ابي وجهة نظر حكيمه

[خلصت من الهوى]

انا من فترة عرفت ان ريلي على علاقة وصارت بينا مناوشات وحلف انه ماكو شي بس مو مصدقته المهم واستمرت حياتنا طبيعية بالنسبه له بس بالنسبه لي امثل انها طبيعيه المهم بعد مدة وكنا حدنا طبيعين صار موقف جدا تافه سوء تفاهم وكان هو الغلطان اهاني قررت اني ازعل فترة بسيطه كوضع حد له بس طولت المدة حاولت ان ارد الوضع طبيعي بس الغريب انه مستانس على هالوضع والحين صار اكثر من اسبوعين مايكلمني ومستانس وقال انا مرتاح بها الطريقة تخيلواما يدري عني ولا يشوفني شسوي غريب اول مرة يسويها جني مو متزوجة زوجة عزباء بس عيالي ودوامي .فكرت اني اروح لاهلي واقوله متى ما قرت تكلمني تعال خذني شرايكم ؟

 

[خلصت من الهوى]

الله يسامحكم ولا رد ليش ؟

 

[العيون الحالمة]

حبيبتي أنتي غلطتي انج عطيتيه مجال يوم يومين ماتكلمون بعض

كيف طاوعج قلبج تسوينها

اتبعي نصايح ناعمتنا

لاتروحين بيت اهلج لان لو رحتي بتفتحين له المجال الأكبر

تمي فبيتج

روحي للصالون أشغلي نفسج بنفسج غيري من ستايلج (ملابس، ستايل شعر وميك آب) خلي مكانج الخاص غيير بدلي أثاثج ولوني حياتج بيذبحه الفضول

تلفونج خله دايم وياج وكلمي أهلج وصديقاتج ولما بيكون متواجد خلي وحده من خواتج تكثر من اتصالاتها

بيخاف يخسرج انتي وعياله

عليج بنفسج وانسي علاقاته لانه مرده لج لانج انتي زوجته وا م عياله

بس يمكن محتاج راحه نفسيه وعليج بالإستغفار وسورة البقرة

طمنينا علييييج

 

[جنون-حبي]

هاااي غلاتي

سمعي لا تسوين جذي. صبي اهتمامج على عيالج ودرسيهم وبعدين مثل ما قالت الاخت غيري ستايلج قصي شعرج صبغيه غيري الميك اب. لبسي قصير ولبس انيق وتحركي بانوثه في البيت وحطي بكل مكان ورد. لما تجوفين جريب بيدخل الغرفه بياخذ شي ولا حاجه قعدي ولعبي بشعرك وسوي روحك ساهيه بالتفكير. والله بياخذه الفضول يبي يعرف شفيج. واذا كان ينام معك بالغرفه واااااايد زين تعطري كثير ونامي ولما تقومين خلك دووم مبتسمه ونظراتج ساحره

الله يتمم عليكم يبعد عنكم عيون الحساد والمشاكل

 

[جوجو حلاكم]

وقت ماتطلعينمن البيت لاتنطرينه لانج بالاخير بتردين بنفسج ياقلبي انتي خليك حكيمه وعاقلهوفكري بعقلك ليش تروحين وتخلين البيت بكذا بيرتاح اكثر
خليك في البيت مع اولادكوحاولي ترجعين الوضع طبيعي اليوم سوي ليلة رومانسيه وتعدلي وحلوا مشكلتكم في غرفتكم الرومانسيه وصدقيني بتنحل مشكلتك وانتي كثري الاستغفار والدعاء وربج بيوفقج بإذنه

 

[حلاوة المدينة]

إياك وتركه لمن أشغله عنك

كوني حكيمة اذا ش ارخي واذا أرخي شدي بشويش

تحرشي به شوي شوي الا أن تتصالحوا ولا تطولين الزعل
الرجال نفسهم طوييييييييييييييييييييييييييييييل وما عنده مشكله لو تزعلين شهر

اهتمي بنفسك وأولادك وبه وبأكله وشوي شوي لين تعود المياه لمجاريها بس لا تتركيه لقمة سائغة لغيرك وبعدين .... حتندم يا جميل الله يصلحكم ويألف بين قلوبكم كبري عقلك حبيبتي مودايما نحكم عواطفنا فوتي اذا اشياء بسيطة عدييييييييييييييييييييييها

 

[روح مبعثره]

أختي أكبر غلط ترتكبه الزوجه انه تخرج من بتيها مهما كانت الظروف

خروجك من بيتك يعتبره الزوج أهانه له علني او تهديد له بالاهل ومحاسبة امام اهلك راح يولد

عنده حقد عليكي مستمر في نفسيته مهما كان غلطان الصبر والصبر الحياه الزوجيه حياه يبغالها

انسانه حكيمه وتنظر للأمور عن بعد ولانه الانسان لمن يغضب ويكون في مشكله يفكر بالشي في وقته

ينسى الغد وايش راح يصير بعد الخلافات العلنيه أخي خذي نصيحه مني انا مجربه الكثير من المشاكل

والحمد لله على قد ماهى كانت صعبه ومؤلمه علي قدرني الله على تخطيها بالتنازل الي مايجرح كرامتي

ويقلل من قيمتي تنازلت بما أمرني الله بكظم الغضب والتوكل على الله والصبر على قضاء الله والتصرف بعقل

وتتحسيس الزوج بالغلط من غير كلام ولاعتاب فبادري بالتعامل الحسن واكيد أنتي تعرفي زوجك

ومايرضيه ونقطه الي توصلي فيها له ولا تتحسيسيه بالشك فيه ولو كان فيه شي خليه هو يمل من الاخرى بكيفه

من خلال احتوائكي له بالمعامله الطيبه


اختي في المدرسه الكل يجتهد ويذاكر لكي يكسب أعلى الدرجات الزوجه تجتهد لكي تكسب زوجها

وتقدم افضل ماعندها قدمي أفضل ماعند لكي يكسبي زوجك ولاتخرجي من بيتك أبدا وأدعي ربك

وقومي الليل وأستغفري الله بنيه خالصه ومن توكل على الله هو حسبه ومن رفع يده لله وهو صادق كان الله معه

وفرج همه

 

[خلصت من الهوى]

مشكورين اخواتي عالنصيحة بس ريلي صار يكرررررررررررهني من نظراته نبرة صوته ما يكلمني وما ينام معي ولا يسال ولا شي والله كاني مسوية جريمة ابيكم تساعدوني بعد رب العالمين شنو التصرف السليم في مثل هالحالة بالتحديد هل اكلمه وهو ولا طايق يسمع صوتي ابي رد عاجل الله يوفقكم يعني طريقة التحدث معه

 

[هيوونه]

الله يعينك يا اختى والله عجزنا عن الرجال متعبين مررررره اذا رضوا تعبوك, واذا زعلوا تعبوك, اللهم لاتجعلهم اكبر همنا وارزقنا الجنه
عليك اختى باالدعاء ان الله يفرجها لك عاجلا غير اجل