اة من حياتي الي مدري كيف عايشتها

ك

كرت احمر

New member
إنضم
2007/12/31
المشاركات
19
السلام عليكم ورحمة الله وبركاتة كتبت مشكلتي سابقا
لكن ----مافي اي نتيجة الحين باكتب لكم حياتي بالتفصيل
علشان تكونون معي بالصورة
خواتي اطلب مساعدتكم وحلولكم لي
عمري 29 سنة وعندي اطفال ساكنة بعييييد عن اهلي نفسيتي دااايم تعبانة
احس اني مضغوطة من كل شي وداااايم سرررحانة بس ابي اكون بلحااااالي ومابي اسمع اي صوت حتى عيالي اضربهم ضرب يهود واكرة اسمع اصواتهم مليت من حياتي ماعرف احد وممنوعة اتعرف على احد
والله شكيت في نفسي انو ماعندي اسلوب لبق جربت اتعرف على وحدة
بس تبيني اسمعها ماتبيني اتكلم او حتى اعلق واذ تكلمت بموضوع يخصني مثلا عن اطفالي صارت تصرف الموضوع وتستاذن مني وتسكر والله حسيت اني رامية نفسي عليها ماصرت اتصل عليها وهي كمان ماحاولت تتصل انا اقول في نفسي وش عليها اهلها ساكنين جنبها ومستغنية عن الصديقات وكذا وحدة اتعرف عليهم عن طريق النت والله يتهربون مني
زوجي يقول انتي مريضة نفسيا علشان كذا الكل مايحبك ولا يحب جلستك
والله ابكي ع حالي
تخيلو اجلس بالشهووور ما اسولف مع احد الا اهلي وبالتليفون واكيد بفلوس
ويجلس زوجي يخاصم انتي هبلة تكلمينهم خليهم هم يتصلو عليكي
طيب انا محتاجة اسولف اتكلم اخاف انسى الكلام وانطرم وانسى اني كائن حي اوقات فراغي اقضية بين النت والمطبخ و90 بالمية فرررراغ عندي
اهملت بنفسي وبشكلي احس اني متحطمة داخليا حابة احس اني انثى ابي ادلع ابي اغير كل شي من نفسي واستغفر الله واغير زوجي بعد
لانو احسة هو سبب المشكلة الي انا فيها
جابني من اهلي ورماني في ديرة ماعرف فيها احد ولاحد اصلن يحب يتعرف عندهم ناس غريبة والله
خلني اسولف لكم عن زوجي العزيز شوي
انسان مدمن خمر يوميا يشرب ويرجع اخر اليل وقدام عيالة خطوة قدام وخطوة ورى ومايذكر ايش هو عشاة امس ويجلس يبكي ومرة يضحك يعني تخيلو جميع الحالات النفسية الي يمر فيها بالساعة
ممم
واذ حس بتانيب الضمير شوي شالني انا واطفالي وحطنا بالسوق وراح يشرب السم الهاري وييرجع ماايشوف قدامة وااله اني على اعصابي الين نوصل البيت اقول ياربي لاتغضب علينا الحين هاذا الحل الي عندة
قالو اطفالة نبي ملاهي ودانا وراح المكان الي يشرب فية زعلت عند اهلي بالشهور ورجع وتاب والتزم لكن على مين رجع لحالتة وازود بعد
كل شي كوم والريحة الي لاتطاق كوم ويزعل لما اقولة فيك ريحة
وحالتة حالة يرجع اخر اليل اسفة على القرف
الولد الكبير شخصيتة في الحضيض مالة شخصية ابد تخيلو الكل يقول ليش كذا وش اقول واخونة الكل يروح مع اهلة سفر وانا روحتك لاهلك تعتبر سفر للعلم مابي اظلمة ماااااديا مااايقصر علينا تسكيت لنا علشان يروح على مزاجة ويسوي اشياء ويندم عليها بعدين
زوجي دايم مش في وعية ومالقى من يربية انا اعصابي اتلفت لازم احد يخاف منة لازم رجاااااال يهااااابة ويخاف منة اروح عند اهلي اشوف شخصيات اولاد اخواني او اخواتي غيييير وربي انحرج من ولدي حتى اولادهم يقول ياخالة ليش كذا فالان مايعرف يتعامل مع الناس وكلامة قذر وحركاتة ومدرستة كل يوم يشتكون ولدكم مش متعاون ابد يضرب زملائة ضرب عنيف ادري مني انا لاني اضربة ويضرب هو اصحابة ودايم يقول محد يحبني بالمدرسة ومالي اصحاب وووواشياء كثيرة تعبت سويت الي اقدر علية تعبت اقسم بالله تعبت
اةااةاةاة من هالحياة
وها الايام طايح فيني سب ويقارن ودايم يقول انا متشوق اعيش ليلة زواج ثانية ماحس اني تزوجت
لاشيخ الحين راحت احلى سنين عمري تقول ماحس اني تزوجت
يقولي شرايك اتزوج وحدة عندة فلوس وتكد علينا انا قلت تعقد عليها من هنا وتوقع ورقة طلاقي من هنا من نفس الماذون
قال دايم انتي ماتتفقين معي ودايم تشدين بالكلام اخر شي قال الله خلق وفرق
مدري وش يقصد
على فكرة هو من اصحاب السفر وجني مايبين علية شي اذ لة صديقات
حريص مرررة
 
ياعمري الله يسخرلك خلقه يارب ..
نصيحتي لاتزيدين ع اولادك بالضرب حرااام هم ناس يحسون مهما ذقتي المر بحياتك حرام اولادك يذوقون نفس الكاس
اولادك لك ولزمن اذا احسنتي تربيتهم بيرجع هالشي لك بالمستقبل وانتي تقدرين تحسنين تربيتهم حتى ولو بدون ابوهم..

الله يساعدك وعليك بالصبر والدعاااء...
 
من جد حياتك صعبه بس اتأكدي من ترك شي لله عوضه الله بشي احسن
يعني اتركي التفكير بأنك تتركين زوجك وبيتك وعيالك لوجه الله
ارجعي لربي ادعيه وابكيله وصلي الليل وكل ماحسيتي بضيقه صلي
دايم قولي اللهم اني استودعتك زوجي قوليها كل ماخرج لاتيأسين من رحمة الله
ودايم خليك صديقه لابنك وعيالك كلهم
مو انتي ماعندك صديقات ولا احد تسولفين معاه
سولفي مع اولادك
حسسي نفسك انك مهمه وان الدنيا ماتمشي بدونك
لاتنسين ربي بجميع الاحوال والله اللي يشهد علي اني مريت بضيقه وما احد فرج علي الا ربي وحده
 
حبيبتي الى تشعرين شعرت فيه قبل سنه واكثر ولا زلت اشعر به...لكن استنتجت استنتاج بسيط ان اكون قانعه..اي ان اقنع بما لدي..ولو كان بسيط ولو كان لا يسد طموحي وامالي لكن هذا لا يوقف احلامي..فلطالما حلمت بان تتحقق احلامي الا اني اعود للتصادم مع الواقع فنظرة من اطفالنا تشفي غليل قلوبنا وحسرتنا ودمعة منهم تزيد تعاسة الام الاف المرات وبضحكاتهم تحلو الحياة...فطالما تقولين زوجك كريم استغلي هذا الشئ واجعلي ابنك يشترك في نادي رياضي حتى تتطور شخيصته وخبراته بالحياة وهذا سينفعه ويغيره للافضل ان شاء الله مع توقفك عن الضرب وادعي الله ان تتوقفي عن الضرب لاطفالك فهو الوحيد القادر على ذلك...وحاولي الاهتمام بزوجك..
 
الله يفرج همك يارب ،،،،،
الجئي لربك ومايخيب ظنك ،، واولادك مالهم ذنب الله يكون بعونهم خليك معاهم ولاتكوننين عليهم يكفي حالة ابوهم تاثر عليهم لاتزيدين عليهم ،،،،
والفراغ عندك على قولتك 90% اشغلي وقت فراغي واقري كتب طوري نفسك فيها لك ولا ولادك،،واقرائي القران ،،،،،
وادعيله الله ينزل البلاء ليرفع له الدعـــاء
والله يسخره لك ويهديه
 
مشكورات عزيزاتي
بردو قلبي شوي
ياخواتي ماتدرون وش كثر تعبت نفسيتي
تهقون احتاج لدكتور نفسي
والمشكلة ماعندنا اي نوادي تذكر كلها لشباب الكبار واخاف على ولدي منهم
ياربي رجمتك زوجي جاء الحين والله يعيني
اشوفكم وقت ثاني
 
تعرفين أختي اللي تسوينه في عيالج غلط بس ما ألومج على اللي تسويه والسبب واضح هو زوجج الله يهديه ويصلح شانه
عزيزتي حاولي تنسين زوجج واللي يسويه فيج عشان عيالج سبحان الله ما بتحسين إلا في غمضة عين عيالج اكبروا وصاروا رياييل وبعدين تاكدي إنه الولد إذا احسنت تربيته ومعاملته في الصغر وربيتيه أحسن تربيه في النهايه بينفعج ما بيضرج وبيكون لج عون حتى على أبوه
عزيزتي : الأم تضحي عشان عيالها لا تنسين ( كلكم راع وكل راع مسئول عن رعيته ) لذلك تقربي من عيالج وصادقيهم واسمعي منهم ابعديهم عن أبوهم لو كان سكران عشان ما يتعقدون من أبوهم ولا يوعون على الغلط اجلسي معاهم واسمعيهم وانصحيهم واحضنيهم وواضح اللي يسويه ولدج في المدرسه نقص حنان لذلك لازم تعوضيه هذا النقص وتحسسيه بالأمان والحب عشان يخفف من عدوانيته الآخرين علميه السلوكيات الطيبه لأنه إذا تعلمهن وهو صغير بيشب عليهن يوم يكبر بإذن الله
أما بالنسبه لزوجج فادعيله بالهدايه ودايما حطي قرآن في بيتج وحاولي تتعمدين تحفظين عيالج قدامه وشرط يوم يكون في عقله سبحان الله يمكن الله يهديه وممكن اطرشيله ولده إذا يفهم وخليه يقوله بابا احنا نحبك وما نبيك تموت لأنه في المدرسه علمونا إن الخمر حرام واللي يشربها يروح النار بابا إحنا ما نبيك تروح النار وسبحان الله يمكن الهدايه تكون من بعد الله على إيد ولده والله يعينج
 
الله يكون بعونك بس يأختي اللي تسويه بعيالك حرام هم أمانه عندك وعند زوجك فإذا زوجك مهمل لا تهملي نفسك وعيالك والحمدلله زوجك مش مقصر ماديا وعندك نت وتلفون تكلمين أهلك فيه من هم أسوا من حالتك يروحوا ديره بعيده ولا تليفون ولا نت وحالت الزوج الماديه زفته ولعاب قولي الحمدلله في الضراء قبل السراء في وقت الفراغ أجلسي مع أولادك والعبي معهم ارجعي لطفولتك أركضي نطي أرقصي معهم وبعدين سوي حلقة قران وأجلسي أقري معهم القران بصوت عالي حتي لو أصغر عيالك عمره سنه أو سنتين حتي زوجك بيستحي من نفسه ولا تشغلي نفسك بزوجك ادعيله بس ان أنصلح حاله أو هو الخسران لان احنا بدنيا اختبار قومي بجميع واجباتك تجاهه حتي التزين لوجه الله بس والله بيعوضك خييييييييييييييير إذا موفي الدنيا أكيد بالاخره المهم مافي شي يضيع عنده أما من ناحية أنك تدوري أحد تشكيله الحين يعتبر انك علي النت فرغتي وطلعتي اللي عندك بس أنا امشي علي مبدأ الشكوه لغير الله مذله فصلي وأنتي علي السجاده أشكي لله وحده وأبكي لله وحده
 
ياختي ما لك الى الصبر فالصبر مفتاح الفرج والدعاء لزوجك با لهدايه وعوضي عيالك كل الحنا ن الي فقدتيه والله المستعان
 
اختي الغاليه حاسه فيك

بس انصحك تروحين طبيب نفسي كثير بترتاحين

انا رحت لطبيب نفسي وعطوني كورس علاج لمدة 3 شهور

وبديت اقرا كتب عن الشخصيه وكيف اتخلص من الاكتئاب

انا كنت اخس منك كنت ليل نهار ابكي بدون سبب

الحمدالله كنت اصلي واقرا قران بس بعد كان فني اكتئاب حاد وفيني وسواس قهري

الحبوب اللي عالجتني بس 3 شهور

بس انا ساعدت نفسي وبشهاده الدكتوره حتى لما حبت توصفلي العلاج لثلاث شهور زياده انا رفضت وقررت اعتمد على نفسي بالقراءءه واني ادرس شخصيتي السلبيه واصلحها والحمدالله نجحت بشكل كبير

وان شاء الله اتمنى لك التوفيق


​
 
الله يصبرك ويعينك واصبري عيشي حياتك عادي ولا تعبي نفسيتك زياده ولاتفكري انك محتاجه طبيب نفسي كل ما ضا قت بك الدنيا ارجعي الى الله واقرئي القران واطلبي من الله يفرج همك ويهدي زوجك
 
بالنسبه لموضوع ضرب العيال اسفه نسيت اقلك

ترى هالحاله تصير وانا قريت عنها ومالك الا الدعاء وزيارة طبيب نفسي باقرب وقت

وحبيت اوضلك نقطه مهمه

ان الامراض النفسيه غير والامراض العقليه غير

المرض النفسي يصيب الناس بشكل كبير ومافيه اي عيب لما نتعالج منه

اما المرض العقلي هو الجنون الله يبعده عنا


صدقيني هذي حياتك كم فالعمر لجل اخلي نفسي ضايعه بين الاحزان وضرب الاطفال والتشتت

ومثل ما انتي تعبانه نفسيا راح يتعبون عيالك بعد

هذي نصيحتي وانا اشجعك بكل قوه تروحين للطبيب

انا حتى اختي الكبيره جتها حاله لانها مب قادره تسيطر عالبيت ونصحتها بالعلاج النفسي راحت بس ما عطوها لا حبوب ولا شي مجرد كلام ودردشه خلت نفسيتها حلوه والحين هي شفت من هالموضوع تماما
​
 
كلش ولا اضررب... اطفال مالهم ذنب كذا يتعقدون ويكرهونك ومايصير عندهم شخصيه
وبالنسبه الزوجك عليك بدعاء ان الله يهديه وسخره لك والعيالك وخلى احد كبير بالعائله ينصحه
ويترك عنه هالخرابيط الى ماوراها غير الذنب وانشالله الله يفرج همك
 
اختي انتي بتضربي اطفالك لأنك حاسة انهم عائق بينك وبين تركك لبيت زوجك


اطفالك امانه عندك وييجي يوم يسألك الله عز وجل عنهم وكيف ربيتيهم كله الا الاطفال اطفالنا اجيال الغد اذا كانت حياتك تعيسة ليش تحرمي اطفالك من السعادة خوذيهم ضميهم قبليهم عوضيهم عن حنان ابوهم اللي افتقدووووووه
هم كنز وبيوم بيطلع الكنز وانتي اول وحدة تنهلي من هذا الكنز

اما بالنسبة لزوجك عيشي حياتك وكأنه غير موجود .... اعتبريه مات وادعي له بالهداية

​
 
انت ليش حارقه نفسك بسبت هلزوج خلي ربه يتولاه
وانت اهتمي بنفسك وعيالك موضروري تربطين اهتمامك بنفسك لاجل الزوج ترى الحياه موكلها رجل
خلي بالك من عيالك لاتضغطين عليهم اكثر تحطين حرتك فيهم وهم لاحول لهم ولا قوه انتبهي الصغير يجيه يوم ويكبر ويكبر بقلبه الاسى عليك ومايكون له اي ذكرى طيبه معك وتتحول شخصياتهم مثل ابوه
ويصبحو قاسين عليك بدل ما يعوضونك عن اللي راح يابنت الناس لملمي ما تبعثر معك من ضياعك وضياع عيالك ورتبي حياتك لللافضل
فرج الله همك
 
حبيباتي انتو ماااقصرتو
جزاكم الله الف خير
وصبرا جميل والله المستعان
 
ليه لييييه الضرب

جربي اختي تحضنين واحد من عيالك وبوسيه بدل ماتضربينه

بتاخذين جرعه حنان منه مو بس هو

ادري بتقولين كله من نفسيتي التعبانه

لكن انتي نزلتي الموضوع وابدي التغيير بحياتك من الحين

 
ياعمري والله اني حاااسه فيك بكيت يوم قريت كلامك
الله يعينك ويصبرك على بلواك
انتبهي لنفسك شوي حاولي تتقربين لله لا تنسين الدعااااااااااااااء با الثلث الاخير من الليل ان الله يهديه ويتوب من ها السم..
اذا حسيتي نفسيتك تعبانه توضي وصلي واقري قرآن واكثري من الاتستغفار
نصييييييييييحه لا تهملين ها اللي قلتلك مابعد الضيق الا الفرج ان شا الله
 
الله يكون بعونك ويهدي زوجك حبيبتي خلي اهلك يتدخلو لازم يلاقي احد يوقفو عند حدو لانو المشكلة اولادك بيكبرو ويفهمو وصعب انهم يشوفون ابوهم كذا الله يكتبلك الخير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل