ابي مساعده ضرووووريه ( الله يرضى عليكم )

[الوااااان*]

السلام عليكم ورحمه الله وبركاته

من زمان ما دخلت المنتدي

بس الحين دخلته لاني بجد ضاااااايعه

طبعا زوجي اكيد جنوبي غربي

وانا كنت شماليه معدت ادري وش صرت
بحكي لكم ايش صاير عشان تساعدوني


الحين اغلب حياتنا مد وجزر

ندخل للمشكله

زوجي مسافر من فتره واتصالاته يوميا وناخذ وقتنا زين
طبعا ان طلبني اكلمه فيديو اتردد بس ما اقصر معه من اي شي يطلبني لو وصلت للسكـــــ فون

في مره قبل اربع ايام كنت انا المهبوله محتاجته ( وانا ما عندي صبر )
المهم اتصل لي وسولفنا بس المكان اللي كنت فيه يصعب الموضوع فقلت له ان رجعت كلمتك ( وبصراحه طووووولت مره )
ولما اتصلت كان وضعه هو موب زين وزميله معه ومعصصصصب بعد
المهم قالي انا الحين فيني النوم وما اقدر اكلم احد ( باسلوب جدا X )
فشلت على خاطري وارسلت له رساله خلته يلين ويطلبني ارجع اتصل واتصلت وخليته يعتذر لي قدام زميله لانه اللي صار قبل قدامه
وتم اللامر والحمد لله
بس يافرحه م تمت
كنت على برنامج ( الواتس اب ) وراسلته الصبح بدري مره لانه اون لاين (وهالشي يصير دوم لو ما قفلنا البرنامج ) بس اللي وضح لي انه قراء الرساله وهذي ما تصير الا ان انفتح بعد ما ارسلتها
وعااااادي مارد وما اهتميت
على الضحى
قلت ارسله دلع وغنج واني بعدني محتاجته وووووو
الا اشوف ان اخر مشاهده كانت بعد رسالتي الاولانيه بساعه
عاد انا وبحكم شماليتي فصلت
وارسلت له عتاب قوووي ( والا بخاطري اسب واخرب ام الدنيا بس قلت لا اسيب باب للصلح )
لما صحي هو ارسل واتصل وانا اديته طنااااااش
يوم ونص ما رديت او اعطيته مجال وبعدها قلت ارد على مسجاته واقصر الشر

ولاحظوا اسلوبي عتاب على زعل ممزوج بشويه حنيه وحزن (مع انه مو طبعي بدا )
بس الاخ فاهممه اسلوب زعل وخصام ( لان التواصل كتابي بس رافضه اكلمه )

وتقدروا تقولو حطيت الكره بملعبه هو يصالح ولاا زم يعتذر صريح والا ما بقبل
قال يصير خير

المهم هو الحين
قلب الموضوع لطناش من يومين يرسل مره مرتين باليوم يتطمن علينا وبس (كلمتين ورد غطاها )
واتصال للضروره بس
وصار هالاتصال اليوم بعد ما انا اضطريت اتصل اصحيه يكلم واحد هنا بالسعوديه ضروووري عشان موضوع يهمه
وه الشخص اتصلي لان ما عرف يوصل له

فرجع اتصل بعد ساعتين يقولي ارسلي لي الاي بان تبعك بحول لكم الراتب ( بحكم انه ما يحتاجه برى ويسحب منه اللي يأخذه للفواتير ولاهله والباقي لنا )
رديتله انشاء الله
وارسلت مسج لان قلبي محروق من اسلوبه ( لانه ما يبي يعتذر )
هذا يعني اللي بينا فلوس وبس

رد لي بلا خبال
ورجع بسرعه ارسل عندي زملائي وما بكلمك قدامهم الا كذا يكفي انك احرجتيني قبل كم يوم وخليتيني اعتذر لك قدام واحد منهم
وبعده ارسل شوفي انا بعدين بكلمك ان صرت وحدي


طبعا هو للحين ما اتصل ولا اعرف كيف اتعامل معه
هو اكيد بيكون زعلان ويتطمن وبس

وانا مل الصبر مني يا يعدلها يا يعدلها
ما ابي اذل نفسي وابدى انا الطف الجو
ولاا ابيه يفهم انه ابي الزعل

وضعي مررررررررا تااااعبني موت
كرهت حالي
اجازه فما عندي شي اشغل حالي فيه

واحس هالموضوع شاغل تفكيري

ارجوكم ساعدوني بطريقه

بسرعه

 

[الوااااان*]

وش فيه تغير المنتدى
!!!!!!!!!

انتظركم
الله يرضى عليكم

 

[رندا كووول]

طيب هو مشغووول وعنده اصحابه..وبعد تحرجيه قدام صاحبه ويعتذرلك....معه حق يزعل..
اشغلي نفسك عنه ولا تكثري اتصالات علشان لايملّ منك.. هو مو فاضي.
اتركيه هو يتصل في الوقت المناسب لما يكون لوحده
اثقلي..اثقلي ولا تصيري مخفوفه...الله يصلحك ويسخر لك زوجك

 

[زوجه رائد]

الله يعين

 

[الوااااان*]

طيب هو مشغووول وعنده اصحابه..وبعد تحرجيه قدام صاحبه ويعتذرلك....معه حق يزعل..
اشغلي نفسك عنه ولا تكثري اتصالات علشان لايملّ منك.. هو مو فاضي.
اتركيه هو يتصل في الوقت المناسب لما يكون لوحده
اثقلي..اثقلي ولا تصيري مخفوفه...الله يصلحك ويسخر لك زوجك

يا اختي

انا ما اتصل الا باوقات محدده ومن يوم سافر ما اتصلت الا بطلب منه
يرسل ويزعل ليه ما تتصلي
ودوم يقولي دقي باي وقت جوالي معي ومومهم انا مع مين المهم اتطمن
ومشكلتنا دائما انه يقول انتي ما تهتمي لازم اشحذ منك الاهتمام والتواصل

لان طبعي شماليه ما احب الالتصاق عكسه

بس فيه وقت محدد ناخذ راحتنا نطول ونسولف فيه بطلب منه هو والا على ما ابي هالكثر اتصالات


هو ما زعل اني اتصلت ____ هو زعل ليه اقوله الوقت مو ناسب بالاول فحب يردها
وراضيته

وبعدها جات سالفه اواتس اب
وهي اللي خربت المود كله

ثم مشكلتي مو قل او كثر الاتصالات

مشكلتي
النفسيه الخربانه بيننا واحنا موب ناقصين

اشلون احلها


مفهومه المشكله الحين
الله يهديك ويدخلني واياك الجنه

 

[رندا كووول]

اختي آسفه اذا كان ردي زعلك
اللي فهمته انك ف اجازه وطفشانه ونفسك تكلمي زوجك..
مدام هو يحب تسألي عنه اهريييه اتصالات ولا تقصري معاه
او حددوا وقت معين يكون خاص فيكم...وربي يسعدك ف الدنيا والاخره

 

[زهوووور الريف]

الحين انتي تقولين اجازة وفاضية
ليش فاضية يا أختي ؟
عندك القرآن كلام ربنا لو أشغلتي نفسك فيه وخاصة سورة البقرة راح تقولين الحمد لله ان زوجي مو موجود عشان استمتع وأشعر بحلاوة
كلام ربي ...

اما من ناحية زوجك فلا تكبرين السالفة تراهي ما تستاهل تعوذي من الشيطان وفليها =)

 

[الزنبقه السوداء]

الله يهديك ياختي انا اشوف انك مكبره السالفه
زوجك مسافر ماتدري عن وضعه وضروفه
وانت نفسيتك تعبانه وكارهه حالك وماتبي تراضيه ولاتبيه يفهم انه زعل
انت شماليه وهو جنوبي يعني عكس بعض تماما
وانت في اجازه وطفشانه
انا من رايي الحل بيدك ايش المشكله لو تنازلت وكلمتيه كلام حلو ولطفت الجو بينك وبينه والله السالفه ماتستاهل كل النكد اللي انت فيه
الدنيا قصيره عيشي ايام سعيده مع زوجك خليها تصير ذكرى حلوه
تنازلي عن شماليتك شويه وارضي رجولته شوي
الله يعينك ويوفقك

 

[$$ألق$$]

عزيزتي انت حساسة حبتين وماله داعي اعتذار رسمي وكذا هو فعلا يكون بموقف وعنده ربعه اكيد ما يبي يكلمك كلام حلو والله بعدين بيطفش منك
خليك وسط انت اشغلي نفسك حيل عنه واذا دق او طلبك خليك توب معاه
ولاتعطي الامور اكبر من حجمها
خليك مرنة اكثر حبوبة ربي يسعد قلبك ويوفقك

 

[توفي_2009]

اختي هو صحيح الامر يقهر لما ترسلي شوق وحب لزوجك ومايرد بس انتي قدري وضعه انك اجبرتيه يعتذر لك قدام زميله

ترى والله اكبر احراج للرجال انه يعتذر من زوجته قدام احد خصوصا لو كان الامر بسيط يعني ماغلط بحقهل غلطه قويه

حتى وان كان كلمك مو زين قدام زميله ماله داعي تجبرينه يعتذر قدامه

وش يهمك انت من زميله عشان تطلبين يرد اعتبارك قدامه

انت ماتدرين ان الرجال يتمسخرون على بعضهم في هالشغلات ؟؟؟

حتى لو ماتمسخروا هو بيحس بالنقص

انا اشوف لو واحد ثاني ماسواها بس هو لانه يحبك ويبي رضاك تنازل عشان يرضيك وانت للاسف ماقدرتي له اللي سواه

انصحك لوجه الله دامك زعلتيه تتنازلي شوي وتصالحيه بكلمه حلوه وتريحين نفسك وتريحينه

ولا تزعلين من صراحتي والله ابي مصلحتك واقدر الرجال اللي زي كذا والله يسعدكم

 

[نيكولا]

المشكله بالضبط انه زوجك زعلااااان وجدا من حكاية اعتذاره منك قدام زميله ..مجتمع الرجال يخوف ويتمسخروا من بعض وللاسف انت حطيتيه بموقف محرج ويعني حاسبتيه السن بالسن..انا زوجي جنوبيً شرقي ولما يكلمني عند اصحابه يخاطبني بضمير الجمع وبرسميه تقولين مو زوجته ولو بنفس المكالمه تكلمه بنتي بالروضه يصير احلى اب ...غصب عنهم اصعب شي كلاااام الناس ويخافو النقد...عاد رايي اعتذري منه بصراحه قولي سوري حبيبي احرجتك ذاك اليوم ..ودخلي بموضوع ثاني..بالنسبه لنمطك وانا اضمن لك ان نمطك ازدادت شماااااليته

 

[الوااااان*]

ربي يسعدكم ويرضيكم
ويرزقنا انا وياكم العفو والعافيه
ويدخلنا الجنه بغير حساب


الحمد لله
-- حاولت اتذكر شوي عن نمطه وقريت هنا كمان
-- وذكرت انه زوجي من النوع اللي يسولف وممكن يأكل ويروح ويجي وهو نايم
وان صحى ما اخبره ولا هو وما يذكر وش عمل (من قبل زواجنا)
فما شرهت عليه بسالفه الواتس

-- وتخيلت نفسي بموقفه:busted_red:
بصراحه لو اني بمكانه ذاك الوقت كنت ذبحته
بس هو طول باله على

فقررت اني ارجع للماضي واسترجع معلومات عن نمطه ونمطي
و احذاث حياتنا
وعليها احاول اقرب من منطقه التألف بيننا

و
حبيت ابشركم
(لان كرهي اقرئ مشكله مهما كانت صغيره ومو مصيريه وبمجرد تنوخذ الحلول تقفل بدون اعطانا النتائج )

لما اتصل كان مستعد بـ قائمه عتاب
سمعته وصرت :5:
نهيت نفسي الاماره بالتعالي وعدم الخضوع وراضيته
فأعتذر لي بدون طلب بنفس الاسلوب اللي بغيته

وتم

دعواتكم

 

[نرجسييه]

كبرتي الموضوع مايستاهل نهائي وبعدين غلطتي عليه لما اعتذر قدام صديقه مارضى ان زوجي يعتذر لي قدام صديقه معلييييش قويه بحقه هو المفروض يزعل وهو عنده عذره عند ربعه ومشغول ماله داعي الحساسيه وبالتوفيق

 

[رازيا]

طنشيه ولا تتصلي ولا ترسلي لين هو يتصل عليك وبعدين ياختي انشغلي عنه وعن التفكير فيه
وكل يوم اقرئي سورة البقرة وشوفي كيف امورك راح تتغير

 

[يكفيني دفا حبك]

الله يهديك ويهديه يارب العالمين ويستر عليكم ,,,,, ويسخركم لبعض :c016:,, إيش فيه قلبت عجوزة من كثر الدعاوي :biggrin::biggrin: .
معليش حبيبتي طولي بالك الشغلة يبغالها شوية صبر مع حكمة إنت وزجك إجتمعتوا سبحان الله وحده كالنار والجليد فلا النار تذيب الجليد ولا الجليد يطفئ النار طولي بالك نصيحة ومادام عرفتي نمط زوجك فالأمر إن شاء الله ميسر بس إنت يا قمر قولي يارب وهيا تتسهل بالتوفيق ياالغلا ...تقبلي مروري وتحياتي .
​