اتمنى من قلبي انه كل من دخل القسم دا يدخل موضوعي

[just dream]

مساء الخير بنات وحريم
اولا اتمنى من الاداره انها ماتحذف موضوعي
نظراً لأهميته بالنسبه ليا وللقسم


بنات انا ما اعرف للف والدوران ولا اعرف اكتب مقدمات بس في شي مضايقني في المنتدى وحابه اوضحه لكم

الردووووووووووووود

يابنات ارتقوا بردودكم شويتين يعني عيب لمن تجي وحده تكتب قصتها وقلبها محروق وايا كانت تصدق ولا لا عيب تكتبوا ما اصدق او انتي تافهه او شي زي كدا بنات انتوا بكدا تزيدوا على صاحبه الموضوع هم
وانتوا منتوا عايشين معاها عشان تحكموا صادقه ولا لا
ولو ظلمتوها دعوه المظلوم مستجابه
وبعدين اذا مره مخكم مو راضي يستوعب وفري علي نفسك طيب الرد خلاص لا تقتنعي مع نفسك لنفسك


خافوا الله في ردودكم

للمعلوميه انا اشتركت في هذا المنتدى لسبب
وهو انه البنات اللي فيه راقيين وردودهم تدل على كدا بس للاسف مافي شي كامل الا مايجي احد ويكتب رد من ردوده اللي تستفز

طيب اللي راح تكتب قصه خياليه او شي زي كدا طبعا بالنسبه لكم
ليه راح تتعب نفسها بشي زي كدا
وليه تجي وتشكي طيب ايش مبتغاها من دا كله مافكرتوا بكدا ؟؟؟؟
حتقولوا شوشره<<<<
طيب وبعدين ايش راح تستفيد؟؟؟
مافي رد منطقي ومقنع

اتمنى صراحه انه المنتدى وبنات المنتدى يفضلو كدا على طول راقيين في ردودهم انتوا كدا تساعدوا الناس انها تلجأ لكم من بعد الله
والبنات اللي بيكتبوا دي الردود بدون اي احساس اننا نرد عليهم ولو على الخاص اهم شي مانسمح بدا الشي دا منتدانا وانا اعتبركم اهلي اتمنى انه كلنا مانسمح بالشي دا

لانه حرام تجي وحده قلبها محروق وتشتكي وتلاقي ردود ترفع الضغط
وبعدين اللي تقول قصه خياليه ليه هيا ما شاء الله مستوعبه العالم كله وايش بيصير فيه ياما بنسمع حكاوي ونعيشها خياليه بالنسبه للناس بس في الاخر بتصير


عموما سامحوني لو غلطت بس والله اعصابي فالته من البنات اللي كدا ردودهم اللي مدري ايش يحسوا لمن يكتبوا دا الكلام مدري احسهم كدا شايفين انهم فاهمين الدنيا واللي يصير فيها

عموما في الاخر اتقوا الله في ردودكم ولو ماعجبك الموضوع ومادخل راسك ريحي صاحبه الموضوع من ردك وشوفيلك موضوع تاني تستوعبيه





ان شاء الله يكون كلامي وصل لعقولكم واتمنى انه الاقي رقي بعد كدا في المواضيع
واتمنى من الاداره للمره الثانيه انها ماتحذف موضوعي لانه راح يخدم كثير من البنات.

وشكرا....

 

[ربى الكون]

جزاك الله خير

كفيتي ووفيتي

 

[معلمة متألمة]

عيـــــــــــن العــــــــقـــــــــل كلامج...

وانا وحده من اللي تعرضت لمثل هذي الردوووود.... وما همتني ......

وبعد احط لهم الاعذاااار لأن بعض المصايب في نظر الناس ضرب من الخيااااال ف لو يحمدون ربهم ويقولن اللهم عافهم مما ابتليتهم به والحمدلله الذي عافانا وفضلنا ع كثير ممن خلق تفضيلا لكان افضل لهم ولصاحبة الموضوع....

موضوع تشكرين عليه.....​

 

[أميرة المواهب]

فعلاً أختي كلامك صحيح

الله يهديهم بعض البنات بس أنا بصراحه اشوفه أكثر شيء في المنتديات الثانيه حتى لدرجة يوصل إستهبال لصاحبة الموضوع

بس في منتدانا هذا ماشفت الحمد لله أغلبيتهم محترمين

لك شكري على موضوعك الراقي

 

[سهم العشق]

جزاك الله خير يا اختي 000 كلامك عين العقل 00 ​

 

[just dream]

اميره المواهب صح كلامك في منتدايات تانيه فيها الشي دا بكثره
بس احنا لازم نوقفهم عن حدهم هنا لانه دا منتدانا وعالمنا اللي نقول فيه كل اللي نمر بيه فلازم نحافظ عليه

 

[الاميرة ريمي]

صحيح اني نادر جددا اكتب انه الكلام مو داخل مخي لكن ما افول كذب او مو كذب
على العموم احيانا تكون في تضارب في القصة والهدف من كتابتي القصة مو داخله مخي
هو سبب واحد لا احد يظن انه يستغفلني

 

[just dream]

الاميره ريمي بس ممكن كلامك دا يستفز صاحبه الموضوع

فا الاحسن انك تعفيها من ردك

 

[رازيا]

كلامك صحيح

 

[دلوعةزوجي]

عزيزتي انا اعرف حريم عز المعرفه واقسم بالله اني اقرا مشكله لهم وارجع اتصل عليهم واستفسر فيقولون لي لا لا بس كذا نبغى نجذب الاعضاء (طبعاً بمنتدى ثاني مو هنا)
لاكن مثل ما تطالبين بتصديق المشكلة طالبيهم بالصدق في كتابة المشكلة