السلام عليكم. أبقوا لكم قصتي بعدها معاناتي. انا سيده متزوجه من عشر سنوات. وكونت عائله بنتين وولد. الوضع عموما الحمدلله. مشكلتي مع زوجي الي مايجلس في البيت. أنا إنسانه مسالمه معاه جداً مو زنانه ما أمدح. نفسي ابد هذا واقعي. يومه وأولوياته الأصحاب والديوانية يوميا يرجع من دوامه يتغدا ونص ساعه بريك ياخذ شاور يلبس يطلع للديوانيه اللي اربع وعشرين ساعه مليانه يرجع وقت العشا يتعشى وينام حياة روتينيه قااااااااتله. كل الطرق لترغيبه سويتها يجلس يومها يمكن وبعدين نرجع لنظامنا لدرجة وصلت مرحلة لو جلس زياده عشر دقائق أنا اختنق استناه يطلع. حاسه الوضع مو طبيعي. نهاية الاسبوع يحب الواحد يسير لمطاعم او كوفي شوب. اذا نامو الأولاد اقترح عليه مطعم يديد ااو نحضرسينما. أبدا راس ناشف العذر جدامه ياشيخه من له خلق او تعبان حدي.ًًً"""مشكلتي طبعي ما احب اطلب وازعل احب الشي يطلع من نفسه ومن خاطره. مثلا اذا ما حب يطلعنا من نفسه ما احب أزن كثير هي مرة اطلبها اذا قال لا خلاص ما احب شي يجيني غصب. مع أني مو مهمله حالي احيانا اشك لايكون الريال مايحب الجلسه معي. حتى سواليف مشتركه مافيهالا بالعموميات (اخبار العالم والاحداث. اخبار المدارس)ً أنا إنسانه اجتماعيه واحب الناس وعلاقاتي كبيرة وتخيلو احل مشاكل رفيقاتي الزوجيه ويشكروني.بس مااعرف كيف اخلي زوجي شوي بالبيت. ويصير عندي جو اسري علشان خاطر الجهال. ارحمهم يسمعون بالمدرسة رفقاهم يروحون الملاهي والمطاعم مع ابوهم وامهم. واحنا أبدا مانعرفها.
**
**
