انا اعرف ان قصتي مرت عليكم وايد و انكم يمكن مليتو من كثر سماعها ... بس اتمنى انكم تقرون قصتي للآخر , يمكن تكون مختلفة شوي عن الباجي .... انا فتاة ابلغ من العمر 20 سنة ,,,
حالي شرات حال أي بنت تتمنى انها تنحب و تحب و يكون لها شريك حياة تعيش معاه باجي العمر بس بالحلال طبعا . عمري ما كنت اتوقع انه الحب بيدق باب قلبي و قلبي بيفتح له بابه و بيرحب فيه ..... يقولون الحب يأتي فجأة مثل الموت و هذا اللي صار معايه ...
لما كان عمري 18 سنة و بعد تخرجي من الثانوية العامه , في اجازة الصيف في تاريخ ( 10-8-2007 ) يوم الجمعة , وصلني مسج من رقم غريب و طرشت لهم مسج : منو وياي ؟!؟؟! و اتصلوا فيني و رديت و ادري ان هالشي غلط بس فظولي يذبحني ...... المهم رديت و كان واحد و قلت له انك مغلط , و حاله شرات حال أي شاب غلط على تلفون بنت , حب يتعرف عليه و نصير اصدقاء .... و انا رفظت و والله اني كنت ارمسه بإسلوب خايس و كنت اسبه و ما ادانيه ابد و بالرغم من هذا كله في يوم اعترف لي انه يحبني و مايقدر يعيش بدوني بس انا هالشي ما همني و ظليت على موقفي , اني ما أبي اجرب الحب بهالطريقة لأني اعرف غلط و عيب ان البنت ترمس شاب بالفون و ان مجتمعنا يرفض هالنوع من العلاقات . عيزت و انا اقنعه اني مب راعية هالسوالف و ما يخصني فيها , بس هو ما رظى يفهم هالشي و هددته اني بخبر عليه اخويه الكبير بس ما نفذت تهديدي ما اعرف ليش ؟!؟!؟ ... و هو بعد ما همه هالشي و استمر يقنعني بحبه لي , فالبداية كنت اقوله انك كذاب و انه يبي بس يلعب و حلف لي اني اول حب في حياته و اني اول وحده و اكثر عن مرة لما كنت ارمسه كان يصيح و يترجاني اصدقه و اني ما اتركه و انا عنيده و راكبه راسي و ما صدقته و كنت اكذبه و اكذب كلمة احبج .... خلصت الاجازة الصيفية و بدت الدراسة و انا التحقت بجامعة في امارة غير امارتي
و كنت اسكن في سكن الطالبات لأن امارتي بعيده ........... كنت طول ايام الاسبوع ارمسه وانا فالجامعة و لما انزل امارتي الخميس و الجمعة ما اعرفه لأني اخاف من اهلي نسيت ان اللي اكبر من اهلي و الناس كلها براقبني و انه معاي 24 ساعة , نسيت خوفي من الله .... استمرت علاقتي فيه تقريبا 5 شهور و طول هالمده و هو يحاول يقنعي بحبه لي و انا راكبة راسي و في يوم من الايام قلت له اني خلاص ما برد على مكالماته و طلبت منه انه يتركني في حالي ووافق و فعلا تركنا بعض تقريبا كم يوم و رد يتصل و رجعت اكلمه و بعدها قلت له نفس الشي و قال اوكي و تركنا بعض كم يوم بس و رجعنا مرة ثانية و طبعا هو اللي كان يرد لي .... قررت اني اغير رقمي عنه و فعلا غيرته و كان يوم صعب عليه هو , كان يصيح و هو يحاول يقنعني بحبه و انا بعدي مب مصدقتنه , غيرت رقمي و كان يتواصل معاي عن طريق ربيعتي و المسن و الايميلات و في يوم طرش لي ايميل و كاتب فيه انه بينتحر لو ما رجعت له و عطاني مدة محدده ارد عليه اذا اكمل وياه و احبه و لا ارفضه و بنتحر و يختفي من الوجود ...ما عرفت شو صارلي, يلست افكر انه لو انتحر اهله بينحرمون و انا السبب و يلست افكر بأمه , فقررت اتصل فيه و رد عليه و كان واقف عند البحر و قالي الحين اتخذي قرارج و لو بند الفون و ما رديت عليه بينتحر و اضطريت اني اوافق على عرضه و اني بحبه .... بدا يوم يديد و كان وايد مستانس اني رجعت له و اننا بنصير احباب ة تعدل اسلوبي معاه شوي و كنت اقص على روحي و عليه بس هو حس اني امثل عليه و قالي : انتي تحبيني صج و لا تمثلين, قلت له الصراحة اني امثل عليه و انصدم من هالشي و قلت اسمحلي بخليك ما اقدر اكمل وياك و رقمي انساه , قالي كلمه ما نسيتها و لا بنساها , قالي : ما كنت اتوقع انج صعبة لهدرجة !!!!
و كنت اسكن في سكن الطالبات لأن امارتي بعيده ........... كنت طول ايام الاسبوع ارمسه وانا فالجامعة و لما انزل امارتي الخميس و الجمعة ما اعرفه لأني اخاف من اهلي نسيت ان اللي اكبر من اهلي و الناس كلها براقبني و انه معاي 24 ساعة , نسيت خوفي من الله .... استمرت علاقتي فيه تقريبا 5 شهور و طول هالمده و هو يحاول يقنعي بحبه لي و انا راكبة راسي و في يوم من الايام قلت له اني خلاص ما برد على مكالماته و طلبت منه انه يتركني في حالي ووافق و فعلا تركنا بعض تقريبا كم يوم و رد يتصل و رجعت اكلمه و بعدها قلت له نفس الشي و قال اوكي و تركنا بعض كم يوم بس و رجعنا مرة ثانية و طبعا هو اللي كان يرد لي .... قررت اني اغير رقمي عنه و فعلا غيرته و كان يوم صعب عليه هو , كان يصيح و هو يحاول يقنعني بحبه و انا بعدي مب مصدقتنه , غيرت رقمي و كان يتواصل معاي عن طريق ربيعتي و المسن و الايميلات و في يوم طرش لي ايميل و كاتب فيه انه بينتحر لو ما رجعت له و عطاني مدة محدده ارد عليه اذا اكمل وياه و احبه و لا ارفضه و بنتحر و يختفي من الوجود ...ما عرفت شو صارلي, يلست افكر انه لو انتحر اهله بينحرمون و انا السبب و يلست افكر بأمه , فقررت اتصل فيه و رد عليه و كان واقف عند البحر و قالي الحين اتخذي قرارج و لو بند الفون و ما رديت عليه بينتحر و اضطريت اني اوافق على عرضه و اني بحبه .... بدا يوم يديد و كان وايد مستانس اني رجعت له و اننا بنصير احباب ة تعدل اسلوبي معاه شوي و كنت اقص على روحي و عليه بس هو حس اني امثل عليه و قالي : انتي تحبيني صج و لا تمثلين, قلت له الصراحة اني امثل عليه و انصدم من هالشي و قلت اسمحلي بخليك ما اقدر اكمل وياك و رقمي انساه , قالي كلمه ما نسيتها و لا بنساها , قالي : ما كنت اتوقع انج صعبة لهدرجة !!!!
و دخلنا سنة يديدة 2008 و بدت اجازة الربيع و نحن على حالنا , هو يحاول يقنعني بحبه و انا ارفضه و ارفض حبه و في يوم المستور انعرف , سمعتني اختي اللي اكبر عني اكلمه و بدت مشكلة يديدة.... اختي سترت عليه و ما خبرت حد و كلمته انه يبعد عني و ابتعد بس كنا نتواصل مع بعض عن طريق ربيعتي و المسن و الايميلات ... بعده عني ترك فراغ كبييييير فحياتي و سألت اللي حوالي كيف يعرف الشخص اذا كان يحب و لا ؟؟!!؟ , و كل الاشياء اللي انقالت لي تصير معاي و اكتشفت اني اعاني من الحب .... اخيرا حبيته , اخيرا حبيت هالانسان اللي اتحملني و صبر علي و على قسوتي معاه , في مرة قالي اني اتعلمت الصبر و السبب انتي ^^ , المهم ما اعترفت له عن حبي و خليت هالشي في قلبي و لما خلصت الاجازة و بدت الدراسة , اول يوم لي فالجامعة خبرتني ربيعتي ان الشخص اللي احبه مرقد فالمستشفى و انه محتاج يكلمني , ترددت وايد قبل لا اتصل بس حبي و شوقي له خلاني ادق له , و ردت علاقتنا من اول و يديد و في يوم اعترفت له بحبي و استانس و انا بعد استانست وايد , علمني احلى كلمة بهالوجود , كلمة احبك و من هنيه بديت اعيش احلى ايام عمري معاه,
هو انسان والله مافي منه اثنين , شخص حنون لدرجة الجنون , تحملني وايد و تحمل عنادي و عصبيتي و كل شي فيني , انا ما اقول هالكلام عنه لأنه حبيبي , لا والله هذا الكلام كله صج , و مرت الايام و الاسابيع و الشهور و انا كل يوم يمر عليه يزيد حبي له اكثر , و يات الاجازة الصيفية و قل التواصل من بينا لأن في بيت اهلي و اخاف حد يدري عني , و قمت من الحلم الحلو اللي عايشتنه و بديت افكر ان اللي يالسه اسويه غلط وبدا ضميري يشتغل و يأنبني و فكرت اتخلى عنه للمرة المليون لأني ما قدرت اتحمل عذاب تانيب الضمير و فعلا قررت اغبى قرار فالعالم , قررت اني اخبر اختي اللي عرفت من قبل اني اكلمه و قلت له هالفكرة و حاول يمنعني من هالشي لأنه كان خايف عليه و قال لي انا بخليج و ما بتشوفين رقمي مرة ثانية بس لا تقولين حق اختج , ما سمعت كلامه و قلت حق اختي و بدا الجحيم , ظنيت اني لو قلت لها برتاح و صار العكس , عشت الامرين , بعاد اقرب شخص لقلبي و سوء معاملة اختي حقي و نظراتها اللي كانت شرات السكين , بس الحمدالله انها ما خبرت حد غير اختنا اللي اكبر عنا و هددوني لو رجعت اكلمه مره ثانية بيحرموني من دراستي و بيقولون حق امايه و هالشي اللي ما ابيه يصير , والله اتمنى الموت و لا امايه تدري ...... كنت ارمسه عالمسن و كان يشكيلي عن حاله بدوني و انا ما في ايدي حيله , بتقولين : ليش ما يتقدم لج اذا صج يحبج و يخطبج ؟!؟!!؟
بقولج : حاليا ما ينفع هالشي لأنه اصغر عني بسنة و بعده يدرس فالكلية , و هو فاتحني بهالموضوع و قال بيخطبني اول ما يشتغل و سار يدور شغل بس ما حصل و قرر يروح الجيش بس عشان يكون نفسه و يتقدم لي ....
في يوم عرفت من ربيعتي انه فالمستشفى مرقد من كم يوم و انه مريض و خفت عليه وااااااايد و قررت اتصل فيه و ما همني شي و اتصلت فيه و كلمته و كان صج تعبان وايد , هو مشكلته قلبه ضعيف و ما يتحمل شي و عسب جي كان وايد يغمى عليه و يتنوم بالمستشفى و السبب انا طبعا , و رديت اكلمه لين قام بالسلامه و بعدها طلبت منه انه يتركني خلاص و يشوف له وحده غيري و كان يعصب علي و يقول اني ما احبه صج و من هالكلام و كنت ابيه فعلا ينساني , و يوم من الايام قالي خلاص انتهى كل شي بيني و بينج و بيبدا حياته من يديد و اقطع عني مدة 4 شهور و رد مرة ثانية لي لأنه ما قدر يتحمل انه يبتعد عني زياده و الحين هو التحق بدورة مال الشرطة اللي تأهل الناس للعمل فالشرطة مدتها 45 يوم ,
الحين محتارة اكمل وياه و انتظره لين يرجع من الدورة و لا ابتعد عنه ؟!؟!؟
والله تعبت من كل شي خلاص والله اموت فيه و ما اتخيل ما كمل عمري معاه .
