ابي نصيحتكم وش اسوي مع اخته

[مجروحة الزمن]

السلام عليكم
انا كنت متابعه للمنتدى وسجلت لاني ابي نصيحتكم

اول شي بقوولكم عن ظروفي انا والدي متوفي وامي متزوجه
ومن السنين وانا اعاني من ظلمه وتسلطه

تقدم لي واحد اكبر مني بعشرين سنه وانا عمري 21
وفيه مرض ينعد خطير اشوي

انا ارتحت لرجال ووافقت لكن مشكلتي مع اخته العازبه عمرها 35 او اكثر وهي ساكنه معه بسبب ظروف
متسلطه وتبي الي تبيه يصير غصبا عن الكل
شايفه نفسها ودائما تعاملني وتعامل اهلي انو ماعندنا ذوق ومانعرف نختار
وزوجي ياخذ كلامها نتفق انا معه على شي وتغير رايه هي
وكلمتها تمشي على الكل مع انها اصغرهم



انا عرسي قريب نفسيتي تعبانه منها خاايفه منها ومن تسلطها وظروفي ماتسمح لي ابد اني ارجع لبيت اهلي مطلقه

ابي نصيحتكم كيف اتعامل معها لاني اتنرفز بسرعه واحط قهري بزوجي

 

[ميوسه]

قوي شخصيتك


واتحمليها ودوري لها عريس تفتكين منها


مالك الا الصبر


بس لازم تكون شخصيتك قويه

واتلعمي الدهاء والكيد


قدام زوجك على اخته



موفقه

 

[ياربي انصرني]

الله يكون بعونك ياختي مريض بمرض خطير واخته متسلطه -----مهما كانت القسوه اللي تعانين منها
لاارى تكافئ بينك وبينه وفارق السن ومريض 000

اسئل الله ان يفرج لك ويعينك والله المستعان000

 

[$حاكمة بلقيس$]

الله يفرج همك دوري لها عريس وخليها تنقلع عنك وارتاحي منها

 

[gada]

الله يعينك خلي ثقتك في نفسك كبيره وحاولي تكسبينها في صفك بالكلام الحلو

 

[احمد دنيتي]

الله يكتب لك الخير حبيبتي وادعي لها تتزوج

عليك بالدعاء في الثلث الاخير​

 

[مترفة الاوجاع]

انتظري واصبري يمكن يجيك واحد احسن منه ليش مستعجلة ربك يفرجها واذا مصرة عليه
حاولي تتقبين منها باي شي تحبه واكسبيها كصديقة لك مو عدوة لانك لو عاندتيها انتي الخسرانة وبتنشب الحرب العالمية الرابعة ومرح تتوقف المعارك بينكم لالالا حاولي تكسبيها صح في البداية بتعانين بس في النهاية بترتاحين
اذا قالتلك لا قولي والله ان رايك صح جامليها عشان نفسك مو عشانها حبيبتي والله يكتبلك اللي فيه الخير
اميــــــــــــــــــــــــــــن

 

[اولادي كل حياتي]

يا اختي فكري الف مرة قبل ما ترتبطي بالشخص المريض واخته المتسلطة وصدقيني مهما كان الوضع اللي انتي عايشته الان مو مرضيكي بس راح يكون اهون من النار اللي راح ترمي نفسك فيها
فكري قبل ما ترتبطي وتخلفي بيبي ويصير الهم همين
والواضح من الاول الحياة راح تصير جدا صعبة وخاصة مع المريض ولاخت المتسلطة وما راح تقدري تتحمليها بدليل انتي من الان شايلة هم وواضحة لكي اشياء
يا اختي فكري الف مرة انتي لسه صغيرة وربي بيعوض عليكي بواحد احسن منه ان شاالله ولازم تحبي نفسك وتفضليها على اي شي ولا تفكري التفكير السلبي وان شاالله ربي يفرجها عليكي

 

[غراابيل]

فعلااااااااااا حبيبتي انتي صغيره تحملي تسلط اهلك فتره لين يجيك واحد ظروفه احسن

بكرررررررره تتطلقين وتزيد الاوضاع سوء اشغلي نفسك بشي طوري من حالك ولاتنسين مرض+اخت متسلطه

والله الزواااااااااج الغير متكافيء احيانا مقبره اعانكـ الله عزيزتي واعاننا على ازواجنا

 

[ريشه ورديه]

الله يعييييييييييييييينك

 

[مجروحة الزمن]

اشكر كل من زار صفحتي ونصحني

انا شخصيتي مو قويه واكتم بداخلي
انا ملكت الحين ومااقدر انفصل حبيته مع اني اخاف من تصرفاته احيانا
وماقدر اكمل في بيت اهلي انا ايام معدوده الحين ومو قادره اتحمل دايم حابسه نفسي بغرفتي
صح انه مريض واخته متسلطه بس انه شاريني واحسه عارف قدري
انا كثير انخطبت بس ماصار نصيب وهذا نصيبي وانا راضيه بس ابي اتعامل بحكمه مع اخته عشان مااخسره
واشكركم من كل قلبي
بس بليز بنات ساعدوني مو تحطموني

 

[المتغيرة للأفضل]

حبيبتي تقولي عنده مرض خطير ارحمي نفسك ولاترتبطي به واخته هذه المتسلطه صدقيني ستدمرك تحملي قليلا الان وسياتيك احسن منه باذن الله ولاتكوني مضحيه لانك ستندمين

 

[أم سعوودي]

ليش بايعه عمرك اصبري ترااك باقي صغيره ونصيبك جاي بأذن الله سبحانه لاتستعجلي

 

[أم سعوودي]

مهما كانوا اهلك ترى الحياه الزوجيه صعبه وخاصة اذا كان با المواصفات حقتك تبين تكبرين عمرك 40 سنه ليش ليش اصبري الايام تعوضك استخيري استغفري الاستغفار يفتح لك ابواب ولاتضحكين على نفسك با الحب راح تلاقين الشماته بعيون الكل ماخذاها الا شايب اصبري على اهلك اصبري وقوي نفسك يا حبيبتي

 

[طموح لم يتحقق]

الله يكون بعونك

 

[sاموووت فيهs]

لا تاخذينه ربي راح يعوضك احسن منه هذا رائي

 

[نيازك]

والله انك دستي على الجرح اخته متسلطه وكلمتها نافذه على الكل رغم انها متزوجه وعايشه زي الاميره بس باقول لك بعض التجارب لكن يبي لها صبر
اي كلام ترميه عليك يجرحك او يمس شخصك لا تقولي لاخوها اي شئ عنه اسكتي ارمي الكلام عليها بدون ما يسمع
اي شئ اهو يبيه قولي ايه بنفذه بس شرطي انو يكون تحت تصرفي او انا اختار او انا اجيبه او او
مهما استشرت عليك وهزأت ردي بالمزح انك مقتنعه من هذا الشئ
مثلا لبسك حلو بس الوانه تقل حقين الجوازات
انتي ردي عليها هههههه ايه والله يجنن لون الجوازات والحين بنفتشك اذا ما معاك جواز بنحجزك ههههه
يعني انا ما اعرتك اي اهتمام
وزوجك تعاليه من ناحيه العين لا تقول لاحد تجينا عين
ههههههههههههه
قلتها لزوجي لما حملت ابيه يحقرها ما يقولها اي كلمه
لان كل شئ يعطيها على طبق من ذهب
تعالي لزوجك بالايقناع من ناحيتك
الا تجنها بالسئه ابد ولا تمدحيها
الله يعينك
والله ماسلمت منها وهي متزوجه وزرجها غني فيه فرق بين حياتنا بس تغااااااااار مني مررررررره

 

[مجروحة الزمن]

نيازك يابعد عمري ماقصرتي ع النصايح الحلووه ولاهانوا الجميع

ابي الي يشجعني مو تحطموني

انا اذا ماذقت الويل عنده بذوقه عند اهلي

يعني نفس الحياه بس يمكن عنده غير وان شاء الله ربي يسخره لي

ويسخر لج زوجج نيازك ويكفيج شرها يشغلها عنج يارب

 

[ice creeem]

اكسبي زوجك ومراح تأثر عليه

 

[زوجةاسير]

استخيري قبل ماتتزوجين يمكن ربي يعوضك بأحسن