اتمنى تساعدوني

ز

زهور ذابلة

New member
إنضم
2009/07/14
المشاركات
4
السلام عليكم ورحمة الله وبركاته

حبيباتي ..واخواتي

أنامن أشد المعجبات بهذا الصرح ..ومن متابعيه بقوة...ما توقعت ان ياتي اليوم واعرض فيه مشكلتي وانتظر الحل...لكن سبحان من جعل لنا اخوات ممكن يساعدونا واحنا ما نتوقع ...

مشكلتي هي اني تزوجت واحد يكبرني باكثر من 10 سنوات...زوجي كثير السفر والترحال بحكم العمل ...وعشت معاه احلى ايام حياتي ..والحلو فيها يطغي على المر..زوجي قرر يكمل دراسته برا..واول ما خلص كان اول شي سواه هو انه يطلقني بعد ما صار بيني وبينه خلاف بسيط..بعده رمى علي يمين الطلاق ..وما شفته من سبع شهور ولا حاول يرجعني ..ومن اسبوعين ارسل لي ايميل يبا يرجعني ..بس انا رديت عليه بالرفض ..وقام يتصل فيني لحد مارديت عليه وحطيت له شروط ومبلغ معين من المال ووافق وانا بصراحه ما توقعته يوافق..
بعد طلاقي اللي انا مب عارفه له سبب واضح..اكتشفت ان زوجي واضع لي صديقاتي في الشغل جاسوسات يكلمهم وينقلون له اخباري..طبعا انا انصدمت فيهم وفيه..انا ملاحظه انه شكاك بس ما توقعته للدرجه هذه ..ودايما يفسر شكه غيره وحب..
الحين عزيزاتي ..طلب مني ارجع له..ومن اسوبعين يتصل فيني ويرسل مسجات..وانا بصراحه مليت مابغي اكلمه لانه ما يجوز هو ريال غريب..من 5 ايام قلت له اني انخطبت واني راح اوافق..علشان يستعجل في ارجاعي ...وفي الحقيقة فعلا تمت خطبتي لواحد فيه صفات تتمناها اي بنت..تضايق وقال انا احبج وماقدر اصبر عنج واحلى ايامي معاج وصدقيني ما بترتاحين الا معاي وبتندمين..يومين قطعته وما كلمته وعقبها طرش لي مسج يصبح علي..ورديت عليه..ويقول لي خلاص انا خطبتج وخلينا نعيش ايام الخطبه ونتعرف على بعض من جديد..قلت له كيف وانت اصلا عارفني ..وسكت عنه ...وما بينت له اني ابغيه يرجعني ..وما سالته عن شي..بس الاحظه دوم يتصل ..بس يبغي يسولف فحسيت انه يبغي يعيش ايام الخطبه وشكيت في نواياه..واليوم انهيت الموضوع وطرشت له مسج اتمنى انك تنساني وتنسى رقمي...ورد علي بمسج يوم الجمعه وبعدها اتصل فيني وما رديت..وكرر الاتصال وقلت له لا تسوي لي مشاكل مابغيك تتصل ..وقال ان شالله..زوجي شمالي غربي ..وانا جنوبية غربية..اعتقد..والله احبه ومب عارفه كيف اتعامل معاه..انا عاطفية وهو قاسي وساعات احسه حنون...يزعلني علشان يراضيني ..يتعلث باي شي عشان يضاربني ..وبعدها يصالحني..يحب السفر ..اجتماعي ..انا اشوفه طيب..وانصدمت في علاقته بربيعاتي ..وبرر علاقته بيهم ان حب لي ..وانه يبغي يعرف اخلاقي..
أنا محتاجه حد ينصحني ويرشدني ويوجهني ..ومستعده اتعالج عند اخصائيه بس مب عارفة كيف ,,ومب محصلة حد يعالجني ..تعبانه من حبي له..وهو انا ولا على باله..احسه يمثل علي الحب والا شو خلاه يرجع لي بعد عالمده...خاف لما عرف اني كشفت علاقته مع ربيعاتي...وساعات احسه يحبني..مادري والله..دلوني فديتكم
 
شوفي يالغاليه
مايحبك؟؟؟طيب ليش رجع؟؟
خايف من انك عرفتي بصاحباتك؟؟بالعكس الافضل له انه يتم مطلقك اريح لنفسه مادام شكاك
لكن الرجال شاريك
بس لاتلعبي لعبه انتي ممكن تخسريه فيها
يعني من كلامك انتي تبينه يرجعك طيب كيف تكتبين له ارجوك انساني ومدري ايه
شوفي حبيبتي انا من رائيي والله اعلم ان كنتي تحبين زوجك تاكدي ماحتقدري تحبي احد ثاني
والي تعرفيه احسن من تجربه جديده ياعلم ايش فيها
واستخيري رب العالمين هو العالم
وانتي حطيتي شروطك وهو وافق وحيعطيك رضوه المبلغ الي انتي حددتيه خلاص ايش تبغين اكثر يثبتلك
ياعمري ارجعي لبيتك وزوجك وربي يرزقك بالذريه الصالحه بس شهديه قدام اهلك انه ماعاد يخلي لا ربيعاتج ولا احد يتدخل بينكم ويتجسس عليك
وقوليله هذا انا 7 شهور هنا فانت فكر اكيد تبيني ولا لا؟؟
الله يوفقك ويسعدك يالحبيبه
 
خبرة 24 سنه اذا هو شكاك ويسال دار مدارك وطلقك انصحك لا تردين له اذا الحين مسوي روحه دون جوان العاشق الولهان بس يردك ويشبع راح يرد يفكر بالطلاق مرة ثانيه فخليك عنه وابداي حياتك من جديد مع غيرة.
 
nasee قال:
خبرة 24 سنه اذا هو شكاك ويسال دار مدارك وطلقك انصحك لا تردين له اذا الحين مسوي روحه دون جوان العاشق الولهان بس يردك ويشبع راح يرد يفكر بالطلاق مرة ثانيه فخليك عنه وابداي حياتك من جديد مع غيرة.
أنقر للتوسيع...


نفس راي الاخت :icon30:​
 
حبيبتي زهور نصيحة ماحد يستاهل حبكـ الإنفسكـ ، ومثل ماقلتي لوكان طليقكـ نيته صافيه في إرجاعكـ كان كلم ولي أمركـ وخلى الموضوع رسمي ، بس الأخ باينته يتسلى ،،،

ولو الشخص الثاني إنسان كويس ومشكور صلي صلاهـ إستخارة وتوكلي على الله وربي يسرلكـ ويوفقكـ ،،،
 
الله ييسر امرك
اذاانتوا تطلقتوا ليش تكلمينه مايجوز واكيد راح تحنين لايام الماضي
اذايبغيك ليش مايجي يخطبك من اهلك
نصيحه لاتكلمينه ممكن يسبب لك مشاكل بعدين وحاولي تشغلين نفسك ممكن ربي يرزقك افضل منه
وانت استخيري
​
 
الوحده موكل يوم لها رجل وياما بنات خذت رجال صالحه بعدين اختربو وماتدرين شيطلع منه الثاني خليكي على جنونك لا يجيكي الاجن منه وصبري ان الله مع الصابرين وخاصه انك تحبينه ياليت الله ماخلق في الدنيا رجال حاقده عليه هههههه
 
الله يكون بعونك
اول شي ادعي ربك يكتب لك مافيه الخير

ثاني شي انا من وجهة نظري مو حلو الوحده تحب زوجه اكثر منه >>> ادري مو بيدنا بس اللي تحب تتعب وتتنازل ع اشياء كثيره بدون ماتحس

استخيري ربك ويمكن تكون الفرصه جديده وترتاحين معه اكثر من زوجك

واذا انتي تحبينه وماتقدرين تحبين غيره ومتعلقه فيه رجعي لها وادعي له بالهدايه

والله يوفقك ياقلبي ويكتب لك مافيه الخير :)
 
الله يكون بعونك
اول شي ادعي ربك يكتب لك مافيه الخير

ثاني شي انا من وجهة نظري مو حلو الوحده تحب زوجه اكثر منه >>> ادري مو بيدنا بس اللي تحب تتعب وتتنازل ع اشياء كثيره بدون ماتحس

استخيري ربك ويمكن تكون الفرصه جديده وترتاحين معه اكثر من زوجك

واذا انتي تحبينه وماتقدرين تحبين غيره ومتعلقه فيه رجعي لها وادعي له بالهدايه

والله يوفقك ياقلبي ويكتب لك مافيه الخير :)
 
لا والله لو هو جدي جان كلم اهلج اهو يعرفج ويدري انج عاطفيه وراح تضعفين لا تعطينه وي واذا في فرصه زواج شوفي نصيبج والبنات اللي معاج خلي علاقتج فيهم رسميهولا تتكلمين معاهم عن خصوصياتج
 
nasee قال:
خبرة 24 سنه اذا هو شكاك ويسال دار مدارك وطلقك انصحك لا تردين له اذا الحين مسوي روحه دون جوان العاشق الولهان بس يردك ويشبع راح يرد يفكر بالطلاق مرة ثانيه فخليك عنه وابداي حياتك من جديد مع غيرة.
أنقر للتوسيع...
بصراحه انا مع الاخت يعني الي هذا اوله ينعاف تاليه
 
مشكورين فديتكم ..انا بعد اقول لو هو جاد جان يا رسمي من اهلي ..مو يقعد يرسل لي مسجات ..

الله يصبرني ويربط على قلبي
 
حبيبتي ما أحد ايعرف الرجعه ليك خير ولا لا
سوى رب العالمين
فأنصحك يالغلا بصلاة الاستخارة يا عمري
والله هي خير لك من نصائحنا
 
رجعتك تتوقف على مدى اقتناعك من طليقك اذا كنتي ترين انه بيتغيير للاحسن والافضل وتأكدتي من صدق نوايه

استخيري وارجعي000وان كنتي ترين عكس ذلك لاترجعين000

وبالنسبه للشخص المريض بالشك صعب جدا العيش معه لان الشك دمار للحياة الزوجيه والزوجه التي تعيش مع زوج شكاك تحتاج لطاقه كبيره جدا وقويه والمرأه بحسب طبيعتها ضعيفه لاتستطيع ان تستمر في المقاومه لان في النهايه بتخسر صحتها وتلاحقها الامراض لانها استنفذت طاقتها في تحمل الزوج الشكاك وهذا مانراه في شرائح من المجتمع000

اسئل الله ان يختار لك الخيره الحسنه المباركه000ويعوضك بالعوض الصالح امين
 
حبيبتي لو عندك نية للرجعة أو هو اتصل بيرجعك أهم شرط تشرطينه يتعالج نفسيا ، ويكونون أهلك على علم من ذلك إذا كان فيهم حكمة، الله ييسر لك أمورك، والجئي لله وألحي عليه بالدعاء يكشف لك الخير كله
 
نصيحه ياعزيزتي خذي اللي بيغااااك لاتاخذين اللي تبغينه
بعدين يكفي انه شكاك كل شي في الرجال يهووون
الا البخل والشك وانتي حره والله العظيم اعرف وحده كذا رجالها معذبها من كثر مايشك فيها
لدرجة انها صاااارت ماتخرج من البيت من كثر
المشاااااكل الله يعينك
واولا واخيـــرا استخييري الله والله مايخيب ظنك بإذن الله والله يوفقك
 
ابعد عن الشك و غنيلوو

بس قبل لا تتزوجين اللي خاطبج تأكدي عدل و سألوا عنه زين .. و استخيري ..

تلاقينها من زوجج و الا من بنات الدوام !!!! بعد هذيلي صج خراب بيوت حسبج الله و نعم الوكيل ...!!
قاطعيهم ولا يعرفون اي شي عن زواجج مرة ثانية و لا اي معلومة و حتى لا تعزمينهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل