اتكلم أو اسكت ؟؟!!

[يزوي]

السلام عليكم والرحمه
إشحالكم ياا أخواات ؟
بدخل موضووعي بسرعه...

أنا محتاره ومب عارفه شوو اسوي كل ما افكر بالموضووع ابكي ..
مشكلتي في فترة خطوبتي ..
انا عمري 19 سنه جاني وااحد يعني من معارفناا وخطبني عمره 25 سنه انا ارتحت له كثير ..
بس لما في فترة تفكيري واانا ماحطيتهم رد كنت مع ابووي وكلمني بالموضووع لأني اتأخرت بالرد كثير يعني كان هدفي التغلي ^_^ بس .
بس ابووي قال كلمه جرحني كثير وهي إنه قالي بالحرف الواحد :" إنه هذا الشااب ماا ينعاااب لاا هوو ولاا أهله مابتلقي مثلهم " ..... بتقولووون الكلاام حلو مافي شي يزعل .. بس انا بكمل إلي قاله ..
" يابنتي هم كانوا يبووون أصلا اختج الكبيره بس اختج انخطبت وبقيتي انتي هاا شوو قلتي "
كلااام يزعل :tears: انا بدوون تفكير دمعه عيني ....

فأنا اريد نصيحتكم ياابناات انا وافقت على الشاااب وخلاااص تزوجناا كتاابياا يعني بالمحكه بس لسه ماسوينه الحفله .. وانا قلبي يعورني اريد افتح هذا الموضووع عند اخته إلي تصير زوجه أخووي ... اريد اقوول لهاا هل هوو اختارني بنفسه وكان يبيني أو كان يبي اختي ولما انخطبت اختارني انااااا :sad_1:
انا احس نفسي تفكيري صغير بتقولوا 19 عمر كبير بس والله إلي امخلي عقلى طفل هوو حجمي وشكلي طفولي وماريد اخلي عقلي كبير كعمري 19 :sadwalk:

ومااريد افتح هذاا الموضووع عنده اريد ارتااح بس واعرف كل شي على الأقل اطمن واعرف كيف اتصرف معاااه ..


بنااااات اريد مشوورتكم اكلم زوجه أخووي إلي هي تصير أخت زوجي أو اسكت طووول عمري واخلي حزني معاااي ؟؟؟؟؟؟

بانتظااركم​

 

[الـعـهـد]

حبيبتي يزوي

لعل الله أراد لك هذا الزوج وكتبه لك من فوق سبع سموات:showoff:

هذا الزوج لم يكتبه الرحمن لأختك اذن هو من نصيبك فارضي بما قسمه الله لكي

وبإذن الله راح تشوفين وتحسين بحبه ويمكن في قلبه يقول الحمد لله انه هاذي زوجتي محد غيرها

فقط اصبري واستغفري وادعي الله انه هالزوج يحبج من قلبه ويخلص لج ويكون وفي:icon26:

اللهم آمين

اقووووول عاد لا تنسينا من دعاءج الطيب والله نفسي في وظيفة محترمة:tears:

 

[بسومة]

ياحبيتي :icon26: وياغاليتي:icon26: ويا أختي:icon26:

الموووضوع عادي جداً,,,, لأن فيه ناس تبحث عن العوائل الي سمعتها زينه ويشتروون العائلة نفسها ,,,,,وبالعكس المفروووض تفرحين لأنه لا يريد أن يخرج من حدووود عائلتكم,,ولو هو يقصد إختك بالذات كان راح وترككم لكنه متمسك فيكم كعائلة وهذا شي يشرف والمفروووض تفتخرين بكذا...:icon30:

 

[enga]

اهلين حبيبتي انا بسألك هو شاف اختك او سمع عنها ؟؟؟؟؟
اذا لا اتوقع ابوك ما فهم الموضوع صح او ما عرف يوصلك المعلومه انا اتوقع انه كان يبي يخطب منكمبغض النظر انتي ولا اختك فلما راحت اختك اتوقع النبسط وخطبك ولا ايش يجبر شاب يخطب وحده كان يبي اختها
سامحيني عى هالكلمه بس مادامه رجال تمام توقع كان يقدر يخطب غيرك ولا اش رايك

 

[الدكتورة نبضة قلب]

كلام اختي العهد جميل

واذا كنتي تحسين انه الموضوع مقلقج وايد
استخيري
واذا كانت علاقتج مع زوجة اخوج ممتازه.
كلميها

مافيها شي

مجرد ليطمئن قلبج
بشرط
تعاهدين نفسج عقب ما تسمعين من زوجة اخوج اللي ترتاحين منه ما عاد تفكرين في الموضوع مره ثانيه

بالبركه عليج:icon26:​

 

[جوود الحزن]

اختي يزوي
مساء الخير احب اقولك ان الموضوع انتهى سواء كان يبي اختك اويبيك طالما انه عقد قرانكم ع بعض يعني وش تستفيدي من سوال اخته ؟ انك ترتاحي مثلا بالعكس راح تتعبي لوتقولك فعلا وتفتحي ع نفسك باب من الهم انتي في غنى عنه طالما انه ماكان مجبور عليك وافق فمعناها انه موافق عليك وماعنده مشكلة
عيشي حياتك واستمتعي وكبري عقلك الزواج مسؤليه ولاتخلين الموضوع عثرة بطريق سعادتك الزوجيه وماعتقد ابوك يكذب عليك فلذلك كبري عقلك والله يسعدك

 

[‏مايغيرني زماني]

حبيبتي أنا خواتي كذا خطب الصغيره بعدين رفضنا وبعده باسبوع خطب اللي أكبر منه والحمد لله عايشين حياتهم بسعاده..
لا تحطين على بالك...

 

[نور الإسلام]

اولا مبروك والله يتمم لك بخير
ثانيا لاتعطي الموضوع اكبر من حجمه وتأكدي ان الزواج قسمه ونصيب وهو لو ماكان يبيك مافي شي يجبره ياخذك
وبعدين وين الإستعانه بالله والدعاء يااختي ...
الله يشرح صدرك ويزيل همك ويحببك له ويحببه لك ويجعلكم قرة عين لبعض ويرزقكم الذريه الصالحه يارب..

 

[شوكولاتة العيد]

أنا رأيي ان الموضوع عادي جدا

لو مايبغاك كان ماخطبك

وبما أن اخته تصير زوجه اخاك

أكيد عارفه انك تناسبي اخوها ولا كان ماخطبوكي

والله يجمع بينكم على خير

وبالتوفيق

 

[يزوي]

ربما تكونوا صادقات وأن يكوون هذا خيرٌ لي ولهُ ...
وانا كتبت هذا الموضووع فقد كنت اريد دفعه بسيطه ونصيحه من اخوات كباار ..
فشكرا لك من مرة من هنااا ..
وإن شااء الله ستسمعووون مني أخبااار جميلة ...

الله يوفق كل من مرة من هناااا ويحقق مراادهم ..
آميــــــــــن​

 

[أميرة بأخلاقي]

عــزيزتي ​

انتي الآن وافقت و ماشاء الله حصل كتب الكتاب و الآن تعتبرين زوجــته .. ​

فلماذا هذا التفكيـــر الآآن ..!!​

فالواضــح انهم ارادوا ان يناسبوا عائلتكم دون غيــرها من العوائل .. ​

و عند بعض العوائل الاولى و الافضل ان تخطب البنت الكبــرى ثم تليها الاصغر فالاصغر , و اختك الكبرى أرادوا خطبتها لأنها ابنه هذه العائله و ثانيا لأنها الكبرى و بعد ان تزوجت وقع الاختيار عليك انتي ​

فل نفترض ان هذا الشخص اراد أختك او كان يحبها مثلا .. كان بمجرد معرفته بأنها تزوجت سيرحل تاركا الموضوع أو سيسكت عن الموضوع بدلا من خطبتك ..!!​

فالموضوع كما رأيته هي رغبته لمناسبه عائلتكم و ليـــــــــس أكثــر ..​

و بالتـــــــوفيق عزيزتي ​

أميــــرة بأخلاقــــي ​

 

[صاحبه السعادة]

يا يزوي يا حبيبتي
ليش انتي مكبره السالفه
اول شي دام السالفه خلصت وعقدو القران فالمهمه سهله
انتي يا حبيبتي لما تكلمينه وبتحسين اذا كان حبج ولا لا
او شوفي معامله اذا كانت زينه خلاص لا تحاتي شي ثاني
والف مبروك عليج واتمنى لج حياه سعيده

 

[@ورد@]

شوفي عزيزتي لاتحطين في بالك ناس كثير مثلك انا اعرف وحده قريبه مني واجد خطب اختها الكبيره ورفضته وتزوجت من غيره وتم فترا مو قصيره وجا خطب الثانيه والحمد الله عيشين بسعاده لانه كانت نيته البيت مو البنت وانا اتوقع نفس الشيء