ابي نصايحكم بلقيسيات للي عنده خبره بليييييييييز!!

كاكاواا

كاكاواا

New member
إنضم
2009/01/10
المشاركات
171
السلام عليكم.. شخباركم احلى بلقيسيات استقتلكم واااايد وشخبار المنتدى صار لي فتره مادخلت المنتدى بسبب ضروفي ومشاكلي الزوجية وحالتي النفسية..
حبيباتي بعرض موضوعي بإختصار وأبي مساعدتكم ونصايحكم..
الله رزقني بولد من الشهور والحمدلله.. وانا عرضت مشكلتي قبل عن موضوع الحمل ورفض زوجي للحمل (حملي سبب همي،، استغفر الله)...
المهم ولدت بالسلامه ورجع زوجي من السفر وبدت المشاكل بينا ووصل الوضع بينا للشيطان الرجيم.. انا وهو كنا غرب فالبيت وكله تهزيئ وعصبيه وصراخ وزعل.. انا إمرأه عاملة وعندي طفل وزوج وفي بيتي ومن غير شغاله.. وفي اجازة نهاية الأسبوه عيال زوجي من طليقته يكونون عندي (3 ابناء).. صراحه احاول اوفق بين بيتي وزوجي وابني وعياله في إجازة نهاية الأسبوع الوضع صعب..
كل شي علي.. طبيخ وغسيل وتنظيف وكوي واهتمام فالبيت والزوج.. أقصر وايد في حق زوجي واذا اهتميت في زوجي اقصر في حق بيتي وولدي اللي معور قلبي ما احصل فرصه اقعد معاه.. تعبت وزوجي ما يبي شغاله شوروا علي شو اسوي.. بخسر زوجي وينخرب بيتي.. زوجي يساعدني احيانا بس لو زعل يضغط علي واااااااايد تعبت والله اهملت نفسي وزوجي حبيبيزز وبو الشباب مب راضي يقدر.​
 
ياقلبي الله يعينك لكن اصبري واحتسبي وحاولي تكثرين من الاستغفار وسوي لك جدول لاشغال البيت انا زيك بس صرت اسوي جدول ومشي عليه يوم غسيل ويوم كوي ويوم كنس وترتيب والطبخ بشكل يومي اكيد واذا تبين اسوي لك جدول من عيوني ابشري الله يصبرك بس هذا كله من الشيطان الله يبعده عنا انا زيك وصرت احاول بقد ماقدر ارتب نفسي بس انا ماعندي اولاد بس دوامي انا وزوجي دوامين واجازه زوجي الجمعه بس والاربعاء ننزل لاهله والخميس جمعات اهلي ماعندي وقت افضى فيه الا الخميس والجمعه
 
طيب حبيبتي اول شي اعذري زوجك اول شي لانه مضغوط يمكن وشافك مشغوووووله عنه
هذا شي
الشي الثاني تعالي اول شي قوليلي انت متى تداومين ومتى ترجعين والله نفسي اساعدك بس انت جاوبي اول وولدك وين تخلينه وقت الدوام
وعندك احد قريب مره في نفس العماره وعندكم زينا هنا هذولا الشغالات التشاديات الي بس تنظف وتروح ماتجلس بانتظارك
 
مشكورين عالرد حبيباتي المشكله للحين مب قادره انظم جدول لشغل البيت كل ما حاولت ما توفق
 
الله يوفقنا وياك بس لاتتهاونين بالجدول راح يرتب لك حياتك
 
يا حبيبتي نصيحة لوجه الله من زوجة مجربة لا تكبرين السالفة,الشغلة كلها من النفسية التعبانه,
اول شي لا تلومين عمرج على اول حمل لان هالشي مو بيدينا بيد رب العالمين .لا تخلين ريلج يخرب عليج فرحتج باول طفل لانه اناني,هو جرب العيال من قبل بس انت شو ذنبج يحسسج بانج غلطت
ثاني شي لا تتوترين وايد هدي نفسج وسوي اللي تقدرين عليه يا عزيزتي ,طفلج محتالج تكونين بخير وخليه اهم من ابوه بهالفترة الحرجة
لا تكلفين على عمرج وايد سوي الشغل اللي تقدرين عليه مو لازم كل شي يكون مرتب ونظيف ,لا تفهميني غلط انا ما اقول كوني مو نظيفة بس لازم يعرف ريلج انه شي طبيعي جدا مهما كانت الوحدة هبة ريح على قولتهم-انه الوضع يكون غير بعد البيبي
دلعي عمرج اول شي ولا تضغطين عليها لان الضغط يولد الانفجار وخلي نفسج في المقام الاول محد بينفعج لو طحتي مريضة ,مشكلتنا الازلية انه من كثر حبنا لازواجنا نذبح عمرنا عشانهم ونخليهم هم في المقام الاول وننسى اعمارنا
مهما تذمر وانتقد طنشي لين ما يتعود ولين ما تتأقلمين عالوضع الجديد اول وتالي نحنا بشر
الله يسهل امورج يالغلا ويسخرلج ريلج ويهنيكم والله الله بعمرج
 
الجورية2008 قال:
يا حبيبتي نصيحة لوجه الله من زوجة مجربة لا تكبرين السالفة,الشغلة كلها من النفسية التعبانه,
اول شي لا تلومين عمرج على اول حمل لان هالشي مو بيدينا بيد رب العالمين .لا تخلين ريلج يخرب عليج فرحتج باول طفل لانه اناني,هو جرب العيال من قبل بس انت شو ذنبج يحسسج بانج غلطت
ثاني شي لا تتوترين وايد هدي نفسج وسوي اللي تقدرين عليه يا عزيزتي ,طفلج محتالج تكونين بخير وخليه اهم من ابوه بهالفترة الحرجة
لا تكلفين على عمرج وايد سوي الشغل اللي تقدرين عليه مو لازم كل شي يكون مرتب ونظيف ,لا تفهميني غلط انا ما اقول كوني مو نظيفة بس لازم يعرف ريلج انه شي طبيعي جدا مهما كانت الوحدة هبة ريح على قولتهم-انه الوضع يكون غير بعد البيبي
دلعي عمرج اول شي ولا تضغطين عليها لان الضغط يولد الانفجار وخلي نفسج في المقام الاول محد بينفعج لو طحتي مريضة ,مشكلتنا الازلية انه من كثر حبنا لازواجنا نذبح عمرنا عشانهم ونخليهم هم في المقام الاول وننسى اعمارنا
مهما تذمر وانتقد طنشي لين ما يتعود ولين ما تتأقلمين عالوضع الجديد اول وتالي نحنا بشر
الله يسهل امورج يالغلا ويسخرلج ريلج ويهنيكم والله الله بعمرج
أنقر للتوسيع...

راي جدا عملي و مفيد، احب ازيد انه هذا تغير في نظام حياتك، و التغيير في اولته جدا صعب لكن يسهل مع الوقت، الله يسهل عليك و يوفقك و يفرحك بذريتك
 
جزاكم الله خير حبيباتي على ردودكم.. صراحه انا للحين اسوي اللي علي وزياده ونسيت نفسي وهو مطنش ولا يقدر اي شي اسويه ويحاسبني ع كل شي.. بحاول اني اعطي نفسي حقها وولدي وزوجي.. بس ما بضغط ع نفسي..
 
سندريلا15 قال:
الله يوفقنا وياك بس لاتتهاونين بالجدول راح يرتب لك حياتك
أنقر للتوسيع...


فعلا وفيه بعد شغالات تجي صاحبتها وتاجرها يوم تنظف البيت وتغسل الملابس وتسوي كل شي وتروح
يعني تاخذ منك ميه باليوم بس وجيبيها وطبعا لازم تقولي له انها بس اليوم بتجي تنظف وتخفف شغل البيت عليك بس انا اقول تجيبينها وزوجك مداوم افضل لانك ماتدري الشيطان شاطر والشغالات هالايام يخوفن طبعا (ماقصدي اشكك بزوجك بس اقرئي قصص الشغالات) اختاري يوم بالاسبوع تجيبيها
الله يوفقك
 
المشكلة انا اداوم بعد ما ينفع اجيبها وزوجي فالدوام .. وما اعتقد في المنطقه هني احصل هالشغالات.. اللي من الإمارات ممكن تساعدوني؟؟؟
 
حبيبتي الشغله بسيطه جداااااا

اقل من انها انتي تكبرينهاااا صدقيني الامر بسيط سوي هالنقاط البسيطه ومنها بيرتاح رآسك ونفسيتك بترتاح . .

بس قبل كل شيء عاجبني فيك تمسسكك وصصبرك انو ماعندك شغاله وياليت تستمرين على كذا عشان تكبرين بنظر نفسك اولأ ونظر زوجك واهلك ثآنيآ . . !

النقآط كالتآلي : :

1- بعد المغرب اجلسي مع نفسك جلسه هدوء واسترخاء وقفلي على نفسك وجيبي معاك ورقه وقلم

اكتبي الاشياء اللي تبغين تغيرينها بنفسك مثلا { اتخلص من القلق - اصبح اكثر هدوء - اهتم بنفسي اكثر . . الخ

2- بعد ماتخلصين الاشياء اللي تبغينهاا سوي لك جدول لمدة اسبوع فقط يبداء من الصبآح الى ماتحطين راسك ع المخدهـ . .
والله العظيم صدقيني مافيه احسن من النظره الواضحه ليومك تعرفين انتي ايش تسوين وايش راح تحطين بهااليوم
مو بعايمه ماتدرين الساعات هي اللي تمشيك

3 - راعي بالجدول قدرتك الجسميه + النفسيه . . واهم شيء تخلين ساعه وحده للاسترخآء . .

4- يومين بالاسبوع فقط خصصيها لغسيل الملابس

5 - اعملي كل يوم بالجدول شيء مخصص لزوجك وولدك مثلا يوم الاثنين راح يكون ربع هاليوم مع زوجي
نسولف انا وياه نطلع نزور احد - تسوين لك حمام استرخاء انتي وزوجك المهم مع زوجك

6 - 10 دقائق فقط خصصيها لتقرب الى الله . . قراء قران او صلاه او تسبيح . .

7 - وهو الاهم غيري نظرتك لنفسك من الداخل وحسسي نفسك بانك قادره على كل شيء وكل شيء سهل وبسيط . .


اليوم كله 24 ساعه كثييره جدا . . خصصيها لنفسك انتي واسرتك


الله يجعل ايامك كلها سعآدهـ. .

.
.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل