اتهاوشت انا وزوجى

[ام عطيه]

السلام عليكم يا بنات ابغى اقول لكن مشكلتى واتمنى تنصحونى اتها وشت انا وزوجى علشان يبغى يسافر وقال مسافر وماعلى فيكى وانتى مالك شغل فينى قالت له انت معك الشيطان وانا معى الله الله ينصرنى عليه وان الله مايكتب له السفر وكيف اعمل معاه بعدماقال انتى مالك شغل فينى ادعن يابنات انه ميسافر يارب ميسافر يارب

 

[سحاب المزن]

حبيبتي هل من عادة زوجك السفر ؟ ولماذا لا تسافرين معه ؟ لا تقولين عيالي والمدارس بالعكس إذا هو مش مهتم بمدارسهم ليش تهتمين إنتي قوليله بسافر حتى لو بدون عيالي وبخليهم لو عند شغاله ...خليه يحس أنك جادة .......
وإذا كان مايقدر ياخذك لا يسافر بالمرة ولا تقولين شغل ودورة ترا إذا بغا ياخذك بيطلع لك إذن من شغله عشان سكن الفندق.....بعدين إذا كنتي متأكدة أن زوجك لاقدر الله يرتكب المحرمات فكوني حازمة جدا وقوليله يا أنا يا هاي السفره إلي بلا داعي وخلي رجال من أهلك يكلمونه أنه السفر مش لصالحه وخطأ بحقك وخاصة إذا رفض مرافقتك له......وقوليله ترا إذا أنا مالي دخل إنت بعد مالك دخل فيه حياتي وأنا حرة فيها أحمي نفسي من الأمراض ولا تخليني أسوي شي تندم إنت عليه.....خوفيه بأنه ماراح يشوفك إذا سافر....
وأسهل حل احرقي جوازه وارميه في الزباله واطلبي مصروف دبل وإذا سافر فعلا لا تخلينه يشوفك لين يتفق مع رجال من أهلك على أنه يوقف مسلسل وبهدلت السفرات اللي مالها داعي وبدون معنى هذي ...والله يوفقك......

 

[عنقود عنب]

عزيزتي ام عطية

يا ريت تكتبين تفاصيل اكثر عنك وعن زوجك و نوعية المشاكل

كم سنه لكم متزوجين

هل هي سفرة عمل او سياحة

هل هو متعود على السفر للسياحة او هذه اول مرة ؟

هل يسافر لوحده ام معه اصدقائة ؟؟

هل هذه اول مرة تكون لك ردة فعل على سفره؟

 

[حور المنصوري]

ختيه اذا في مجال سافري وياه لاتخلينه روحه

واذا ماطاع ؟؟؟؟؟ صلي وادعي الله بحسن نيه

انه يسد نفسه عن هالسفره

 

[جورية الخبر]

غاليتي ام عطية ..
الرجال مستحيل يجي بهذا الاسلوب ..
الله يكون بعونك وييسر امرك

 

[نور كندا]

خليه يسافر يتسلى قليلا مع اصدقائه وين المشكلة وبعدها ستجدين الوقت الكافى لرؤية صديقاتك واهلك مالى شايفة بالقصة مشكلة الله وكيلك زوجى كل شهرين يسافر مع اصدقائه وبعمرى مااعترضت مادام المشوار مع رجال وللتسليه لاتعمليها مشكلة

 

[ام غدو]

لاتحرقين اعصابك ولا شي طبيعة الرجل العناد لا تلحين عليه طنشي وتشوفين ماكره السفر بعدين

 

[صمتي غرور]

حبيبتي الرجال بهذي الطريقه بيعاند انتي تكلمي معاه بسلوب انشالله يتجاوب معاك

 

[دلع & ولع]

للأسف ماقدر اعطيك وجهة نظري
لأنك ماوضحتي شي بسردك لمشكلتك
(الله يكون بعونك)
دعواتي لك

 

[ميموريز]

الله يعينك يارب ..

كثير رجال كذا ..

بس ياليت توضحين مشكلتك أكثر عشان نقدر نساعدك ..

 

[غلاء 2008]

الله يهديه
واذا فيه مجال تسافري معاه سافري

 

[ضيربانه]

والله انا زوجي زيك وسافر ولافكر في كلامي قلتله اتصالات ترى ماني رادهعليك وفعلا مارديت ما توقع مني ويوم جا من السفرقلت له انازعلانه وما ارضى الين توعدني ماتعيدها ووعدني وبيني وبينك عشان يسكتني ولو فكروعادها ابااقله تعرف راي في الموضوع وانت عادبكيفك لاتلومني على الي بسويه وعاااااااااادي ولمنيرجع يحب كوعه عند اهلي طناش ولااحلى اخليه يتوهق ولااردعليه الين اتعب اعصابه

 

[أم تركي 2030]

حبيبتي الرجال ماتقدرين تفرضين عليه اوامرك اذا خايفه عليه ادعي في سجودك صدقيني راح تلقين الحل وخلي الموضوع عادي بنسبه لك انا زوجي كان بيسافر مرتين ومايريد له الله بس عليك بدعاء والاستغفار والله يسهلك امرك