اتمنى الرد عااااااااجل قبل اندم

[سموالذوق]

السلام عليكم
اكتب لكم موضوعي هذا وانا ميته قهر
زوجي يوم الاحد قال بسافر قلت طيب ويمكن تذكرون موضوعي حق الغياب لما طلبني اغيب عشان حضرته يقضي اشغاله قال اني انا عطلته عن شغلة
من سافر ولا اتصال ولا شي راح الشرقية وكلم بس يوم وصل وبعدها ولا شي اليوم دقيت والله النغمة مو بالسعودية دقيت على زوجة صديقة قالت انه راح مع زوجها دبي
انقهرررررررررت حسبي الله عليه المشكلة انه يهاوش يقول اني انا عطلته عن اشغاله واني سبب تاخير شغلة بحكم انه رجل اعمال وهو رايح يغير جو حضرته وش اسوي وكيف اتصرف

 

[دانة الشام]

لاتتصلي به ,, وإن اتصل لاتردي بسرعة,, حين تردي ليكن كلامك مقتضبا ,,قولي له لقد عرفت أنك بدبي وحين ترجع بالسلامة نتكلم,, حين يعود كوني جدا رسمية لاداعي لأن تستقبليه باحتفال ,, عاتبيه بصرامة وحزم وقولي له:أنا زوجتك ومن حقي أن أعرف أين تسافر,,أنت رجل لن أستطيع منعك ولن أتمكن من ربطك في البيت ولكن يجب ومن الضروري أن تخبرني فلايعلم الانسان ماذا يحدث ومالذي قد يتعرض له؟؟!! وليس بيدك سوى الدعاء أن يلهمك الله الصبر وطولت البال لتجاوز الأمر,, ربي يختار لك الخير.

 

[سموالذوق]

مو اول مرة يضحك عليه المرة الي طافت قال بروح الشرقية وراح المغرب وتغاضيت والحين دبي والله انه قهر

 

[سموالذوق]

وينكم

 

[ضحكت الدنيا1]

حبيبتي ربي يكون بعونك
لازم تناقشيه
ابدا لاتسكتي
اذا سالك كيف عرفتي قولي له انها مرت صاحبه اتصلت
وانت حطيتني بموقف صعب
طلعت كذاب
لاتسكتي عن حقك ابدا
صح مانقدر نمنع رجالنا من السفر
لكن مو لدرجة يستغفلونا
ازعلي منه
ولاتعدينها له زي المره الاولى

 

[عنقود عنب]

هل تشكي بزوجك انه يروح للحرام اذا سافر ؟؟؟

 

[ضحكت الدنيا1]

هل تشكي بزوجك انه يروح للحرام اذا سافر ؟؟؟

حبيبتي حتى لوكان مايروح للحرام
من ابسط حقوقها كشريكة حياته تعرف وين سافر
وبعدين اذا كذب مره يكذب في كل مره

 

[(ميعاد)]

بعد ماتتأكدي انه سافر صدق دبي ،،
اسأليه وين رحت وايش سويت ... الخ
خليه هو بنفسه يعترف ، ويعرف ان اللي يخبي امر عادي مثل السفر لعمل
يدل ان وراه بلى .

هذا رأي ،،

 

[رازيا]

عزيزتي متى راح تحبي ذاتك وتحبي نفسك وتعز حالك وتعملي قيمة لحالك
زوج مستهتر ومو عاملي قيمة خلص طنشيه واستقلي عنه عاطفيا وماديا
هل انتي محتاجيتيه
شوفيه هو جالس يسافر وينبسط وانتي المسكينة جالسة تحرقي باعصابك
خليكي ذكية وطنشيه ولا تردي عليه واهتمي بنفسك وحبي ذاتك واقرئي في كتب تطوير الذات وتغير النفس وبرمجة اللغوية والعصبية وعلم الفراسة واقرئي كتب في مهارات الحياة الزوجية وكيف نتعامل مع المشاكل بكل هدوء وسهولة ليش رابطه حالك فيه اذا هو مبسوط مني يعني انا اسعد الناس واذا هو زعل مني يعني انا اتعس الناس وقفي كل هذه الشعارات الخاطئة وابدئي بتطوير ذاتك بالقراءة والكتب والمجلات وسماع الاشرطة المفيدة وكيف تربي اولادك تربية سليمة وبعدين دخيلك سافر وخير يا طير واحد مو محترمني ليش افكر فيه بالعكس استغلي سفره باشياء مفيده
روحي زوري صديقاتك
اعملي حفلة صغيرة لابنك او بنتك واعملي كيكة وانفخي بالونات
روحي الصالون اعملي حمام مغربي وتنظيف بشرة
روحي العبي رياضة وامشي
المهم انشغلي عنه
وبس يجي خليكي رسمية معاه ولا تعطيه وجه
الرجل يحب الزوجة الواثقة من نفسها اللي تدلل وتحب نفسها

 

[ياليت يفهمني]

نفس مشكلتي مايقولي الاقبل السفر بيوم بعدين انجن واسكت من القهر وووواذا دق اكلمه بكلللل ثقل ولا اعطيه وجه طبعا كل اربع او 5 ايام ووالصراحه بديت اشك لانه كذاااااااااب وهذا اللي يذبح
باختصار اصبري وتحملي وقطي ورا ظهرك ,, هذي الدنيا لازم نرضى فيها ,, وانصحك اختي بالدعاااااااااااااء

 

[سموالذوق]

انا ما ابي اسكت والله العظيم ما همني لو انه تكلم ومو اول مرة يستغفلني سبق ووسواها ورغم اني بدات ابعد عنه واستقل بس الي قاهرني انه قبل يمشي قام يهزاني يوقل اني اشغلته عن شغله ويقول انه ما يبغى يكون للأهلي فضل عليه انهم يوديني ادوام ويجيبوني مو قهر سالته قبل يسافر قلت بتطلع برا قال لا وقا ياخذ بدل وشورتات تكفووووووووووووووووووووووووون وش اسوي يمكن يجي بكرة فديتكم لا تخلوني

 

[رازيا]

تدرين انك راح تجلطيني اقولك طنشيه وعامليه برسميه ولا تعطيه وجه خليه يتادب ويتاسف على عملته ولا ترضي بسهولة خليه يجيب لك هدية كبيرة وغالية

 

[سموالذوق]

حبيبتي رزايا ما راح اجلطك بس ما اقدر اسكت وبعدين حتى لو طنشته ما بيعرف اني عرفت تتوقعين بيعرف اني اذا طنشته معناه اني عرفت انه سافر برا
الله يسعد قلبك

 

[رازيا]

يا بنت الحلال انا ما اقصد طنشيه يعني ما تتفاهمي معاه لا اقصد لا تحرقي اعصابك علشان رجل مو سال فيك ولا في بيته خليه اخر اهتمامك وبس يجي تكلمي معاه برسمية وبهدوء واساليه سؤال واحد ليش عملت هيك

 

[بنت السعوديـه]

السلام عليكم

اخت رازيا جزاك ربي الجنه

واختي صاحبة المشكله بما انه مو اول مررة يسوي هالشيء ليه بتكررين نفس الخطأ وتزعلين


انا كنت بقولك خليك رسميه لكن الاخوات الله يعافيهن اسبقوني رسميه تكلمي معه وانت تبينين انك فاهمته هو وسفراته وخليه اخر اهتماماتك يعني العبي مع اطفالك وعادي اجتمعي مع صاحباتك
مارسي هواياتك وخلي لك ورد يومي ولاتنسين الصدقه ولا يرد القضاء الا الدعاء ربي ييسر لك الخير ​

 

[واحشني حيل]

ااااااااااااااااه ياالقهركلنانعاني نفس المشكله

 

[رازيا]

من ايميلي
السلام عليكم بنات
اولا احب اشكر استاذه نوره والقائمين على المنتدى ماتدرون يا بنات وش كثر استفدت كثير من المنتدى كنت ادخل المنتدى واتفرج ومتابعه وصرت اطبق بعض الاشياء والملاحظات مع اني ماعرف ايش شمالي ولا جنوبي ولا شرقي ولا غربي ونفسي اعرف الشخصيات بس كنت احاول اقرب من كل صفه قريبه لزوجي واحاول اتعامل معها لما تغيرت حياتي قلت لازم اسجل بالمنتدى اللي ساعدني كثير ماحبيت اكون انانيه حبيت احكي لكم

ببتدي لكم سالفتي اول شي بحكي لكم كيف كانت حياتي والله يابنات حياتي كانت جحيم وتحولت الى جنه قولو (لا اله الا الله )....
في البدايه تزوجت زواج تقليدي زوجي ايام الملكه اللي هي فتره الخطوبه وش قد كان رومانسي الكلام الحلو والغزل تخيلو لما كنت اطلع معه مكان كان يفتح الباب لي يشيل الاكياس اذا كنا بالسوق يمشي جنبي ويتضايق اذا مشيت وراه ويمسك يدي حتى لما يكون مشغول يفضي نفسه بس علشان يسولف معي كان يسولف معي والله يابنات احيانا تعدي 12 ساعه متواصله ماكنا ننام كله شوق رغم اني كنت دايم اشوفه بحكم ان اهلي شوي منفتحين لانهم يعتبرونه زوجي كنت احس اني اسعد وحده بالدنيا وان الله وفقني بهالرجال ومااخفي عليكم كنت انا برضو ادلعه شخصيتي كانت البنت الدلوعه اهتم بأدق التفاصيل في جسمي ولبسي والله حتى نظراتي كنت احاول اتدرب عليها بالمرايه علشان اعرف وشلون يصير شكلي ...جا يوم العرس وليله الدخله ماتدرون وش كانت سعادتي وسعادته بهاليوم بنات انا احس هاليوم هو اللي يتعرفين اذا زوجك عشقك ولا حبك ولا بس دخلتي قلبه وارتاح لك انا اللي صار معي انه عشقني وانا بعد عاملني بشهر العسل وكأني ملكه وش قد كانت اول سنه زواج حلوه اتذكرها يابنات واتنهد احسه كان حلم بالنسبه للفتره اللي مريت فيها ... عندي ملاحظه( انا متزوجه من 5 سنوات ) في بدايه اربع سنوات كنت ماابغى احمل لاني كنت ادرس وزوجي بعد كان يدرس كان عمري 18 وهو عمره 20 كان يدرس ويشتغل بشركه ابوه في نفس الوقت.. في السنه الاخيره الله كتب لي احمل ولكن اجهضت بالشهر الخامس من المشاكل والحاله النفسيه
المهم ... انا عشقت زوجي من حبي له كنت اعامله وكأنه (سي السيد) كلمته ماتنزل الارض لا يعني لا .. قدمت له كل انواع الطاعه كنت لما اشوفه متضايق ماديا كنت ابيع ذهبي واساعده كنت قليله المطالب علشان مااخليه يمل مني سويت له بيتي جنه عطيته عيوني تفننت في تدليعه و كأنه الطفل المدلل تدرون وش جازاني فيه خانني كنت اكتشف خيانته واسامح علشان مايقلب علي بعد تخيلو يا بنات العاشق هذا تحول لخائن وتفنن في تعذيبي طبعا كل هذا مع الوقت كل ماله يزيد في البدايه صار الرجل الصامت اقعد انا والكنب واحد مايسولف وبعدين صار بخيل وبعدين طلعني من الجامعه ووصلت فيه حتى يوم طلعني من الجامعه مايبيني احمل كل هالسنوات علشان كان يدرس شوفو انانيته صار انسان اناني معي مايحب الانفسه تخيلو انه كان يستكثر علي الطلعه ولا يوديني مطعم الرجال كرهني وكنت اقوله لي وابكي وكان يزيد واذا رضا عني رضى يوم والباقي تعذيب نفسي وتمادى معي صار يسبني بكلام بذيء وانا كنت اسكت واتحمله لاني كنت احبه ماابي يتركني ولا يطلقني الين ذاك اليوم يا بنات تكلمت معه بموضوع كان يخص جامعتي واني ابي ارجع وهذا اليوم اللي غير حياتي مد يده علي وضربني ضرب والله اني تشوهت جسمي من العقال صار ازرق والله يا بنات اتذكر هاليوم ونزلت دمعتي وانا اكتب يضربني ويسبني لدرجه اني تعودت على الكلام الوسخ والبذيء لكن وش كان يقولي بعد غير السب (شفتي شكلك بالمرايه انتي لو انك .... وتجيني ببلاش مااطالع فيها) والله يا بنات صرت مااحس بالضرب جرحتي هالجمله اكثر من الضرب قلت في نفسي ( كل اللي سويت لك راح مابين بعينك تضحياتي لك مواقفي معك ولاشي) طلع من البيت وتركني مرميه على الارض وظل بره البيت يومين ولا جا ولا قال هي ميته ولا حيه ما سأل عني وانا بعد سكت ماقلت لاهلي لاني ماتعودت اقولهم مشاكلي بعد هالضرب وقفت عند المرايه واطالع شكلي وانا اتوجع صرت دبه شعري مو معتنى فيه اظافري مافيها من الانوثه اي شي لبسي تقليدي مو على الموضه صرخت في نفسي وصرت اقول ليه كذا ... نسيت نفسي كأني امرأه في الخمسين مع ان عمري 23 ليه وليه زوجي صغير وشباب ويشوف البنات عمره 25 سنه قررت اني ابتدي مرحله التغيير
رجع زوجي بعد يومين من ضربه لي واعتذر لي عن الضرب بس مااعتذرلي عن السب والكلام اللي قاله وكأنه يقصده وانا قبلت اعتذاره ولكن في نفسي كنت اخطط اني اغير نفسي واغيره معي بهدوووء من غير مايحس لاني انا اللي غيرته بضعف شخصيتي وعدم اهتمامي بنفسي وحملت نفسي كل اللي قاعد يصير لي
وكان بدايه تغييري له من اول يوم .. لما جا يعتذر لي كنت مقرره اني اسوي رجيم علشان انحف كان وزني 90 كيلو ملاحظه(زوجي كان وسيم وجسمه رياضي ويدرس هندسه وهتم بنفسه)
المهم كنت مقرره اسوي رجيم لما جا يعتذر لي سامحته وطلب من المطعم نتعشى وقلت له ان مالي نفس كنت ماابي اكل كنت ابي انحف هو فهم مني اني انا زعلانه(فهمت من تصرفه هذا اذا انا زعلت لازم ابين له )واستمريت بالزعل صرت اتجاهله وماادلعه بس اعطيه حقوقه كلامي معه كان كلمه ورد غطاها يالله يا بنات كنت ذيك الفتره ابي اقوله كلام حلو ابي اضمه ابي ادلعه وكأني ادمنت بتدليعه بس كنت اقاوم نفسي واقول لازم يحس بغلطته معي من ذاك اليوم وانا اتبع رجيم كنت ادخل موقع اليوتيوب واشوف الرياضه واطبقها صرت احمل كتب من النت واقراها كان لما يجي البيت يشوفني لابسه متزينه واقرا كتاب كنت احاول اهتم بنفسي تركته على جنب حسيت صار يتقرب مني مثلا وش تقرين وفعلا كنت اللي اقراه كتب علميه يعني عن انشتاين اي شي له بالعلوم بالكمياء بالفيزياء لاني احبها صار لما يجي البيت اتفلسف كنت ابين له اني عندي مخ واعلمه اشياء اول مره يسمع عنها ..هنا بدى يسولف معي بدال ماكان الرجل الصامت وبرضو كنت اقرا النكت واحاول اصير خفيفه دم علشان مايمل صار يحب يجلس بالبيت(طبعا هالكلام صارت بالتدريج يعني شهور) انا اللي سويته بعد ان اذا طلع في البدايه الزعله ماكنت ادق عليه وبعدين صرت ارسل مسجات بس مو كثير (على فكره كنت لازقه فيه بس بعدت عنه عطيته مساحته وصار يرجع لي ) والله يا بنات تعبت على نفسي رجيم ورياضه ولما بديت انحف صار يتشجع يوديني السوق وصرت اطلب يوديني الصالونات وكان يوافق لانه شاف تغيير (عرفت ان لازم يشوف بعينه تغييري علشان يتغير) وتشجعت على التغيير صار بالنسبه لي زوجي هو التحدي بعد التغيير البسيط حسيته تغير ولكن خياناته مستمره بس ماكنت ابين اني عارفه شي كنت اعمل بصمت ولما يصيربيننا نقاش ويبتدس يسب كنت ارد عليه مو بقله ادب لكن بأسلوب قوي مااخليه يتمادى معي وكانت هذي النقطه تمثل لي الشجاعه لاني كنت اسكت ولا ارد الحين صرت ارد عليه وازعل وشوي شوي صار مايسبني ولا يتلفظ بأي لفظ(عرفت ان لازم يصير لي موقف بأي شي يضايقني) غيرت اسلوبي معه في البدايه التغيير كان يهيج علي وده يذبحني لكن كنت اصر على موقفي ويزعل بعدين يرجع صرت اقوى منه بالزعل ومايهمني كنت اقول لازم يحس اني لي شخصيتي ولي مواقفي ...ومرت الشهور وانا على هالحاله اطلب منه ولا اعطيه من ناحيه الماديات احاول انمي من شخصيتي ومواقفي وثقافتي اهتميت بنفسي اذا صار معي كويس عطيته الدلع والامتيازات واذا قصر معي سحبت كل هذا منه دربته على قد ماتعطيني اعطيك... بالنسبه لموضوع خياناته غضيت النظر عنها وانشغلت بنفسي الين ذاك اليوم اللي جا وقالي انه غير جواله ويجيه ازعاج عرفت انه لقى فيني اللي يبي رجعت بنت عمري 18 سنه من ناحيه اللبس والمكياج والكلام حتى اني صرت ادخل بكلامي انجليزي بدلع وثقت بنفسي وصار يثق فيني لدرجه اي شي بشغله او دراسته لازم يستشيرني تغير 180 درجه لاني انا تغيرت ... تخيلو يا بنات صار يطلب مني نسافر وعرض علي جامعه يدخلني هو من نفسه يطلب مني نتغدى ولا نتعشى بالمطعم صار يعاونني بالبيت والتنظيف لانه صار يحس اني رقيقه ههههههههههه
تدرون هذا كله صار بكم (صار لي سنه و8 شهور وانا احاول اغيره) عرفت ان لازم تحب نفسي علشان يحبني لازم اهتم بنفسي علشان يهتم فيني لازم اطلب حقوقي
انا اللحين توي داخله الجامعه هذا الترم وزني صار من 90 الى 60 كيلو قولو ماشاء الله
اتمنى يا بنات اني افتدكم ولو شي بسيط من تجربتي واي سؤال انا حاضره لان هالسنه صار فيها مواقف كثيره ممكن اقدر اساعدكم من تجربتي ... ادعو لي ان الله يسخر ه لي ويحط بقليه محبه لي ​

 

[قصيميه بامريكا]

انا اقول اول مايجي استقبليه استقبال عادي

وسوي نفسك لاهيه بروحته قولي جت احتي وسويت وفعلت

وبعدين قولي الا وش اخبار السفره

بعدين قولي بقولك شي

عندي احساس قوي انك مو بالشرقيه رايح برا

لكن هذا شي راجع لك اذا مو واثق بنفسك ليه ماتقول انا عادي كذا اوكذا

لان لك رقيب يشوفك بكل حال مو انا اللي احاسبك

لكن قص يدي لو مارحت برا

هذا بحالة انه لو صديقه ماقاله انك كلمتي مرته

وعرفتي

لكن بيني وبينك كل الرجال يسافرون واللي يبي الحرام يلقاه هنا

وعلى قولته اشغلتيه كل الرجال يحطون حرتهم بزوجاتهم

المهم ان زوجك عارف ربه ومصلي هذا اهم شي

ولا السفر مو اول رجال يسافر

بس انتي قولي يالله انت انبسطت عاد انا ابي حقي يله سافر بي

 

[سموالذوق]

فديتكم والله ما تخيلون ما نمت البارح من القهر مستخسر فيني مطعم طلع انا وياه ومستخسر فيني سفرة زي الاوادم وهو لا يمتع عمره

 

[رازيا]

طمنينا عليك يارب تكوني بخير
لا تقهري عمرك علشان رجال ما فيه حد يستاهل خذيها مني
حبي نفسك وبس