولك تجربتي بسنه اولى زواج ونظرة الرجال للحريم **

 

[خوووخاا]

5شهور بس اها اجل طبييييييييييييعي اول سنة مشاااااكل واحسن شئ عشان تتفادي المشاكل وتريحي راسك خليك ع السااااااااااايلنت

 

[الخائفه من الله]

هلا والله ام شووووشه والله كنت دايم اتابعكي بالله عاد كيف الزواج ههههههه طبيعي المشاكل كلنا كذا الله يصبرنا على هالرجال

 

[دانة الشام]

والله ياأم شوشة دمك خفييييييييف وعسل.. لذلك لاتخافي حبيب القلب لن يطفش منك لأن الزوج لايطفش سوى من المرأة النكدية أما المرحة مثلك ماشاء الله تبارك الله بإذن الله أمورها بخير.. فقط اصبري ,, وكبّري عقلك لاتعملي من الحبة قبة .. أي لاتجعلي الخلافات تكبر .. قللي من الجدل والنقاشات العقيمة .. حتى لو اضطررتي أن تقولي صح ..حااااضر .. معك حق وأنتي غير مقتنعة لابأس صدقيني لأن كثرة الجدل تورث في القلب النفوووور .. ربي يهنيكي بحياتك أنتي وأبو شوشة هههههههههه