ابي نصيحتكم بليزززز ساعدوني

[محتاره بحياتي]

السلام عليكم

ابي ادخل بمشكلتي على طوووول

مشكلتي مع امي وابويه

انا انسانه متدينه تقريبا واخاف الله واعرف بر الوالدين
بس المشكله امي وابويه مايساعدوني على برهم
وخصوصا امي معاااااااانااااه معاها احاول اصبر بس اوقات اخرج من طوري

تصرفاتها وحركاتها كانها مراهقه وكل مااحاول انصحها ولا اكلمها ماتترك لي مجال
تصيح فيني وتدعي علي

وش اسووووووي الصبر يخونني اوقات
وانقهر من حركاتهم واتنرفز الحين مااكلمهم وزعلانه منهم
من جد عقوق الابناء من الابااااااااااء

وش الحل كيف اتصرف معهم بليز ساعدوني
اذا كان هم سبب العقوق وش اسوي ؟؟؟؟​

 

[عنقود عنب]

في حديث للامام علي عليه السلام

اعينوا ابناءكم على بركم ...

ولكن ..يا ريت تكتبي لنا موقف من المواقف عشان نقدر نحكم

 

[بنوتة بلادي]

حبيبتي يا ريت تذكري موقف حسيتي امج تصرفت فيه مثل المراهقات و كيف انتي نصحتيها فيه... و يا ريت تذكرين الطريقه اللي نصحتيها فيها

 

[محتاره بحياتي]

اوكي بذكر موقف

خروجها اليومي من البيت لسبب او بدون سبب واذا مارضيت اخرج معها تدعي وتزفني انا احب جلست البيت استغفر وادعي واقرا قران واحب الاستقرار عموما ولما مااخرج معها او مااطاوعها تزعل مني علما ان عمرها 70 سنه
مدري علي ذنب او لا والله والله والله اوقات كثير اضغط على نفسي واروح معها بس عشان رضاها
مدري دعائها علي مقبول؟ ربي عالم انا ايش اسوي وهم كيف يعاملوني..

 

[بنوتة بلادي]

يا حياتي انتي... امج كبيره في السن الله يحفظها... يعني هي تحب تزور الناس و تحس انه للحين عايشه... هم في هذا السن يحبون يحسون انهم للحين على علاقاتهم الإجتماعيه... يا اختي إذا طلعتها ما تكون لآخر الليل... اطلعي معاها و بريها.... علشان رضاها يا اختي...

بصراحه هذا موقف عادي... و ما يدل على المراهقه...

 

[بنوتة بلادي]

و صح.... الحياه مب بس جلوس في البيت... و قراءة قرآن و استغفار... الحياه بعد صلة رحم... و حضور مناسبات (لأن الرسول صلى الله عليه و سلم حثنا على إجابة دعوة الزفاف)... وبعد الحياة وناسه... مب كلها عباده يا حبيبتي... خليج متوازنه في حياتج... رتبي اوقاتج و بترتاحين ان شاء الله...

 

[محتاره بحياتي]

لالالالا ماتزور ناس
تخرج للسووووووق للاسواق وبكثره

 

[تشكرات]

يا الله عمرها 70 سنه ....والله كبيره ومسكينه وتحتاج لحنانك

عليها ...يختي وش فيها اذا خرجتي معها ...؟؟؟...عادي حبيبتي

أنتي ( تتعذّري بجلوسك بالبيت للعباده ) أيضآ والدك ( جزء من

عبادتك وطاعتك لرب العالمين ..

يا حبيبتي ( برّيها وأرحميها ) فسنوات عمرها قليله لاسمح الله

فأغتنمي الفرصه حبيبتي ..

فهي جنتك ونارك ...الله يوفقك حبيبتي لما يحبّه ويرضى ..

 

[بنوتة بلادي]

حتى لو أسواق يا اختي... هي تحس براحه معاج...

كيب انا بعطيج مثال عن نفسي... امي ما تحب احد يوديها اي مشوار إلا انا... تخيلي احيانا اكون برع البيت من اول الصبح لين اخر الليل.... والله ما أجذب عليج... على الرغم إن عندي اخوان و اخوات كلهم يسوقون... بس هي تقول انا ما أحب أطلع و أخلص مشاوري إلا معاج...صح اني احيانا انفجر... بس طبعا بعد أشههههههههههههههههر و مب من البدايه (و طبعا انفجاري يكون هادئ مب صراخ و أشل البيت على راسي)... بس بعدين اندم ندم شديييييييييييييد اني اخاف اني زعلتها...

يا اختي هذي امج... باب من أبواب الجنه.. تمسكي فيها...

 

[(ميعاد)]

واذا خرجت كل يوم وش فيها ؟
يمكن امك اجتماعيه وعندها واجبات كثيره من زيارة مريض ، صلة رحم ، زيارة الجار ....
امسكي العصا من الوسط مو كل حياتنا عباده وصلاة ،،
قال الله تعالى ( وابتغ فيما آتاك الله الدار الآخرة ولا تنسى نصيبك من الدنيا )

لاتنسي نصيبك من الدنيا .. اطلعي مع والدتك وابتعدي عن العزله
تقدري تستغفري في الطريق ..... انبسطي الحياة حلوه 
بكره تتزوجي ويحبسك زوجك ويحاسب على الدخله والطلعه ،،

 

[محتاره بحياتي]

انا مو معقده قلت لكم انا متدينه ((تقريبا))

يعني يهمني اقول اذكاري اليوميه واصلي فروضي واقرا قران صفحتين باليوم
يعني مو متشدده
احب الخروج للناس والمناسبات وحتى للاسواق بس مو بهالكثره
اسمع اغاني والبس عبايه على الكتف يعني مو ملتزمه

بس طريقة امي في الحياة غلط ومو راضيه تقتنع مو بس انا اللي منتقدتها كل اخواني واخواتي بس يخافو منها مايقولولها عشان ماتدعي عليهم ...

نفسي اعرف شي واحد هل انا الحين عاقة والدين وهم اللي حدوني على هالشي
مع اني والله ماسويت ولا شي كل اللي سويته اني ماكلمهم تجنب انه يطلع مني كلمه تزعلهم
وهل دعاء امي علي مقبول؟

 

[طيبتي سبب تعاست]

عادي ياحبيبتي والله عندنا وحدة من الجماعة ادا شافت شي قالت لعيالها ابغى مثل افلانة يعنى لدرجة شنطة اعجبتها واعيالها جابو لامهم مثلها السن هادا يبغى احد يحس فيه ويطفش من البيت كثير يحب يطلع ويشوف الناس لو امك راحت من الدنيا تتمنين لحظة بس عشان تشوفينها

 

[قطـــــريه]

يعني يا اختي وانتي ملتزمه وتخافن الله تقرين القران ماتدرين ان بر الوالدين وطاعتهم فيه دخولك للجنه ؟ وامك مو ذيك الطلبات اللي تبيها يعني عشان تسمينها معاناه ! مره عيوز اني يا بنتها شلون ترضين تخلينها تطلع بروحها!! ماتخافين علها ! غير كذا لو تبن تقرين قران ولا تدعين ولا تستغفرين ترى تقدرين وانتي بالسياره او بالسوق او اي مكان تروحينه معاها منها تكسبين رضا الله ورضا امج من رضاه !! معليش انتي غلطانه هني .. اسمحي لي عذج مب عذر .. احد الائمة الاربع كان لمن تناديه امه وهو امام طلبته ويعطيهم درس يخليهم ويروح لها وهو امام ومعلم .. ماقال مره عوز ومزعجتني وبتفشلي قدام طلابي .. بذمتج لو حد درا عنج شبيقول ! مافيج خير في امج ! وين برج فيهم ! البر انج تصبرين على طلباتهم .. البر انج تصبرين على تصرفاتهم .. البر انج تنفذين طلباتهم لو ي تضايقج ..

 

[محتاره بحياتي]

بالعكس انا اشوف اللي كبار في السن يصومو اثنثن وخميس ويقومو الليل ويحفظو قران
اتمنى تكون امي مثلهم

 

[دانة الشام]

يا حياتي انتي... امج كبيره في السن الله يحفظها... يعني هي تحب تزور الناس و تحس انه للحين عايشه... هم في هذا السن يحبون يحسون انهم للحين على علاقاتهم الإجتماعيه... يا اختي إذا طلعتها ما تكون لآخر الليل... اطلعي معاها و بريها.... علشان رضاها يا اختي...

بصراحه هذا موقف عادي... و ما يدل على المراهقه...

أنا مع الأخت بكلامها,,والدتك أطال الله عمرها بلغت ال 70 يعني أكيد طلعاتها لزيارات ماأكثر ,,,أكيد مابتروح مولات وملاهي !!!!! اكسبي أمك وكوني رفيقتها في كبرها رافيقها في طلعاتها عندما تطلب منك واعلمي أن كسب رضاها وفرحها بمرافقتك لها يعادل أيضا عباداتك ..الأمّ تفرح بابنتها أما الناس وقد تكون عندها رغبة داخلية أن تخرجي كي تتعرفي على الناس ويتعرفوا عليك وبذلك مثلا يذكرك أهل الخير عند من يريدون الخطبة والزواج ,,فهذا هو تفكير الأمهات في هذا السن,,حين تطاوعيها وتخرجي معها أو تكوني معها أكثر مرونة صدقيني ستتفهم رفضك أحيانا وستراعي مشاعرك أكثر,, عندما يكبر الآباء والامهات وقتها يظهر مفهوم البر بهم والصبر على طباعهم لأنهم حين يهرمون يصبحون أكثر صعوبة أحيانا ويحتاجون منا للصبر والتفهم,,أما عندما يكونون في عز شبابهم نحن بحاجة لهم أكثر من حاجتهم لنا,,الآن يجب أن تترجمي التزامك الديني في برك وصبرك عليهم.ربي يشرح صدرك ويطوّل بعمر والديك ..اكسبيهم الآن فهم اليوم معك غدا لانعرف أين نكون !!!!!!! الله يحسن خاتمتنا ويحسّن أخلاقنا يااااااااااارب.

 

[قطـــــريه]

انا مو معقده قلت لكم انا متدينه ((تقريبا))

يعني يهمني اقول اذكاري اليوميه واصلي فروضي واقرا قران صفحتين باليوم
يعني مو متشدده
احب الخروج للناس والمناسبات وحتى للاسواق بس مو بهالكثره
اسمع اغاني والبس عبايه على الكتف يعني مو ملتزمه

بس طريقة امي في الحياة غلط ومو راضيه تقتنع مو بس انا اللي منتقدتها كل اخواني واخواتي بس يخافو منها مايقولولها عشان ماتدعي عليهم ...

نفسي اعرف شي واحد هل انا الحين عاقة والدين وهم اللي حدوني على هالشي
مع اني والله ماسويت ولا شي كل اللي سويته اني ماكلمهم تجنب انه يطلع مني كلمه تزعلهم
وهل دعاء امي علي مقبول؟

يعني سؤال من الام ومن البنت ! الحين انتي يالبنت ماتكلمينهم ومسويه نفسج متدينه وملتزمه شوي !! شوفي اختي الدعاء والاذكار تقدرين باللسان واليد مب لازم بالبيت دام مضطره .. على كلامج اسفه اقولج اي عاقه .. ياريت تسالين شيخ وتقرين عن معنى البر وبتنصدمين انج بتصرفاتج هذي انتي عاقه لوالدينج

 

[محتاره بحياتي]

خرجاتها كلها للمولاااااااااااااااات

بالعكس لو زيارات انا اشجعها بس الخروج من البيت اللي مو للضروره مرهق للنفس
وامي صح كبيره في السن بس ماشاءالله عليها مو مبين عليها يعني اللي يشوفها نشيطه يعطيها 50 تعرف تروح وترد لحالها

 

[بنوتة بلادي]

حبيبتي... تعرفين شو مشكلتج.... انج تشوفين القصه من منظورج انتي... مب ممكن امج ما تقدر تصوم الإثنين و الخميس؟؟؟؟ و بعدين ليش نحكم على اللي كبروا في السن ان خلاص لازم يقولون "يا الله بحسن الخاتمه"؟؟؟ ليش؟؟؟ يعني هم ما يبون يحسون انهم بعدهم أحياء؟؟؟ لازم يحسون ان الموت قريب منهم و انهم لازم يقضون وقتهم و هم يعبدون الله بس؟؟؟ ليش يعني؟؟؟ علشان هم كبار في السن؟؟؟ يعني خلاص محكوم عليهم يقضون حياتهم على السجاده؟؟

حبيبتي... امج مو مثل ام غيرج.... سوي اللي تقدرين عليه... لا إي يوم تندمين فيه...

و الله و الله و الله و الله اني للحين عيني تدمع لأني تأخرت على أبوي في لبنه هو طلبها مني على الريوق و هو في المستشفى.. الله يرحمك يا ابوي و يجمعني فيك في الجنه.. والله اني كلما أتذكر اني جيت له متأخره و اول ما شافني قال تأخرتي علي... انا تريقت... والله ان نفسي تضيق علي... و عيني تدمع... واخاف انه مات و هو غضبان علي... سامحني يا بوي يا حبيبي...

 

[قطـــــريه]

خرجاتها كلها للمولاااااااااااااااات

بالعكس لو زيارات انا اشجعها بس الخروج من البيت اللي مو للضروره مرهق للنفس
وامي صح كبيره في السن بس ماشاءالله عليها مو مبين عليها يعني اللي يشوفها نشيطه يعطيها 50 تعرف تروح وترد لحالها

الله يهديج يارب .. للاسف عندج تعنت غريب وكفايه ان امج مب عاجبتج وتقولين العيايز يصومون ويقرون قران وهي لا .. طريقتج في الحديث عن الوالده منفرة صراحه .. اختي اول شي يتغير فينا لمن نقرب من الله هو الهدوء والسكينه .. وهالشيئين انتي مفتقدتهم .. لو تبين التزامج يكون صح ارضي الله ورضا الله من رضا الوالدين .. مو من رضا الابناء .. هم مب خسرانين شي لو زعلتي منهم .. انتي الخسرانه ..

 

[قمر بعيونه]

مع تشكرات وبنوتة بلادي بري امك تصدقيني بتتوفقين في الدنيا والاخرة اذا ارضيتي والدينك وممكن تحس معك بالامان والراحة اذا رحتي مها الله يعينك ويهديك لبر والدينك