احب زوجي ويحبني وافكر بغيره

[nora21]

السلام عليكم


انا انسانه ما اعرف اعبر واختار عبارات منسقه


اريد ادخل في الموضوع على طول وياليت الاقي من استفيد من نصائحها


الموضوع اني متزوجه من كذا سنه وعايشه حياة عاديه فيها من الملل

والضيق بانواعه بس احب زوجي ويحبني رغم تقصيره في امور كثيره

المشكلة اني احبه وافكر في اللي كان كاتب كتابه عليه قبل لاني بصراحه
اشوفه عايش حياة حلوه مع زوجته والله مش حسد بس ما اعرف ليه
على طول يطريلي واتخيله لو كان زوجي

ونفسي اتخلص من التفكير فيه مش عارفه

يا ليت تنصحوني بمى يفيدني

 

[perfume]

الريال ما يحب يحس بالمسؤولية بس اذا حس انه ما عنده مسؤولية يلجأ لشي ثاني يفرغ المسؤولية>>> اللي يسمع يقول المسؤولية شحنات كهربائية هههايالمهم اخت احساس اذا كنتي تسألي من ناحية المسؤولية من المصاريف_> عندج بيت أهلج حاولي تقنعيه بانج مهتمة فيه وتنظفيه عشان يحس انح راح تهتمين ببيت المستقبل ان شالله وانتي شاطرة تعرفي كيف توصلين المعلومة لريلج ^_*

 

[perfume]

عزيزتي نورة اتوقع انه هذي اوهام ووساوس من الشيطانتعوذي بالله من الشيطان وابعدي عنج هالوساوس السودة اللي ما تييب غير خراب البيوت

 

[تفــآصيلـ]

فديــــتج حيــآتي
شيلي التفكيــر هذا من راااسج

واللي كان كاتب كتابه عليج.. حياته مو سعيدة من فراغ
أكيــد هو و زوجته عارفيــن يرتبون أمورهم
وعارفين يحطون وقت للجد و وقت للطلعات والمزح
لو تقدريــن تقربين من زوجته وتعرفيــن شو يسوون عشان تكون حياتهم بالشكل اللطيف هذا

و غير هيك
سبحان اللهـ.. كثيــر من الناس تشوفيهم مبسوطين وسفرات وآآخر دلع..
بس يكون هذا الظاهر..
أما أمورهم الخاصه تكون خرباانه.. يعني مجرد برستيــج
أو قاعدين يعوضون عن فقد الحب اللي بينهم.. بـ هالطلعات والبسطات

ويمكن لا الفرضيه الأولى ولا الثانيه
يمكن تكونين انتي سبب هالملل..!!
حاولي تغيري بحيااتج
اخترعي طلعة.. ولا حاولي تجمعين فلوس وتسافرون
أو سوي أي نشااط
روحي اسبحي انتي و ريلج.. العبو..اركضو
غيري غرفة النوم
اقلبي غرفة الجلوس للنوم والنوم للجلوس
غيري ألوان البيت
.....الخ

لأن جميعنا بالحياة نمر بلحظــآت ملل. أو روتيــن
لا تفكرين باللي مو عندج..فكري بريلج اللي يحبج..
لا تخسرين اللي حواليج.. بمجرد وسوسه من الشيطان

عسى ربي يوفقج
وتكــونين أسسسعد وحدة بالعااالم

 

[طيبتي غيرهم]

عنوان الموضوع جدا غرييييب اشلون تحبين زوجك وهم تفكرين بغيره اللي يحب ياعمري عمره ما يحب غير حبيبه عطي نفسك فرصه اكبر شوفي سلبيات وايجابيات زوجك وانسي اللي تفكري فيه نهائيا صدقيني لو كنتي تحبين زوجك من قلب والله لو كان فيه طبع مش كويس راح تتغاضي عنه

 

[تشكرات]

المثل يقول (( الحب يصنع المعجزات )) طالما انك تحبي زوجك حاولي ان تغيري من حياتك معاه ..أكسري الملل بالحوار معاه والنقاش في كل جوانب الحياه ...غيري من شكلك من لبس ومكياج ومن ديكور البيت ..غيري الاضاءات ..أعزميه لرحله بحر يه وفرفشي وانبسطي ولا تنظري لغيرك ولا للماضي .....وأحرصي ونا أختك من دخول الشيطان بينك وبين زوجك ومن وسوسته بالتصوير لك بأن غيرك أفضل منك ...وعليكي بالدعاء والأستغفار .

 

[فجروغروب]

حبيبتي عشان اتبطلين تفكير فيه بس حطي في بالج انه مش من نصيبك والا انتي من نصيبه والا كان ما انفصلتوا واللي الله كاتبه لج اللحين زوجك الحالي وهذا الشيطان ايوسس لك وايزين لك حياة طلقيك ويمكن حياتك وزوجك أحلى وأكثر بكثير بس أنتي مش حاسه تعرفي ليه لأنك جالسه أطالعي حياة غيرك وناسيه حياتك . وبعدين عودي نفسك أنك ما تقارنين نفسك بالآ خرين وحطي في بالك واقنعي نفسك أنك الحمدلله أحسن حالا من غيرك بكثير وأرضي بما كتبه الله لك وبتلاقين نفسك سعيدة

 

[طيبتي غيرهم]

تقدريــن تقربين من زوجته وتعرفيــن شو يسوون عشان تكون حياتهم بالشكل اللطيف هذا

و غير هيك

ما انصحك تتعرفي على زوجته أبدا مع احترامي لراي الاخت لانك راح تتعلقي اكثر اذا انتي تقولين انك تفكرين فيه ابعدي عن الشر وغني له ​

 

[سـهام الجفا]

حاولي مالتفكرين فيه واقنعي نفسك انه متزوج وانتي حاولي تسعدين زوجك وغيري طريقة حياتك وابتكري امور جديده الله يسعدك

 

[تفــآصيلـ]

امممـ

انا فهمت من كلامها.. ان تفكر فيه موحب
يعني مثل تتمنى تكون حياتها مثل حياته
لا أكثر ولا اقل
يعني مجرد ندم على انها ما خذته
بس مافي اي نوع من انواع الحب

عسب جي
انا اقترحت تتقرب من حرمته

..
واذا الفكره غل
انا اسحبها

 

[ريماس الحب]

يا اختي هذ اللي يسمونه حسد غبطة

انا احيان تصير معايا كل ماضاقت بي الدنيا اطالع الناس حولي كيف اوضاعهم واذا شفت اللي احسن مني اتمنى اني لو كنت مكانها كنت راح اكون اسعد واحسن حال

بس صدقيني سرعان ما انتبه لنفسي واتعوذ من الشيطان واحس بتانيب الضمير لاني التحسر ماراح ينفع صدقيني اللي ينفعك مواجهة المشاكل والعقبات وتحديها مو الهروب منها والسرحان في اشياء صارت ماهي لنا

" الخيرة فيما اختاره الله "

فعلا هاذي العبارة صحيحة 100% ياما تمنيت اني اكون في مكان فلانة وعلانة وتمر اللايام وتصير لهم مصايب وتفكك يشيب له الراس واتذكر امنيتي او لوانها تحققت مداني انا اللي الحين في المشكلة هاذي

يا حبيبي ياربي يلطف بنا وبحالنا وبرضه مو عاجبنا

اختي اطردي هالوساوس وتعوذي من الشيطان واحببببي زوجك فهو من يستحق منك الحب والحنان والاهتمام ويمكن مو زيادة الحب تبدا تتلاشى المشاكل وتصغر وتظهر التنازلات ويسير بكم مركب الحياة وانتم في احسن حال

 

[nora21]

شكرا على نصائحكم الطيبة


المشكله ان الفراغ اللي عايشه فيه هو اللي وصلني لهذي الحاله